10 May 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ မေလ ( ၁၀ ) ရက်နေ့နောက်ဆုံးရပြည်တွင်းသတင်းများ

📌📌 ၁။ မင်းတပ်မှာ လေကြောင်းမှဗုံးကြဲခံရ၊ ထိခိုက်ဆုံးရှုံးမှုရှိ။

 

မင်းတပ်မြို့ပေါ်မှာ စစ်ကောင်စီက  မေလ ၇ရက်နေ့က လေကြောင်းဗုံးကြဲတိုက်ခိုက်တာကြောင့် အသက်ဆုံးရှုံးမှု၊ ထိခိုက်ပျက်စီးမှုရှိတယ်လို့ မင်းတပ်မြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်ပါတယ်။

မနက် ၁ နာရီ မိနစ် ၃၀ ဝန်းကျင်မှာ မင်းတပ်မြို့အနီး ဗုံး ၂ လုံးကြဲကျ တိုက်ခိုက်တာဖြစ်ပြီး နေအိမ်ပျက်စီးမှုရှိသလိုနေ့လယ် ၂ နာရီ မိနစ် ၄၀ ဝန်းကျင်မှာ မင်းတပ်မြို့ပေါ် ကို ဂျက်ဖိုက်တာနဲ့ ထပ်မံဗုံးကြဲတိုက်ခိုက်လို့ အစိုးအဆောက်အအုံ၊ ထိခိုက်ပျက်စီးပြီး၊ အရပ်သားပြည်သူ အသက်ဆုံးရှုံးမှု ရှိတယ်လို့ ထုတ်ပြန်ထားပါတယ်။ 

မေလ ၇ရက်နေ့က မင်းတပ်မှာ စစ်ကောင်စီလေကြောင်းဗုံးကြဲမှုကြောင့် ထိခိုက် ဆုံးရှုံးမှုအသေးစိပ်ကို ဆက်လက် စုံစမ်းနေဆဲဖြစ်ပါတယ်။

The Mindat Postက ပြုစုထားတဲ့ စာရင်းအရ ပြီးခဲ့တဲ့ ဧပြီလတုန်းက မင်းတပ်မြို့နယ်ထဲ ၈ ကြိမ်ဝန်းကျင် လေကြောင်းဗုံးကြဲတိုက်ခိုက်မှုကြောင့် ပြည်သူ ၆ ဦးသေဆုံးပြီး ထိခိုက်ဒဏ်ရာရသူ ၁၀ ဦးထက်မနည်း ရှိခဲ့ပါတယ်။ ဒါ့အပြင် ဘုရားရှိခိုးကျောင်း ၂ ကျောင်းအပါအဝင် အဆောက်အအုံ ၃၀ ကျော်လည်း ပျက်စီးခဲ့ရပါတယ်။ 

 

========================

 

📌📌 ၂။ ဘဏ္ဍာရန်ပုံငွေရဲ့ ၉၄ ရာခိုင်နှုန်းအထိကို စစ်ရေးကဏ္ဍမှာ အသုံးပြုတယ်လို့ NUG ထုတ်ပြန်။

 

အမျိုးသားညီညွတ်ရေးအစိုးရ - NUG အနေနဲ့ ဘဏ္ဍာရန်ပုံငွေရဲ့ ၉၄ ရာခိုင်နှုန်းကို  စစ်ရေးကဏ္ဍမှာ အသုံးပြုခဲ့တယ်လို့ မေလ ၃ရက်က ထုတ်ပြန်ပါတယ်။

PDF ရဲဘော်တွေအနေနဲ့ နေပြည်တော် အပါအဝင် ပြည်နယ်၊ တိုင်းအားလုံးမှာ တိုက်ပွဲ ဝင်လျက်ရှိနေသလို အဲဒီအသုံးစရိတ်တွေကို တစ်နိုင်ငံလုံးအတိုင်းအတာဖြင့် သုံးစွဲခဲ့တာလို့ ဆိုပါတယ်။

ဒါ့အပြင် မဟာမိတ်တော်လှန်ရေးအဖွဲ့တွေကို မျှဝေထောက်ပံ့တဲ့ ရန်ပုံငွေများလည်း ပါဝင်ကြောင်း ၂၀၂၅ ဧပြီ ၁၆ ရက်နေ့ ထုတ်ပြန်တဲ့ NUG လေးနှစ်ပြည့် လုပ်ငန်းဆောင်ရွက်ချက် အစီရင်ခံစာမှာ ဖော်ပြထားတာပါ။

တော်လှန်ရေးကာလမှာ လက်နက်ခဲယမ်း မီးကျောက်ရရှိရေး၊ ဘဏ္ဍာရန်ပုံငွေရရှိရေးမှာ လိုအပ်ချက်နဲ့ စိန်ခေါ်မှုတွေ ရှိပေမယ့် တော်လှန်လူထုရဲ့ ပူးပေါင်းပါဝင် ထောက်ပံ့မှု၊ မဟာမိတ်တော်လှန်ရေးအဖွဲ့အစည်းတွေရဲ့ ဝန်းရံကူညီမှုနဲ့ ရင်ဆိုင်ဖြေရှင်း ကျော်လွှားလျက်ရှိတယ်လို့လည်း NUGက ထုတ်ပြန်ပါတယ်။

 

========================

 

📌📌 ၃။ စစ်ကောင်စီ၏ အကြမ်းဖကတိုက်ခိုက်မှုကြောင့် မေလ ပထမပတ်အတွင်း နိုင်ငံတဝန်း၌ အမျိုးသမီး (၈) ဦးနှင့် အမျိုးသား (၃) ဦး စုစုပေါင်း (၁၁) ဦး သေဆုံးခဲ့ပြီး အသက် ၁၈ နှစ်အောက်ကလေးငယ် (၂) ဦး ပါဝင်။

 

စစ်ကောင်စီ၏ အကြမ်းဖက်တိုက်ခိုက်မှုကြောင့် မေလ ပထမပတ်အတွင်း နိုင်ငံတဝန်း၌  အမျိုးသမီး (၈) ဦးနှင့် အမျိုးသား (၃) ဦး စုစုပေါင်း (၁၁) ဦး သေဆုံးခဲ့ပြီး အသက် ၁၈ နှစ်အောက်ကလေးငယ်  (၂) ဦး ပါဝင်တယ်လို့ သိရပါတယ်။

နိုင်ငံရေးအကျဉ်းသားများ ကူညစောင့်ရှောက်ရေးအသင်းAAPPက  ကောက်ယူထားသော သတင်းအချက်အလက်များအရ ၂၀၂၅ ခုနှစ်၊ မေလ ၁ ရက်နေ့မှ ၇ ရက်နေ့အထိ နိုင်ငံတဝန်း၌ အကြမ်းဖက်စစ်အုပ်စုကြောင့် အမျိုးသမီး (၈) ဦးနှင့် အမျိုးသား (၃) ဦး စုစုပေါင်း (၁၁) ဦး သေဆုံးခဲ့သည်ကို အမည်နှင့်တကွ အတည်ပြုနိုင်ခဲ့ပြီး ထိုအရေအတွက်တွင် အသက် ၁၈ နှစ်အောက်ကလေးငယ်  (၂) ဦး ပါဝင်တယ်လို့ဆိုပါတယ်။

အဆိုပါ သေဆုံးသူများအနက် (၅)ဦးမှာ စစ်အုပ်စု၏ လေကြောင်းတိုက်ခိုက်မှုကြောင့် အများဆုံးသေဆုံးခဲ့ပြီး (၄)ဦးမှာ စစ်ကောင်စီတပ်၏ ပစ်ခတ်မှုကြောင့် သေဆုံးခဲ့တယ်လို့ ဆိုပါတယ်။

ထို (၁၁)ဦးထဲက မကွေးတိုင်းမှာ(၅)ဦးရှိကာ သေဆုံးမှု အများဆုံးဒေသဖြစ်ပြီး စစ်ကိုင်းတိုင်းမှာ (၄) ဦးရှိကာ သေဆုံးမှု ဒုတိယအများဆုံးဒေသဖြစ်ပါတယ်။ 

အဲဒီကာလအတွင်း အတည်ပြု ရန်လိုအပ်နေဆဲ သေဆုံးအရပ်သား (၁၀) ဦး၏ စာရင်းကိုလည်း သီးခြားကောက်ယူစုဆောင်းပြီး အတည်ပြုနိုင်ရန် ဆောင်ရွက်လျက်ရှိတယ်လို့သိရပါတယ်။

#RadioNUGLocalNews

#SpringRevolution