18 Aug 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ သြဂုတ်လ ( ၁၈ ) ရက်နေ့ ရပြည်တွင်းသတင်းများ

📌📌 ၁။ တမူးမြို့နယ်တွင် စကစတပ်အင်အား (၈၀) ခန့်ကို PDF နဲ့ CNA ပူးပေါင်းအဖွဲ့ကတိုက်ခိုက် ၊ စကစတပ်ဖွဲ့ဝင် (၆) ဦးသေဆုံးပြီး လက်နက် (၉) လက်သမ်းဆည်းရရှိ

 

The Matupi Times ၊ ဩဂုတ်လ ၁၂ ၊ ၂၀၂၅ 

စစ်ကိုင်းတိုင်း၊ တမူးခရိုင်၊ တမူးမြို့နယ်တွင် ဒေသခံကာကွယ်ရေးတပ်ဖွဲ့ စိုးမိုးထားသော နန်မွန်းတားရွာသို့ ရန်ငြိမ်းအောင်ရွာမှ ခလရ-၂၂၈ နှင့် ပြည်သူ့စစ် ပူးပေါင်းအင်အား (၈၀) ခန့်တို့မှ စတင်ထိုးစစ်ဆင် တိုက်ခိုက်လာရာ PDF နဲ့ CNA ပူးပေါင်းအဖွဲ့မှ တိုက်ခိုက်ခဲ့ကြောင်း သိရပါတယ္။

စစ်ကောင်စီတပ်ဖွဲ့နှင့်ပြည်သူ့စစ်တွေဟာ ဩဂုတ်လ (၅) ရက်နေ့မှစပြီး နန်မွန်းတားရွာသို့ ထိုးစစ်ဆင် တိုက်ခိုက်လာဖြစ်ပြီး PDF နဲ့ CNA တို့မှပြန်လည်တိုက်ခိုက်မှုကြောင့် ဩဂုတ်လ (၈) ရက်နေ့တွင် စကစတပ်ဖွဲ့ဟာပြန်လည်ဆုတ်ခွာသွားခဲ့တယ်လို့သိရပါတယ္။ 

တိုက်ပွဲအတွင်း စကစတပ်ထံမှ လက်နက် (၉) လက် နှင့် ခဲယမ်းအချို့ သိမ်းဆည်းရမိပြီး စကစတပ်ဖွဲ့ဝင် (၆) ဦးသေဆုံးကာ ထိခိုက်ဒဏ်ရာရသူ (၂၀) ကျော်ရှိကြောင်းသိရသည်။

အဆိုပါစစ်ကောင်စီစစ်ကြောင်းကို တမူးခရိုင် စစ်ကြောင်း၊ မော်လိုက်ခရိုင် စစ်ကြောင်း၊ ကလေးခရိုင် စစ်ကြောင်း၊ KNA(B)၊ NLA နှင့် CNA တပ်ဖွဲ့တို့ပူးပေါင်းတိုက်ခိုက်ခဲ့တာပါ။တိုက်ပွဲတွင် တော်လှန်ရေးပူးပေါင်းအဖွွဲ့မှ ရဲဘော် (၅) ဦး မြင့်မြတ်စွာ ကျဆုံးခဲ့ရပြီး လက်နက် (၃) လက် ဆုံးရှုံးခဲ့ရကြောင်းသိရသည်။

စကစတပ်များပြန်လည်ဆုတ်ခွာသွားသည့် ဩဂုတ်လ (၈)ရက်နေ့တွင် နန်မွန်းတားရွာ ဘုရားကျောင်းသို့ ပေါင် (၂၅၀) ဗုံး (၂) လုံးကြဲချသည့်အပြင် Cluster ဗုံးဖြင့်ကြဲချ တိုက်ခိုက်ခဲ့သလို OWA အသေခံဒရုန်း အမျိုးအစားများကိုလည်း အသုံးပြုခဲ့တယ္လုိ့သိရပါတယ္။

 

========================

 

📌📌 ၂။ အမေရိကန် နိုင်ငံတွင် ဆူရှီလုပ်ငန်းရှင် ချင်းအမျိုးသား (၁) ဦး ဓားထိုးခံရပြီးသေဆုံး

 

The Matupi Times ၊ ဩဂုတ်လ ၁၄ ၊ ၂၀၂၅ 

အမေရိကန် နိုင်ငံ၊ ဝစ်ကန်ဆင်ပြည်နယ်မှာ မတူပီ(ချင်း)အမျိုးသားတစ်ဦး ဓားထိုးခံရပြီးသေဆုံးသွားကြောင်းသိရပါတယ္။ဓားထိုးခံရသူမှာ မတူပီမြို့နယ်ဒေသခံ Salai Steven Thang ဖြစ်ပြီး ၊ ဆူရှီ လုပ်ငန်းရှင် တစ်ယောက်ဖြစ်တယ်လို့သိရပါတယ္။ 

 

ဖြစ်စဉ်ဟာ ၂၀၂၅ ခုနှစ် ဩဂုတ်လ ၁၃ ရက်နေ့မှာ ဖြစ်ပွားခဲ့တာပါ။ အဆိုပါပြစ်မှု ကြူးလွန်သူမှာ ချင်းလူမျိုး ဖြစ်ပြီး သူ့ရဲ့ company ဝန်ထမ်းဖြစ်သလို သူ့အိမ်မှာနေထိုင်ခွင့်ပေးထားတဲ့သူဖြစ်တယ်လို့လည်းသိရပါတယ္။

"သူ့မိဘတွေကိုလည်း သူကဘဲအဓိက ထောက်ပံ့ပေးနေတာ။ ကျောင်းတက်နေတဲ့သူ့ညီတွေကိုလည်းသူကဘဲ ထောက်ပံ့ပေးတယ်။ အကုန်လုံးသူ့ကိုဘဲအားထားနေကြရတာပေါ့။ အခုပြစ်မှုကျုးလွန်တဲ့သူကလည်းတခြားသူမဟုတ်ဘဲနဲ့ သူ့အလုပ်သမား ပြီးတော့ သူ့အိမ်မှာနေခိုင်းတဲ့သူ။ စတီဗင်ရဲ့ကားကိုလည်းခိုးသွားတယ်။ " လို့ နီးစပ်သူတစ်ဦးက The Matupi Times ကိုပြောပါတယ္။

ပြစ်မှုကျူးလွန်သူကို သက်ဆိုင်ရာမှ အသတ်ခံရသည့်နေ့ည (၉)နာရီအချိန်ခန့်တွင် ဖမ်းဆီးရမိပြီဖြစ်ကြောင်း သိရပါတယ်။

 

========================

 

📌📌 ၃။ ချင်းပြည်နယ်မြို့နယ် (၉) ခုလုံးတွင် ရွေးကောက်ပွဲ ကျင်းပမည်ဟုဆို

 

The Matupi Times ၊ ဩဂုတ်လ ၁၆ ၊ ၂၀၂၅ 

လာမည့် ဒီဇင်ဘာလတွင်ကျင်းပမည့် ရွေးကောက်ပွဲအတွက် တနိုင်ငံလုံးအတိုင်းအတာဖြင့် မဲဆန္ဒနယ်များကို စစ်ကော်မရှင် လက်အောက်ခံ ရွေးကောက်ပွဲကော်မရှင်က ထုတ်ပြန်ကြေညာပါတယ်။ 

အကြမ်းဖက်စစ်တပ်က ၎င်းတို့ လက်လွှတ်ဆုံးရှုံးထားသော မြို့နယ်များနှင့် နယ်မြေများ အပါအဝင် တစ်နိုင်ငံလုံးတွင် ရွေး ကောက်ပွဲ ကျင်းပသွားမယ်လို့ထုတ်ပြန်ကြေငြာလာပြီး MNDAA ၊ UWSA ၊ မိုင်းလား၊ TNLA ၊ AA ၊ KIA၊ KNU ၊ CNF ၊ CB အပါအဝင် တိုင်းရင်းသားတော်လှန်ရေးတပ်များက ထိန်းချုပ်ထားသော မြို့နယ်များအားလုံးကို စစ်တပ်က ရွေးကောက်ပွဲ ကျင်းပမည့် မဲဆန္ဒနယ်များအဖြစ်ထည့်သွင်းကြေညာထားပါတယ်။ 

ချင်းပြည်နယ် မဲဆန္ဒနယ်များအဖြစ် တီးတိန်မြို့နယ်၊ တွန်းဇံမြို့နယ်၊ ပလက်ဝမြို့နယ်၊ ဖလမ်းမြို့နယ်၊ မတူပီမြို့နယ်၊ ကန်ပက်လက်မြို့နယ်၊ မင်းတပ်မြို့နယ်၊ ထန်တလန်မြို့နယ်၊ ဟားခါးမြို့နယ် တို့ကိုသတ်မှတ်ထားပါတယ်။

ဟားခါး၊တီးတိန်နှင့်ထန်တလန်မြို့နယ်တွေကိုတော့ စစ်ကောင်စီထိန်းချုပ်ထားဆဲဖြစ်ပြီး ထန်တလန်တမြို့လုံးကိုလည်း အကြမ်းဖက်စစ်ကောင်စီ ကမီးရှို့ဖျက်စီးထားတာဖြစ်ပါတယ္။ 

ကန်ပက်လက်၊တွန်းဇံ၊မင်းတပ်၊မတူပီ၊ဖလမ်း မြို့နယ်တို့ကို ချင်းတော်လှန်ရေးတပ်ဖွဲ့တွေထိ်န်းချုပ်ထားပြီး ပလက်ဝမြို့နယ်ကို အာရက္ခတပ်တော်(အေအေ)က ထိန်းချုပ်ထားပါတယ္။

မြန်မာနိုင်ငံ မြို့နယ်ပေါင်း ၃၃၀ ထဲက ၆၇ မြို့နယ်ကို ကာကွယ်ရေးနှင့် လုံခြုံရေးကောင်စီ (ကာလုံ)က စစ်အုပ်ချုပ်ရေးကြေညာထားပြီး အရေးပေါ်အခြေအနေကြေငြာလိုက်တဲ့အထဲမှာ ကန်ပက်လက်၊ပလက်ဝ၊တွန်းဇံ၊မင်းတပ်၊မတူပီ၊ဖလမ်း မြို့နယ်နှင့် ထန်တလန်မြို့နယ် တို့ပါဝင်ပါတယ်။

 

========================

 

📌📌 ၄။ တီးတိန်မြို့နယ်မှာ တစ်သောင်းတန်ငွေတု ကျပ်သိန်း ၁၀၀ ကျော်ဖမ်းဆီးရမိ

 

The Matupi Times ၊ ဩဂုတ်လ ၁၆ ၊ ၂၀၂၅ ။

တီးတိန်မြို့နယ်၊ရွာတစ်ရွာတွင် မြန်မာငွေကျပ်(၁၀၀၀၀)တန် ကျပ်သိန်း ၁၀၀ ကျော်ဖမ်းဆီးရမိကြောင်း တီးတိန်မြို့နယ်ပြည်သူ့အုပ်ချုပ်ရေးအဖွဲ့က သတင်းထုတ်ပြန်ပါတယ္။

ပိုက်ဆံအတုအသုံး ပြုနေခြင်းကို မိဘပြည်သူများသိရှိပြီး ကျေး ရွာ(ပအဖ)နှင့် လူငယ်အဖွဲ့များက စုံစမ်းရာ ကျပ်တစ်သောင်းတန်ပိုက်ဆံအတု သိန်းပေါင်း ၁၀၀ ကျော်ကို ဖမ်းဆီးရမိခဲ့ခြင်းဖြစ်တယ်လို့ဆိုပါတယ္။

ကျေးရွာ ပြည်သူ့အုပ်ချုပ်ရေးအဖွဲ့ နှင့် လူငယ်ခေါင်းဆောင်များက ပိုက်ဆံအတုပိုင်ရှင်ကိုဖမ်းဆီးပြီး စစ်ဆေးမေးမြန်းရာ အိန္ဒယ-မြန်မာနယ်စပ်၊တီအိုချောင်း၌ ပိုက်ဆံတန်ဖိုး၏ တစ်ဝက်စျေးဖြင့် ဝယ်ယူထားခြင်းဖြစ်ကြောင်း တီးတိန်မြို့နယ်(ပအဖ)၏ ထုတ်ပြန်ချက်အရ သိရသည်။

 

========================

 

📌📌 ၅။ ကန်ပက်လက်မြို့ပေါ်ကို စစ်ကောင်စီ ဗုံးကြဲတိုက်ခိုက်

 

The Matupi Times ၊ ဩဂုတ်လ ၁၇ ၊ ၂၀၂၅ 

ချင်းပြည်နယ်တောင်ပိုင်း ကန်ပက်လက်မြို့ပေါ်ကို အကြမ်းဖက်စစ်ကောင်စီတပ်က ဒီကနေ့နံနက်ပိုင်းမှာ ဗုံးကြဲတိုက်ခိုက်ခဲ့တယ်လို့ သိရပါတယ္။ 

ကန်ပက်လက်မြို့ပေါ်(၂)နေရာကို ယနေ့ နံနက် (၆း၅၅)အချိန်ခန့်တွင် ဂျက်ဖိုက်တာတစ်စီးဖြင့်ဗုံးကြဲတိုက်ခိုက်ခဲ့တာဖြစ်ပြီး နေအိမ်ထိခိုက်ပျက်စီးမှုရှိကြောင်းသိရပါတယ္။ ဗုံးကြဲခံရမှုကြောင့် နေအိမ်ထိခိုက်ပျက်စီးမှုနဲ့ဒဏ်ရာရရှိသူရှိမရှိကို ဆက်သွယ်စုံစမ်းနေဆဲဖြစ်ပါတယ္။

 

========================

 

📌📌 ၆။ ONE ပွဲဦးထွက်မှာရှုံးပွဲကြုံတွေ့ခဲ့တဲ့ ချင်းဖိုက်တာ Har Ling Om (အောက်ချင်းလေး)

 

The Matupi Times ၊ ဩဂုတ် ၁၅ ၊ ၂၀၂၅ 

ထိုင်းနိုင်ငံ ၊ ဘန်ကောက်မြို့ ၊ Lumpinee Boxing Stadium မှာ ဒီကနေ့ညပြုလုပ်ခဲ့တဲ့ ONE Friday Fights 120 ပြိုင်ပွဲမှာ ဂျပန်ဖိုက်တာက ချင်းဖိုက်တာ Har Ling Om(အောက်ချင်းလေး)ကို အလဲထိုးနဲ့အနိုင်ရခဲ့ပါတယ္။ 

အောက်ချင်းလေး ကတော့ ONE Championship ပွဲဦးထွက်မှာ ONE(၂)ပွဲဆက်အနိုင်ရရှိထားတဲ့ ဂျပန် ဖိုက်တာ Jurai Ishii နဲ့ ယှဉ်ပြိုင်ထိုးသတ်ခဲ့တာဖြစ်ပြီး ချင်းဖိုက်တာလေးဟာ (၂)ချီမြောက်အထိ အကောင်းဆုံး အပြန်လှန်ယှဉ်ပြိုင်ထိုးသတ်ခဲ့ပေမယ့် (၃)ချီမြောက်မှာတော့ ဂျပန်ဖိုက်တာရဲ့ဒူးကန်ချက်မိပြီးလဲကျသွားကာ အလဲထိုးနဲ့ရှုံးနိမ့်ခဲ့ရတာဖြစ်ပါတယ္။

#RadioNUGLocalNews

#SpringRevolution