Radio NUG ၏ နေ့စဉ် အသံထုတ်လွှင့်မှုလုပ်ငန်းများတွင် ပါဝင်ကူညီလုပ်ဆောင်နိုင်ရန် မိဘပြည်သူများအား ဖိတ်ခေါ်ခြင်း

Radio NUG ၏ နေ့စဉ် အသံထုတ်လွှင့်မှုလုပ်ငန်းများတွင် တစ်ဖက်တစ်လှမ်းမှ ပါဝင်ကူညီလုပ်ဆောင်နိုင်ရန်
မိဘပြည်သူများအား ဖိတ်ခေါ်ခြင်း
=====================
အထက်ပါ အကြောင်းအရာနှင့် ပတ်သက်၍
၁။ သတင်းနှင့် ဆောင်းပါးများ ပေးပို့ခြင်း။
၂။ တော်လှန်ရေး တေးသီချင်းများ ပေးပို့ခြင်း။
၃။ ရေဒီယို ဖမ်းယူရရှိမှု သတင်းပေးပို့ခြင်း။
၄။ ရေဒီယိုအား ​ငွေကြေးထောက်ပံ့ခြင်း။
စသော လုပ်ငန်းများတွင် တော်လှန်သော နားသောတရှင်များနှင့် မိဘပြည်သူများမှ ပါဝင်ကူညီဆောင်ရွက်နိုင်ပါသည်။

၁။ သတင်းနှင့် ဆောင်းပါးများ ပေးပို့ခြင်း။
**************************************
မြန်မာနိုင်ငံတစ်ဝှမ်းလုံးနှင့် ကမ္ဘာတစ်လွှားက နားဆင်နေကြတဲ့ ပရိတ်သတ်များထဲက မိမိအားသန်ရာ
ကိုယ်ပိုင်ဆောင်းပါး၊ ကဗျာ ၊ သရော်စာ များကို စာမူများ အနေနဲ့သော်လည်းကောင်း အသံဖြင့် ရွတ်ဖတ်၍သော်လည်းကောင်း radionug@mocitmyanmar.org  သို့ပေးပို့နိုင်ပါသည်။
မှန်ကန်သော မြေပြင်သတင်းအချက်အလက်များကိုလည်း အချိန်နှင့်တပြေးညီ ပေးပို့နိုင်မည်ဖြစ်ပြီး Radio NUG ၏ သတင်းနှင့် အစီအစဉ်တာဝန်ခံများမှ ပေးပို့လာသော သတင်းနှင့် ဆောင်းပါးများကို စီစစ် တည်းဖြတ်ပြီး အသံထွက် ထုတ်လွှင့်ပေးလျက်ရှိပါသည်။

၂။ တော်လှန်ရေး တေးသီချင်းများ ပေးပို့ခြင်း။
******************************************
နွေဦးတော်လှန်ရေး၏ အားကောင်းသောကဏ္ဍများထဲတွင် တေးသီချင်းများနှင့် ကဗျာများလည်း အပါအဝင်ဖြစ်သည်။
အနုပညာအားကောင်းသော တော်လှန်ရေး တေးသီချင်းများစွာ ထွက်ပေါ်လျက်ရှိရာ အများစုမှာ ရေဒီယိုတွင် ထုတ်လွှင့်ပြီး ဖြစ်ပါသည်။ တော်လှန်သော အနုပညာရှင် ဂီတပညာရှင်များအနေဖြင့် မိမိတို့၏ တေးသီချင်းနှင့် ကဗျာများကို အောက်ပါ လင့်မှတဆင့် Google form ကို ရယူပြီး ပေးပို့ရန် မေတ္တာရပ်ခံအပ်ပါသည်။

https://forms.gle/9terydp1SV3Armcg6

၃။ ရေဒီယို ဖမ်းယူရရှိမှု သတင်းပေးပို့ခြင်း။
****************************************
မြန်မာပြည်နှင့် ကမ္ဘာတစ်လွှားရှိ ရေဒီယိုဝါသနာရှင်များနှင့် နားသောတရှင်များအနေဖြင့် မိမိတို့ အရပ်ဒေသအလိုက် Radio NUG ၏ လှိုင်းတိုမီတာ ဖမ်းယူရရှိမှုအခြေအနေများအား အောက်ပါ လင့်မှ တဆင့် Google form ရယူပြီး သတင်းပေးပို့နိုင်ပါသည်။

https://forms.gle/vLj4pdNC5Bw3tqDF6

၄။ ရေဒီယိုအား ​ငွေကြေးထောက်ပံ့ခြင်း။
**************************************
Radio NUG ၏ ဆက်စပ်လုပ်ငန်းများနှင့် လိုအပ်သော ​ငွေကြေးများထောက်ပံ့နိုင်ရန် Zelle, Paypal တို့မှ
DonateRadioNUG@MoCITMyanmar.org သို့ လည်းကောင်း လှူဒါန်းနိုင်မည်ဖြစ်ပါသည်။

Youtube Channel မှ Video များကို နားဆင်ပေးခြင်းအားဖြင့် ရရှိလာမည် Video View များမှ ရရှိသော ကြော်ငြာ​ငွေများဖြင့်လည်း ပါဝင် ကူညီ ထောက်ပံ့နိုင်ပါသည်။

https://www.paypal.com/donate/...

တတတ်တအား ပါဝင်လိုသော မိဘပြည်သူများနှင့် တော်လှန်သော သောတရှင်များအနေဖြင့်
မိမိတို့ကူညီနိုင်သော အပိုင်းများမှ ဝင်ရောက် ကူညီနိုင်ပါရန် Radio NUG အဖွဲ့သားများမှ ဖိတ်ခေါ်လိုက်ရပါသည်။

Radio NUG နေ့စဉ် လေလှိုင်းနှင့် အွန်လိုင်းမှ ထုတ်လွှင့်နိုင်အောင် Public Voice Television က အားဖြည့်ကူညီကြပါတယ်။