22nd JUL 2022 - (Ethnic language program-CHO_KAANG) by Radio NUG

📌 (ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ ဇူလိုင်လ ( ၂၂ ) ရက်နေ့နောက်ဆုံးရပြည်တွင်းသတင်းများ 

📌📌 ၁။ ပခုက္ကူမှ မင်းတပ်သို့ ထွက်ခွာလာခဲ့​သော အစီး ၁၀၀ ​ကျော်ဝန်းကျင်ရှိ ​စကစ ထောက်ပို့ယာဉ်တန်း ​ကျောက်ထု မြို့ဘက်သို့ ပြန်လည်ထွက်ခွာ 

ဇူလိုင်လ ၁၇ ရက်​နေ့က ပခုက္ကူမှ မင်းတပ်သို့ ထွက်ခွာလာခဲ့သည့် အစီး ၁၀၀ ​ကျော်ဝန်းကျင်ရှိ ​စစ်​ကောင်စီ ထောက်ပို့ယာဉ်တန်း ​ကျောက်ထု မြို့ဘက်သို့ ပြန်လည်ထွက်ခွာ လာခဲ့ ​ကြောင်း ​ယော​ဒေသတွင်း သတင်းရင်းမြစ် များက ဆိုသည်။ ၂၀၂၂ ခုနှစ်၊ ဇူလိုင်လ ( ၂၁ ) ရက်နေ့ ၁၀ နာရီခန့်တွင် မင်းတပ် မြို့နယ် ​ကျောက်​တောင်လမ်းခွဲ ​​ရောက်ရှိ​နေပြီ ဖြစ်​ကြောင်း သိရသည်။ ယာဉ်အစီး အ​ရေအတွက် အတိအကျ မသိရ​သေး​သော်လည်း ၁၇ ရက်​နေ့က တက်သွားသည့် အ​ရေအတွက်နှင့် တူညီနိုင်​ကြောင်း ​ယော​ဒေသ သတင်းရင်း မြစ် တစ်ခု ဖြစ်သည့် ​" ယောအလင်းတန်း အဖွဲ့" က ဆိုသည်။ 

" ကျောက်ထုတပ်ထဲကလည်း ယာဉ်တန်းထွက်ဖို့ရှိနေသေးတယ်ခင်ဗျ ၊ ကျွန်တော်တို့ယူဆတာ အခု ပြန်လှည့်လာတဲ့ ကား​တွေက ကျောက်ကွင်းထဲ မှာ ကျန်တဲ့ကားတွေနဲ့ပေါင်းပြီး လောင်းရှည်ဘက် သွားမယ်လို့ ထင်တယ်ခင်ဗျ" ဟူ၍ ​ယောအလင်းတန်း အဖွဲ့က The Mindat Post သို့​ပြောသည်။

အဆိုပါ စစ်​ကောင်စီ ယာဉ်တန်းသည်  ဇွန်လ ၁၇ ရက်​နေ့တွင် ပခုက္ကူ မြို့မှ မင်းတပ်မြို့သို့စတင် ထွက်ခွာလာခဲ့ခြင်းဖြစ်ပြီး ဇွန်လ ၂၀ ရက်​နေ့တွင် မင်းတပ်မြို့တွင်းသို့​ရောက်ရှိခဲ့သည်။ မင်းတပ်နယ် ​မြေခံ တပ်ရင်း ခလရ ၂၇၄ သို့ စစ်လက်နက် ပစ္စည်းများ အပါအဝင် စား​သောက်ကုန် ပစ္စည်းများ သွား​​ရောက် ပို့​ဆောင် ခြင်း ဖြစ်နိုင်​ကြောင်း သိရသည်။

📌📌 ၂။ Kanpetlet CDF ကန်ပက်လက်ထံသို့ ရဲတပ်သား တစ်ဦး အလင်းဝင်

ချင်းပြည်နယ်၊ ကန်ပက်လက်မြို့မရဲစခန်းတွင် တာဝန်ထမ်းဆောင်နေသော ရဲတပ်သား ပြည့်ဆန်းနောင်မှ လက်နက်ဖြင့် အလင်းဝင်လိုကြောင်း CDF ကန်ပက်လက်ထံသို့ ဆက်သွယ်လာခဲ့ သဖြင့် ၂၃-၆-၂၀၂၂ ရက်နေ့တွင် သွားရောက်ခေါ်ဆောင်ခဲ့ကြောင်း CDF ကန်ပက်လက်က ဇူလိုင်လ ၂၀ ရက် ယ​နေ့ညပိုင်းတွင် သတင်းထုတ်ပြန်သည်။ 

G-3 လက်နက်ဖြင့် အလင်းဝင်လာသူ ရဲတပ်သား ပြည့်ဆန်းနောင်၊ ကိုယ်ပိုင် အမှတ် (လ-၂၅၅၈၆၃) အား CDF ကန်ပက်လက်မှ ဂုဏ်ပြုချီးမြှင့်ငွေအဖြစ် ဆုကြေး သိန်း ၆၀ ကျပ် ပေးအပ်ခဲ့ပြီး ၄င်း၏ သဘောဆန္ဒအရ လွတ်မြောက်နယ်မြေသို့ ပို့ဆောင်ပေးပြီးဖြစ်ကြောင်း ထုတ်ပြန်ချက်တွင်ပါရှိသည်။ ပြည်သူနှင့်ပူးပေါင်းလိုသော မည်သည့် ရဲနှင့် တပ်မတော်သား ကိုမဆို မိမိတို့ CDF-Kanpetlet မှ နွေးထွေးစွာ ဖိတ်ခေါ်လျက်ရှိကြောင်း  CDF ကန်ပက်လက်က သတင်းထုတ်ပြန်ထားသည်။

📌📌 ၃။ လက်တုံ့ပြန်သည့်အနေဖြင့် မောင်တောမြို့နယ်အတွင်း စစ်ကောင်စီတပ်အား တိုက်ခိုက်ခဲ့​ကြောင်း AA ​ပြော

ရက္ခိုင့်တပ်တော် AA က လက်တုံ့ပြန်တဲ့ အနေနဲ့  ဇူလိုင်လ ၁၈ ညရက် ​နေ့မှာ မောင်တောမြို့နယ် စစ်ကောင်စီရဲ့ ရဲကင်းစခန်း တစ်ခုကို ဝင်​ရောက် တိုက်ခိုက်ခဲ့တယ်လို့ ရက္ခိုင့်တပ်တော် AA  ပြန်ကြား​ရေးတာဝန်ခံ ဦးခိုင်သုခက ​ပြောတဲ့ အ​ကြောင်း ရခိုင်အ​ခြေစိုက်  Arakan Princess Media  သတင်းဌာနက ဖော်ပြလာပါတယ်။ ၂၀၂၂ ခုနှစ်၊ ဇူလိုင်လ ( ၁၈ ) ရက်နေ့တွင် တိုက်ပွဲ  နှစ်​နေရာ ဖြစ်ပွားခဲ့ပြီး စစ်ကောင်စီတပ် နဲ့ နယ်ခြားစောင့်တပ်ဖွဲ့ဝင် ​တွေပါဝင်တဲ့ ပူးပေါင်းတပ်ဖွဲ့ နဲ့ ရက္ခိုင့်တပ်တော် တို့ နှစ်ဖက်ထိ​တွေ့တိုက်ပွဲ များဖြစ်ပွားခဲ့တဲ့ အ​ကြောင်း ဦးခိုင်သုခက ​ပြောတဲ့ အ​ကြောင်း APM သတင်းဌာနက ​ဖော်ပြထားတာပါ။

"တိုက်ပွဲဖြစ်တာမှန်ပါတယ်။ ဘာကြောင့်ဖြစ်ရလဲဆို​တော့ ကရင်ပြည်ဖက်မှာ ကျနော်တို့ ရက္ခိုင့်တပ်တော် AA တပ်စခန်းကို စစ်ကောင်စီ တပ်က တိုက်ပွဲ မဖြစ်ဘဲ ရည်ရွယ်ချက်ရှိရှိ တမင်တကာ ဗုံးကြဲတိုက်ခိုက်ခဲ့တာ ရှိပါတယ်။ အဲဒီမှာကျနော်တို့ ရဲဘော်​တွေ ကျဆုံးခဲ့ပါတယ်။ အဲဒီ အတွက် ကျနော်တို့ လက်တုံ့ပြန်တာဖြစ်တယ်" လို့ ဦးခိုင်သုခက ​ပြောတဲ့ အ​ကြောင်း APM သတင်းဌာန ရဲ့ Facebook စာမျက်နှာမှာ ​ဖော်ပြထားပါတယ်။

တိုက်ပွဲများအတွင်း စစ်ကောင် စီတပ် နှင့်နယ်ခြားစောင့်တပ်ဖွဲ့ဝင်များပါဝင်သည့်ပူးပေါင်းတပ်မှ ထိခိုက် ​သေဆုံးမှု အများအပြားရှိ​ကြောင်း၊ရက္ခိုင့်တပ်တော်သည်လက်နက် ချအညံ့ခံသော ရဲမှူးတယောက်အပါအဝင်သုံ့ပန်းစုစုပေါင်း (၁၄) ဦး ၊ ပီစတို (၂) လက်၊လက်နက်ငယ် (၂၅) လက် အပါအဝင် ခဲယမ်းအများအပြား၊စစ်အသုံးအဆောင် ပစ္စည်းအချို့ကိုလည်း သိမ်းဆည်းရမိထားတယ်လို့  ဦးခိုင်သုခက ​ပြောတဲ့အ​ကြောင်း APM သတင်းဌာနက ​ဖော်ပြထားပါတယ်။

📌📌 ၄။ မူးယစ်ဆေးဝါးနယ်စပ်ဖြတ်ကျော် သယ်ယူရောင်းချခြင်းကိုအရေးယူမယ်လို့ CNO က သတိပေးထုတ်ပြန်

အိန္ဒိယနိုင်ငံ မီဇိုရမ်ပြည်နယ် သူ/သားတို့ရဲ့ လူသားချင်းစာနာထောက်ထားမှုကို လက်ခံကြိုဆို နေရာပေးနေမှုအပေါ် အခွင့်ကောင်းယူ ကိုယ်ကျိုးရှာပြီး မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးတွေ နယ်စပ်ဖြတ်ကျော် သယ်ယူနေတဲ့ မြန်မာနိုင်ငံသားတွေကို ထိထိရောက်ရောက်အရေးယူမယ်လို့   ချင်းအမျိုးသားအဖွဲ့ချုပ် (CNO ) က ဇူလိုင်လ (၂၀) ရက်နေ့မှာ ထုတ်ပြန်ထားပါတယ်။

မြန်မာနိုင်ငံဘက်ကနေ အိန္ဒိယနိုင်ငံ၊ မီဇိုရမ်ပြည်နယ်အတွင်းကို မူးယစ်ဆေးဝါးနဲ့  စိတ်ကိုပြောင်းလဲစေတဲ့ ဆေးဝါးတွေကို သယ်ယူရောင်းချလုပ်ကိုင်နေတဲ့ မြန်မာနိုင်ငံသား ချင်းလူမျိုးအမြောက်အများကို ယခုရက်ပိုင်း မီဇိုရမ်ပြည်နယ်ရဲတပ်ဖွဲ့က ဖမ်းဆီးအရေးယူမှုများကို သတင်းများမှာ ရှက်ဆုပ်ဖွယ်တွေ့နေရကြောင်းနဲ့ သယ်ယူရောင်းချခြင်းမပြုလုပ်ရန်လည်း ချင်းအမျိုးသားအဖွဲ့ချုပ်က ဇူလိုင် ၂၀ ရက်နေ့တွင် သတိပေးထုတ်ပြန်ထားပါတယ်။ မီဇိုရမ်ပြည်နယ်ဘက်ကို မူးယစ်ဆေးဝါးနဲ့ စိတ်ကိုပြောင်းလဲစေတဲ့ ဆေးဝါးတွေကို သယ်ယူရောင်းချခြင်း လုံးဝမပြုရန်နဲ့ လိုက်နာခြင်းမရှိပါက CNO/CNDF  ကနေ ထိထိရောက်ရောက် အရေးယူဆောင်ရွက်သွားမယ်လို့လည်း ထုတ်ပြန်ထားပါတယ်။

#RadioNUGLocalNews

#SpringRevolution