10th SEP 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ စက်တင်ဘာလ ( ၃ ) ရက်နေ့ ရပြည်တွင်းသတင်းများ 

📌📌 ၁. မတူပီမြို့အတွင်း လျှပ်စစ်မီးလုံးဝပြတ်တောက် ၊ စကစမှလူနေအိမ်များကို နံပါတ်ကပ်ရန် စီစဉ်နေ

 

The Matupi Times စက်တင်ဘာ ၆,၂၀၂၃

မတူပီမြို့အတွင်းတွင် မိုခါမုန်တိုင်းတိုက်ခတ်ပြီးနောက် လျှပ်စစ်မီးလုံးဝပြတ်တောက်သွားပြီး ယနေ့ထိမီးပြန်လည်မရရှိသေးကြောင်း‌ သိရသည်။ 

"လျှပ်စစ်မီးကတော့ ပြတ်တာတော်တော်ကြာပြီလုံးဝမလာတော့ဘူး။ ကိုယ့်အိမ်မှာရှိတဲ့ ဆိုလာ၊ ဘက်ထရီတွေကိုဘဲ အဆင်ပြေသလို အသုံးပြုနေရတယ်။ ပိုဆိုးတာကတော့ မိုးတွင်းဆိုတော့ မိုးအုံ့တဲ့ရက်ပိုများလို့ ဆိုလာနဲ့ဘက်ထရီကို အားသွင်းသုံးဖို့တောင်မလွယ်ပါဘူး။ ခရီးသည်တင်ကားတွေက မတူပီ-မင်းတပ်လမ်းဘက်ကနေအခုတလောသွားလို့တော့ရတယ် ကုန်ပစ္စည်‌ေတွတော့သယ်လို့မရဘူး ၊ကုန်ပစ္စည်းတင်တဲ့ကားတွေတော့ မတူပီ-ရေဇွာလမ်းတွေပျက်စီးသွားပြီးနောက် မြို့ထဲကိုကုန်ကား ဝင်လာတာတွေမရှိတဲ့အတွက်ကြောင့် ဆန်ဈေးနှုန်းတော့အရင်ဈေးက ၁၂၀၀၀၀ကျပ်ကနေ အခု ၁၅၀၀၀၀ ထိိဈေးတက်သွားတယ်။ ကျန်တဲ့ကုန်ဈေးနှုန်းတွေကတော့ ပုံမှန်ဈေးလို့ပြောလို့ရပါတယ်။"လို့ ဒေသခံတစ်ဦးက Matupi Times ကိုပြောပါတယ်။

မတူပီမြို့အတွင်းရှိလူနေထိုင်သည့် နေအိမ်များကို စကစတပ်ဖွဲ့ဝင်များမှ နံပါတ်ကပ်ဖို့ စီစဉ်နေ ကြောင်းသိရပါတယ္။

" မြို့ထဲမှာအရင်လိုဧည့်စာရင်းစစ်တာတွေတော့မလုပ်တော့ပေမယ့် လူမရှိတဲ့နေအိမ်တွေကိုချန်ပြီးတော့ လူနေတဲ့အိမ်တွေကို နံပါတ်တွေကပ်မယ်လို့ကြားရပါတယ်။ သူတို့ဘယ်လိုပုံစံကပ်မယ်၊ ဘယ်နေ့စကပ်မယ်၊ ဘာကြောင့်လဲဆိုတာတော့မသိဘူး။"လို့ဒေသခံတစ်ဦးထံမှကြားသိရသည်။

 

========================

 

၂. The Matupi Times မှ (ဌက်ဖျားရောဂါအကြောင်းသိကောင်းစရာ)အစီအစဉ်ကို မတူဘာသာစကားဖြင့်တင်ဆက်ပေး

ယခုရက်ပိုင်းအတွင်း မြန်မာနိုင်ငံအတွင်း အဖြစ်များနေသည့် ဌက်ဖျားရောဂါအကြောင်းနှင့်ပတ်သက်၍ မေးမြန်ဆွေးနွေးချက်များကို အပိုင်း(၃)ပိုင်းခွဲ၍တင်ဆက်ပေးသွားမှာဖြစ်ပြီးယခုအစီအစဉ်တွင် ဌက်ဖျားရောဂါပေါ်ပေါက်လာပုံ၊ ချင်းပြည်နယ်အတွင်း စစ်ဘေးရှောင်ပြည်သူများ၏အခြေအနေနှင့် ဌက်ဖျားရောဂါကာကွယ်ကုသနည်း တို့နဲ့ပတ်သက်၍ ဆွေးနွေးတင်ဆက်ပေးသွားမည်ဖြစ်သည်။

အစီအစဉ်တွင် Matupi Health Team မှတာဝန်ရှိသူများက ဌက်ဖျားရောဂါလက္ခဏာတွေနဲ့ပတ်သက်တဲ့အကြောင်း အရာတွေကိုဆွေးနွေးပြောပြပေးသွားမည်ဖြစ်သည်။

 

========================

 

၃. CNO/CNDF အပတ်စဥ်(၃ ) အခြေခံစစ်သင်တန်းအောင်မြင်စွာကျင်းပ

 

The Matupi Times စက်တင်ဘာ ၄,၂၀၂၃

စက်တင်ဘာ ၃,၂၀၂၃ ရက်နေ့၌ ချင်းအမျိုးသားကာကွယ်ရေးတပ်ဖွဲ့ CNO/CNDF ထိန်းချုပ်နယ်မြေတပ်မဟာ(၁) တွင်ပြုလုပ်သည့် အခြေခံစစ် သင်တန်း အပတ်စဥ်(၃ ) သင်တန်းကို အောင်မြင်စွာကျင်းပ ပြီးဆုံးခဲ့ကြောင်း CNO/CNDF မှ သတင်းထုတ်ပြန်သည်။ 

 

========================

 

၄, မတူပီ-ပလက်ဝလမ်းကြောင်းရှိ ခလရ(၃၀၄)တပ်စခန် းဂိတ်အား CDF-Matupi မှသွားရောက်တိုက်ခိုက်၊စကစဘက်မှ ၃ဦး ဒဏ်ရာရှိ

 

The Matupi Times စက်တင်ဘာ ၄,၂၀၂၃

မတူပီမြို့အနီး မတူပီ-ပလက်ဝလမ်းဘက်ရှိ ခလရ-၃၀၄ စကစ တပ်စခန်း ဂိတ်အား ၂၀၂၃ ခုနှစ်၊ စက်တင်ဘာလ(၄)ရက် နေ့ နံနက်(၈း၃၀)အချိန်ခန့်တွင် ချင်းလဲန်းကာကွယ်ရေးတပ်ဖွဲ့-မတူပီ(CDF-Matupi) မှ ခလရ-၃၀၄ စကစ တပ်စခန်း ဂိတ်အား သွားရောက်ပစ်ခတ်တိုက်ခိုက်ခဲ့ကြောင်းသိရသည်။

CDF-Matupi နှင့် စကစတပ်တို့အကြား မိိနစ်(၃၀)ကြာ အပြန်အလှန်ပစ်ခတ်မှုဖြစ်ပွားခဲ့ပြီး စကစဘက်မှ တပ်သား (၃)ဦး ဒဏ်ရာရရှိခဲ့ပြီး

ချင်းလဲန်းကာကွယ်ရေးတပ်ဖွဲ့- မတူပီမှ အထိအခိုက်မရှိ ပြန်လည် ဆုတ်ခွာနိုင်ခဲ့တယ်လို့သိရပါတယ်။နှစ်ဘက်ပစ်ခတ်တိုက်ခိုက်မှုအပြီးတွင် စကစဘက်မှ လက်နက်ကြီး များ ရမ်းသမ်း ပစ်ခတ်နေသောကြောင့် ဒေသခံပြည်သူများအနေဖြင့် သတိထား သွားလာကြရန် CDF-Matupi ကအသိပေးချက်ထုတ်ပြန်ထားပါတယ်။

 

========================

 

၅. “ထားလိုက်ပါ” သီချင်း Cover Song ဖြင့်ပရိသတ်အားပေးမှုရရှိလာသည့် မတူပီအမျိုးသမီးတေးသံံရှင် Matu Nodi

 

The Matupi Times စက်တင်ဘာ ၇,၂၀၂၃

တက်သစ်စ လူငယ်တေးသံရှင်တစ်ဦးဖြစ်သည့် Anonimus ၏နာမည်ကြီးတေးသီချင်း “ထားလိုက်ပါ”သီချင်းကို မတူပီမြို့နယ်မှ အမျိုးသမီးတေးသံရှင်တစ်ဦးဖြစ်တဲ့ Matu Nodi မှ Cover Song အဖြင့်ပြန်လည်သီဆို၍ ဩဂုတ်လ ၂၅,၂၀၂၃ ရက်နေ့၌ အွန်လိုင်းဖေ့ဘုတ်စာ မျက်နှာ တွင်ဖြန့်ဝေခဲ့ရာ တစ်ပတ်အတွင်းဝင်ရောက်ကြည့်ရှုသူပေါင်း ဦးရေ (၂ )သန်းရရှိခဲ့ပါတယ်။ 

ဩဂုတ်လ၂၀,၂၀၂၂ နှစ်တွင် မတူနိုးဒီမှ မတူသီချင်း “ A YE KUT TU DAE SIH”သီချင်းကို ပြန်လည်သီဆိုခဲ့ပြီး ပြည်တွင်းပြည်ပရှိ မတူပီချင်းလူမျိုး ပရိသတ်များ၏ အားပေးမှုကိုအခိုင်အမာရရှိထားသူဖြစ်သည်။ Facebook ,Tiktok နဲ့ Youtube များတွင်နာမည်ကြီးနေသည့် “ထားလိုက်ပါ”သီချင်းကို Cover Song ပြန်လည်သီဆိုပြီးနောက် ပြည်တွင်း/ပြည်ပရှိ ချင်းလူမျိုးများအပြင် မြန်မာပြည်တွင်းပရိသတ်တွေရဲ့ အားပေးမှုကိုပါတစ်ခဲနက်ရရှိလာပါတယ်။ “ထားလိုက်ပါ”သီချင်းကိုမူရင်းတေးသံရှင် Anonimus ၏ခွင့်ပြုချက်ဖြင့် ပြန်လည်သီဆိုထားခြင်းဖြစ်ပြီး ယခုတွင်ဖေ့ဘုတ်စာမျက်နှာ၌ကြည့်ရှုသူဦးရေ ၃ သန်းနီးပါးရရှိခဲ့သည်။

တေးသံရှင်နိုးဒီသည် ၂၀၂၃ ဇူလိုင်လ၌ MATUPI CHIN ENTERTAINMENTမှ ပထမဆုံးအကြိမ်ချီးမြှင့်ပေးအပ်တဲ့ Matu Female Artist of the Year ဆုကိုလည်း ရရှိခဲ့သူဖြစ်ပါတယ်။

 

========================

 

၆. Chin Star သီချင်းဆိုပြိုင်ပွဲတွင် မတူပီမြို့ မှလူငယ်တစ်ဦးပါဝင်ယှဉ်ပြိုင်မည်

 

The Matupi Times စက်တင်ဘာ ၈,၂၀၂၃

အများပြည်သူ စိတ်ဝင်စားနေကြသည့် Chin Star သီချင်းဆိုပြိုင်ပွဲကြီးအား ယနေ့ညနေပိုင်းမှ စ၍ သီဆိုယှဉ်ပြိုင်သွားကြတော့မည်ဖြစ်ကြောင်းသိရသည်။ အဆိုပါပြိုင်ပွဲကို Online Facebook မှစတင်ကျင်းပပြုလုပ်ခဲ့ပြီး ချင်းပြည်နယ်အတွင်းရှိမြို့နယ်အသီးသီးမှ သီချင်းဆိုဝါသနာရှင်များ ဝင်ရောက်ယှဉ်ပြိုင်ခဲ့ပြီး မတူပီမြို့မှ မိုင်ထရေစီလာသည် ပြိုင်ပွဲတာဝန်ရှိသူများမှရွေးချယ်ခဲ့သည့် နောက်ဆုံးအယောက် (၃၀) ပဏာမစာရင်းတွင် ရွေးချယ်ခံခဲ့ရပါသည်။

မိုင်ထရေစီလာသည် စက်တင်ဘာလ၈,၂၀၂၃ ညနေ၌ အုပ်စု(A)အဖွဲ့တွင် ပါဝင်ယှဉ်ပြိုင်ခဲ့ပြီး သီဆိုယှဉ်ပြိုင်မှုများကို Chin Star Facebook Page တွင် မြန်မာစံတော်ချိန် ညနေ ၆ နာရီတွင် တိုက်ရိုက် (live) ထုတ်လွှင့်တင်ဆက်ပေးခဲ့ကာ အကဲဖျက်ဒိုင်များ၏မှတ်ချက်ကောင်းများရရှိခဲ့သည်။

 

#RadioNUGLocalNews

#SpringRevolution