1st JAN 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇန်နဝါရီလ ( ၁ ) ရက်နေ့ ရပြည်တွင်းသတင်းများ

📌📌 ၁။ ပလက်ဝမြို့၊ ဆမီးမြို့ရဲစခန်းမှ တပ်ကြပ်(၃)ဦးနှင့်တပ်သား(၁)ဦး လက်နက်များနဲ့အတူ CDF-Paletwa ထံအလင်းဝင်

 

The Matupi Times     ဒီဇင်ဘာ ၂၄/၂၀၂၃

 

ချင်းပြည်နယ်၊ ပလက်ဝမြို့၊ ဆမီးမြို့ပေါ်ရှိ စကစလက်အောက်ခံရဲစခန်းမှ တပ်ကြပ်ကြီး(၂)ဦး၊ ဒုတပ်ကြပ်(၁)ဦးနှင့် တပ်သားတစ်ဦးတို့သည် ပြီးခဲ့သည့် ဒီဇင်ဘာ ၁၄/၂၀၂၃ ရက်နေ့တွင် ချင်းလဲန်းကာကွယ်ရေးတပ် ပလက်ဝထံသို့ ၎င်းတို့၏လက်နက်များနဲ့အတူ အလင်းဝင်လာခဲ့ကြတယ်လို့သိရပါတယ်။

 

အဆိုပါရဲတပ်ဖွဲ့ဝင်(၄)ဦးမှာ ဆမီးမြို့ပေါ်ရဲစခန်းမှ တပ်ကြပ်(၂)ဦးဖြစ်သည့် ဦးလှထွန်းနှင့်ဦးယိုးသိန်း၊ ဒုတပ်ကြပ်-ဦးလိုင်သိန်းနှင့် ရဲတပ်သား-ပီတာလင်းတို့ဖြစ်ပြီး ၎င်းတို့နဲ့အတူ လက်နက်၊ ကျည်ဆံတို့ကိုတပါးတည်းယူဆောင်ကာ အလင်းဝင်ခဲ့ကြပြီး အလင်းဝင်လာသည့် ရဲတပ်ဖွဲ့ဝင်(၄)ဦးအား Salai Myo Thait(PADC President)မှ ဆုငွေများ ချီးမြှင့်ပေးအပ်ခဲ့ပြီးလုံခြံသည့်နေရာသို့ပို့ဆောင်ပေးခဲ့တယ်လို့သိရပါတယ်။

 

========================

 

📌📌 ၂။ မတူအမျိုးသမီးအသင်း (MWU)၏၂၉ နှစ်မြောက် နှစ်ပတ်လည်နေ့ အခမ်းအနားကျင်းပပြုလုပ်

 

The Matupi Times       ဒီဇင်ဘာ ၂၆/၂၀၂၃

 

မတူအမျိုးသမီးအသင်း (Matu Women Union) ၏ ၂၉ နှစ်မြောက် နှစ်ပတ်လည်နေ့အခမ်းအနားကို မီဇိုရမ်းပြည်နယ်၊ အိုင်းဇော်လ်ခရိုင်အတွင်းရှိ Holiday Palace / Sihhmui တွင် ပြီးခဲ့တဲ့ဒီဇင်ဘာလ ၂၄ရက်နေ့က ကျင်းပပြုလုပ်ခဲ့ပါတယ်။ 

 

Matu Women Union (MWU) ကို ၁၉၉၄ ခုနှစ်ကတည်းက မတူပီ(ချင်း)အမျိုးသမီးများရဲ့ အခက်အခဲများ ဖြေရှင်းပေးရန်ရည်ရွယ်ပြီး စတင်ဖွဲ့စည်းခဲ့တာပါ။ အခုနောက်ပိုင်းမှာ အမျိုးသမီးများရဲ့ အခွင့်အရေး မြှင့်တင်ခြင်းနှင့် အသိပညာပေးခြင်းများကိုပါ လုပ်ဆောင်ပေးနေတယ်လို့ဆိုပါတယ်။

 

အခမ်းအနားတက်ရောက်လာသူများကို MWU မှအထူးဖိတ်ကြားထားသည့် International matu federation (IMF) /Women League of Chinland (WLC) /Women for Justice(WJ) /Matupi MP မှတာဝန်ရှိသူများ နှင့် Executive Director(mwu) – Dr.Zidam Dwin တို့က အားပေးစကားနှင့်အမှာစကားအသီးသီး ပြောကြားခဲ့တယ်လို့သိရပါတယ်။

 

အဆိုပါအခမ်းအနားကို အမျိုးသမီးများ,Sairang Campမှ မတူပီမြို့မိမြို့ဖများ ၊ စစ်ဘေးရှောင်ခေါင်းဆောင်များနှင့်ဆရာ၊ ဆရာမများ စုစုပေါင်းဦးရေ (၁၀၀) ကျော်တက်ရောက်ခဲ့တယ်လို့သိရပါတယ်။

 

========================

 

📌📌 ၃။ အောင်ပွဲရရှေ့တန်းပြန် CDF-Mindat ရဲဘော်များကိုဂုဏ်ပြုကြိုဆို

 

The Matupi Times ဒီဇင်ဘာ ၂၆/၂၀၂၃

ချင်းပြည်ကာကွယ်ရေးတပ် မင်းတပ်မှစခန်းသိမ်းတိုက်ပွဲဆင်နွှဲခဲ့ကြသည့်ရဲဘော်များအတွက် "အောင်ပွဲရရှေ့တန်းပြန်ရဲဘော်များအားဂုဏ်ပြုကြိုဆိုခြင်းအခမ်းအနား´´ကို CDF-Mindat စစ်ဦးစီးချုပ်မှဦးဆောင်ပြီး ၂၅.၁၂.၂၀၂၃ ရက်နေ့တွင်ကျင်းပပေးခဲ့တယ်လို့သိရပါတယ်။

 

"စခန်းကိုပြန်မရောက်နိုင်တဲ့ ရဲဘော်တွေ၊လူနာအဖြစ်ဆေးကုနေရတဲ့ ရဲဘော်တွေအတွက်စိတ်မကောင်းများစွာဖြစ် ရပါတယ်။အားသစ်အင်သစ်နဲ့ ပြန်လည်ရုန်းထဖို့ရန်အတွက်ယခု လုပ်ဆောင်နေလျက်ရှိသည့် Project Mindat2024 ကမ်ပိန်းမှာ ပါဝင်ပေးကြရန်အကူညီတောင်းခံအပ်ပါသည်။"လို့ Chin Defence Force - Mindat က ရေးသား ဖော်ပြထားပါတယ်။ 

 

CDF-Midat သည် မင်းတပ်မြို့တွင်းတပ်စွဲထားသော စကစတပ်ဖွဲ့ကိုဝင်ရောက်ပစ်ခတ်တိုက်ခိုက်တာတွေရှိသလို ချင်းပြည်နယ်နဲ့မကွေးတိုင်းက တိုက်ပွဲများတွင်ပါဝင်တိုက်ပွဲဆင်နွှဲခဲ့ပြီး ရေမျက်နီ တိုက်ပွဲမှာ နှစ်ဦး၊ မတူပီနယ်မှာ တဦးနဲ့ မြစ်သာဆည်သိမ်းပွဲမှာ တဦး စုစုပေါင်း(၄)ဦးထိကျဆုံးခဲ့ပါတယ်။ 

 

========================

 

📌📌 ၄။ မတူပီ(၉)မိုင်တိုက်ပွဲတွင် ပျောက်ဆုံးသွားသည့် CDF-Matupi ကရဲဘော် ထန်ဖုန်၏ အလောင်းကိုပြန်လည်တွေ့ရှိ

 

The Matupi Times          ဒီဇင်ဘာ ၂၈/၂၀၂၃

 

မတူပီ-ပလက်ဝလမ်းရှိ(၉)မိုင်အနီး၌ ဒီဇင်ဘာ ၂၀/၂၀၂၃ ရက်နေ့က ဒေသခံကာကွယ်ရေးတပ်နဲ့ စစ်ကောင်စီတို့အကြား တိုက်ပွဲဖြစ်ပွားပြီးနောက် CDF-Matupi မှရဲဘော်တစ်ဦးကျဆုံးခဲ့ရပြီး တစ်ဦးပျောက်ဆုံးခဲ့တာပါ ပျောက်ဆုံး သွားသည့် ရဲဘော်ထန်ဖုန်၏ရုပ်အလောင်းကို ပြန်လည်တွေ့ရှိပြီလို့ သိရပါတယ္။

 

အဆိုပါတိုက်ပွဲတွင် ကျဆုံးသွားသည့် ရဲဘော်လျန်ကျင်းထန်၏ရုပ်အလောင်းကို Drone ြဖင့်ရှာဖွေတွေ့ရှိခဲ့ပြီး ယခုအတည်ပြုနိုင်သည့်ထန်ဖုန်သည် အဆက်အသွယ်မရရှိဘဲပျောက် ဆုံးသွားခဲ့ပြီး ရဲဘော်ထန်ဖုန်သည်လည်းတိုက်ပွဲတွင် ကျဆုံးသွားကြောင်း အတည်ပြုနိုင်ခဲ့ပါတယ်။

 

အဆိုပါကျဆုံးရဲဘော်(၂)ဦး၏ ရုပ်အလောင်းကို ရှာဖွေတွေ့ရှိခဲ့ပြီး CDF-Matupi (လီစန်းတပ်ရင်း) က ယမန်နေ့တွင် အလောင်းတွေကို ကောင်းမွန်စွာဆည်ယူနိုင်ခဲ့ပြီလို့ ဒိုင်ဒေသပြည်သူ့အုပ်ချုပ်ရေးအဖွဲ့က ယနေ့ဒီဇင်ဘာလ (၂၈/၂၀၂၃) ရက်နေ့မှာ သတင်းထုတ်ပြန်လိုက်ပါတယ်။

 

========================

 

📌📌 ၅။ ဆမီးမြို့ကို စစ်ကောင်က လေကြောင်းဖြင့်တိုက်ခိုက် ၊ ကလေးငယ် ၃ ဦး ထိခိုက်ဒဏ်ရာရ

 

The Matupi Times            ဒီဇင်ဘာ ၂၉ ရက်၊ ၂၀၂၃

 

ချင်းပြည်နယ်၊ ပလက်ဝမြို့နယ် ၊ ဆမီးမြို့တွင် စစ်ကောင်စီ၏ လေကြောင်းတိုက်ခိုက်မူကြောင့် ဒေသခံ ကလေးငယ် ၃ ဦး ထိခိုက်ဒဏ်ရာရရှိသည်ဟု ဒေသခံများထံက သိရှိရသည်။

 

ယမန်နေ့ ဒီဇင်ဘာ ၂၈ ရက် နေလည် ၁၁း၁၅ မိနစ်ချိန်တွင် စစ်ကောင်စီသည် လေကြောင်းဖြင့် တိုက်ပွဲဖြစ်ပွားခြင်းမရှိဘဲ ဆမီးမြို့ကို ဗုံးကြဲတိုက်ခိုက်ခဲ့ သော ကြောင့် အမှတ် ၂ ရပ်ကွက်ရှိ မိသားစုဝင် ကလေး ၃ ဦး ထိခိုက်ဒဏ်ရာရရှိခဲ့တယ်လို့ ဒေသခံ တစ်ဦးက ကီမိုမီဒီယာကို ပြော သည်။

 

ထိခိုက်ဒဏ်ရာရသည့် ကလေးငယ် သုံးဦးအား ဆမီးဗျူဟားရှိ စစ်ကောင်စီတပ်ဖွဲ့ဝင်များက ဆေးကုသပေးမည်ဟုဆိုကာ ခေါ်ဆောင်သွားခဲ့တယ်လို့သိရပါတယ်။

#RadioNUGLocalNews

#SpringRevolution