11th MAR 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ မတ်လ ( ၁၁ ) ရက်နေ့ ရပြည်တွင်းသတင်းများ

========================

📌📌 ၁။ ဟားခါးမြို့မှ ရဲတပ်ဖွဲ့၀င်တစ်ဦး လက်နက်ကျည်ဆံများနဲ့အတူ CDF-HAKHA ထံအလင်းဝင်

 

The Matupi Times မတ် ၃/၂၀၂၄

ဟားခါးမြို့မရဲစခန်းမှ ရဲတပ်ဖွဲ့၀င်တစ်ဦးသည် စစ်ကောင်စီလက်အောက်တွင်ဆက်လက်တာဝန်ထမ်းဆောင် လိုခြင်း မရှိသောကြောင့် ဒေသခံကာကွယ်ရေးတပ်ထံ CDF-Hakha မတ်လ ၂ ရက်နေ့က အလင်းဝင်လာခဲ့ကြောင်းသိရပါတယ်။ 

လက်နက်/ကျည်ဆံများနဲ့အတူအလင်းဝင်လာသောရဲတပ်ဖွဲ့၀င်ကို CDF-Hakha မှ သိန်း(၅၀) ချီးမြှင့်ခဲ့ပြီး အလင်းဝင်လိုသော စစ်ကောင်စီလက်ခံတပ်ဖွဲ့ဝင်များကို ဆက်လက် လက်ခံကြိုဆိုလျက်ရှိကြောင်း ထုတ်ပြန်ပါတယ်။

 

========================

 

📌📌 ၂။ CDF-Matupi ၏ တတိယအကြိမ်မြောက် ညီလာခံ အစည်းအဝေးကျင်းပ

 

The Matupi Times မတ် ၄/၂၀၂၄

 

ချင်းလဲန်းကာကွယ်ရေးတပ်ဖွဲ့ - မတူပီ ၏ တတိယအကြိမ်မြောက် ညီလာခံ အစည်းအဝေးကို ၂၀၂၄ ခုနှစ်၊ ဖေဖော်ဝါရီလ (၂၃ - ၂၅) ရက်နေ့အထိ CDF-Matupi နယ်မြေတစ်နေရာတွင် ကျင်းပပြုလုပ်ခဲ့ကြတယ်လို့သိရပါတယ်။

ညီလာခံကို မတူပီမြို့နယ်အတွင်းရှိ ဌာနဆိုင်ရာများနှင့် အရပ်ဖက်တော်လှန်ရေး အင်အားစုများ အပါအဝင် တပ်ရင်းအသီးသီးမှတပ်မှူးများတက်ရောက်ခဲ့ကြပြီး ယခုတတိယအကြိမ်ညီလာခံမှစ၍ တပ်ရင်းများဖြင့်ဖွဲ့စည်းထားသော ဖွဲ့စည်းပုံအနေအထားမှတစ်ဆင့် တပ်မဟာ(၂)ခုအဖြစ် ပြင်ဆင်ဖွဲ့စည်းနိုင်ခဲ့တယ်လို့ဆိုပါတယ်။

 

========================

 

📌📌 ၃။ စကစ၏ ဗုံးကြဲတိုက်ခိုက်ခံခဲ့ရသည့် ကျေးရွာ(၂)ရွာကို မတူပီမြို့နယ်(ပအဖ)က ထောက်ပံ့ငွေများပေးအပ်

 

The Matupi Times မတ် ၅/၂၀၂၄

ချင်းပြည်နယ်၊ မတူပီမြို့နယ်တွင် စစ်ကောင်စီ၏ဗုံးကြဲတိုက်ခိုက်မှုကြောင့် ထိခိုက်နစ်နာသူများနှင့် နေအိမ်ပျက်စီးဆုံးရှုံးခဲ့ရသည့် ဗန်ကိုင်းကျေးရွာနှင့် ဝေလူးကျေးရွာမှ ပြည်သူများကို ၂၀၂၄ ခုနှစ်၊ ဇန်နဝါရီလနှင့် ဖေဖော်ဝါရီလတို့တွင် မတူပီမြို့နယ်ပြည်သူ့အုပ်ချုပ်ရေးအဖွဲ့က သွားရောက်တွေ့ဆုံခဲ့ပြီး ထောက်ပံ့ငွေများပေးအပ်ခဲ့ တယ်လို့သိရပါတယ်။

 

မတူပီမြို့နယ်၊ ဗန်ကိုင်းကျေးရွာ ကို ၂၀၂၃ ခုနှစ်၊ ဒီဇင်ဘာလ(၁၈)ရက်နေ့တွင် အကြမ်းဖက်စစ်ကောင်စီတပ်က တိုက်လေယာဉ်ဖြင့် အကြောင်းမဲ့ဗုံးကြဲတိုက်ခိုက်ခဲ့တာကြောင့် အပြစ်မဲ့ ပြည်သူ ၄ ဦးသေဆုံးပြီး၊ ၁ ဦးဒဏ်ရာရရှိကာ နေအိမ် ၄ လုံးပျက်စီးခဲ့ရပါတယ်။

 

အဆိုပါ ထိခိုက်နစ်နာသူများနှင့် နေအိမ်ပျက်စီးဆုံးရှုံးခဲ့သူများကို မတူပီမြို့နယ်ဘဏ္ဍာရေးကော်မတီ၊ ဒေသကာကွယ်ရေးတပ်ဖွဲ့၊ ဒေသအုပ်ချုပ်ရေးအဖွဲ့များနှင့် ပူးပေါင်းကာ မြို့နယ်ဘဏ္ဍာရေးကော်မတီမှ ရရှိထားသည့် အလှူငွေ  ကျပ်သိန်း(၉၀)ကျော်ကိုပေးအပ်ခဲ့ပြီး ၊ လေကြောင်းဗုံးကြဲတိုက်ခိုက်မှုကြောင့် မတူပီမြို့နယ်၊ ဝေလူးကျေးရွာမှ သေဆုံးသူများ၏ မိသားစုဝင်များနှင့် ထိခိုက်နစ်နာသူများကိုလည်း မတူပီမြို့နယ်ဘဏ္ဍာရေးကော်မတီမှ ၃၀၊ ၁၊ ၂၀၂၄ ရက်နေ့တွင် ဝေလူးကျေးရွာသို့ သွားရောက်ကာ အလှူငွေပေးအပ်ခဲ့တယ်လို့သိရပါတယ်။

 

========================

 

📌📌 ၄။ "ချင်းညီနောင်"အဖွဲ့တွင် Chin Defence Force - Kanpetlet ပူးပေါင်း

 

The Matupi Times     ဖေဖော်ဝါရီ ၆/၂၀၂၄

ကန်ပက်လက်ဒေသခံကာကွယ်ရေးတပ်ဖွဲ့ Chin Defence Force - Kanpetlet သည် "ချင်းညီနောင်"အဖွဲ့နဲ့အတူ မတ်လ ၆ ရက်နေ့တွင် စတင်လက်တွဲလိုက်ပြီလို့ သတင်းထုတ်ပြန်ပါတယ်။

 

ချင်းညီနောင်အဖွဲြ့ကို ပြီးခဲ့တဲ့ ၂၀၂၃ခုနှစ်၊ ဒီဇင်ဘာလ (၃၀)ရက်နေ့မှာ ZFU/PDF-Zoland/ CNO-CNDF/ CDF-Mindat တို့ပူးပေါင်းပြီးစတင်ဖွဲ့စည်းခဲ့ဖြစ်ပြီး ၂၀၂၄ ခုနှစ် ဇန်နဝါရီလ ၃၀ရက်နေ့မှာ MDF/MTC အဖွဲ့က အဖွဲ့ဝင်အဖြစ် ပူးပေါင်းခဲ့ပြီး ယခုမှာ CDF-Kanpetlet ကထပ်မံပူးပေါင်းလိုက်ပါတယ္။

 

CDF_Kanpetlet အနေဖြင့် "ချင်းညီနောင်"အဖွဲ့တွင် ပူးပေါင်းပါဝင်လာနိုင်ရေးအတွက် အကြိ်မ်ကြိိမ် တွေ့ဆုံဆွေးနွေးမှုများ ပြုလုပ်ခဲ့ကြတယ်လို့ "ချင်းညီနောင်"အဖွဲ့ကသတင်းထုတ်ပြန်ပါတယ်။

 

========================

 

📌📌 ၅။ ဟားခါးမြို့၊ ရဲတပ်ဖွဲ့ဝင် ၅ ဦးကိုလက်နက်နဲ့အတူ CDF-Hakha က အရှင် ဖမ်းဆီးရမိ

 

The Matupi Times မတ် ၈၊၂၀၂၄

ချင်းပြည်နယ် ၊ ဟားခါးမြို့ (နတလ)ကျောင်းတွင် လုံခြုံရေးတာတာဝန်ယူနေသည့် စစ်ကောင်စီလက်အောက်ခံ ရဲတပ်သား ၅ ဦးကိုလက်နက်နဲ့အတူ CDF-Hakha က အရှင်ဖမ်းဆီးရမိခဲ့တယ်လို့သိရပါတယ်။

ဖမ်းဆီးရမိသူများတွင် ရဲ-နှစ်ပွင့်ဗိုလ်အရာရှိတစ်ဦးပါဝင်ပြီး ၊ အဆိုပါရဲတပ်ဖွဲြ့ဝင်များကို မတ်လ ၆၊၂၉၂၄ ရက်နေ့တွင် CDF-Hakha က "RUNG"စစ်ဆင်ရေးတခုပြုလုပ်ခဲ့ကာ ၎င်းတို့တာဝန်ကျရာနေရာသို့ CDF-Hakha တပ်ဖွဲ့ဝင်များက ဝင်ရောက်အရှင်ဖမ်းဆီးနိုင်ခဲ့တာဖြစ်ကြောင်း ထုတ်ပြန်ချက်အရသိရပါတယ္။ 

ပြီးခဲ့တဲ့ ဖေဖော်ဝါရီလ ၂၅၊၂၀၂၄ ရက်နေ့ ညပိုင်းက CDF-Hakha ၏ "RUNG" စစ်ဆင်ရေးတွင်လည်း စစ်ကောင်စီတပ်ဖွဲ့ဝင်နဲ့ CDF-Hakha တို့(၃)နာရီအကြာထိတွေ့တိုက်ပွဲဖြစ်ပွားခဲ့ပြီး စစ်ကောင်စီတပ်ဖွဲ့ဝင် (၄)ဦးသေဆုံးကာ (၅)ဦး ထိခိုက်ဒဏ်ရာရရှိခဲ့ပါတယ်။

#RadioNUGLocalNews

#SpringRevolution