8th APR 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဧပြီလ ( ၈ ) ရက်နေ့ ရပြည်တွင်းသတင်းများ

========================

📌📌 ၁။ မိုးသက်လေပြင်းတိုက်ခတ်မှုကြောင့် မီဇိုရမ်ပြည်နယ်ကမြန်မာစစ်ဘေးရှောင်စခန်းမှနေအိမ်များပျက်စီး

The Matupi Times ဧပြီလ ၁/၂၀၂၄

India နိူင်ငံ၊ မီဇိုရမ်ပြည်နယ်တွင် ပြီးခဲ့တဲ့မတ်လ ၃၀ ရက်နေ့ကစ၍ မိုးသည်းထန်ပြီးလေပြင်းတိုက်ခတ်ခဲ့တာကြောင့် မြန်မာ(ချင်း)စစ်ဘေးရှောင်ပြည်သူများ၏ နေအိမ်များပျက်စီးခဲ့တယ်လို့့သိရပါတယ်။

ယမန်နေ့ မတ်လ ၃၀-၃၁.၂၀၂၄ ရက်နေ့တွေက ရုတ်တရက် မိုးသည်းထန်စွာရွာသွန်းကာ လေပြင်းတိုက်ခတ်ခဲ့တာကြောင့် မိဇိုရမ်၊ Aizawl District ၊ ( Kolasip)ခရိုင် နှင့် Lawngtlai District အတွင်းရှိ ချင်းပြည်နယ်၊မတူပီမြို့နယ်မှ စစ်ဘေးရှောင်အများစုနေထိုင်သည့် နေအိမ်များသည် လေဘေးအန္တာရာယ်နဲ့ ရင်ဆိုင်ကြုံတွေ့ခဲ့ရပါတယ်။

စစ်ဘေးရှောင်စခန်းတွင်နေထို်င်သည့် စစ်ရှောင်ပြည်သူများအနေဖြင့် မိသားစု စားဝတ်နေရေးအတွက်ရုန်းကန်နေကြသလို၊ စစ်ဘေးရှောင် စခန်းများသည် ရာသီအလိုက် ခိုလှိုရာသဲအိမ်များသည် မိုကာများဖြင့် ဆောက်လုပ်ခဲ့ကြပြီး၊ ယခုလိုမျိုး လေးပြင်းမုန်တိုင်းများ မမျှော်လင့်ဘဲ ရင်ဆိုင်ရသောအချိန်မှာဆို နားခိုရာမဲ့သလို၊ စားဝတ်နေရေးကိစ္စ ပြသနာများ ဖြေရှင်နိူင်ရေးမှာ အလွန်ခက်ခဲသောကာလဖြင့် ကြုံတွေ့နေကြရတယ်လို့ဆိုပါတယ်။

ယမန်နေ့က မိုးသက်လေပြင်းတိုက်ခိုက်မှုကြောင့် မီဇိုရမ်၊ လောင်တလိုင်ခရိုင်၊ ( Kolasip)ခရိုင် နှင့် အိုင်းဇော်လ်ခရိုင်အတွင်းက စစ်ဘေးရှောင်စာသင်ကျောင်းဆောင်(၂)ခုနှင့် နေအိမ်(၁၃)လုံး ထက်မနည်း ပျက်စီးခဲ့တယ်လို့ သိရပါတယ်။

========================

📌📌 ၂။ စစ်တပ်မှ နှစ်ပေါင်း ၆၀ ကျော်တပ်စွဲထားတဲ့ စိန်လုံဗျူဟာစခန်းကို KIA နဲ့ပူးပေါင်းတပ်တွေကအပြီးသတ်သိမ်းပိုက်

The Matupi Times ဧပြီ ၁/၂၀၂၄

စကစတပ်ကနှစ်ပေါင်းများစွာအထိုင်ချ တပ်စွဲထားတဲ့ စိန်လုံဘွမ့်(Zinlum Bum) စစ်တပ်ဗျူဟာကုန်းကြီးကို ကချင်လွတ်လပ်ရေးတပ်မတော် KIA နဲ့ပူးပေါင်းတပ်တွေက ဧပြီလ ၁ ရက်နေ့ ဒီကနေ့မနက်ပိုင်းမှာ သိမ်းပိုက်လိုက်ပြီလို့ ဒေသခံသတင်းများထံက သိရပါတယ်။

အဆိုပါတပ်စခန်းသည် ဗန်းမော် – လွယ်ဂျယ်လမ်းမကြီးပေါ်ရှိ အကြီးဆုံးဗျူဟာတပ်စခန်းတစ်ခုဖြစ်ပြီး စစ်အင်အား ၂၀၀ ဝန်းကျင်လောက်အထိ နှစ်ပေါင်း ၆၀ ကျော်ခန့် အထိုင်ချထားတဲ့တပ်စခန်းဖြစ်တယ်လို့ ကချင်းဒေသခံသတင်း KNG ကဖော်ပြပါတယ်။

တရုတ်မြန်မာနယ်စပ်မြို့ ဖြစ်တဲ့ လွယ်ဂျယ်မြို့နဲ့ မိုးမောက်မြို့ကြားက စစ်ကောင်စီတပ်စခန်းတွေကို မတ်လ ၂၇ ရက်နေ့ကနေ ထိုးစစ်ဆင်တိုက်ခိုက်ခဲ့ပြီးနောက် စခန်းပေါင်း (၁၁) ခုကို သိမ်းပိုက်နိုင်ခဲ့ပါတယ်။

၎င်းစခန်းတွေထဲက စိန်လုံစခန်းနဲ့ ယောယုံစခန်းဟာ စစ်ကောင်စီရဲ့ ဗျူဟာမှူးတွေထိုင်တဲ့ စခန်းကြီးတွေဖြစ်ပြီး ယခုသိမ်းပိုက်လိုက်တဲ့ စိန်လုံတိုက်ပွဲမှာ စစ်ကောင်စီတပ်ဘက်က ထိခိုက်သေဆုံးမှုများပြီး KIA ဘက်ကလည်း စက်လက်နက်ခဲယမ်းအများအပြားကိုသိမ်းဆည်းရရှိနိုင်ခဲ့တယ်လို့ဆိုပါတယ်။

========================

📌📌 ၃။ မင်းတပ်မြို့ပေါ်က နေအိမ်(၈)လုံးမီးလောင်ကျွမ်း

The Matupi Times ဧပြီ ၂/၂၀၂၄

ချင်းပြည်နယ်တောင်ပိုင် ၊ မင်းတပ်မြို့တွင် ပြီးခဲ့တဲ့ ဧပြီလ ၁ ရက်နေ့ ည ၁၀ နာရီခန့်က မင်းတပ်မြို့၊ ဘဝသစ်ရပ်ကွက်၊ လူမှုဝန်ထမ်းရုံးအရှေ့ဘက်ရှိ နေအိမ်(၈)လုံးဟာ မီးလောင်ကျွမ်းသွားခဲ့တယ်လို့ မင်းတပ်နယ်သတင်းတွေ ဖော်ပြပေးနေတဲ့ HKL Mindat ထံကသိရပါတယ်။

အဆိုပါလောင်ကျွမ်းသွားသည့် နေအိမ်(၈)လုံးသည် သစ်တောရုံးအောက် ဒုတိယမြို့ပတ်လမ်းမပေါ်ရှိနေအိမ်များဖြစ်ပြီး မီးလောင်နေသည့်အချိန်တွင် မီးငြိမ်းသတ်ရန်အတွက် “ မြို့ပေါ်တွင်ရေရှားပါးပြီး မြို့ပေါ်နေပြည်သူများအနေဖြင့် အပြင် မထွက်ရဲကြတာကြောင့်တော်တော်လေးအခက်ကြုံတွေ့ခဲ့ကြရတယ်။ ပြည်သူတစ်ချို့နှင့် မီးသတ်ကားရောက် လာတာ ကြောင့် မီးငြိမ်းသတ်နိုင်ခဲ့ကြတယ်လို့ကြားသိရကြောင်း။ " HKL ကရေးသားဖော်ပြထားပါတယ်။

========================

📌📌 ၄။ ချင်းအမျိုးသားကာကွယ်ရေးတပ်ဖွဲ့ CNO/CNDF အခြေခံစစ်ပညာသင်တန်းဆင်းပွဲ ကျင်းပ

The Matupi Times ဧပြီလ ၄ ၊ ၂၀၂၄

ချင်းအမျိုးသားကာကွယ်ရေးတပ်ဖွဲ့ CNO/CNDF မှ လေ့ကျင့်သင်ကြားပေးသည့် အခြေခံစစ်ပညာသင်တန်း အမှတ်စဉ်(၃၈) သင်တန်းဆင်းပွဲအခမ်းအနားကို ၂၀၂၄ ခုနှစ် ဧပြီလ ၂ ရက်နေ့က အောင်မြင်စွာကျင်းပပြုလုပ်ခဲ့တယ်လို့သိရပါတယ်။

အဆိုပါ သင်တန်းဆင်းပွဲသို့ CNO/CNDF မှ တာဝန်ရှိ ပုဂ္ဂိုလ်များ၊ ဖိတ်ကြားထားသည့် ဧည့်သည်တော်များ တက်ရောက်ကာ မိန့်ခွန်းပြောကြားခဲ့ပြီး သင်တန်းကာလအတွင်း စံပြဆု နှင့် လက်ဖြောင့်ဆု ရရှိသူများကို တာဝန်ရှိသူများမှ ဆုချီးမြှင့်ပေးခဲ့တယ်လို့ CNO/CNDF (သတင်းပြန်ကြားရေးနှင့် ပြည်သူ့ဆက်ဆံရေးဌာန)က သတင်းထုတ်ပြန်ပါတယ်။

========================

📌📌 ၅။ CDF-Matupi တပ်မဟာ (၁) ပထမအကြိမ် ညီလာခံအောင်မြင်စွာကျင်းပ ၊ စစ်ရေးအရှိန်မြှင့် လုပ်ဆောင်သွားမည်ဟုဆို

The Matupi Times ဧပြီလ ၅/၂၀၂၄

ချင်းလဲန်းကာကွယ်ရေးတပ်ဖွဲ့ မတူပီ တပ်မဟာ(၁) ၏ ပထမအကြိမ်ညီလာခံ ကို ပြီးခဲ့တဲ့ ဧပြီလ ၃ /၂၀၂၄ ရက်နေ့က အောင်မြင်စွာကျင်းပပြုလုပ်နိုင်ခဲ့တယ်လို့သိရပါတယ်။

ညီလာခံတွင် တပ်မဟာ တပ်မှူးများရွေးချယ်ခန့်အပ်တာဝန်ပေးအပ်ခြင်းနှင့်ရှေ့ဆက် လုပ်ငန်းစဉ်များ ချမှတ်နိုင်ခဲ့ပြီး ချင်းပြည်နယ်အတွင်းရှိတော်လှန်ရေး လမ်းစဉ်တူညီသည့် လက်နက်ကိုင် အဖွဲ့အစည်းများ၊ မတူပီမြို့နယ်အတွင်းရှိ လမ်းစဉ်တူညီသည့် အရပ်ဖက်တော်လှန်ရေး အင်အားစုများ နဲ့ ပူးပေါင်းလက်တွဲသွားမည်ဖြစ်ကြောင်း နှင့် CRPH,NUCC,NUG နှင့်ပြည်တွင်း၊ပြည်ပရှိ ချင်းတော်လှန်ရေးအင်အားစုများနဲ့ ဖက်ဒရယ်ဒီမိုကရေစီပြည်ထောင်စု ပေါ်ပေါက်လာသည့်အထိ လက်တွဲ ဆောင်ရွက်သွားမယ်လို့ ဆိုပါတယ်။

တပ်မဟာ(၁)သည် မတူပီမြို့အပါအဝင်၊ မတူပီ ကျေးရွာအချို့ကိုအခြေခံသော လင်းယုန်တပ်ရင်း နဲ့ ဆီနိုင်းတပ်ရင်းတို့ပါဝင်ပြီး ၊ ပြီးခဲ့တဲ့ ဖေဖော်ဝါရီ ၂၃-၂၅ ၊ ၂၀၂၄ ရက်နေ့ထိကျင်းပပြုလုပ်ခဲ့တဲ့ ချင်းလဲန်း ကာကွယ်ရေးတပ်ဖွဲ့ မတူပီ၏ တတိယအကြိမ်မြှောက်ညီလာခံတွင် တပ်မဟာ(၁၊ ၂) အဖြစ် ပြောင်းလဲဖွဲ့စည်းခဲ့ကြတာဖြစ်ပါတယ်။

========================

📌📌 ၆။ ကန်ပက်လက်နယ်က ဒေသခံအရပ်သားတစ်ဦးကို စကစတပ်ဖွဲ့ကပစ်သတ် ၊ ဒေသခံကလေးသူငယ်များအပါအဝင် ပြည်သူ ၁၅၀ ကျော်ခန့် တောတောင်ထဲတွင် တိမ်းရှောင်နေရ

The Matupi Times ဧပြီလ ၅ ၊ ၂၀၂၄ ခုနှစ်

ချင်းပြည်နယ်၊ ကန်ပက်လက်မြို့နယ်တွင် လွန်ခဲ့သည့် ရက်သတ္တပတ်ခန့်က ရဟတ်ယာဉ်ဖြင့် ပို့လာသော စစ်ကောင်စီတပ်သားများသည် ၃-၄-၂၀၂၄ ရက်နေ့တွင် တောတွင်းတစ်နေရာမှ ပေါ်ထွက်လာပြီး ဖျန်ချောင်းကျေးရွာ၌ တပ်စွဲလာသည့်အတွက် မဟာမိတ်တပ်ပေါင်းစုများနှင့် ထိတွေ့တိုက်ပွဲဖြစ်ပွားခဲ့တယ်လို့ ကန်ပက်လက်မြို့ ပြည်သူ့ အုပ်ချုပ်ရေးအဖွဲ့ ကသတင်းထုန်ပြန်ပါတယ်။

အဆိုပါတိုက်ပွဲကြောင့် စစ်ကောင်စီတပ်မှ ရည်ရွယ်ချက်ရှိရှိ မီးရှို့ဖျက်ဆီးခြင်းတို့ကြောင့် ကျေးရွာတွင်းရှိ နေအိမ်တချို့ မီးလောင်ပျက်စီးမှုများရှိပြီး ၊ ကန်ပက်လက်နယ်ဒေသခံ ကလေးသူငယ်များအပါအဝင် ၊ ပြည်သူ ၁၅၀ ကျော်ခန့်သည် ဘေးလွတ်ရာ နေရာတောတောင်များထဲတွင် တိမ်းရှောင်နေရတယ်လို့သိရပါတယ်။

ကျေးရွာအတွင်း ကျန်ရစ်ခဲ့သူ ၆၅ နှစ်အရွယ်ရှိ အမျိုးသားတစ်ဦးကိုလည်း စစ်ကောင်စီတပ်သားများမှ သေနတ်ဖြင့် ပစ်သတ်ထားသည်ဟု ကနဦး သိရှိရပြီး အသက် အရွယ်ကြီးရင့်သူ ပြည်သူ ၂ ဦးမှာလည်း ယနေ့ထိပျောက်ဆုံးနေဆဲ ဖြစ်တယ်လို့ဆိုပါတယ်။

စစ်ကောင်စီတပ်ဖွဲ့ဝင်များသည် ဖျန်ချောင်းကျေးရွာတွင်း ကျေးရွာတွင်း၌ ဆက်လက််တပ်စွဲထားပြီး တော်လှန်တပ်တွေနဲ့ ထိတွေ့တိုက်ပွဲ များဆက်လက်ဖြစ်ပွားနေတယ်လို့သိရပါတယ်။

ကန်ပက်လက်မြို့နယ်ပြည်သူ့အုပ်ချုပ်ရေးအဖွဲ့အနေဖြင့် ဆက်လက်တိုက်ပွဲဖြစ်ပွားနေ၍ ကျေးရွာအတွင်းက မီးလောင်ပျက်စီးဆုံးရှုံးမှုအခြေအနေများကို အသေးစိတ် မသိရှိရသေးဘဲ၊ အရေးပေါ်တိမ်းရှောင်ရသည့် ပြည်သူ များကို ကူညီစောင့်ရှောက်မှုများ ဆောင်ရွက်နေပြီး မိဘပြည်သူများမှလည်း တတ်စွမ်းသမျှ ပံ့ပိုး ကူညီပေးကြဖို့ တိုက်တွန်းထားပါတယ်။

========================

📌📌 ၇။ စစ်ကောင်စီအရာရှိ၊ တပ်သားနှင့် မိသားစု စုစုပေါင်း ၆၁၇ ဦး လက်နက်ချ အညံ့ခံကြောင်း KNU ဗဟိုသတင်းထုတ်ပြန်

The Matupi Times ဧပြီလ ၆၊ ၂၀၂၄

ကရင်အမျိုးသားလွတ်မြောက်ရေးတပ်မတော်နှင့် တော်လှန်ရေးပူးပေါင်းတပ်ဖွဲ့များမှ တိုက်ခိုက်သိမ်းပိုက်ရရှိသော စစ်ကောင်စီ၏ အရှေ့တောင်တိုင်းစစ်ဌာနချုပ်လက်အောက်ခံ (သင်္ဃန်းညီနောင်) စစ်ဗျူဟာအခြေချ စခန်းတို့မှ စစ်ကောင်စီတပ်သားများနဲ့ မိသားစုဝင် စုစုပေါင်း ၆၁၇ ဦးသည် လက်နက်ချ အညံ့ခံခဲ့တယ်လို့ KNU ဗဟိုက ဧပြီလ ၆ ရက်နေ့ ညပိုင်းမှာ တရားဝင်သတင်းထုတ်ပြန်ပါတယ်။

အလင်းဝင်လာသူများတွင် အရာရှိအဆင့်(၆၇) ဦး၊ အခြားနှင့်တပ်သားအဆင့် (၄၁၀) ဦး၊ စုစုပေါင်း (၄၇၇) ဦး လက်နက်ချ အညံ့ခံခဲ့ပြီး ရဲမေ(၅၉)ဦးနှင့် တပ်မိသားစုဝင် (၈၁)ဦး စုစုပေါင်း (၁၄၀)ဦး လက်နက်ချ ဝင်ရောက်လာခဲ့ကြတယ်လို့သိရပါတယ်။

ထို့အပြင် စစ်ကောင်စီ၏ (၁၉၆၈) ခုနှစ်မှ အခြေချခဲ့သော အရှေ့တောင်တိုင်းစစ်ဌာနချုပ်လက်အောက်ခံ (သင်္ဃန်းညီနောင်) စစ်ဗျူဟာအခြေချ စခန်းကို ကရင်အမျိုးသားလွတ်မြောက်ရေးတပ်မတော်နှင့် တော်လှန်ရေးပူးပေါင်းတပ်ဖွဲ့တို့မှ အောင်မြင်စွာသိမ်းပိုက်နိုင်ခဲ့ပြီး လက်နက်ကြီး၊ လက်နက်ငယ်များနှင့် ခဲယမ်းမီးကျောက်မြောက်များစွာကို သိမ်းပိုက်ရရှိခဲ့တယ်လို့သိရပါတယ်။