4th MAY 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ မေလ ( ၄ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ပျူစောထီးအားကောင်းတဲ့ ကျင်ဒွေးမြို့ကို ‘ချင်းညီနောင်’ ပူးပေါင်းတပ်က ထိန်းချုပ်လိုက်ပြီ

 

 ‘ချင်းညီနောင်’ စစ်ဆင်ရေးအမည်နဲ့ ဖော်ဆောင်နေတဲ့ ကန်ပက်လက်မြို့နယ်၊ ကျင်ဒွေးမြို့ကို ထိန်းချုပ်လိုက်ပြီလို့ ‘ချင်းညီနောင်’ က မေလ ၁ရက်နေ့က တရားဝင် သတင်းထုတ်ပြန်လိုက်ပါတယ်။

၂၀၂၃ ဒီဇင်ဘာလမှာ CDF နဲ့ PDF ပူးပေါင်းတပ်တို့က ကျင်ဒွေးမြို့ကို စတင်တိုက်ခိုက်တာဖြစ်ပြီး ၂၀၂၄ မတ်လ ၇ ရက်နေ့မှာ ‘ချင်းညီနောင်’ စစ်ဆင်ရေးအဖြစ် စတင်ဖော်ဆောင်ခဲ့တာပါ။

အဘက်ဘက်က အချက်အခြာကျတဲ့ ချင်း - မကွေးနယ်စပ် ကျင်ဒွေးကို စစ်ကောင်စီက လက်မလွှတ်ရေး အင်အားရာချီ စစ်ကူပို့ထားသလို လေကြောင်းပစ်ကူသုံးနေတာ လချီရှိခဲ့ပါတယ်။

ကျင်ဒွေးမြို့သိမ်းတိုက်ပွဲမှာ အာရက္ခတပ်တော် (AA)၊ PDF၊ YDF၊ LPDF တို့က စစ်ဆင်ရေးမှာ ပူးပေါင်းတိုက်ပွဲဝင်တယ်လို့ ‘ချင်းညီနောင်’ က ထုတ်ပြန်ချက်မှာ ဖော်ပြပါတယ်။

၂၀၁၉ ဧပြီလက မြို့အဆင့်မြှင့်ထားတဲ့ ကျင်ဒွေးဟာ ခေတ်အဆက်ဆက်က စစ်ဗိုလ်ချုပ်တွေ သဘောကျခဲ့တဲ့နေရာဖြစ်ပြီး စ၊စ်တပ်ရဲ့ အရေးကြီး လုပ်ငန်းစီမံချက်တွေကို လုပ်ဖို့ လျာထားတဲ့နေရာလို့လည်း သိရပါတယ်။

“ကျင်ဒွေးသား ကြံ့ခိုင်ရေးအစိုးရခေတ် ချင်းပြည်နယ်လူမှုရေးဝန်ကြီးဟောင်း ဒေါက်တာဘမောင်ကို ဘုရားသခင်လို ကိုးကွယ်ကြတဲ့ ကျင်ဒွေးမြို့သားအားလုံး ပျူတွေ၊ တနိုင်ငံလုံးမှာ ပျူအင်အားအကောင်းဆုံးနဲ့ အကျစ်လစ်ဆုံး နေရာလို့လည်း ပြောလို့ရပါတယ်။” လို့ သတင်းအရင်းမြစ်တဦးက ကျင်ဒွေးမြို့နဲ့ ပတ်သက်ပြီး မှတ်ချက်ပြုပါတယ်။

ကျင်ဒွေးမြို့ကို ‘ချင်းညီနောင်’ ပူးပေါင်းတပ်ဘက်က ထိခိုက်ကျဆုံးမှုတွေ များစွာရှိနေတဲ့ကြား ၄ လကျော်တို၊က်ယူခဲ့ပြီး အခုလို ထိန်းချုပ်နိုင်တာလည်း ဖြစ်ပါတယ်။

 

========================

 

📌📌 ၂။ ကန်ပက်လက်မြို့နယ်မှာ လေကြောင်း ဗုံးကျဲတိုက်ခိုက်မှုခံနေရ၊ ပြင်းထန်ဒဏ်ရာရသူတွေရှိ

 

ကန်ပက်လက်မြို့နယ်၊ လွန်ဒုံကျေးရွာကို စစ်ကောင်စီလေတပ်က လေကြောင်းတိုက်ခိုက်မှု ၂ ကြိမ် ပြုလုပ်ခဲ့တယ်လို့ ကန်ပက်လက်မြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ပါတယ်။

အဆိုပါ တိုက်ခို၊က်မှုအတွင်း အသက် ၆၈ အရွယ်ရှိ အမျိုးသားတဦး၊ အသက် ၄၅ နှစ်အရွယ်ရှိ အမျိုးသမီးတဦး ပြင်းထန်ဒဏ်ရာရရှိခဲ့ပြီး အသက် ၁၈ အရွယ်အမျိုးသမီးတဦး (မစိုးရိမ်ရ) ဒဏ်ရာရရှိခဲ့တယ်လို့ ကနဦး ထုတ်ပြန်ပါတယ်။

လွန်ဒုံကျေးရွာရှိ လက်ရှိအသုံးပြုနိုင်ခြင်းမရှိတဲ့ ဆေးပေးခန်း နေအိမ် (၃) လုံးမှာ လုံးဝ ပျက်စီးဆုံးရှုံးခဲ့တယ်လို့ ပြောပါတယ်။

နှစ်ဖက် တို၊က်ပွဲဖြစ်ပွားခြင်းမရှိတဲ့ လွန်ဒုံကျေးရွာမှာ စစ်ကောင်စီလေတပ်က အရပ်သားပြည်သူတွေကို ရည်ရွယ်ရှိရှိ ဦးတည်ပြီး လေကြောင်းတိုက်ခို၊က်တာ ဖြစ်ပါတယ်။

ပြီးခဲ့တဲ့ ဧပြီ ၁၇ ရက်နေ့ကလည်း ကန်ပက်လက်မြို့နယ် အုံကျေးရွာ၊ လွီးစုံကျေးရွာနဲ့ ကောက်စောင်းကျေးရွာတွေ လေကြောင်းတိုက်ခိုက်ခံရတာကြောင့် ထိခိုက်ဆုံးရှုံးမှုတွေ ရှိခဲ့ပါတယ်။

စစ်ကောင်စီလေတပ်ရဲ့ လေကြောင်းတိုက်ခိုက်မှုရန်က တိမ်းရှောင်တာ၊ ဗုံးခိုကျင်းတူးထားတာမျိုး ကြိုတင် ဆောင်ရွက်ထားကြဖို့ ကန်ပက်လက်မြို့နယ် ပြည်သူ့အုပ်ချုပ်ရေးအဖွဲ့က ထုတ်ပြန်ထားပါတယ်။

 

========================

 

📌📌 ၃။ ‘ချင်းညီနောင်’ စစ်ဆင်ရေးမှာ YDF ပူးပေါင်းတို၊က်ပွဲဝင်

 

'ချင်းညီနောင်’ စစ်ဆင်ရေးအမည်နဲ့ ဖော်ဆောင်တဲ့ ကန်ပက်လက်မြို့နယ်၊ ကျင်ဒွေးမြို့သိမ်းတိုက်ပွဲမှာ ယောကာကွယ်ရေးတပ် (YDF) က ပူးပေါင်းတိုက်ပွဲဝင်ခဲ့တယ်လို့ သတင်းထုတ်ပြန်ပါတယ်။

၂၀၂၃ ဒီဇင်ဘာလမှာ CDF နဲ့ PDF ပူးပေါင်းတပ်တို့က စတင်တိုက်ခိုက်ခဲ့တဲ့ ကျင်းဒွေးမြို့ကို ၂၀၂၄ မတ်လ ၇ ရက်နေ့မှာ ‘ချင်းညီနောင်’ စစ်ဆင်ရေးအဖြစ် စတင်ဖော်ဆောင်ခဲ့တာဖြစ်ပြီး ၂၀၂၄ မေလ ၁ ရက်နေ့မှာ အလုံးစုံ ထိန်းချုပ်ခဲ့ကြောင်း ‘ချင်းညီနောင်’ က ထုတ်ပြန်ပါတယ်။

ယောကာကွယ်ရေးတပ် (YDF) ဟာ မကွေးတိုင်း၊ ယောဒေသ အခြေစိုက် တော်လှန်ရေးတပ်ဖွဲ့ ဖြစ်ပြီး ချင်းပြည် ပလက်ဝမြို့နဲ့ ရခိုင်ပြည်အတွင်း စစ်ဆင်ရေးတွေမှာ အာရက္ခတပ်တော် (AA) နဲ့အတူ အတွေ့အကြုံယူ တို၊က်ပွဲဝင်ခဲ့ကြောင်း ၂၀၂၄ ဧပြီလအတွင်းက ထုတ်ပြန်ဖူးပါတယ်။

ကျင်ဒွေးမြို့သိမ်းတိုက်ပွဲမှာ အာရက္ခတပ်တော် (AA)၊ PDF၊ YDF၊ LPDF တို့ စစ်ဆင်ရေးမှာ ပူးပေါင်းတိုက်ပွဲဝင်တယ်လို့ ‘ချင်းညီနောင်’ က မေလ ၁ ရက်နေ့ ထုတ်ပြန်ပါတယ်။

#RadioNUGLocalNews

#SpringRevolution