01 JUL 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇူလိုင်လ ( ၁ ) ရက်နေ့ ရပြည်တွင်းသတင်းများ

📌📌 ၁./မတူပီမြို့ရှိ စကစတပ်စခန်းအားလုံးကို ချင်းညီနောင်မဟာမိတ်ပူးပေါင်းအဖွဲ့ကအပြီးသတ်သိမ်းပိုက်

 

The Matupi Times ၊ ဇွန်လ၊ ၂၉၊ ၂၀၂၄

ချင်းပြည်နယ်တောင်ပိုင်း ၊ စစ်ကောင်စီအခိုင်အမာအခြေချထားသော မတူပီမြို့ကို ချင်းညီနောင်မဟာမိတ်ပူးပေါင်းအဖွဲ့က ဇွန်လ ၂၉၊ ၂၀၂၄ ရက်နေ့မှာအပြီးသတ်သိမ်းပိုက်လိုက်ပြီးဖြစ် ကြောင်းသိရပါတယ္။

 

ချင်းညီနောင်မဟာမိတ်ပူးပေါင်းအဖွဲ့သည် မတူပီမြို့သိမ်းစစ်ဆင်ရေးကို ဇွန်လ ၉၊ ၂၀၂၄ ရက်နေ့က စတင်ခဲ့တာဖြစ်ပြီး ရက္ခိုင့်တပ်တော်(AA) ၊ Yaw Arm ၊ Yaw Defense Force(YDF) တို့နဲ့ပူးပေါင်းတိုက်ပွဲဝင်ခဲ့ကြတာပါ။

ဇွန်လ (၁၇) ရက်နေ့တွင် တူပီမြို့၏ ကုန်းထိပ် အမြင့်ဆုံးနေရာတွင် စစ်ကောင်စီက အခိုင်အမာ တပ်စွဲထားသော (ခမရ-၃၀၄) တပ်ရင်းကို Chin Brotherhood (CB Operation) အနေဖြင့် အပြီးသတ်သိမ်းပိုက်ခဲ့ပါတယ်။

 

အဆိုပါတိုက်ပွဲများအတွင်းမှာ CDF-Matupi တပ်မဟာ(၁)တပ်ဖွဲ့ဝင်(၆)ဦး မြင့်မြတ်စွာအသက်ပေးလှုခဲ့ကြပါတယ္။ ကျန်ရှိ‌‌‌‌နေသည့် စစ်ကောင်စီတပ်ခန်းတွေကို ဆက်လက်ထိုးစစ်ဆင်တို်က်ခိုက်ချိန်၌ အချင်းချင်းကြား ပဋိပက္ခဖြစ်ပွားခဲ့ပြီး ချင်းညီနောင်မဟာမိတ်အဖွဲ့နဲ့ ချင်းပြည်ကောင်စီပူးပေါင်းအဖွဲ့တို့အကြားအပြန်အလှန်ထိတွေ့တိုက်ပွဲြဖြစ်ပွားခဲ့ကြပါတယ္။

အပြန်အလှန်ပစ်ခတ်မှုကြောင့် နှစ်ဘက်အဖွဲ့အစည်းသေဆုံးသူများလညး်ရှိသလိုထိခိုက်ဒဏ်ရာရသူ များ လည်းရှိ‌ကြောင်း သိရပါတယ္။

 

ပြီးခဲ့တဲ့ ဇွန်လ ၂၄ ရက်နေ့ ညနေပိုင်း၌ CDF-Matupi တပ်မဟာ(၂)ပါဝင်သည့် ချင်းပြည‌်‌‌‌ေကာင်စီပူး‌ပေါင်းတပ်ဖွဲ့များသည် ပြန်လည်ဆုတ်ခွာသွားခဲ့‌ပါတယ္။

 

ဇွန်လ ၂၉၊ ၂၀၂၄ ရက်နေ့မှာတော့ မတူပီ-ဟားခါးလမ်းဘက်တွင် ကျန်ရှိနေသေးသည့် စစ်‌ကောင်စီ၏ ခလရ(၁၄၀)နှင့် စစ်ဗျူဟာကုန်းတို့ကို CDF-Matupi တပ်မဟာ(၁)ပါဝင်သည့် ချင်းညီ‌ေနာင်မဟာမိတ်ပူပေါင်းအဖွဲ့က အပြီးသတ်သိမ်းပိုက်နိုင်ခဲ့ပြီဖြစ်ကြောင်း သတင်းထုတ်ပြန်လို်က်ပါတယ္။

 

========================

 

📌📌 ၂./CDF-Kanpetletထိန်းချုပ်နယ်မြေတွင် လက်အောက်ခံမဟုတ်ဘဲတပ်ချထားသော တပ်စခန်းများ သတ်မှတ်ရက်မတိုင်မီ ဖယ်ရှားကြရန် သတိပေး

 

The Matupi Times ၊ ဇွန်လ ၊ ၂၉၊၂၀၂၄

CDF-Kanpetlet ထိန်းချုပ်နယ်မြေတွင် လက်အောက်ခံမဟုတ်သော အဖွဲ့အစည်းများကတပ်ချနေသည်ကို တွေ့ရှိရပြီး တပ်ချထားသောစခန်းများအနေဖြင့် CDF-Kanpetlet ၏ထိန်းချုပ်နယ်မြေမှ သတ်မှတ်ရက်အတွင်း ဖယ်ရှားကြရန် ဒီကနေ့ဇွန်လ ၂၉၊ ၂၀၂၄ ရက်နေ့မှာ သတိပေးချက်ထုတ်ပြန်ပါတယ္။

CDF-Kanpetlet အနေဖြင့် ကန်ပက်လက်မြို့နယ္အတွင်းရှိ မိဘပြည်သူများ၏ လုံခြုံရေး၊အေးချမ်းသာယာရေး နှင့် တရားဉပဒေစိုးမိုးရေးကို ကြိုးပမ်းဆောင်ရွက်လျက်ရှိတယ်လို့ဆိုပါတယ္။

 

ပြီးခဲ့တဲ့ (၂၁၊၅ ၊ ၂၀၂၄ )ရက်နေ့မှာ CDF-Kanpetlet ထိန်းချုပ်နယ်မြေအတွင်းတွင် နယ်မြေခံကာကွယ်ရေးတပ်ဖွဲ့၏ခွင့်ပြုချက်မရှိဘဲစခန်းချနေထိုင်ခြင်း နှင့် စစ်ရေးလုှပ်ရှားမှုမပြုလုပ်ကြရန် အသိပေးချက်ထုတ်ပြန်ခဲ့ပေမယ့် အခြားအဖွဲ့အစည်းများမှ တပ်စခန်းချနေခြင်းကို တွေ့ရှိကြောင်းဆိုသည်။

 

ဆက်လက်၍ အခြားအဖွဲ့အစည်းများက တပ်စခန်းချနေထိုင်ပြီး ပြည်သူလူထုအပေါ် မက်လုံးပေး၊ စည်းရုံးလှုံ့ဆော်နေသည့်လုပ်ရပ်များကို ရပ်တန့်ရန် နှင့် ချင်းညီနောင်အဖွဲ့ဝင်ဖြစ်သောCDF-Kanpetlet ထိန်းချုပ်နယ်မြေအတွင်းမှ သတ်မှတ်ရက် (၁၅၊၇၊၂၀၂၄) ရက်နေ့ အတွွင်း နောက်ဆုံးထားဖယ္ရှားကြဖို့ သတိပေးထားပါတယ္။

 

အဆိုပါထုတ်ပြန်ချက်ကိုလိုက်နာခြင်းမရှိဘဲ ဆက်လက်စခန်းချနေပါက ၎င်းလုပ်ရပ်ကြောင့်ဖြစ်ပေါ်လာသည့်အကျိုးဆက်များအား အလုံးစုံတာဝန်ယူ၊တာဝန်ခံရမည်ဖြစ်ကြောင်းကြေငြာချက်မှာ ဖော်ပြထားပါတယ္။

 

========================

 

📌📌 ၃./ဟားခါးမြို့၊ဟားခါးထားရ်ရပ်ကွက်မှနေအိမ်အချို့ကို စစ်ကောင်စီက မီးရှို့၊ နေအိမ်(၃)လုံးပြာကျ

 

The Matupi Times ဇွန် ၂၅ ၊ ၂၀၂၄

ချင်းပြည်နယ်မြို့တော်၊ ဟားခါးမြို့၊ ဟားခါးထားရ်ရပ်ကွက်က နေအိမ်တချို့ကို ဇွန်လ ၂၄ ရက်နေ့ ညသန်းခေါင်ယံအချိန်၌ စစ်ကောင်စီတပ်က မီးရှို့ခဲ့တယ်လို့ဒေသခံသတင်းထံကသိရပါတယ္။

 

ဟားခါးမြို့က ၆ လမ်းဆုံ၌တပ်စွဲထားသော စစ်ကောင်စီတပ်နဲ့ ချင်းမျိုးသားတပ်မတော် CNA/CDF-Hakha တို့အကြား ယမန်နေ့ ဇွန်လ ၂၄ ရက်နေ့ (ည ၁၀ နာရီ)အချိန်ဝန်းကျင်၌ တစ်နာရီအကြာ ပစ်ခတ်မှုဖြစ်ပွားခဲ့တယ်လို့သိရပါတယ္။ အဆိုပါပစ်ခတ်မှု ဖြစ်ပွားပြီးနောက် စစ်ကောင်စီတပ်ဖွဲ့ဝင်တွေက ပြည်သူနေအိမ်များကို ဓာတ်ဆီလောင်းမီးရှို့ခဲ့တာလို့သိရပါတယ္။

 

စစ်ကောင်စီတပ်ဖွဲ့ဝင်များ ပြန်သွားပြီးနောက်တွင် ရပ်ကွက်နေပြည်သူများက နေအိမ်အများစုကိုမီးငြိမ်းသတ်နိုင်ခဲ့ကြပေမယ့် နေအိမ်(၃)လုံးပြာကျသွားတယ္လို့ သိရပါတယ္။

ပစ်ခတ်မှုဖြစ်ပွားပြီးနောက်ပိုင်းတွင် စစ်ကောင်စီတပ်ဖွဲ့မှနေရာယူအခြေစိုက်သောရုန်းတောင်မှ လက်နက်ကြီးရမ်းသမ်းပစ် ပစ်ခတ်ခဲ့တာကြောင့် ဟားခါးထာရ်ရပ်ကွက်က နေအိမ်တလုံးပေါ်တွင် ကျရောက်ပေါက်ကွဲကာ နေအိမ်အတွင်းမှ အမျိုးသမီးတဦး ပြင်းထန်ဒဏ်ရာရရှိခဲ့တယ္လို့ ခေါနုသုမ်သတင်းကဖော်ပြထားပါတယ္။

 

========================

 

📌📌 ၄./TNLAနဲ့ မဟာမိတ်ပူးပေါင်းအဖွဲ့က (၂) ရက်အတွင်း စကစတပ်စခန်း ၂၄ခုအထိသိမ်းပိုက် ၊စစ်ကောင်စီတပ်သား ၁၇ဦး အလင်းဝင်၊ နောင်ချိုမြို့ကို အပြည့်အဝ ထိန်းချုပ်

 

he Matupi Times ၊ ဇွန် ၂၇ ၊ ၂၀၂၄

 

 ရှမ်းပြည်မြောက်ပိုင်း ၊ တအာင်းပြည်နယ်အတွင်းမှာ ၁၀၂၇ ဒုတိယလှိုင်းစတင်တဲ့ နှစ်ရက်အတွင်း အကြမ်းဖက်စစ်တပ်ရဲ့ တပ်စခန်း ၂၄ခုအထိသိမ်းပိုက်နိုင်ခဲ့တယ်လို့ တအာင်း အမျိုးသား လွတ်မြောက်ရေး တပ်မတော် TNLAက ဇွန် ၂၇ နေ့ညပိုင်းမှာ ထုတ်ပြန်ပါတယ်။

 

ဇွန် ၂၅ရက်က စတင်ပြီး တအာင်းပြည် တပ်မ ဟာ (၂) စစ်ဒေသ ရှမ်းမြောက်က နောင်ချို၊ ကျောက်မဲ၊ မိုးမိတ်၊ သီပေါနဲ့ မန္တလေးတိုင်းက မိုးကုတ်နဲ့မတ္တရာမြို့နယ်တွေမှာ တိုက်ပွဲတွေ ပြင်းထန်ခဲ့တာပါ။ ဒေသခံပြည်သူများလည်း တိုက်ပွဲပြင်းထန်နေတာကြောင့် ဘေးလွတ်ရာသို့တိမ်းရှောင်နေကြပါတယ္။

 

နောင်ချိုမြို့ကို တအာင်းအမျိုးသားလွတ်မြောက်ရေးတပ်မတော် (TNLA)၊ မဟာမိတ်ပူးပေါင်းတပ်များမှ ယမန်နေ့က အပြည့်အဝထိန်းချုပ်နိုင်ခဲ့သလို ရှမ်းမြောက်၊ ကျောက်မဲမြို့တိုက်ပွဲအတွင်းမှာ စစ်ကောင်စီတပ်ဖွဲ့ဝင် (၁၇)ဦးလက်နက်ချ အလင်းဝင်လာခဲ့တယ်လို့ဆိုပါတယ္။

TNLAနဲ့ မဟာမိတ်ပူးပေါင်းတပ်တို့ဖော်ဆောင်နေတဲ့တိုက်ပွဲများမှ စစ်ကောင်စီတပ်ထံမှ လက်နက်ခဲယမ်းအများပြားသိမ်းဆည်းရမိကြောင်းသိရသည်။

 

========================

 

📌📌 ၅./မတူပီမြို့နယ်၊ လေဆင်းရွာဒေသခံတစ်ဦးကို ချင်းညီနောင်မဟာမိတ် ရက္ခိုင့်တပ်တော် (AA)မှ ပစ်ခတ်ခဲ့ဟု CDF-Matupi တပ်မဟာ(၂) သတင်းထုတ်ပြန်

 

The Matupi Times ဇွန်လ ၂၅၊ ၂၀၂၄

မတူပီမြို့နယ်၊ လေဆင်းရွာဒေသခံတစ်ဦးကို ချင်းညီနောင်မဟာမိတ် ရက္ခိုင့်တပ်တော်(AA)မှ ပစ်ခတ်ခဲ့ကြောင်း CDF-Matupi တပ်မဟာ(၂)က ယမန်နေ့ဇွန်လ ၂၄ ရက်နေ့မှာသတင်းထုတ်ပြန်ပါတယ္။

ယမန်နေ့ ဇွန်လ ၂၅ ရက်နေ့ ၊ နေ့လည်(၁၁)နာရီအချိန်ခန့်တွင် ချင်းညီနောင်မဟာမိတ်ဖြစ်သည့် ရက္ခိုင့်တပ်တော်(AA)က ပလက်ဝမှ အင်အား(၁၈၀)ဖြင့် စစ်ကြောင်းထိုးလာစဉ် လေဆင်းရွာနေ ဦးမင်းစိုးကို ပစ်ခတ်ခဲ့တာကြောင့် ပေါင်၌ဒဏ်ရာ ရရှိခဲ့တယ်လို့ဆိုပါတယ္။ အဆိုပါ အပြစ်မဲ့ပြည်သူအာ ပစ်ခတ်မူအပေါ် CDF-Matupi တပ်မဟာ(၂) အနေဖြင့် လုံးဝ ရှတ်ချကြောင်း ထုတ်ပြန်ချက်မှာထည့်သွင်းဖော်ပြထားပါတယ္။

"(AA)တွေက မတူပီစစ်ဆင်ရေးအတွက် ပလက်ဝဘက်ကနေစစ်အင်အားဖြည့်တင်းလာတယ်။ မနေ့မနက်ပိုင်းက ပစ်ခတ်မှုက ဖြစ်သွားတာပါ။ တချို့က အပစ်ခံရတဲ့သူ့ဟာ ဒေသခံအရပ်သားပြည်သူလို့ပြောတယ် ၊ တချို့ကဒေသခံကာကွယ်ရေးတပ် ရဲဘော်လို့ပြောကြတယ္ သေချာတော့မသိဘူး။ ပေါင်ဒဏ်ရာကတော့ အရိုးမကျိုးဘူးလို့ကြားတယ် ဒဏ်ရာရတဲ့သူကိုတော့ ဆေးကုသပေးကြတယ်။"ဟု မြေပြင်မှ အမည်မဖော်လိုသူ တစ်ဦးကပြောပါတယ္။

အဆိုပါ ပစ်ခတ်မှုဖြစ်စဉ်နဲ့ပတ်သက်ပြီး Chinland Defense Force Matupi တပ်မဟာ-၁ နှင့်၂ တာဝန်ရှိသူတို့ကို Matupi Times အနေဖြင့် ဆက်သွယ်ရန်ကြိုးစားခဲ့ပေမယ့် ဆက်သွယ်လို့မရသေးပါ။

========================

 

📌📌 ၆./တူရကီဖိုက်တာနဲ့ ယှဉ်ပြိုင်ထိုးသတ်သွားမယ့် Aungla N Sang

 

The Matupi Times ဇွန်လ ၂၇၊ ၂၀၂၄

မြန်မာ MMA ဖိုက်တာ အောင်လအန်ဆန်းဟာ ၂၀၂၄ ခုနှစ်၊ စက်တင်ဘာ ၆ ရက်နေ့တွင် တူရကီဖိုက်တာ အာဒိုဂန်နဲ့ (MIDDLEWEIGHT)တန်းမှာ ယှဉ်ပြိုင်ထိုးသတ်သွားမည် ဖြစ်ကြောင်း ONE CHAMPIONSHIP ကအတည်ပြုလိုက်ပါတယ်။

 

MMA ဖိုက်တာ အောင်လအန်ဆန်ဟာ ပြိုင်ပွဲတွေနဲ့ တစ်နှစ်ကျော်ကြာ ဝေးကွာနေခဲ့တာဖြစ်ပြီး အမေရိကန်နိုင်ငံ၊ဒန်ဗာမြို့မှာကျင်းပမယ့် (ONE : 68)ပြိုင်ပွဲမှာပြိုင်ပွဲမှာ ပြန်လည်ထိုးသတ်သွားမှာပါဖြစ်ပါတယ် ။  

အသက် ၃၉ နှစ်အရွယ် အောင်လအန်ဆန်ဟာ MMA ပြိုင်ပွဲ ၄၃ ပွဲထိုးသတ်ထားပြီး ပွဲ ၃၀ နိုင်၊ ၁၃ ပွဲသာ ရှုံးနိမ့်ထားပါတယ်။ ပြိုင်ဘက် အာဒိုဂန်ကတော့ အသက် ၃၃ နှစ်အရွယ်သာ ရှိသေးပြီး MMA ပြိုင်ပွဲ ၉ ပွဲမှာ၊ ၉ ပွဲလုံး အနိုင်ရရှိထား သူဖြစ်ပါတယ်။

#RadioNUGLocalNews

#SpringRevolution