22nd JUN 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ ဇွန်လ ( ၂၂ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ မင်းတပ်မြို့နယ်မှာ ၀မ်းကိုက်ရောဂါကြောင့် နှစ်ဦး အသက်ဆုံးရှုံး၊ စစ်ဘေးရှောင်များ အကူအညီလိုအပ်နေ

 

မင်းတပ်မြို့နယ်၊ တိုက်နယ် ၁၃၊ဒိုင်ရ်ဒေသ ကျေးရွာများမှာ ဝမ်းပျက်၊ ဝမ်းလျှောကြောင့် ဒေသခံနှစ်ဦး အသက်ဆုံးရှုံးတယ်လို့ မင်းတပ်မြို့နယ်စစ်ဘေးရှောင်များ စောင့်ရှောက်ရေးကော်မတီက ဖော်ပြပါတယ်။

အသက်ဆုံးရှုံးရသူတွေဟာ သက်ကြီးပိုင်းနှစ်ဦးဖြစ်ပြီး ၀မ်းရောဂါဖြစ်ပွားနေတဲ့ အဆိုပါကျေးရွာမှာ လူအ၀င်အထွက် ယာယီပိတ်ထားဆဲလို့ ဆိုပါတယ်။

မင်းတပ်မြို့နယ်အတွင်း ဖြစ်ပွားနေတဲ့ ဒီရောဂါဟာ ၂ နာရီကနေ ၅ ရက်အတွင်း လက္ခဏာပြပြီး အမြန်ဆုံး ထိရောက်တဲ့ ကုသမှု မခံယူရင် ၃၀ - ၅၀ % က သေဆုံးနိုင်ပြီး အချိန်မီ ကုသရင် သေဆုံးမှုနှုန်း ၁ % ပဲ ရှိတယ်လို့ Chin Health Organization က ဆိုပါတယ်။

“အပြင်စာ မစားပါနဲ့။ ဟင်းကျန် ထမင်းကျန် မစားပါနဲ့။ အစာကို ယင်လုံအောင် သိမ်းဆည်းပါ။နို့တိုက်ကလေးတွေကို အမေနို့တမျိုးတည်း တိုက်ပါ။ ယင်လုံအိမ်သာ သုံးပါ။ အိမ်သာသွားပြီးတိုင်း၊ အစာမစားခင်၊ မပြင်ခင်၊ မချက်ခင် လက်ကို ဆပ်ပြာနဲ့ စင်အောင် ဆေးပါ။ ဝမ်းလျှောတာနဲ့ ကျန်းမာရေးဝန်ထမ်းဆီ ချက်ချင်းပြပါ။ ဓာတ်ဆား ချက်ချင်းသောက်ပါ။ ဓာတ်ဆားမရှိရင် ဆားနဲ့ သကြားကို သုံးပြီး အောက်ကပုံအတိုင်း ဖျော်သောက်လို့ ရတယ်။ အရေးကြီးဆုံးက ရေကို ကျိုချက်ပြီး သောက်ပါ။” လို့လည်း တိုက်တွန်းထားပါတယ်။

လက်ရှိမှာ မင်းတပ်မြို့နယ်အတွင်း စစ်ဘေးရှောင် ၁၀,၅၀၀ ၀န်းကျင်ခန့်ရှိပြီး ဆေးဝါး၊ စားသောက်ကုန်ပစ္စည်းနဲ့ အကူအညီများစွာ လိုအပ်နေတယ်လို့ မင်းတပ်မြို့နယ်စစ်ဘေးရှောင်များ စောင့်ရှောက်ရေးကော်မတီက ဆိုပါတယ်။

 

========================

 

📌📌 ၂။ မတူပီ ခမရ ၃၀၄ ကို ‘ချင်းညီနောင်’ သိမ်းပိုက်၊ ခလရ ၁၄၀ နှင့် ဗျူဟာကုန်းကို ဆက်လက် ထိုးစစ်ဆင်နေ။

 

ချင်းပြည်၊ မတူပီမြို့ အခြေစိုက် ခမရ ၃၀၄ ကို အပြီးသိမ်းပိုက်ပြီလို့ သိမ်းဆည်းရရှိတဲ့ စစ်ကောင်စီတပ်ဖွဲ့ဝင်အပါအဝင် လက်နက်တွေနဲ့အတူ ‘ချင်းညီနောင်’က ထုတ်ပြန်ပါတယ်။

ဇွန်လ ၉ ရက်အစောပိုင်း ‘ချင်းညီနောင်’ စစ်ဆင်ရေးအဖြစ် မတူပီမြို့ကို တိုက်ခိုက်တာဖြစ်ပြီး ၁၉ ရက်အကြာ ဇွန်လ ၁၇ ရက်နေ့မှာ စစ်ကောင်စီ ခြေမြန်တပ်ရင်း အမှတ် ၃၀၄ ကို သိမ်းပိုက်တာပါ။

ဒီစစ်ဆင်ရေးမှာ အာရက္ခတပ်တော် AA၊ Yaw Army နဲ့ အခြားမဟာမိတ်တွေ ပါဝင်တယ်လို့ ‘ချင်းညီနောင်’ က ထုတ်ပြန်ပါတယ်။

စစ်ဆင်ရေးမှာ တော်လှန်ရေးပူးပေါင်းတပ်ဘက်ကလည်း ထိခိုက်ကျရှုံးမှုတွေရှိနေပေမယ့် တရားဝင် ထုတ်ပြန်တာမတွေ့ရသေးပါဘူး။

ချင်းပြည် တောင်ပိုင်း၊ မြောက်ပိုင်းရှိ မြို့တွေနဲ့ ထိစပ်နေတဲ့ မတူပီမြို့မှာ စစ်ကောင်စီ ခြေလျင်တပ်ရင်း အမှတ် ၁၄၀၊ ခြေမြန်တပ်ရင်း အမှတ် ၃၀၄ နဲ့ စစ်ဗျုဟာတခု အခြေစိုက်ထားပါတယ်။

 

========================

 

📌📌 ၃။ ချင်းကာကွယ်ရေးတပ်ဖွဲ့က သိမ်းပိုက်ထားသည့် တီးတိန်မြို့နယ်က ကနေဒီတောင် တပ်စခန်းကို စစ်ကောင်စီပြန်လည် သိမ်းပိုက်။

 

ချင်းပြည်နယ်မြောက်ပိုင်း တီးတိန်မြို့နယ်ရှိ ချင်းကာကွယ်ရေးတပ်ဖွဲ့မှ သိမ်းပိုက်ရရှိထားသည့် ကနေဒီတောင် တပ်စခန်းကို စစ်ကောင်စီက ဇွန်လ ၁၈ ရက်နေ့တွင် ပြန်လည် သိမ်းပိုက်ရရှိထားပြီး တပ်စွဲထားကြောင့် ဒေသခံများထံက သိရှိရပါတယ်။

တီးတိန်မြို့မှ စစ်ကောင်စီ အင်အား (၁၀၀) ခန့်သည် ဇွန်လ ၁၇ ရက်နေ့မှစ၍ ကနေဒီတောင် ဝန်းကျင်တွင် စစ်ကြောင်းထိုးလာပြီး ဇွန်လ ၁၈ ရက်နေ့ မနက်အစောပိုင်းတွင် ကနေဒီတောင် တပ်စခန်းကို ဆက်လက် ထိုးစစ်ဆင်လာလို့ ဆိုပါတယ်။ နှစ်ဖက်အပြိုင် မိနစ်ပိုင်း တိုက်ပွဲဖြစ်ကာ စစ်ကောင်စီက ပြန်လည်သိမ်းယူနိုင်ခဲ့ခြင်းဖြစ်ကြောင်း မြေပြင်သတင်းရင်းမြစ်ထံက သိရပါတယ်။

စစ်ကောင်စီ၏ ကနေဒီတောင်တပ်စခန်းကို ပြီးခဲ့သည့် ၂၀၂၃ ခုနှစ် နိုဝင်ဘာ ၂၁ ရက်နေ့တွင် ပြည်သူ့ကာကွယ်ရေးတပ်(ဇိုလဲန်း)မှ သိမ်းပိုက်ရရှိထားပြီး အဆိုပါ စခန်းသိမ်း တိုက်ပွဲမှ စစ်ကောင်စီ တပ်ဖွဲ့ဝင် ၁၃ ဦးကိုလည်း စစ်သုံ့ပန်အဖြစ် ဖမ်းဆီးရရှိခဲ့သလို လက်နက်ခဲယမ်းအများပြား သိမ်းဆည်းရရှိခဲ့တာ ဖြစ်ပါတယ်။

အဆိုပါ ကနေဒီတောင် တပ်စခန်းတွင် ပြန်လည်တပ်စွဲထားသည့် စစ်ကောင်စီတပ်ဖွဲ့သည် အနီးနားကျေးရွာများကို စစ်ကြောင်းထိုးလာပြီး ကျေးရွာ ၅ ရွာခန့်မှ ပြည်သူများ ထွက်ပြေးတိမ်းရှောင်နေရကြောင်း သိရှိပါတယ်။

#RadioNUGLocalNews

#SpringRevolution