15 JUL 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ ဇူလိုင်လ ( ၁၅ ) ရက်နေ့ ရပြည်တွင်းသတင်းများ

📌📌 1. မတူပီမြို့နယ် ဒေသခံပြည်သူ(၃)ဦး မိုင်းနင်းမိ၍ ဒဏ်ရာရရှိ

The Matupi Times၊ ဇူလိုင် ၉ ၊ ၂၀၂၄

ချင်းပြည်နယ်တောင်ပိုင်း ၊ မတူပီမြို့နယ် ၊ ကလားကျေးရွာမှ (၂)ဦး နှင့် ဝလံတဲကျေးရွာမှ(၁) ဦးတို့သည့် မိုင်းနင်းမိတာကြောင့် အပြင်းအထန်ဒဏ်ရာရရှိခဲ့ကြတယ္လို့သိရပါတယ္။

အဆိုပါမိုင်းနင်းမိသူများမှာ ကလားရွာသား(၂)ဦးဖြစ်တဲ့ CDM ကျောင်းဆရာ ဦးခေါင်ဘွေး(Pa Khawng Boi) နှင့် ဦးလောင်မန်(Pa Lawng Man) ၊ ဝလံတဲရွာသား ဦးတီွမို(Pa Tui Moe) တို့ဖြစ်ကြောင်းသိရပါတယ္။

ကလားရွာသား CDM ကျောင်းဆရာ ဦးခေါင်ဘွေး(Pa Khawng Boi) သည် ပြီးခဲ့တဲ့ ဇူလိုင်လ ၆ ရက်နေ့ မနက်ပိုင်း၌ မတူပီမြို့နယ္၊ ရွာအတွင်း ပစ္စည်း များသယ်ယူရန် ဆိုင်ကယ်ဖြင့်သွားရောက်စဥ် နင်းမိုင်း နင်းမိတာကြောင့် ညာခြေထောက်နဲ့ လက်မောင်း တွင်အပြင်းအထန် ထိခိုက်ဒဏ်ရာ ရရှိခဲ့ပါတယ်။

အလားတူ မတူပီမြို့နယ်၊ ဝလံတဲရွာသား ဦးတီွမို(Pa Tui Moe) နှင့် ကလားရွာသား ဦးလောင်မန်(Pa Lawng Man)တို့သည်လည်း မိုင်းနင်းမိတာကြောင့် ခြေထောက်ပြတ်ဒဏ်ရာအသီးသီးရရှိကြကြောင်းသိရပါတယ္။

မတူပီ-ပလက်ဝလမ်းပိုင်းတွင် ချင်းညီနောင်မဟာမိတ်အဖွဲ့နဲ့ ချင်းလဲန်းကောင်စီပူးပေါင်းတပ်ဖွဲ့တို့ကြား ပြီးခဲ့တဲ့ရက်ပိုင်းက ထိတွေ့တိုက်ပဲွပစ်ခတ်မှုတွေဖြစ်ပွားခဲ့ပြှီး အဆိုပါလမ်းပိုင်းရှိကျေးရွာများတွင် ချင်းညီနောင်မဟာမိတ် ရက္ခိုင့်တပ်တော်(AA)မှ နင်းမိုင်းများထောင်ထားကြောင်း CDF-Matupi တပ်မဟာ(၂)ပြောရေးဆိုခွင့်ရှိသူ နိုင်ဂျွန်ကိမ်းက Matupi Times ကို ဇူလိုင်လ ၆ ရက်နေ့ကပြောဆိုထားတာပါ သို့သော် မည်သည့်အဖွဲ့အစည်းမှ ထောင်ထားသောနင်းမိုင်းဖြစ်သည်ကို Matupi Times အနေဖြင့် သီးသန့်အတည်ပြုနိုင်ခြင်းမရှိသေးပါ။

========================

📌📌 2. ZRA-EC မှ စစ်မှုထမ်းရန် ခေါ်ဆောင်သွားတဲ့တီးတိန်မြို့နယ်၊တုန်းဇံရွာမှ ကလေးငယ် (၉)ယောက် ပြန်လွတ်မြောက်လာ

The Matupi Times ၊ ဇူလိုင်လ ၁၀ ၊ ၂၀၂၄

Zomi Revolution Army(ZRA-EC )မှ စစ်မှုထမ်းရန် ခေါ်ဆောင်သွားတဲ့ တီးတိန်မြို့နယ် တုန်းဇံရွာမှ အသက်မပြည့်ကလေး (၉)ယောက်သည် ယမန်နေ့ ဇူလိုင်လ၉ ၊ ၂၀၂၄ ရက်နေ့တွင် ပြန်လည်လွတ်မြောက်လာကြောင်း ဒေသခံသတင်းတွေထံကသိရပါတယ္။

ပြီးခဲ့တဲ့ ဇူလိုင်လ ၆ ရက်နေ့က ZRA-EC တပ်သားများသည် တီးတိန်မြို့နယ်၊တုန်းဇံရွာထဲ ဝင်ရောက်ကာ အဆိုပါကလေးငယ်များကို စစ်မှုထမ်းရန် ဖမ်းဆီး ခေါ်ဆောင်သွားခဲ့တာဖြစ်ပြီး ကျေးရွာမှရပ်မိရပ်ဖများက ZRA-EC ၏ တပ်စခန်းသို့ သွားရောက် ညှိနှိုင်း ဆွေးနွေးခဲ့ခြင်းကြောင့် ပြန်လွှတ်ပေးခဲ့တာဖြစ်ကြောင်းသိရပါတယ္။

တီးတိန်မြို့နယ် တုန်းဇံရွာ၊ပတ်ဝန်းကျင် ရှိ တခြား ရွာများမှာလည်းZRA-EC မှ စစ်မှုထမ်းရန်စာရင်းကောက်ခံခြင်းများ ပြုလုပ်နေတာကြောင့် တီးတိန်းမြို့နယ်၊တုန်းဇန်ကျေးရွာနှင့်အနီးအနားကျေးရွာတွေက လူငယ်အရွယ်အမျိုးသားများသည် အခြားဒေသများသို့ ထွက်ပြေးတိမ်းရှောင်နေကြရကြောင်းသိရသည်။

========================

📌📌 3. ချင်းအမျိုးသားတပ်ဦး CNF/CNA က ဖမ်းဆီးထားသော YDF ရဲဘော် ၂ ဦးပြန်လွတ်မြောက်လာ

The Matupi Times ၊ ဇူလိုင်၊ ၁၂ ၊ ၂၀၂၄

ချင်းအမျိုးသားတပ်ဦး CNF/CNA က ဖမ်းဆီးထားသော YDF ရဲဘော် ၂ ဦးသည် ဒီကနေ့ဇူလိုင်လ ၁၂ ရက်နေ့တွင် ပြန်လွတ်လာပြီဖြစ်ကြောင်း သိရပါတယ္။

အဆိုပါ YDF ရဲဘော်(၂)ဦးဖြစ်တဲ့ ထောက်ပိုမှူး ရဲဘော် ကိုအုပ်သိမ်းနှင့် ရဲဘော် ကိုအောင်သက်ခိုင်တို့ကို ပြီးခဲ့တဲ့ ဇူလိုင်လ ၇ ရက်နေ့က ချင်းပြည်နယ်၊ မတူပီမြို့နယ်နှင့် မကွေးတိုင်း၊ ဂန့််ဂေါမြို့နယ်တို့၏ နယ်စပ်ကျေးရွာဖြစ်သည့် ရောင်နက် ကျေးရွာတွင် အကြောင်းအရင်းခိုင်လုံမှုမရှိဘဲဖမ်းဆီးခေါ်ဆောင်သွားခဲ့တာဖြစ်ပြီး (၆)ရက်အကြာမှာ ပြန်လွတ်မြောက် လာတာဖြစ်ပါတယ်။

YDF မှ ရဲဘော် ၂ ဦးဖမ်းဆီးခံရမှုကြောင့် ဇူလိုင်လ ၈ ရက်နေ့မှစပြီး ချင်းပြည်နယ်သို့ တက်မည့် ကားများကို ဂန့်ဂေါမြို့နယ်အတွင်း တစ်နေရာတွင် YDFရဲဘော်များမှ လုံခြုံရေးအရ ခေတ္တလမ်းပိတ်ထားပြီး ရဲဘော် ၂ ဦးစခန်း ပြန်ရောက်ပါက ကားလမ်းများ ပြန်ပွင့်သွားမည်ဖြစ်ကြောင်း သိရပါတယ်။

========================

📌📌 4. မင်းတပ်မြို့စကစတပ်၏ လက်နက်ရမ်းသမ်းပစ်ခတ်၊ မင်းတပ်စစ်ရှောင်စခန်းကနေအိမ်အချို့ထိခိုက်ပျက်စီး

The Matupi Times ၊ ဇူလိုင်လ ၁၂၊ ၂၀၂၄

မင်းတပ်မြို့၊အနောက်ရပ်ကွက်ရှိ ခလရ(၂၇၄) စစ်ကောင်စီတပ်က လက်နက်ကြီးများရမ်းသမ်းပစ်ခတ်တာကြောင့် မင်းတပ်မြို့နယ်အတွင်းရှိ ၊ စစ်ရှောင်စခန်းအချို့က နေအိမ်အချို့ထိခိုက်ပျက်စီးခဲ့တယ်လို့သိရပါတယ်။

"ယမန်နေ့ မနက် ၁၀ နာရီခွဲခန့်၌ (၁၂၀) မမ လက်နက်ကြီးဖြင့် ၅ ကြိမ်ခန့် ရမ်းသမ်းပစ်ခတ်တိုက်ခိုက်ခဲ့သောကြောင့် မင်းတပ်မြို့စစ်ဘေးရှောင် အရပ်သားများနေထိုင်သေအဆောက်အအုံ တစ်ချို့ ထိခိုက်ပျက်ဆီးသွားတယ်လို့" မင်းတပ်ဒေသ သတင်းတွေဖော်ပြပေးနေတဲ့ HKL Mindat ထံကသိရပါတယ္။

ယခုရက်ပိုင်း၌ စစ်ကောင်စီတပ်ဟာ မင်းတပ်မြို့နယ်အတွင်း လေကြောင်း၊ လက်နက်ကြီး၊ ဒရုန်းတို့ဖြင့် အကြောင်းမဲ့ တိုက်ခိုက်မှုတွေလည်းဆက်တိုက်ပြုလုပ်နေတယ်လို့သိရပါတယ္။ ပြီးခဲ့တဲ့ ဇူလိုင် ၁၀၊ ရက်နေ့ မနက်ပိုင်းတွင်လည်း စစ်ကောင်စီက မင်းတပ်မြို့၊ မြို့အနောက်ဘက်ကို ဂျက်ဖိုက်တာ ၃ စင်းဖြင့် ဗုံးအလုံးရေ ၁၆ လုံးဝန်းကျင်ခန့် ဗုံးကြဲတိုက်ခိုက်ခဲ့ကြောင်းသိရပါတယ္။

========================

📌📌 5. UFC ပွဲမှာချင်းဖိုက်တာ Joshua Van ရှုံးနိမ့်

The Matupi Times ၊ ဇူလိုင် ၁၄ ၊ ၂၀၂၄

ဒီကနေ့မနက်မှာ ယှဉ်ပြိုင်ထိုးသတ်ခဲ့တဲ့ UFC ပွဲမှာ တော့ ချင်းဖိုက်တာ Joshua Van ဟာ အမေရိကန်ဖိုက်တာကို ရှုံးနိမ့်သွားခဲ့ပါတယ္။

ဲဲJoshua Van ဟာပြိုင်ပွဲ(၂)ချီမြောက်အထိ အကောင်းဆုံး ယှဉ်ပြိုင်ထိုင်းသတ်နိုင်ခဲ့ပေမယ့် (၃)ချီမြောက်မှာ ပြိုင်ဘက်ရဲ့ထိုးချက်မိသွားပြီး လဲကျသွားကာ ရှုံးနိမ့်သွားခဲ့တာဖြစ်ပါတယ္။ ဒီပွဲရှုံးနိမ့်သွားတာကြောင့် Joshua Van ဟာ(၃)ပွဲဆက်အနိုင်ယူပြီးနောက် (၄)ပွဲမြောက်မှာ အရှုံးနဲ့ကြုံတွေ့ခဲ့ရတာဖြစ်ပါတယ္။

========================

📌📌 6. နိုင်ငံတကာ ဘောလုံးပြိုင်ပွဲ(ဗိုလ်လုပွဲ)စဉ်များကို ဇူလိုင်လ (၁၅)ရက်နေ့မှာ ကျင်းပမည်

The Matupi Times ၊ ဇူလိုင် ၁၁ ၊၂၀၂၄

Euro 2024 ဖိုင်နယ်ပွဲ၊ Copa America 2024 ပွဲစဉ်တို့ကို မနက်ဖြန် ဇူလိုင်လ ၁၅ ၊ ၂၀၂၄ ရက်နေ့မနက်ပိုင်းမှာ ကျင်းပသွားမှာဖြစ်ပါတယ္။

ဇူလိုင်လ ၁၅ ရက်နေ့ မြန်မာစံတော်ချိန် နံနက်(၁း၃၀)အချိန်၌ Euro 2024 ဖိုင်နယ်ပွဲစဉ်အဖြစ်အင်္ဂလန်အသင်း နဲ့ စပိန်အသင်းတို့ ယှဉ်ပြိုင်ကစားသွားမှာဖြစ်ပြီး၊ မြန်မာစံတော်ချိန် နံနက်(၆း၃၀)အချိန်၌ Copa America ဖိုင်နယ်ပွဲစဉ်မှာ အာဂျင်တီးနားအသင်းနဲ့ ကိုလံဘီယာအသင်းတို့ ယှဉ်ပြိုင်ကစားသွားကြမှာဖြစ်ပါတယ္။

Euro 2024 ပြိုင်ပွဲအတွင်းတွင် စပိန်အသင်းဟာ(၆)ပွဲကစားရာမှာ (၆)ပွဲလုံးအနိုင်ရရှိကာ ဗိုလ်လုပွဲ ကိုတက်လှမ်းလာတာဖြစ်ပြီး၊ အင်္ဂလန်အသင်းဟာ(၆)ပွဲကစား(၃)ပွဲသရေ (၃)ပွဲအနိုင်နဲ့ ဗိုလ်လုပွဲ ကိုတက်လှမ်းလာခဲ့တာဖြစ်ပါတယ်။

ကိုလံဘီယာအသင်းသည် ဗိုလ်လုပွဲကို ၂၀၀၁ နောက်ပိုင်း ပထမဆုံးအကြိမ် ပြန်လည်တက်လှမ်းလာတာဖြစ်ပြီး လက်ရှိ ချန်ပီယံ အာဂျင်တီးနားအသင်းကို အနိုင်ယူကာ Champion ဖြစ်သွားမလားဆိုတာစိတ်ဝင်တစားစောင့်ကြည့်သွားရမှာ ဖြစ်ပါတယ်။

========================

📌📌 7. Trump စည်းရုံးရေးပွဲတွင် ပစ်ခတ်မှုဖြစ်ပွား၊ သမ္မတဟောင်း Trump ဘေးကင်းလုံခြုံ

The Matupi Times ၊ ဇူလိုင် ၁၄ ၊ ၂၀၂၄

သမ္မတဟောင်း Trump ရဲ့ Pennsylvania ပြည်နယ် Butler မှာ လုပ်တဲ့ ရွေးကောက်ပွဲ စည်းရုံးရေးပွဲမှာ ပစ်ခတ်မှုဖြစ်ပွားခဲ့တယ္လို့သိရပါတယ္။ လူအုပ်ထဲကနေ သေနက်သံကြားရတဲ့နောက် Trump ကို စင်ပေါ်ကနေ လုံခြုံရေးတာဝန်ရှိသူတွေက ခေါ်ထုတ်သွားရပါတယ်။

ဇူလိုင်လ ၁၃ ရက်နေ့လုပ်တဲ့ ဒီစည်းရုံးရေးလူထုစုဝေးပွဲ ညနေ ၆ နာရီလောက်မှာ အခုလို ပစ်ခတ်သံကြားရပြီး၊ လုံခြုံရေးတာဝန်ရှိသူတွေ ခေါ်ထုတ်တဲ့ကြားမှပဲ သမ္မတဟောင်း Trump က လက်သီးလက်မောင်းတန်းနေတာကို မြင်တွေ့ရပါတယ်။ ဒါပေမယ့် မျက်နှာပေါ်မှာ သွေးစအနည်းငယ်တော့‌တွေ့ရပါတယ်။

သမ္မတဟောင်း Donald Trump ဘေးကင်းလုံခြုံစွာရှိတယ်လို့ အမေရိကန်အဆင့်မြင့်အထူးလုံခြုံရေးအဖွဲ့ Secret Service ပြောခွင့်ရသူက X လူမှုကွန်ယက်ကနေ ထုတ်ပြန်ပါတယ်။ အသေးစိတ်အခြေအနေကိုတော့ နောက်ပိုင်း ထုတ်ပြန်မယ်လို့ဆိုပါတယ်။