28 SEP 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ စက်တင်ဘာလ ( ၂၈ ) ရက်နေ့နောက်ဆုံးရပြည်တွင်းသတင်းများ 

📌📌 ၁။ ချင်းတော်လှန်ရေးနှစ်ဖွဲ့ ပထမဆုံးအကြိမ် တွေ့ဆုံ၊ သဘောတူညီမှုတချို့ရ။

 

Zo Reunification Organization (ZORO) ရဲ့ ကြားဝင်ညှိနှိုင်းမှုကြောင့် Chinland Council/CNF နဲ့ ချင်းအမျိုးသားအတိုင်ပင်ခံကောင်စီ ICNCC/Chin Brotherhood တို့အကြား ပထမဆုံးအကြိမ် လူချင်းတွေ့ဆုံခဲ့ကြပါတယ်။

စက်တင်ဘာ ၂၁ရက်မှာ  မီဇိုရမ်ပြည်နယ်၊ အိုက်ဇောမြို့မှာ နှစ်ဖက်တွေ့ဆုံကြတာပါ။

ဆွေးနွေးပွဲမှာ ချင်း-ကူကီး-မီဇိုး မျိုးနွယ်စုတွေဟာ ဆင်းသက်လာရာမျိုးနွယ်စု၊ ဘာသာစကား၊ ယဉ်ကျေးမှု ဓလေ့ ထုံးတမ်းစဉ်လာတူညီတဲ့ သေအတူရှင်မကွဲနေထိုင်လာခဲ့ကြတဲ့ ညီရင်းအစ်ကိုအဖြစ်လက်ခံကြပြီး အချင်းချင်းကြား သဘောထားကွဲလွဲမှု၊ ခိုက်ရန်ဖြစ်ပွားမှု ဖြစ်ပေါ်တဲ့အပေါ်စိတ်မကောင်းဖြစ်ကြပြီး ဒါမျိုးထပ်မဖြစ်အောင် သဘောတူညီကြတယ်လို့ ZORO ရဲ့ သဘောတူညီမှုစာချုပ်မှာ ဖော်ပြပါတယ်။

ဒါ့အပြင် လာမယ့်ကာလ နှစ်ဖက်အဖွဲ့အစည်းကြား ဘယ်လိုသဘောထားကွဲလွဲမှုရှိလာပါစေ လက်နက်ကိုင် ဖြေရှင်းတဲ့နည်းလမ်း မသုံးကြဖို့ သဘောတူကြတယ်လို့ ဆိုပါတယ်။

နောက်တကြိမ် ဆွေးနွေးမှုမှာ နှစ်ဖက်ငြိမ်းချမ်းရေးကော်မတီတစ်ရပ်ဖွဲ့စည်းဖို့ သဘောတူခဲ့ကြတယ်လို့လည်း ZORO ရဲ့ ထုတ်ပြန်ချက်မှာ ဖော်ပြပါတယ်။

ချင်းတော်လှန်ရေးနှစ်ဖွဲ့ ပထမဆုံးအကြိမ် တွေ့ဆုံ ဆွေးနွေးပွဲမှာ Chinland Council ဝန်ကြီးချုပ်၊ CNF ဒုဥက္ကဌတို့က ဦးဆောင် တက်ရောက်ပြီး ICNCC ဘက်က ဆလိုင်းလျန်လွယ်၊ ချင်းညီနောင်ဘက်မှာ Paw Sila၊ ဆလိုင်းပီတာထန်းတို့ ဦးဆောင်တဲ့ ကိုယ်စားလှယ်တွေ တက်ရောက်ခဲ့တယ်လို့ သိရပါတယ်။

 

========================

 

📌📌 ၂။ မင်းတပ်မြို့ပေါ်မှာ ဆက်တိုက် မီးလောင်နေ။

 

မင်းတပ်မြို့ပေါ်မှာ စစ်ကောင်စီတပ်က ပစ်တဲ့ လက်နက်ကြီးကျည်ကျလို့ နေအိမ်၊ အဆောက်အအုံတချို့ ဆက်တိုက်မီးလောင်နေပါတယ်။

ခလရ ၂၇၄ တပ်ရင်းပစ်တဲ့လက်နက်ကြီး ကျည်ကျကွဲလို့ စံပြရပ်ကွက် သမဝါယမရုံးဟောင်း၊ စက်မှုလက်မှုကျောင်းအနီးတဝိုက်မှာ စက်တင်ဘာ ၂၁ ရက်နှင့် ၂၂ ရက်နေ့ရက်မှာ မီး‌လောင်နေတာပါ။

နေအိမ်၊ အဆောက်အအုံ ဘယ်လောက် မီးလောင်တယ်ဆိုတာ အတိအကျ မသိရသေးပါဘူး။

အခုစက်တင်ဘာ တတိယအပတ်မှာ မင်းတပ်မြို့ အခြေစိုက် ခလရ ၂၇၄ တပ်ရင်းအနီး လှေးကောင်းလမ်းခွဲနဲ့ ဘုရင့်နောင်လမ်းခွဲရှိ နေအိမ် ၈ လုံးဝန်းကျင်ကို စစ်ကောင်စီတပ်က မီးရှို့ခဲ့ပါတယ်။

၂၀၂၄ ဧပြီလ၊ ဩဂုတ်လတွေတုန်းကလည်း မင်းတပ်မြို့ပေါ်မှာ စစ်ကောင်စီတပ်ရဲ့ မီးရှို့မှုဖြစ်စဉ်ကြောင့် အရှေ့ပြင်နဲ့ အနောက်ရပ်ကွက်တွေမှာ နေအိမ် အလုံး ၃၀ ဝန်းကျင် ပျက်စီးခဲ့ပါတယ်။

စက်တင်ဘာ ၂၆ နေ့လယ် ၁နာရီဝန်းကျင်ကလည်း အရှေ့ပြင် MPTရုံးနှင့်နမ့်ထာရပ်ကွက်ဘက် သွားတဲ့ကြားလမ်းရှိ

ပြည်သူ့နေအိမ်များကို စစ်တပ်ကမီးရှို့နေပြီး တစ်အိမ်ပြီးတစ်အိမ် ကူးလောင်နေတယ်လို့Hkl Mindatက‌ ရေးသားထားပါတယ်။

 

========================

 

📌📌 ၃။ မင်းတပ်မှာ နေ့တိုင်းနီးပါးလေကြောင်း ဗုံးကြဲမှုတွေရှိနေ။

 

မင်းတပ်မြို့နယ်မှာ အခုလအတွင်း လေကြောင်းဗုံးကြဲတိုက်ခိုက်ခံရတဲ့ အရေအတွက် သိသိသာသာ တိုးလာနေပါတယ်။

၂၀၂၄ စက်တင်ဘာလအတွင်းမှာ အကြိမ် ၃၀ ထက်မနည်း စစ်ကောင်စီဘက်က လေကြောင်းတိုက်ခိုက်ခဲ့တာ ဖြစ်ပါတယ်။

စစ်ကောင်စီက မြို့နဲ့အနီးဆုံးနေရာတွေကို ပစ်မှတ်ထားဗုံးကြဲနေတာလည်း တွေ့ရပါတယ်။

မင်းတပ်မြို့နယ်ထဲကို စစ်ကောင်စီရဲ့ တံတားဦးလေတပ်၊ မကွေးလေတပ်နဲ့ ရှမ်းတဲလေတပ်က အများဆုံးဗုံးကြဲနေတာပါ။

UN Special Repourters တွမ်အန်ဒရူးကတော့ မြန်မာနိုင်ငံမှာ လေကြောင်းတိုက်ခိုက်မှုတွေဟာ ၂၀၂၄ ခုနှစ်ရဲ့ ပထမနှစ်၀က်အတွင်း ယခင်ထက်ငါးဆအထိ မြင့်တက်နေတယ်လို့ အခုလထဲ ထုတ်ပြန်ပါတယ်။

စက်တင်ဘာ ၂၄ရက်နေ့၊ မနက် ၆နာရီခွဲခန့်မှာလည်း မိုးသည်းသည်းမဲမဲရွာနေတဲ့ကြားက အေလာလေတပ်တက် ဂျက်ဖိုက်တာ ၂စင်းက မင်းတပ်မြို့ပေါ် အနီးအနား နေရာများကို ပေါင် ၅၀၀ ဗုံးများအပြင် ဗုံးအသေးများဖြင့် ၄ကြိမ် တိုက်ခိုက်သွားတယ်လို့ Hkl- Mindatက ရေးသားထားတာ တွေ့ရပါတယ်။

#RadioNUGLocalNews

#SpringRevolution