11 Nov 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ နိုဝင်ဘာလ ( ၁၁ ) ရက်နေ့ ရပြည်တွင်းသတင်းများ

📌📌 1. မင်းတပ်မြို့တွင် စစ်ကောင်စီတပ်မှ လေကြောင်းဗုံးကျဲတိုက်ခိုက်ခြင်းနဲ့ လူနေအိမ်များ လိုက်လံမီးရှို့

 

The Matupi Times ၊ အောက်တိုဘာလ ၁၀ ၊ ၂၀၂၄

ချင်းပြည်နယ်၊မင်းတပ်မြို့တွင် ချင်းကာကာကွယ်ရေးတပ်ဖွဲ့နဲ့ စစ်ကောင်စီတို့အကြား တိုက်ပွဲများဖြစ်ပြီး စစ်ကောင်စီတပ်မှ လေကြောင်းဖြင့် ကြိမ်ဖန်များစွာ ဗုံးကျဲတိုက်ခိုက်သည့်အပြင် လူနေအိမ်များကိုလည်း လိုက်လံမီးရှို့ဖျက်စီးနေကြောင်း ကြားသိရပါသည်။

၂၀၂၄ခုနှစ်၊ နိုဝင်ဘာ(၉)ရက်နေ့ မနက် ၉နာရီခန့်မှ စတင်၍ စစ်ကောင်စီတပ်မှ မင်းတပ်မြို့ ရဲစခန်းရှေ့ ခေါနူးရိပ်သာ အနောက်ဘက်ရှိ ပြည်သူများ၏ နေအိမ်ကို စတင်မီးရှို့ကာ နေအိမ်(၁၀)လုံးကျော်နဲ့ ဆောက်လုပ်ရေးလမ်းခွဲ အနီးပတ်

ဝန်းကျင်ရှိ နေအိမ် ၃၀ ကျော် ၊စုစုပေါင်း နေအိမ်(၄၀)ကျော် နှင့်ထွေအုပ်ရုံးအနီးနားနေအိမ်အချို့ကိုလည်း မီးရှို့သွားကြောင်း ကြားသိရသည်။

ထို့ပြင် လေကြောင်းတိုက်ခိုက်မှုဖြင့် ညနေ ၄နာရီကျော်တွင် နေပြည်တော် အေလာလေတပ်မှ ဂျက်ဖိုက်တာ

တစ်စီးဖြင့် ၂၅၀ဗုံး ၄လုံးဖြင့် ၂ ကြိမ်၊ ညနေ(၇)နာရီကျော်တွင် တံတားဉီးလေတပ်ဂျက်ဖိုက်တာမှ ဗုံး ၄လုံးဖြင့် ၂ကြိမ်၊ ညနေ ၉နာရီဝန်းကျင်တွင် တံတားဉီးလေတပ်ဂျက်ဖိုက်တာမှ ၂၅၀ဗုံး ၄လုံး (၂)ကြိမ်၊နိုဝင်ဘာ(၁၀)ရက်နေ့ မနက်(၅)နာရီတွင် Y-12ဗုံးကျဲလေယာဉ်ဖြင့် ၄လုံးတတွဲ ဗုံးအလုံးရေ (၅၀)ကျော် တိုက်ခိုက်ဗုံးကျဲသွားကြောင်း သိရှိရသည်။မကွေးတိုင်း၊လောင်းရှည်

ကပစမှလည်း တာဝေးဒုံးဖြင့် ၄ကြိမ်၊ ကျောက်ထုအမြောက်တပ်မှ ၁၂၀မမလက်နက်ကြီးဖြင့် ၅ကြိမ်၊ဒရုန်းများဖြင့်လည်း

တိုက်ခိုက်သွားကြောင်း ဒေသတွင်းသတင်းမှ ကြားသိရပါသည်။

 

========================

 

📌📌 2. ရခိုင်ပြည်နယ်၊အမ်းမြို့ စစ်ကောင်စီတပ်သား(၄)ဉီး ဖမ်းဆီးခံရ

 

The Matupi Times ၊ နိုဝင်ဘာလ ၉ ၊ ၂၀၂၄

ရခိုင်ပြည်နယ်၊အမ်းမြို့ အခြေစိုက် အနောက်ပိုင်းတိုင်းစစ်ဌာနချုပ် လက်အောက်ခံတပ်ရင်းကနေ ထွက်ပြေးလာသော စစ်ကောင်စီတပ်သားလေးဉီးကို ရခိုင်အစပ်နဲ့ မကွေးအစပ်တွင် CDF- Asho တပ်ဖွဲ့က ဖမ်းမိကြောင်း သိရှိရပါသည်။

 

အောက်တိုဘာ(၃၁)ရက်နေ့တွင် အမ်းမြို့က အနောက်ပိုင်းတိုင်း စစ်ဌာနချုပ် လက်အောက်ခံခြေမြန်တပ်ရင်း ခမရ(၃၇၃)က တပ်သား သက်နိုင်၊ သက်နိုင်ဉီးနှင့် နိုဝင်ဘာ(၃)ရက်နေ့တွင် ခမရ(၃၇၁)နယ်ခြားဂိတ်က ထွက်ပြေးလာသော တပ်သား ရဲမွန်ဉီး၊ ကျော်မင်းဉီးတို့ကို CDF- Asho က ဖမ်းဆီးခံရပြီး ဖမ်းမိသည့် တပ်သား(၄)ဉီးကို နိုင်ငံတကာ စစ်ဘက်ဆိုင်ရာ ဉပဒေနဲ့အညီ ထိန်းသိမ်းထားကြောင်း ကြားသိရသည်။

 

အမ်းမြို့နယ်တွင် နပခ ဌာနချုပ်အပါအဝင် စစ်ကောင်စီတပ်ရင်း တပ်ရင်း(၁၀)ရင်းရှိပြီး အဲအထဲမှ ခမရ(၃၇၂)၊ခမရ(၃၇၃)၊ အမှတ်(၅၇၅)အလုပ်ရုံတပ်ခွဲ၊တပ်ဆေးရုံတို့ကို အေအေပူးပေါင်းတပ်က သိမ်းပိုက်ထားကြောင်းသိရသည်။

 

========================

 

📌📌 3. ချင်းပြည်ကာကွယ်ရေးတပ်ဖွဲ့ (မတူပီ) တပ်မဟာ(၁) ဆီနိုင်းတပ်ရင်းက ၆လပတ်အစည်းအဝေး ကျင်းပ

 

The Matupi Times ၊ ‌နိုဝင်ဘာလ ၇ ၊ ၂၀၂၄

၂၀၂၄ခုနှစ်၊ နိုဝင်ဘာလ(၄၊၅) ရက်နေ့တွင် ချင်းကာကွယ်ရေးတပ်ဖွဲ့(မတူပီ)၏ တပ်မဟာ(၁) ဆီနိုင်းတပ်ရင်း၏ (၆)လပတ်အစည်းအဝေးကို အောင်မြင်စွာ ကျင်းပပြီးစီးကြောင်း ကြားသိရပါသည်။ထို အစည်းအဝေးနှင့်တကွ တိုက်နယ်ဘော်လုံးပြိုင်ပွဲကိုလည်း ပျော်ရွင်စွာ ဆင်နွဲခဲ့ကြောင်း သိရှိရပါသည်။

 

========================

 

📌📌 4. NCCD ချင်းလူထုဖွံ့ဖြိုးရေးကွန်ယက်က ဝန်ထမ်းမွမ်းမံသင်တန်း ပြုလုပ်ပြီးစီး

 

The Matupi Times နိုဝင်ဘာလ ၇ ရက်။

ချင်းလူထုဖွံ့ဖြိုးရေးကွန်ယက်က ၂၀၂၄ခုနှစ်၊ အောက်တိုဘာ ၂၈ ရက်မှ နိုဝင်ဘာ (၁)ရက်အထိ ဝန်ထမ်းမွမ်းမံသင်တန်းကို ငါးရက်ကြာ ပြုလုပ်ပြီး အဆိုပါသင်တန်းတွင် ချင်းလူထုဖွံ့ဖြိုးရေးကွန်ယက်၊ချင်းတောင်သူများကွန်ယက်၊မွှေတောင်ဒေသ

စောင့်ရှောက်ရေးအဖွဲ့၊ ဒေသခံအရပ်ဖက်အဖွဲ့အစည်းများနှင့် အခြားဒေသမှ ဝန်ထမ်းများလည်း ပါဝင်တက်ရောက်ကြောင်း

သိရသည်။

သင်တန်းတွင် NCCD ၏ အခြေခံမူများနှင့် ရည်ရွယ်ချက်၊ရည်မှန်းချက်များအကြောင်း၊လက်ရှိမြန်မာ့နိုင်ငံရေးအကြောင်း၊

ဖယ်ဒရယ်အကြောင်း၊ ချင်းနိုင်ငံရေးအကြောင်း၊ အမျိုးသမီးအခွင့်အရေး၊လူ့အခွင့်အရေးအကြောင်း၊မိုင်းအန္တရယ်ကြိုတင်ကာကွယ်ရေး၊မြေယာပေါ်လစီ၊UNDRIP အကြောင်း၊ မြေလွှတ်မြေလပ်မြေရိုင်းများအကြောင်း၊ FPIC အကြောင်းတို့ကို သင်ကြားပေးခဲ့ကြောင်း သိရှိရသည်။

#RadioNUGLocalNews

#SpringRevolution