22 Sep 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၂၂ ) ရက်နေ့ ရပြည်တွင်းသတင်းများ

📌📌 1/ ဟားခါးမြို့နယ်တွင် သစ်၊တိုင်များ သယ်ဆောင်ခွင့်နဲ့ပတ်သက်၍ CDF - Hakha သတင်းထုတ်ပြန်

 

စက်တင်ဘာလ ၁၈ ၊ ၂၀၂၅ 

ဟားခါးမြို့နယ်အတွင်းနှင့်မြို့နယ်ပြင်ပသို့ သစ်၊တိုင်များ သယ်ဆောင်ခွင့်နဲ့ပတ်သက်လို့ CDF - Hakha က ဒီကနေ့ညပိုင်းမှာ သတင်းထုတ်ပြန်ပါတယ္။

ချင်းပြည်နယ်၊ဟားခါးမြို့နယ်အတွင်း ချင်းလဲန်း ဗဟိုမြေယာနဲ့ သစ်တောဌာနရဲ့ တရားဝင်ထောက်ခံစာလေလံစာရွက်မပါရှိဘဲဟားခါးမြို့နယ်ကျော်(ဟားခါးမြို့နယ်ပြင်ပ)သို့ သစ်၊တိုင်များ သယ်ဆောင်ခွင့်ကို စက်တင်ဘာလ (၂၀)ရက်နေ့ (မနက်ဖြန်)ကစပြီး အောက်တိုဘာလ (၁၀) ရက်နေ့ အထိ တရားဝင်ပိတ်ပင်လိုက်ကြောင်း ထုတ်ပြန်သည်။

ဟားခါးမြို့နယ် ဒေသ ၂ ခု ၊ မြို့တော်နယ်မြေ၊တို့အတွင်း(ဟားခါးမြ်ို့နယ်ပြင်ပမှလွှဲ)မိမိဒေသတွင်းဖြစ်ပါက ဒေသတာဝန်ခံထောက်ခံစာဖြစ် သွားလာနိုင်ပြီး ဒေသတာဝန်ခံများအနေဖြင့် မိမိဒေသအတွင်းသာ သစ်သယ်ယူခွင့်ကို ထုတ်ပေးခွင့်ရှိပြီး မြို့နယ်ပြင်ပတွေက မြို့နယ်တာဝန်ခံလက်မှတ်ဖြင့်သာ သယ်ယူခွင့်ရှိတယ်လို့ ဆိုပါတယ္။

ဆက်လက်ပြီး ဒေသတွင်းသယ်ယူလိုပါက ဒေသမြေယာနဲ့ သစ်တောရုံးကို (၃)ရက်ကြိုတင် စာဖြင့်လျှောက်ထားရန်နှင့် မြို့နယ်ပြင်ပ သယ်ယူခြင်း ဒေသဖြတ်ကျော် သယ်ယူခြင်းတို့အတွက် ဗဟိုမြေယာနဲ့ သစ်တောရုံးကို (၅) ရက်ကြိုတင် စာဖြင့်လျှောက်ထားရမယ်လို့ ဖော်ပြထားပါတယ္။ 

အထက်ပါ အမိန့်ထုတ်ပြန်ချက်ကို မလိုက်နာပါက ဗဟိုမြေယာနဲ့ သစ်တောဌာနရဲ့ ဥပဒေ လုပ်ထုံးလုပ်နည်းတွေနဲ့ အရေးယူခြင်းခံရမည်ဖြစ်ကြောင်း CDF-Hakha မှ သတင်းထုတ်ပြန်သည်။

 

========================

 

📌📌 2/ KIA ထိန်းချုပ်နယ်မြေတနေရာကို စစ်ကော်မရှင် ဗုံးကြဲတိုက်ခိုက်လို့ (၁၅) ဦးကျော် သေ_ဆုံး

 

စက်တင်ဘာလ ၁၉ ၊ ၂၀၂၅ 

ကချင်ပြည်နယ် ရွှေကူမြို့နယ်အတွင်း၊ကချင်လွတ်လပ်ရေးတပ်မတော် KIA ထိန်းချုပ်နယ်မြေ ၊တပ်မဟာ (၁၁) နယ်မြေတစ်နေရာကို စစ်ကော်မရှင်က စက်တင်ဘာလ ၁၈ ရက်နေ့ မနက်အစောပိုင်းတွင် ဗုံးကြဲတိုက်_ခိုက်ခဲ့တယ်လို့သိရပါတယ္။

စစ်ကော်မရှင်ရဲ့ ဗုံးကြဲတိုက်ခိုက်မှုကြောင့် သေ_ဆုံးသူ ၁၇ ဦးထိရှိခဲ့တယ်လို့ ကချင်ဒေသခံသတင်းတွေကဖော်ပြပါတယ္။

ကချင်လွတ်လပ်ရေးအဖွဲ့အစည်း(KIO/KIA) ပြန်ကြားရေးတာဝန်ခံ ဗိုလ်မှူးကြီးနော်ဘူကတော့ လေယာဉ်နဲ့ ဗုံးကြဲချတိုက်ခိုက်ခဲ့တာဟာ မှန်ကန်ပြီး သေဆုံးထိခိုက်ဒဏ်ရာရတဲ့ အခြေအနေကိုတော့ အသေးစိတ် မသိရှိရသေးဘူးလို့ ကချင်ဒေသတွင်းသတင်းဌာနတချို့ကို အတည်ပြုဖြေကြားထားပါတယ္။

ဗုံးကြဲတိုက်ခိုက်ခံရတဲ့ဖြစ်စဉ်မှာ ၁၇ ဦး သေဆုံးခဲ့ရပြီး ၁၉ ဦးခန့်က ပြင်းထန်ဒဏ်ရာရရှိသည့်အပြင် နောက်ထပ် ၂၆ ဦးကတော့ နည်းပါးဒဏ်ရာရခဲ့ကြတယ်လို့ သိရပါတယ္။

ကချင်သတင်းဌာန တခုဖြစ်တဲ့ KNG ကတော့ စစ်ကောင်စီတပ်က ကချင်လွတ်လပ်ရေးတပ်မတော် KIA ထိန်းချုပ်နယ်မြေထဲက စစ်သင်တန်းပေးဖို့ ပြင်ဆင်နေရာကို ဗုံးကြဲတိုက်ခိုက်ခဲ့တာဖြစ်တယ်လို့ ဖော်ပြထားပါတယ္။

 

========================

 

📌📌 3/ ပြည်သူ့ကာကွယ်ရေးတပ်မတော်(မန္တလေး) ၏ အခြေခံစစ်ပညာသင်တန်း အပတ်စဉ် (၁၇) သင်တန်းဆင်းပွဲ ကျင်းပ

 

စက်တင်ဘာလ ၁၉ ၊ ၂၀၂၅ 

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော် စစ်ရုံးချုပ် ကွပ်ကဲမှုအောက်ရှိ ပြည်သူ့ကာကွယ်ရေးတပ်မတော်(မန္တလေး) ၏ အခြေခံစစ်ပညာသင်တန်း အပတ်စဉ် (၁၇) သင်တန်းဆင်းပွဲကို လွတ်မြောက်ဒေသတနေရာတွင် အောင်မြင်စွာကျင်းပပြုလုပ်ခဲ့ကြောင်းသိရသည်။

သင်တန်းကာလအတွင်း အခြေခံစစ်ပညာဆိုင်ရာ သင်ခန်းစာများ၊ စစ်နည်းဗျူဟာရေးဆွဲခြင်းဆိုင်ရာ သင်ခန်းစာများ၊ စစ်သည်တော်ကျင့်ဝတ်နှင့် စည်းကမ်းဆိုင်ရာ သင်ခန်းစာများ၊ နိုင်ငံရေးအသိပညာများနှင့် ကိုယ်ကာယကြံ့ခိုင်မှုပိုင်းဆိုင်ရာ သင်ခန်းစာများကို ပြင်းပြင်းထန်ထန် လေ့ကျင့်သင်ကြားပေးခဲ့ကြောင်းသိရသည်။

အခြေခံစစ်ပညာသင်တန်း သင်တန်းဆင်းပွဲ အခမ်းအနားသို့ ပြည်သူ့ကာကွယ်ရေးတပ်မတော် စစ်ရုံးချုပ်၊ မိုးကုတ်ဗျူဟာ၊ ဗျူဟာအမှတ် (၉၃) (TRI ဗျူဟာ)၊ အမှတ် (၅၁၃) တပ်ရင်း တို့မှ တာဝန်ရှိသူများ၊ မြို့နယ် ပကဖ၊ ပလဖ တာဝန်ရှိသူများ၊ မိတ်ဖက်တော်လှန်ရေးအဖွဲ့တခု ဖြစ်သော ဗမာပြည်သူ့လွတ်မြောက်ရေးတပ်တော် (BPLA) နိုင်ငံရေးမှူး၊ တော်လှန်ရေးနယ်ပယ်အသီးသီးမှ ရဲဘော်ရဲဘက်များနှင့် ဒေသခံ ရပ်မိရပ်ဖများ ပါဝင်တက်ရောက်ခဲ့ကြပြီး သင်တန်းဆင်းရဲဘော်များအား အားပေး ဂုဏ်ပြုစကားများ ပြောကြားခဲ့ကြောင်း NUG၊Ministry of Defence ကသတင်းထုတ်ပြန်ပါတယ်။

 

========================

 

📌📌 4/ မီဇိုရမ်ပြည်နယ်က မြန်မာစစ်ဘေးရှောင် ၁ ဦး တပတ်အတွင်းမြန်မာပြန်ရန် YMA အသိပေး

 

စက်တင်ဘာလ ၁၉ ရက်။

အိန္ဒိယနိုင်ငံ ၊ မီဇိုရမ်ပြည်နယ် ကျန်ဖိုင်မြို့မှာ စစ်ဘေးရှောင်နေတဲ့ မြန်မာစစ်ဘေးရှောင်တစ်ဦးဟာ ကိုယ်ကျင့်စာရိတ္တ မကောင်းတာကြောင့် ဒီတပတ်အတွင်း မြန်မာနိုင်ငံပြန်ဖို့ YMA ကအသိပေးထားတယ်လို့ မီဇိုရမ်အခြေစိုက်သတင်းဌာနတချို့ရဲ့ဖော်ပြချက်အရ သိရပါတယ်။

 

မြန်မာပြည်ပြန်ဖို့အသိပေးခံရသူမှာ စစ်ရှောင်အဖြစ်နေထိုင်သည့် Rualthanmawia ဆိုသူဖြစ်ကြောင်းသိရပါတယ်။

 

New Champhai Branch (YMA) Secretary က “ ဒီ Rualthanmawia က စစ်ဘေးရှောင်တစ်ဦးဖြစ်တယ် အကျင့်စာရိတ္တ မကောင်းလို့ ဒီအပတ်အတွင်း မြန်မာနိင်ငံပြန်ဖို့ဖြစ်တယ် တခြား Branch တွကလည်း ဒါကို နားလည်ပေးစေချင်တယ်” လို့ စက်တင်ဘာလ ၁၈ ရက်နေ့က ပြောကြားခဲ့တယ်လို့ လည်းသိရပါတယ်။

 

ယခင်ကလည်း ချန်ဖိုင်းခရိုင်မှာ စစ်ဘေးရှောင်နေတဲ့ မြန်မာစစ်ဘေးရှောင်တချို့ ကို မြန်မာနိုင်အတွင်း ပြန်ဖို့ မောင်းထုတ်ခံခဲ့ရတဲ့ဖြစ်စဉ်တွေလည်း ရှိခဲ့ပါတယ်။

 

========================

 

📌📌 5/ CDF-Daai တည်ထောင်ခြင်း ( ၄) နှစ်ပြည့် အထိမ်းအမှတ်ကျင်းပ 

 

စက်တင်ဘာလ ၂၁ ၊ ၂၀၂၅ ။

ချင်းပြည်ကာကွယ်ရေးတပ်ဖွဲ့ ( ဒိုင်ရ်) ဖွဲ့စည်းတည်ထောင်ခြင်း ( ၄) နှစ်ပြည့် အထိမ်းအမှတ် လှုပ်ရှုားမှုအခမ်းအနားကို CDF - Daai ၏ ဗဟိုဌာနချုပ်နှင့် တပ်ရင်းအခြေစိုက်ရာ တပ်စခန်းအသီးသီး၌ ၂၀၂၅ ခုနှစ်၊ စက်တင်ဘာလ ၂၁ ရက်နေ့တွင် အောင်မြင်စွာ ကျင်းပနိုင်ခဲ့ကြောင်းသိရသည်။

 

တော်လှန်ရေး(၄)နှစ်တာ ကာလစစ်အာဏာရှင် အမြစ်ပြတ်ချေမှုန်းနိုင်ရေးတိုက်ပွဲတွင် အသက်ပေးဆပ်ခဲ့သူများနှင့် ကိုယ်လက်အင်္ဂါဆုံးရှုံးသည့် ချင်းပြည်ကာကွယ်ရေးတပ်ဖွဲ့(ဒိုင်ရ်) ရဲဘော်များအားလုံးကို လေးစားဂုဏ်ပြုကြောင်း ထည့်သွင်းဖော်ပြထားပါတယ်။

 

ချင်းပြည်တောင်ပိုင်းမြို့နယ်(၄)မြို့နယ်ရှိ ဒိုင်ရ်မျိုးနွယ္စုများကိုစုစည်း၍ ဒိုင်ရ်ဒေသန္တရကောင်စီ(Daai Regional Council)ကိုဖွဲ့စည်းပြီး အုပ်ချုပ်ရေးယူနစ်တစ်ခုအတွင်းစုစည်းနိုင်ရေးအိပ်မက်ကို အကောင်ထည်ဖော်ဆောင်ရွက်ခဲ့ရာ အတိုင်းအတာတခုထိအောင်မြင်မှုရရှိခဲ့ပြီး ဒိုင်ရ်ဒေသအားလုံး အုပ်ချုပ်ရေးယူနစ်တစ်ခုအောက်တွင် စုစည်းအောင်မြင်သည်အထိ ဆက်လက်ကြိုးပမ်းသွားမယ်လို့ဆိုပါတယ္။

 

CDF-Daai ဖြစ်ပေါ်လာရေးအတွက် ပထမဆုံးအပတ်စဉ်(၁)နှင့်(၂) တို့တွင် စစ်ပညာသင်ကြားပေးတဲ့ CDF-Matupi ကိုလည်းကျေးဇူးတင်ကြောင်းဖော်ပြထားသလို CDF-Daai အင်အားကောင်းမွန်လာစေရေးအတွက် စစ်သင်တန်းပေးခြင်း၊လက်နက်ထောက်ပံ့ပေးခြင်း ၊ ရိက္ခာထောက်ပံ့ပေးခြင်းနှင့်ရှေ့တန်း စစ်မြေပြင်အတွေ့အကြုံများရရှိရန် လက်တွဲခေါ်ပေးခြင်းတို့ဖြင့်ကူညီပေးသော အာရက္ခတပ်တော်(အေအေ) အာလဖာ(၃)စစ်ဒေသအပေါ် အထူးးကျေးဇူးတင်ကြောင်းနှင့်ရေရှည်တည်တံ့ခိုင်မြဲသော မဟာမိတ်ဆက်ဆံရေးဆက်လက်တည်ဆောက်သွားမယ်လို့ဆိုပါတယ်။

 

ဆက်လက်၍ CDF-Daai ၏တော်လှန်ရေးရည်ရွက်ချက်ဖြစ်သော စစ်အာဏာရှင်အမြစ်ပြတ်ချေမှုန်းရေးနှင့် ဖက်ဒရယ္ဒီမိုကရေစီနိုင်ငံတည်ဆောက်ရေး ၊ ချင်းအမျိုးသားတည်ဆောက်ရေး လုပ်ငန်းအောင်မြင်ပြီးစီးသည်အထိ ညီအစ်ကိုတော်လှန်ရေး အင်အားစုများနှင့်ပူးပေါင်း၍ ဆက်လက်တိုက်ပွဲဝင်သွားမည်ဖြစ်ကြောင်း ထုတ်ပြန်ချက်တွင် ဖော်ပြသည်။

#RadioNUGLocalNews

#SpringRevolution