13 Oct 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ အောက်တိုဘာလ ( ၁၃ ) ရက်နေ့ ရပြည်တွင်းသတင်းများ

📌📌 1. Miss International Myanmar 2025 အလှမယ် ချင်းတိုင်းရင်းသူ နန်းအဉ္ဇလီ Catwalk Training အတွက် ဖိလစ်ပိုင်နိုင်ငံသို့ထွက်ခွာ

 

The Matupi Times ၊ အောက်တိုဘာလ ၆ ၊ ၂၀၂၅

Miss International Myanmar 2025 အလှမယ် ချင်းတိုင်းရင်းသူ နန်းအဉ္ဇလီ@Na Na ဟာ Catwalk Training Course တက်ရောက်ရန် ယနေ့ အောက်တိုဘာလ (၆) ရက်နေ့ , မနက်ပိုင်းက Yangon International Airport မှ ဖိလစ်ပိုင်နိုင်ငံသို့ထွက်ခွာသွားပြီဖြစ်တယ်လို့သိရပါတယ္။ 

Training Course အတွက် ဒေါ်လာ ၇၀၀ ကျော်ကုန်ကျပြီး ဖိလစ်ပိုင်နိုင်ငံ မှာ တစ်ပတ်ကြာ လေ့ကျင့်သွားမှာဖြစ်တယ်လို့သိရပါတယ္။

ချင်းတိုင်းရင်သူ နန်းအဉ္ဇလီ@Na Na ကို Crowning Ceremony & Media Press Conference တွင် Miss International Myanmar 2025 အဖြစ် စက်တင်ဘာလ ၄ ရက်နေ့က တရားဝင်မိတ်ဆက်ပေးလိုက်တာဖြစ်ပါတယ္။ 

" Na Na ရဲ့ Final Evening Gown ကိုတော့ လိပ်ပြာပုံစံလေး ဖန်တီးပေးထားပါတယ်။ ဒီနှစ် Nana အတွက်ကကျတော့ Miss International က Cute Type လေးကြိုက်တာဆိုတော့လေ။ Evening Gown ရဲ့ကုန်ကျစရိတ်ကတော့ သိန်း (၃၀၀)ကျော် လောက်ရှိတယ် " လို့ National Director ထူးအံ့လွင်က ပြောပါတယ္။ 

နန်းအဉ္ဇလီ (Na Na)ဟာ လာမယ့် နိုဝင်ဘာလမှာ ဂျပန်နိုင်ငံ၊အိုဆာကာမြို့တွင် ကျင်းပပြုလုပ်မည့် Miss International 2025 ပြိုင်ပွဲတွင် မြန်မာနို်င်ငံကိုယ်စားပြုအဖြစ် သွားရောက်ယှဉ်ပြိုင်ရမှာဖြစ်ပါတယ္။

ပြီးခဲ့တဲ့ ဇွန်လ ၂၇ ရက်ညမှာ ကျင်းပခဲ့တဲ့ မယ်စကြာဝဠာမြန်မာ (Miss Universe Myanmar 2025) ပြိုင်ပွဲမှာလည်း ချင်းပြည်၊ဟားခါးမြို့နယ် ကိုယ်စားပြုအဖြစ် Nan Inzali@Na Na ဝင်ရောက်ယှဉ်ပြိုင်ခဲ့ပြီး (1st Runner Up) ဆုကို ဆွတ်ခူးရရှိခဲ့သူလည်းဖြစ်ပါတယ္။

 

========================

 

📌📌 2/ မလေးရှားတွင် နေအိမ်မှထွက်ခွာပြီး ပျောက်ဆုံးနေသည့်ချင်းအမျိုးသားကို သေဆုံးလျက်ပြန်လည်တွေ့ရှိ

 

The Matupi Times ၊ အောက်တိုဘာလ ၇ ၊ ၂၀၂၅ 

မလေးရှားနိုင်ငံတွင် နေအိမ်မှထွက်ခွာပြီး ပျောက်ဆုံးနေသည့် ချင်းအမျိုးသားကို ဒီကနေ့ညပိုင်း မှာ ပြန်လည်တွေ့ရှိပြီဖြစ်ကြောင်း သိရပါတယ္။

U Kaw Lia (ဦးကော်လျာ - အသက် ၄၀ နှစ်) ကို ၂၄ နာရီ ကျော် ပျောက်ဆုံးပြီး နောက် ယနေ့ည မလေးစံတော်ချိန် (၈း၀၀) နာရီအချိန်ခန့်မှာပြန်လည်တွေ့ရှိခဲ့တာလို့သိရပါတယ္။

"သူ့ကိုကျွန်တော်တို့သူ့ပြန်တွေ့ပြီ ဒါပေမယ့် အသက်တော့ မရှိတော့ဘူး။ မနေ့ကမလေးရှားမှာ မိုးအရမ်းရွာလို့ မိုးမိတာလည်းပါမယ် အကုန်လုံး(Shock)ဖြစ်သွားတာ ဖြစ်နိုင်တယ္။ " လို့ နီးစပ်သူတစ်ဦးက ပြောပါတယ္။

ပျောက်ဆုံးသူမှာ ချင်းပြည်နယ်၊မတူပီမြို့နယ် ၊ဇိုတုန်ဒေသ ၊ Sepi ကျေးရွာမှ U Kaw Lia (ဦးကော်လျာ - အသက် ၄၀ နှစ်) ဖြစ်ပြီး ယမန်နေ့ အောက်တိုဘာလ ၆ ရက်နေ့ နေ့လည် ၃ နာရီအချိန်ခန့်တွင် နေအိမ်မှထွက်ခွာပြီးနောက် ပျောက်ဆုံးသွားပါ။ သေဆုံးရတဲ့အကြောင်းရင်းကိုတော့ The Matupi Times အနေဖြင့် သီးခြားအတည်ပြုနိုင်ခြင်းမရှိသေးပါ။

 

========================

 

📌📌 3. မင်းတပ်မြို့နယ်၊မှာ စာသင် ကျောင်းဗုံးကြဲခံရလို့ ၊ ကျောင်းသား(၄)ဦးသေ_ဆုံးပြီး (၁၀)ဦးကျော်ဒဏ်ရာရ

 

The Matupi Times ၊ အောက်တိုဘာလ ၉ ၊ ၂၀၂၅ 

အကြမ်းဖက်စစ်ကောင်စီတပ်က ချင်းပြည်နယ်တောင်ပိုင်း၊မင်းတပ်မြို့နယ်အတွင်းရှိ စာသင်းကျောင်းတစ်နေရာကို ၂၀၂၅ ခုနှစ‌် အောက်တိုဘာလ ၈ ရက်နေ့ည အစောပိုင်းက လေကြောင်းတိုက်ခိုက်မှုပြုလုပ်ခဲ့ပြီး သေဆုံးသူနှင့်ထိခိုက်ဒဏ်ရာရရှိသူများရှိကြောင်း သိရပါတယ္။

အကြမ်းဘက်စစ်တပ်က ယမန်နေ့ည (၆း၄၃ ) တွင်တစ်ကြိမ် နှင့် (၆း၄၆) အချိန်တွင် တစ်ကြိမ် (၃)မိနစ်ခြား (၂)ကြိမ်ဗုံးကြဲတိုက်ခိုက်ခဲ့တာဖြစ်ပြီး လေကြောင်းတိုက်ခိုက်မှုကြောင့် ကျောင်းသား(၄)ဦး သေ_ဆုံးခဲ့ရကြောင်း မင်းတပ်ဒေသခံတစ်ဦးက The Matupi Times ကို ပြောပါတယ္။ 

ဒါ့အပြင် လေကြောင်းတိုက်ခိုက်မှုကြောင့် (၁၀)ဦးကျော်ဒဏ်ရာရရှိခဲ့ပြီး ဒဏ်ရာရရှိသူများထဲတွင် ကျောင်းသားများအပြင် ပြည်သူတချို့လည်းပါဝင်ကြောင်း ပြောပြချက်အရ သိရပါတယ္။

စစ်ကောင်စီတပ်ဟာ ယခုလ (ပထမပတ်)ပြီးခဲ့တဲ့စနေနေ့ကလည်း မင်းတပ်မြို့ပေါ်ကို ဗုံးကြဲတိုက်ခိုက်ခဲ့ပြီး ပြည်သူ(၃)ဦး ဒဏ်ရာရရှိခဲ့သလို ပြည်သူနေအိမ်များလည်း ထိခိုက်ပျက်စီးခဲ့ရပါတယ္။ 

စစ်ကောင်စီတပ်ဟာ ရွေးကောက်ပွဲပြုလုပ်မှာမဟုတ်ဘူးလို့ ကြေငြာထားတဲ့ မင်းတပ်မြို့နယ်ကို ယခင်ထက် ဗုံးကြဲတိုက်ခိုက်မှုပိုမိုပြုလုပ်လာတာဖြစ်ပါတယ်။

 

========================

 

📌📌 4. မတူပီမြို့ပေါ်ကို အကြမ်းဖက်စစ်တပ်ဗုံးကြဲတိုက်ခိုက် ၊ သေဆုံးမှုရှိ 

 

The Matupi Times ၊ အောက်တိုဘာလ ၁၀ ၊၂၀၂၅ 

ချင်းပြည်နယ်တောင်ပိုင်း ၊ မတူပီမြို့ပေါ်ကို အကြမ်းဖက်စစ်တပ်က ဒီကနေ့ညပိုင်းမှာ ဗုံးကြဲတိုက်ခိုက်ခဲ့တယ်လို့သိရပါတယ်။

အကြမ်းဖက်စစ်တပ်ဟာ မင်းတပ်မြို့နယ်အတွင်းကို လေကြောင်းတိုက်ခိုက်မှုဆက်တိုက်ပြုလုပ်လာပြီးနောက် မတူပီမြို့ကို စတင်ဗုံးကြဲတိုက်ခိုက်လာတာဖြစ်ပါတယ်။

ဒီကနေ့ည ၈း၀၀ နာရီအချိန်ခန့်မှာ မတူပီမြို့ပေါ် ၊ မိီးသတ်ရုံးအနီးဝန်ကျင်ကို ပေါင် ၅၀၀ ဗုံး (၂)ကြိမ် တိုက်ခိုက်သွားတာလို့သိရပါတယ်။ အကြမ်းဖက်စစ်တပ်ရဲ့ဗုံးကြဲတိုက်ခိုက်မှုကြောင့် သေဆုံးမှုရှိကြောင်း ကနဦးကြားသိရပါတယ်။

အကြမ်းဖက်စစ်တပ်ဟာ ချင်းညီနောင်အဖွဲ့သိမ်းပိုက်ထားတဲ့ မင်းတပ်၊မတူပီ၊ကန်ပက်လက်၊မြို့နယ်တွေမှာ ရွေးကောက်ပွဲပြုလုပ်မှာမဟုတ်ဘူးလို့ကြေငြာပြီးနောက် ဗုံးကြဲတိုက်ခိုက်မှုတွေဆက်တိုက်ပြုလုပ်လာတာပါ။ 

အာရက္ခတပ်တော်သိမ်းပိုက်ထားတဲ့ ချင်းပြည်နယ် ပလက်ဝမြို့ကိုလည်းရွေးကောက်ပွဲပြုလုပ်မှာမဟုတ်ဘူးလို့ ကြေငြာပြီးနောက် လေကြောင်းတိုက်ခိုက်မှုပြုလုပ်ခဲ့ပြီး အကြမ်းဖက်စစ်တပ်ဟာ ချင်းပြည်နယ်ထဲက ရွေးကောက်ပွဲကျင်းပဖို့မဖြစ်နိုင်တဲ့ မြို့တွေကို ပစ်မှတ်ထားတိုက်ခိုက်လာတာတွေ့ရပါတယ်။

ယနေ့ မတူပီမြို့ပေါ်ဗုံးကြဲတိုက်ခိုက်မှုအခြေနေတွေိကိုလည်း ဆက်သွယ်စုံစမ်းနေဆဲဖြစ်ပြီး ထိခိုက်သေဆုံးမှုနဲ့ပတ်သက်လို့ The Matupi Times အနေဖြင့် သီးခြားအတည်ပြုနိုင်ခြင်းမရှိသေးပါ။

 

========================

 

📌📌 5. ချင်းစစ်ဘေးရှောင်တွေရောက်နေတဲ့ ကျေးရွာ ၁၃ ရွာကို အခြေခံစားသောက်ကုန်တွေ ထောက်ပံ့ကူညီပေးခဲ့တယ်လို့ NCCD ထုတ်ပြန်

 

အောက်တိုဘာလ ၉ ရက်။

ချင်းစစ်ဘေးရှောင်ပြည်သူတွေ ရောက်ရှိနေတဲ့ တီးတိန်မြို့နယ်၊ မင်းတပ်မြို့နယ် နဲ့ အိိန္ဒိယနိုင်ငံ၊မီဇိုရမ်ပြည်နယ် ထဲက ချင်းစစ်ဘေးရှောင်တွေကို အခြေခံစားသောက်ကုန် ဆန်၊ဆီ၊ ဆားတွေကို အောက်တိုဘာလ ၁ ရက်နေ့ကနေ ၉ ရက်နေ့အထိ ထောက်ပံ့ကူညီပေးခဲ့တယ်လို့ ချင်းလူထုဖွံ့ဖြိုးရေးကွန်ယက်အဖွဲ့ NCCD က ဒီကနေ့ အောက်တိုဘာလ ၉ ရက်နေ့မှာ ထုတ်ပြန်ပါတယ်။

တီးတိန်မြို့နယ်ထဲက ၅ နေရာ၊ မင်းတပ်မြို့ယ်ထဲက ၂ နေရာ နဲ့ မီဇိုရမ်ပြည်နယ်၊ ဆိုင်ဟားမြို့နယ်ထဲက ၆ နေရာ စုစုပေါင်း ၁၃ နေရာမှာ အခြေခံစားသောက်ကုန်တွေဖြစ်တဲ့ ဆန်၊ ဆီ၊ ဆားတွေကို ကူညီထောက်ပံ့မူပေးနိုင်ခဲ့တယ်လို့ ထုတ်ပြန်ထားပါတယ်။

ချင်းလူထုဖွံ့ဖြိုးရေးကွန်ယက်အဖွဲ့ ( NCCD) ကို ၁၉၉၅ ခုနှစ်ကတည်းက စတင်တည်ထောင်ခဲ့ပြီး ဒီကွန်ယက်က ချင်းပြည်နယ်တဝန်းက လူငယ်တွေ စွမ်းဆောင်ရည်မြှင့်တင်ရေးနဲ့ ရပ်ရွာဖွ့ံ့ဖြိုးတိုးတက်ရေးဆိုင်ရာ ကြိုးပမ်းအားထုတ်မှုတွေ အတွက် ဝိုင်းဝန်းတည်ထောင်ထားတဲ့ အဖွဲ့အစည်းဖြစ်ပါတယ်။

#RadioNUGLocalNews

#SpringRevolution