18 Oct 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ အောက်တိုဘာလ ( ၁၈ ) ရက်နေ့နောက်ဆုံးရပြည်တွင်းသတင်းများ

📌📌 ၁။ လေကြောင်းဆက်တိုက်ဗုံးကြဲခံရတဲ့ ချင်းပြည်မှာ တပတ်အတွင်း ကလေးငယ်အပါအဝင် ၆ ဦးသေဆုံး၊ ဒဏ်ရာရသူ ၄၀ ကျော်အထိရှိ။

 

ချင်းပြည် မင်းတပ်၊ မတူပီ၊ ဟားခါးနဲ့ တွန်းဇံမြို့နယ်တွေထဲမှာ စစ်အုပ်စုလေတပ်က လေကြောင်းဗုံးကြဲတာတွေ ဆက်တိုက်လုပ်နေပါတယ်။

အခုအောက်တိုဘာအစောပိုင်းကစလို့ စာသင်ကျောင်းဆောင်၊ ဘုရားရှစ်ခိုးကျောင်းတွေ ပစ်မှတ်ထား လေကြောင်းတိုက်ခိုက်ခံရလို့ အသက်ဆုံးရှုံးသူ ၆ ဦးရှိပြီး ၄၀ ကျော် ထိခိုက်ဒဏ်ရာရတယ်လို့ သက်ဆိုင်ရာအဖွဲ့အစည်းတွေက သတင်းထုတ်ပြန်ပါတယ်။

အောက်တိုဘာ ၈ ရက်ည မင်းတပ်မြို့နယ်ရှိ စာသင်ကျောင်းနဲ့ ဘော်ဒါဆောင် လေကြောင်းတိုက်ခိုက်ခံရမှုအတွင်း ကျောင်းသား ၃ ဦးနဲ့ အမျိုးသမီး ၁ ဦး အသက်ဆုံးရှုံးခဲ့ရပြီး ထိခိုက်ဒဏ်ရာရသူ ၂၀ ဝန်းကျင်အထိရှိတယ်လို့ မင်းတပ်မြို့နယ် ပြည်သူ့အုပ်ချုပ်ရေးအဖွဲ့ဘက်က ပြောပါတယ်။ မတူပီမြို့ပေါ်မှာ အောက်တိုဘာ ၁၀ ရက်က လေကြောင်းဗုံးကြဲခံရလို့ ထိခိုက်သေဆုံးသူရှိတယ်လို့ သိရပေမယ့် အတိအကျ ထုတ်ပြန်တာ မရှိသေးပါဘူး။

ဟားခါးမြို့နယ် ကျေးရွာတရွာမှာလည်း အောက်တို ၁၃ ရက်နေ့ မနက် ၁၀ နာရီ ၅ မိနစ်မှာ စာသင်ကျောင်း လေကြောင်းဗုံးကြဲခံရလို့ အသက်မပြည့်သေးတဲ့ ကလေး ၂ ဦးအသက်ဆုံးရှုံးပြီး နောက်ထပ် ၂၀ ကျော်ထိခိုက်ဒဏ်ရာရတယ်လို့ CDF – Hakhaက အောက်တိုဘာ

၁၄ရက်က သတင်းထုတ်ပြန်ပါတယ်။

ဒါ့အပြင် အောက်တိုဘာ ၁၄ရက်‌နေ့မှာပဲ မတူပီနဲ့ တွန်းဇံမြို့နယ်တွေမှာ လေကြောင်းတို၊က်ခိုက်ခံရတာရှိတယ်လို့ သိရပေမယ့် သက်ဆိုင်ရာအဖွဲ့အစည်းတွေက သတင်းထုတ်ပြန်တာမျိုး မတွေ့ရသေးပါဘူး။

 

========================

 

📌📌 ၂။ ဟားခါးမြို့နယ်ထဲရှိ စာသင်ကျောင်းဗုံးကြဲခံရ၊ စာသင်ကြားနေတဲ့ ကလေး ၂ ဦးအသက်ဆုံးရှုံးပြီး ထိခိုက်ပျက်စီးမှု များပြား။

 

ဟားခါးမြို့နယ်ထဲရှိ ကျေးရွာစာသင်ကျောင်းကို စစ်အုပ်စု လေတပ်က ဗုံးကြဲလို့ ကလေးအသက်ဆုံးရှုံးတာနဲ့ ထိခိုက်သူတွေရှိတယ်လို့ သိရပါတယ်။

အောက်တိုဘာ ၁၃ရက် မနက် ၁၀ နာရီ ၅ မိနစ်မှာ လေကြောင်းဗုံးကြဲခံရလို့ ကလေး ၂ ဦးအသက်ဆုံးရှုံးပြီး နောက်ထပ် ထိခိုက်ဒဏ်ရာရတာနဲ့ ကျောင်းအဆောက်အအုံပျက်စီးတာရှိခဲ့တယ်။

ထွက်ပေါ်လာတဲ့ ရုပ်ပုံတွေအရ ထိခိုက်ဒဏ်ရာရသူများနိုင်တယ်လို့ ယူဆရပေမယ့် အတိအကျကိုတော့ အတည်မပြုနိုင်ပါဘူး။

အခုအောက်တိုဘာအစောပိုင်းကစပြီး ချင်းပြည်၊ မင်းတပ်၊ မတူပီမြို့နယ်တွေမှာ လေကြောင်းတို၊က်ခိုက်မှု ဆက်တိုက်ခံနေရတာ ဖြစ်ပါတယ်။ အောက်တိုဘာ ၈ ရက်ည မင်းတပ်မြို့နယ် လေကြောင်းတိုက်ခိုက်ခံရမှုအတွင်း ကျောင်းသား ၃ ဦးနဲ့ အမျိုးသမီး ၁ ဦး အသက်ဆုံးရှုံးခဲ့ရပြီး ထိခိုက်ဒဏ်ရာရသူ ၂၀ ဝန်းကျင်အထိရှိပါတယ်။

 

========================

 

📌📌 ၃။ ဟားခါးမြို့မရဲစခန်းကို CNA နှင့် CDF-Hakha ပူးပေါင်းတိုက်ခိုက် ၊ အကျဉ်းသား ၁၅ ဦးကို ကယ်ထုတ်နိုင်ခဲ့။

 

ချင်းပြည်နယ် ၊ ဟားခါးမြို့၊မြို့မ ရဲစခန်းကို ချင်းတော်လှန်ရေးအဖွဲ့တွေဖြစ်တဲ့ ချင်းအမျိုးသားတပ်မတော် (CNA) နှင့် CDF - ဟားခါး ပူးပေါင်းတပ်ဖွဲ့က ဝင်ရောက်တိုက်ခိုက်ခဲ့တယ်လို့သိရပါတယ်။

ဟားခါးမြို့ မြို့မ ရဲစခန်းကို ယနေ့မနက်အစောပိုင်း (၃)နာရီချိန်ခန့်မှာ  ဝင်ရောက်တိုက်ခိုက်ခဲ့တာလို့သိရပြီး  အကျဉ်းသား ၁၅ ဦးကိုလည်း ကယ်ထုတ်နိုင်ခဲ့တယ်လို့ သိရပါတယ်။

ဟားခါးရဲစခန်းတိုက်ခိုက်မှုနဲ့ပတ်သက်ပြီး ချင်းအမျိုးသားတပ်ဦး(CNF / CNA) ပြောရေးဆိုခွင့်ရှိသူ ဆလိုင်းထက်နီက မီဒီယာတချို့ကို အတည်ပြုပြောဆိုထားပြီး  ကယ်ထုတ်နိုင်ခဲ့တဲ့အကျဉ်းသားတွေထဲမှာ တော်လှန်ရေးရဲဘော်တချို့လည်း ပါဝင်တယ်လို့ ပြောပါတယ်။

ဟားခါးရဲစခန်းဝင်ရောက်စီးနင်းရာမှာ အပြန်အလှန်ပစ်ခတ်မှုဖြစ်ပွားခဲ့ပြီး စစ်ကောင်စီ ဘက်က ၅ ဦးခန့်သေဆုံးကာ ချင်းတော်လှန်ရေးပူးပေါင်းတပ်ဘက်မှ(၁)ဦးကျဆုံးကြောင်း သိရပါတယ္။ တိုက်ခိုက်မှုနဲ့ပတ်သက်ပြီး CDF-Hakha ကသတင်းတစုံတရာထုတ်ပြန်ထားခြင်းမရှိသေးပါဘူး။

ရဲစခန်းတိုက်ခိုက်ခံရပြီးနောက် စစ်ကော်မရှင်တပ်သည် မြို့ပေါ်မှလက်နက်ကြီးရမ်းသမ်းပစ်ခတ်မှုတွေပြုလုပ်နေပြီး ဟားခါးမြို့ပတ်လမ်းဘက်တွင် ကား(၄)စီးဖြင့် အင်အား(၅၀)ခန့် နေရာချထားကြောင်းသိရပါတယ်။

စစ်ကော်မရှင်က လာမယ့်ဒီဇင်ဘာလမှာ ချင်းပြည်နယ် ဟားခါးနှင့်တီးတိန်မြို့နယ်မှာ ရွေးကောက်ပွဲအပိုင်း(၁)ကို ကျင်းပပြုလုပ်မယ်လို့ ကြေငြာထားပြီး မဲဆန္ဒရှင်စာရင်းတွေကိုလည်း ပြီးခဲ့တဲ့လကုန်ပိုင်းကစလို့ ကပ်ထားကြေငြာပြီးဖြစ်ပါတယ်။

#RadioNUGLocalNews

#SpringRevolution