25th FEB 2022 - (Ethnic language program-CHO_KAANG) by Radio NUG

📌(ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ ဖေဖေါ်ဝါရီလ ၂၅ ရက်နေ့ ရပြည်တွင်းသတင်းများ

📌📌၁။ မတူပီရဲစခန်းမှ နယ်ထိန်း ရဲ တစ်ဦး လက်နက်နှင့် အတူ ချင်းကာကွယ်ရေးတပ်ဖွဲ့ထံ ခိုလှုံ

ချင်းပြည်နယ်၊ မတူပီရဲစခန်းတွင် တာဝန်ထမ်းဆောင်နေသည့် တပ်သား အဆင့်ရှိသူ နယ်ထိန်း တစ်ဦးသည် ၎င်းကိုင်ဆောင်ထားသည့် လက်နက်နှင့်အတူ ချင်းကာကွယ်ရေးတပ်ဖွဲ့ (မတူပီ) CDF Matupi ထံသို့ ဖေဖော်ဝါရီ (၂၃) ရက်တွင် ခိုလှုံလာကြောင်း သိရသည်။

၎င်း၏ လုပ်ရပ်ကိုကြည့်၍ ကျန်ရစ်သည့် ရဲဘော်များအနေဖြင့် လူတစ်ဦး တစ်ယောက်၊ လူတစ်စုကိုသာ ကာကွယ်နေရန် မသင့်ဘဲ ပြည်သူ့ဘက် ရပ်တည်ကြရန်နှင့် ချင်းကာကွယ်ရေး တပ်ဖွဲ့များကလည်းနွေးနွေးထွေးထွေးကြိုဆိုကြပြီး ထိုက်တန်သည့် ဂုဏ်ပြု ချီးမြှင့်ငွေများ ပေးအပ်ကြကာ လုံခြုံစိတ်ချရတဲ့ နေထိုင်ရေးများအတွက်လည်း စီစဉ်ပေးကြကြောင်း ဆိုသည်။

ပြီးခဲ့သည့် ​ဇန်နဝါရီလ ၂၆ ရက်ကလည်း မတူပီမြို့နယ်အခြေစိုက် ခြေမြန်တပ်ရင်း ( ၅၂၁ ) မှ တပ်ကြပ်ကြီးနှင့် ဒုတပ်ကြပ် နှစ်ဉီး MA 1 အမျိုးအစား သေနတ် နှစ်လက် ၊ ကျည်ဆန် ၅၅၀တောင့်၊ လက်ပစ်ဗုံး နှစ်လုံး ၊ နင်းမိုင်း တစ်လုံး နှင့်အတူ ခိုလှုံလာကြောင်း သိရသည်။

ခုလက်ရှိ ဖေဖော်ဝါရီလအထိ ချင်းကာကွယ်ရေးတပ်ဖွဲ့ (မတူပီ) ထံသို့ ခိုလှုံလာသည့် စစ်သားနှင့်ရဲ ၁၁ ဦးရှိပြီဖြစ်ကြောင်းသိရသည်။

📌📌၂။ (၄) ရက်တာ တိုက်ပွဲတွင် စစ်​ကောင်စီတပ်သား ၂၁ ဦး ခန့်​သေ​ကြောင်း CDF ကန်ပက်လက်ထုတ်ပြန်

၂၀၂၂ ခုနှစ် ဖေဖော်ဝါရီလ ၂၀ရက်နေ့တွင် မကွေးတိုင်း လောင်းရှည်မှ ကျင်ဒွေးမြို့သို့ဦးတည် စစ်ကြောင်းထိုးလာသော စစ်ကောင်စီစစ်ကြောင်းအား ဆွဲလွဲကျင် ​ကျေးရွာအနီး၌ နံနက် ၈:၀၀ တွင်တစ်ကြိမ် နေ့လယ် ၁၂:၀၀ တွင်တစ်ကြိမ် CDF-Kanpetlet ဘက်မှ ကြားဖြတ် တိုက်ခိုက်ခဲ့ရာ စစ်ကောင်စီဘက်မှ ၆ ဦးသေဆုံးခဲ့ ​ကြောင်း သိရသည်။

ထို့နောက် ၂၁ ရက်နေ့တွင် ၎င်း စစ်​ကောင်စီစစ်ကြောင်း နှင့် CDF-Kanpetlet /PDF-Saw ပူးပေါင်းတပ်ဖွဲ့တို့ထပ်မံတိုက်ပွဲပြင်းထန်ခဲ့ပြီးစစ်ကောင်စီဘက်မှ ၄ ဦး ထပ်မံသေဆုံးခဲ့​ကြောင်းသိရသည်။

ထို့နောက် ၂၂ ရက်နေ့တွင် ရေရှောင်လမ်းမြက်ခင်းပြင် အနီးတွင် စစ်ကောင်စီစစ်ကြောင်းနှင့် CDF-Daai/PDF-Saw/CDF-Kanpetlet ပူးပေါင်းတပ်ဖွဲ့တို့အကြား ထပ်မံတိုက်ပွဲပြင်းထန်ခဲ့ပြီး စစ်ကောင်စီဘက်မှ ၁၁ ဦးသေဆုံးခဲ့ပြီး အများအပြားဒဏ်ရာရရှိခဲ့ ​ကြောင်းသိရသည်။ ဖေ ဖော်ဝါရီလ ၁၉ ရက်နေ့မှ ၂၂ ရက်တွင် ထိတွေ့တိုက်ပွဲ ၄ ကြိမ်ဖြစ်ပွားခဲ့ပြီး ယင်းတိုက်ပွဲများတွင် စစ်ကောင်စီ တပ်သား ၂၁ ဦးခန့် သေဆုံးခဲ့​ကြောင်း CDF ကန်ပက်လက်မှ သတင်းထုတ်ပြန်သည်။

တိုက်ပွဲတွင် အထိနာခဲ့သောစစ်ကောင်စီတပ်သားများသည် မဆာတွီ ကျေးရွာရှိပြည်သူနေအိမ်များ အားဖောက်ထွန်းဖျက်ဆီးကာ ပစ္စည်းအမြောက်များခိုးယူခဲ့ပြီး မောချောင်းရွာတွင် လူနေအိမ် ၄ လုံးကို မီးရှို့ဖျက်ဆီးခဲ့​ကြောင်းသိရသည်။

📌📌၃။ ကျောက်ထု ရှိ စစ်ဘေးရှောင်များ အတွက် စားနပ်ရိက္ခာများ ထပ်မံ ​ပေး​ဝေခဲ့

​ဖေဖော်ဝါရီလ ၊ ၂၃ ရက် နံနက် ၀၉:၀၀ အချိန်တွင် ကျောက်ထု မြို့မ ရပ်ကွက်နှင့် ဂုံဘိုရပ်ကွက်တွင် အိမ်ငှားနေထိုင် ​နေကြသော စစ်ဘေးရှောင်များအတွက် စားနပ်ရိက္ခာများ ထပ်မံ ပေးဝေခဲ့ကြောင်း ​ကျောက်ထု စစ်​ဘေး​ရှောင်စီမံခန့်ခွဲ​ရေး ​ကော်မတီထံမှ သိရသည်။

ယခင်ကဘော်ဒါဆောင် များ ၊ IDP Camp များနှင့် ရွာ​ကျေးရွာနေ စစ်ဘေးရှောင်များကို ပေးဝေပြီး ဖြစ်၍ ယခု အကြိမ်တွင် အိမ်ငှားနေထိုင် သူများကို သီးသန့် ပေးဝေသွားမည် ဖြစ်​ပြီး ပေးဝေသွားသည့် ရိက္ခာတွေကတော့ ဆန်၊ ဆီ၊ ဆား၊ ကုလားပဲတို့ဖြစ်သည်။

📌📌၄။ အိန္ဒိယ နိုင်ငံ ၊ မီဇိုရမ် ပြည်နယ် ၊ အိုင်​ဇောလ် မြို့တွင် ( ၂ ​ခြောက်လုံး ​တော်လှန်​ရေး​နေ့အထိမ်းအမှတ်) ​​ဈေး​ရောင်းပွဲ​တော် ကျင်းပ

အိန္ဒိယ နိုင်ငံ ၊မီဇိုရမ် ပြည်နယ် ၊ အိုင်​ဇောလ် မြို့တွင် ဖေဖော်ဝါရီ ၂၂ ရက်နေ့က ၂၂၂၂၂၂ ( ၂ ခြောက်လုံး ​တော်လှန်​ရေး​နေ့အထိမ်းအမှတ်) ​​ဈေး​ရောင်းပွဲ​တော် ကျင်းပ ခဲ့ကြောင်းသိရသည်။

မြန်မာ့ ဒီမိုက​ရေစီ အ​ရေးအတွက် အိန္ဒိယနိုင်ငံ ၊မီဇိုရမ်ပြည်နယ်၊ Aizawl မြို့တွင် အ​ခြေစိုက်၍ လှုပ်ရှား​နေ​သော Youths For Myanmar (Aizawl) အဖွဲ့က ဦး​​ဆောင်ကျင်းပ ခြင်းဖြစ်​သည်။

အဆိုပါ ​ဈေး​ရောင်းပွဲ​တော်နှင့် ​​တေးဂီတ ​ဖျော်​ဖြေ​ရေးပွဲမှ ရရှိလာသည့် အမြတ်အစွန်းများကို စစ်အာဏာရှင်​တော်လှန်​ရေး နှင့် စစ်​ဘေး​ရှောင် ကူညီကယ်ဆယ်​ရေး လုပ်ငန်းများတွင် ပြန်လည် အသုံးပြုသွားမည် ဖြစ်​ကြောင်းသိရသည်။

📌📌၅။ အကြမ်းဖက်စစ်ကောင်စီမှ ကရင်နီပြည်နယ်အတွင်း လေကြောင်း​ဖြင့် နေ့စဥ်ဗုံးကြဲ တိုက်ခိုက်နေ

အကြမ်းဖက်စစ်ကောင်စီတပ်သည် ကရင်နီပြည်နယ်အတွင်းလေကြောင်းမှ နေ့စဥ်ဗုံးကြဲတိုက်ခိုက်နေပါသည်။ ဖေဖော်ဝါရီလ (၂၄)ရက် (ယမန်နေ့) နံနက်ပိုင်းတွင်လည်း လေကြောင်းမှ ဗုံးကြဲတိုက်ခိုက်မှုတွေပြုလုပ်ခဲ့ကြောင်း သိရသည်။

ဒေသခံပြည်သူများ၏ ဖော်ပြချက်အရ " ဖေဖော်ဝါရီ (၂၄) နံနက်ပိုင်း (၁၁) နာရီဝန်းကျင်မှ မွန်းလွဲပိုင်း (၁၂:၄၀) ထိ လေကြောင်းမှ အကြိမ်ပေါင်းများစွာ ဗုံးကြဲတိုက်ခိုက်ခဲ့ကြောင်း သိရသည်။ ပြီးခဲ့သည့် (၇)ရက် ခန့်က အကြမ်းဖက်စစ်ကောင်စီ၏ ထိုးစစ်ဆင်တိုက်ခိုက်မှုကြောင့် ပြည်သူ့ကာကွယ်ရေးတပ်များနဲ့ တိုက်ပွဲအကြား အထိခိုက်အသေဆုံးများပြားတာကြောင့် အခုလို နေ့တိုင်းလေကြောင်းကနေတိုက်ခိုက်နေတာဖြစ်ပါတယ်။ အဆိုပါ လေကြောင်းဖြင့် ဗုံးကြဲတိုက်ခိုက်မှုကြောင့် KNDF တပ်သား၊ အပြစ်မဲ့ပြည်သူများနဲ့ ကာကွယ်ရေးဆေးတပ်သားတချို့ပါ ထိခိုက်ဒါဏ်ရာရရှိနေကြပါတယ် " ဟုရေးသားထားသည်။

စစ်ကောင်စီတပ်၏ လေကြောင်းတိုက်ခိုက်မှု၊ မီးရှို့ဖျက်ဆီးမှု​တွေ ကြောင့် ကရင်နီပြည်နယ်အတွင်းရှိ ဒေသခံပြည်သူများ အိုးအိမ်စွန့်ခွာထွက်ပြေးတိမ်းရှောင်နေရပြီး အကူညီများလိုအပ်လျက်ရှိသည်။

#RadioNUGLocalNews

#SpringRevolution