4th FEB 2022 - (Ethnic language program-CHO_KAANG) by Radio NUG

📌(ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ ဖေဖေါ်ဝါရီလ ၄ ရက်နေ့ ရပြည်တွင်းသတင်းများ

📌📌၁ ။ မတူပီမှ မင်းတပ်ဘက်သို့ ပြန်ဆင်းလာသည့် စစ်​ကောင်စီယာဉ်တန်း နှင့် CDF မင်းတပ်တို့ တိုက်ပွဲများ ဆက်ဖြစ်​နေ

မတူပီမှ မင်းတပ် ဘက်သို့ ပြန်ဆင်းလာသည့် စစ်​ကောင်စီ တပ်ကား ၈၀ ​ကျော်ပါ ယာဉ်တန်း နှင့် CDF မင်းတပ်တို့ မင်းတပ်-မတူပီ လမ်းတ​လျှောက် တိုက်ပွဲများ ဆက်တိုက်ဖြစ်​ပွား နေ​ကြောင်း ကနဦးသိရသည်။အဆိုပါ စစ်​ကောင်စီ ယာဉ်တန်းသည် မတူပီမှ မင်းတပ်သို့ ပြန်လည်ထွက်ခွာလာသည်မှာ ၁၀ ရက်ဝန်းကျင် ရှိ​နေပြီ ဖြစ်​ကြောင်း သိရသည်။CDF မင်းတပ်ဘက်မှ ကြားဖြတ်တိုက်ခိုက်လျက်ရှိ​ကြောင်း CDF မင်းတပ် တပ်ဖွဲ့ဝင်များထံမှ သိရသည်။ ပြီးခဲ့သည့် မိုးတွင်းကာလ ကလည်း မတူပီမှ မင်းတပ်သို့ ကူးလူးသွားလာသည့် ကားအစီး ၉၀ ​ကျော်ပါစစ်​ကောင်စီ ယာဉ်တန်း ကို CDF မင်းတပ်က ကြားဖြတ်တိုက်ခိုက်ခဲ့​ကြောင်းသိရသည်။ ထိုတိုက်ခိုက်မှု​ကြောင့် စစ်​ကောင်စီ တပ်သားများ ထိခိုက်​သေဆုံးမှု များစွာဖြင့် မင်းတပ်သို့ ရက်အတန်ကြာမှ ​ရောက်ရှိခဲ့​ကြောင်းသိရသည်။ ယခု ပွင့်လင်းရာသီကာလတွင်လည်း စစ်​ကောင်စီ တပ်သားများ မင်းတပ် မတူပီ ကြားတွင် ၁၀ ရက်​ကျော် ကြာသည့်တိုင် လိုရာခရီး မ​ရောက်နိုင်ဘဲ တ​ရွေ့​ရွေ့ ချီတက်​နေကြ​ကြောင်း သိရသည်။ အဆိုပါ မင်းတပ် မတူပီလမ်း သည် စစ်​ကောင်စီ အရာရှိ တပ်ရင်းမှူး (ဒုတိယ ဗိုလ်မှူးကြီး) အဆင့် ပုဂ္ဂိုလ်များပါ ​သေဆုံးခဲ့ရ​သည့် လမ်းဖြစ်ပြီး စစ်​ကောင်စီ တပ်သား အများအပြား ​သေဆုံး‌ကြောင်းသိရသည်။ ယခု မတူပီမှ ပြန်ဆင်းလာသော စစ်ကောင်စီယာဉ်တန်းမှာ မိုင် ၃၀အနီးနားသို့ရောက်ရှိနေပြီး မင်းတပ်ပြည်သူ့ကာကွယ်ရေးတပ်မှ ကြားဖြတ်တိုက်ခိုက်ရာ စစ်ကောင်စီဖက်အသေပျောက်နဲ့ အမ်အေ 3 သေနတ်တစ်လက် သိမ်းဆည်းရမိ‌ကြောင်း မင်းတပ်ပြည်သူဘအုပ်ချူပ်ရေးအဖွဲ့မှ ဖေဖော်ဝါရီ ၂ရက်နေ့က ထုတ်ပြန်ထားပါသည်။

📌📌၂။ အာဏာသိမ်း တစ်နှစ်ပြည့်​နေ့၌ ထန်တလန်မြို့တွင် ​နေအိမ်​ပေါင်း ၉၄ လုံးထပ်မံ မီးရှို့ခံရ

စစ်​ကောင်စီ မီးရှိူ့၍ ​လောင်ကျွမ်းခဲ့​သော ​နေအိမ်များကို ၂၀၂၁ စက်တင်ဘာလမှ စတင်​၍ ​ရေတွက်လျှင် အိမ်​ပေါင်း (၉၂၈) လုံးရှိပြီဖြစ်​ကြောင်း ချင်း လူ့အခွင့်အ​ရေးအဖွဲ့ (CHRO) က သတင်းထုတ်ပြန်ထားသည်။

📌📌၃ ။ ယ​နေ့ နံနက်တွင် KIA နှင့် PDF တို့က ဖားကန့်မြို့နယ်နှင့် မိုးညှင်းမြို့နယ် ရှိ စစ်​ကောင်စီ စခန်းများ ဝင်သိမ်း

ကချင်ပြည်နယ် ဖားကန့် လုံးခင်းကျေးရွာအုပ်စု ဥရုချောင်းတဖက် ကမ်း ဂျာရာယန်ကျေးရွာ ရှိ စစ်ကောင်စီ တပ်စခန်း ကို ကေအိုင်အေနှင့် PDFတို့မှ‌ဖေဖေါ်ဝါရီ၃က်‌နေ့မနက် ၃ နာဝန်းကျင်၌ တိုက်ခိုက်သိမ်းပိုက်ခဲ့ကြောင်း သိရပါတယ်။ ဏ္ဍ ယ​နေ့ နံနက် ၃ နာရီ​ကျော်က ကေအိုင်​အေနှင့် PDF တို့ သွား​ရောက် တိုက်ခိုက်သိမ်းယူပြီး မီးရှို့ဖျက်ဆီး​ခဲ့​ကြောင်း သတင်းရရှိပါတယ်။ အဆိုပါ ​မော်ဟန်စခန်းမှာ စခန်းမှူးနှင့် တပ်ကြပ်တစ်ဦး သေဆုံးပြီး လက်နက်​များလည်း သိမ်းယူနိုင်ခဲ့​ကြောင်း သိရပါတယ်။​ ဖေ​ဖော်ဝါ်ရီ ၁ ရက်​နေ့ကလည်း ပူတာအို ဆွမ်ပီယာန်ကျေးရွာရှိ စစ်​ကောင်စီတပ်စခန်းတစ်ခုကို ​ကေအိုင်​အေ နှင့် PDF တို့ သိမ်းယူပြီး မီးရှို့ဖျက်ဆီး​ခဲ့​ကြောင်း သိရပါတယ်။

📌📌၄။ နိုင်ငံသားတိုင်း စစ်မှုထမ်းဖို့ ယခုနှစ်အတွင်း ဆောင်ရွက်သွားမယ်လို့ စစ်ကောင်စီ ဥက္ကဌ မင်းအောင်လှိုင်ပြော

နိုင်ငံသားတိုင်း စစ်မှုထမ်းဖို့ကို ယခုနှစ်အတွင်း ဆောင်ရွက်သွားမယ်လို့ စစ်ကောင်စီဥက္ကဌ ဗိုလ်ချုပ်မှူးကြီး မင်းအောင်လှိုင်က ဖေဖော်ဝါရီ ၂ရက် (မနေ့)က ပြုလုပ်တဲ့ အစည်းအဝေးမှာ ပြောပါသည်။၎င်းအနေနဲ့ ယခုနှစ်အတွင်း ရည်မှန်းချက် ၃ ခုရှိပြီးတစ်အချက်အနေနဲ့ တိုင်းပြည်စီးပွားရေးကို ရအောင်ဆွဲတင်မှာဖြစ်ကာ နှစ်အချက်အနေနဲ့ နိုင်ငံရေးကောင်းမွန်အောင်ဆောင်ရွက်ပြီး နိုင်ငံရေးနှင့် စီးပွားရေးအားကောင်းလာပါက တတိယအချက်အနေနဲ့ အမျိုးသားစစ်မှုထမ်းဥပဒေပြဌာန်းပြီး နိုင်ငံသားအားလုံးပါဝင်တဲ့ ကာကွယ်ရေးစနစ်ကို ဆောင်ရွက်သွားမှာဖြစ်တယ်လို့ ဆိုသည်။အဆိုပါ အမျိုးသားစစ်မှုထမ်းဥပဒေမှာ တစ်နှစ်၊ တစ်နှစ်ခွဲခန့်ကြာမြင့်နိုင်ပြီး ကိုယ့်နိုင်ငံ စီးပွားရေး၊ ကာကွယ်ရေးစနစ်မကောင်းရင် အိမ်နီးချင်းနိုင်ငံတွေရဲ့ အထင်မြင်သေးခံ၊ အစော်ကားခံရနိုင်တာ၊ ခြံစည်းရိုးမလုံ​တာဖြစ်နိုင်တာကြောင့် နိုင်ငံသားတိုင်းစစ်မှုထမ်းရမယ့် ဥပဒေကို ယခုနှစ်အတွင်း အကောင်ထည်သွားမည်ဖြစ်ကြောင်း ပြောကြားသွားပါသည်။

📌📌၅။ မြန်မာနိုင်ငံတွင် COVID ကူးစက်မှု ပိုမိုမြင့်တက်လာ

၂၀၂၂ ဖေဖော်ဝါရီလ ၂ရက်နေ့၊ ည (၈:၀၀) နာရီတွင် ဓာတ်ခွဲနမူနာစုစုပေါင်း (၂၆၈၂၆) ခုအား စစ်ဆေးပြီးစီးခဲ့​ပြီး COVID-19 ရောဂါ ဓာတ်ခွဲအတည်ပြုလူနာသစ် (၁၄၃) ဦးအထိတွေ့ရှိတာကြောင့် ကိုဗစ်လူနာတွေ့ရှိမှု ရာခိုင်နှုန်းမှာ (၀.၅၃) ရာခိုင်နှုန်းအထိ မြင့်တက်လာကြောင်း စစ်ကောင်စီရဲ့လက်အောက်ခံ ကျန်းမာရေးဝန်ကြီးဌာနမှ ထုတ်ပြန်ထားပါသည်။ ထို့​​ပြင် ရန်ကုန်တိုင်းဒေသကြီး၊ မင်္ဂလာဒုံမြို့နယ်အတွင်းရှိ စက်ရုံလုပ်ငန်းတစ်ခုမှာပြီးခဲ့တဲ့ဖေဖော်ဝါရီ ၁ရက်က COVID-19 ရောဂါပိုး (၇၁၈) ဦးအထိတွေ့ရှိခဲ့တာ‌ကြောင့် ယခင်နေ့တွေကထက် အဆပေါင်းများစွာ ကူးစက်မှုမြင့်တက်လာလျှက်ရှိပါသည်။ ထို့အတူ မြန်မာနိုင်ငံတွင် COVID မျိုးရိုးဗီဇကွဲ OMICRON ရောဂါပိုးတွေ့ရှိမှုမှာလည်း ၂၀၂၂ ဖေဖော်ဝါရီ ၂ရက်နေ့ (ယမန်နေ့) ညပိုင်း ကျန်းမာရေးဝန်​ကြီးဌာနစာရင်းအရ (၃၂၀) ဦးအထိရှိလာကြောင်းသိရပါသည်။

#RadioNUGLocalNews

#SpringRevolution