30th APR 2022 - (Ethnic language program-CHO_DAAI) by Radio NUG

📌(ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ ဧပြီလ ၃၀ ရက်နေ့ နောက်ဆုံးရပြည်တွင်းသတင်းများ

📌📌၁။ မတူပီ မှ မင်းတပ် ဘက်သို့ ပြန်ဆင်းလာ သော စစ် ကောင်စီ ယာဉ်တန်းကို CDF မတူပီ က ကြားဖြတ်တိုက်ခိုက်၊ စစ် ကောင်စီတပ်သား ၇ ဦး သေ

မတူပီ မှ မင်းတပ်ဘက်သို့ ပြန်ဆင်းလာ သော စစ် ကောင်စီယာဉ်တန်းကို ၂၀၂၂၊ ဧပြီလ(၂၈)ရက် မွန်းလွဲ ၂ နာရီ အချိန်တွင် မတူပီမင်းတပ် လမ်းပိုင်း မိုင်တိုင် ၈၇ ၌ CDF မတူပီ မှ လက်လုပ် လက်နက်ကြီးများ နှင့် လက်နက်ငယ်များဖြင့် ကြားဖြတ်ပစ်ခတ် တိုက်ခိုက်ခဲ့ ကြောင်းသိရသည်။

ဧပြီလ (၂၈)ရက် ညနေ (၄း၀၀)တွင် စစ် ကောင်စီယာဉ်တန်းသည် မင်းတပ် - မတူပီကားလမ်း မိုင်တိုင် အမှတ် ၈၄ တွင်ရောက်ရှိနေသည်ဟု CDF - မတူပီက သတင်း ပေးပို့လာ ကြောင်း CDF - Mindat (သတင်းနှင့်ပြန်ကြားရေးဌာန) က ထုတ်ပြန်သည်။

 

📌📌၂။ CNO/CNDF အ နေဖြင့် CJDC အဖွဲ့ဝင်များနှင့်ဆက်လက်ပူး ပေါင်း၍ စစ် ကောင်စီ ဒေါက်တိုင် များကို ထိ ရောက်စွာ အ ရေးယူ သွားမည်

၂၀၂၂ ခုနှစ်၊ ဧပြီလ ၂၀-၂၃ ရက်နေ့အထိ ချင်းအမျိူးသားအဖွဲ့ချူပ် (CNO) ၏ ပထမအကြိမ် ညီလာခံအစည်းအဝေးကြီးကို ဌာနာချုပ်ဖြစ်သော Chinram, Camp Rihli တွင် ကျင်းပပြုလုပ်ခဲ့ ကြောင်းသိရသည်။

ညီလာခံအစည်းအဝေးသို့ ချင်းအမျိူးသားအဖွဲ့ချုပ် (CNO)၊ ချင်းအမျိူးသားကာကွယ်ရေးတပ်ဖွဲ့ (CNDF) မှ တာဝန်ရှိပုဂ္ဂိုလ်များ၊ CNO/CNDF အကြံပေးပုဂ္ဂိုလ်များ၊ ပြည်တွင်း/ပြည်ပ Supporting Teams မှ ကိုယ်စားလှယ်များ၊ CDMers အစုအဖွဲ့မှ တာဝန်ရှိပုဂ္ဂိုလ်များနှင့် ပညာရှင်များ အပါအဝင် ညီလာခံကိုယ်စားလှယ် (၁၁၉)ဦးနှင့် စောင့်ကြည့်လေ့လာသူ (၈၀) ဝန်းကျင်ခန့်၊ စုစုပေါင်း (၂၀၀) ခန့် တက်ရောက်ခဲ့ ကြောင်း သိရသည်။

၁။ ညီလာခံအစည်းအဝေးတွင် ချင်းအမျိူးသားအဖွဲ့ချုပ်နှင့် ချင်းအမျိူးသားကာကွယ်ရေးတပ်ဖွဲ့ရှိ   ဌာနအသီးသီး၏ တစ်နှစ်တာလုပ်ငန်းများ အစီရင်ခံခြင်း၊ ဘဏ္ဏာရေးအစီရင်ခံစာတင်သွင်းခြင်း၊ တစ်နှစ်တာလုပ်ငန်း ဆောင်ရွက်မှုများအပေါ် ပြန်လည်သုံးသပ်ခြင်းနှင့် ရှေ့ဆက်ရမည့်လုပ်ငန်းစဉ်များ ဆွေးနွေးခဲ့ကြသည်။

၂။ ချင်းအမျိူးသားအဖွဲ့ချူပ် (CNO) ၏ Constitutions & By-Laws, TOR နှင့် မူဝါဒများ အတည်ပြု ဆွေးနွေးခဲ့ကြ ကြောင်းသိရသည်။

၃။ အာဏာရှင်စနစ် အမြစ်ပြတ်ဖျက်သိမ်းရေးနှင့် ဖက်ဒရယ်ဒီမိုကရေစီရရှိရေးအတွက် လိုအပ်သော ပြည်သူ့အုပ်ချူပ်ရေးအား CNO/CNDF စိုးမိုးနယ်မြေတွင် အမြန်ဆုံးအကောင်ထည်ဖော်ရန် မူဝါဒများနှင့် စီမံကိန်းများ ချမှတ်နိုင်ခဲ့သည်။

၄။ ချင်းပြည်လုံခြုံရေးနှင့် ကာကွယ်ရေးအတွက် ချင်းအမျိူးသားကာကွယ်ရေးတပ်ဖွဲ့ ပိုမိုအားကောင်း လာစေရန် CJDC တွင် ပါဝင်သော မြို့နယ်၊ ဒေသအလိုက်ဖွဲ့စည်းထားသော ကာကွယ်ရေးတပ်ဖွဲ့များနှင့် ပူးပေါင်းပြီး ထိရောက်သော လက်တွဲလုပ်ဆောင်မှုများ ဆောင်ရွက်သွားရန် ဆုံးဖြတ်ချက်ချမှတ်သည်။

၅။ CNO/CNDF အနေဖြင့် နွေဦးတော်လှန်ရေးအတွင်း အရေးကြီးအခန်းကဏ္ဍတွင် ပါဝင်သည့် CDMers များနှင့်အတူ ချင်းပြည်ထောင်တည်ထောင်ရာတွင် အတူတကွ လက်တွဲဆောင်ရွက်သွားမည်ဖြစ်ပြီး စစ်အာဏာရှင်စနစ်အား သက်ဆိုးရှည်တည်တံ့စေသော ဒေါက်တိုင်များဖြစ်ကြသည့် Non-CDMer များအား ထိထိရောက်ရောက် အရေးယူဆောင်ရွက်ရန် ဆုံးဖြတ်သည်။

၆။ CNO/CNDF စိုးမိုးနယ်မြေအတွင်း တင်ဒါလျှောက်ခြင်း၊ လုပ်ငန်းဆောင်ရွက်များကို လုံးဝ(လုံးဝ) ပိတ်ပင် တားမြစ်ပြီး လုပ်ငန်းဆောင်ရွက်များရှိခဲ့ပါက CNO/CNDF ၏ မူဝါအတိုင်း အရေးယူဆောင်ရွက်မှုများ လုပ်ဆောင်ရန် ဆုံးဖြတ်ချက်ချမှတ်သည်။

၇။ စစ်အာဏာရှင်စနစ်အမြစ်ပြတ် တိုက်ဖျက်ရေးကာလတွင် စစ်အာဏာရှင်နှင့် လက်တွဲပူးပေါင်းသည့် မည်သည့်ပုဂ္ဂိုလ်၊ မည်သည့်အဖွဲ့စည်းမဆို အာဏာရှင်နှင့်တတန်းတည်းထားကာ အရေးယူမှုများ လုပ်ဆောင်သွားမည်ဖြစ်ကြောင်း ဗဟိုအလုပ်အမှုဆောင်ကော်မတီ ချင်းအမျိူးသားအဖွဲ့ချုပ် ထုတ်ပြန် ထားသည်။

📌📌၃။ မကွေးတိုင်း၊ ပုံတောင်တွင် ရေချိုးဆင်းလာသော စစ်ကောင်စီတပ်သားများအား ပစ်ခတ်တိုက်ခိုက်ရာ (၆)ယောက်သေ

၂၀၂၂ ဧပြီလ (၂၇)ရက် ယမန်နေ့က မကွေးတိုင်း၊ ပုံညာတွင် တပ်စခန်းချထားသော စစ်ကောင်စီတပ်မှ ရှုခင်းသာ ရေရှင်သို့ ရေချိုးဆင်းလာသော တပ်သား (၈)ယောက်ကို ပစ်ခတ်တိုက်ခိုက်ရာ (၆)ယောက်သေပြီး၊ ကျန် (၂)ယောက်မှာ ဒဏ်ရာကိုယ်စီဖြင့် ထွက်ပြေးသွားကြောင်း ယောဒေသကာကွယ်ရေးတပ် (YDF)က ဧပြီလ (၂၈)ရက်နေ့တွင် ထုတ်ပြန်လာပါတယ်။

 

📌📌၄။ NUG အစိုးရနဲ့ အဆက်အသွယ်ရှိကြောင်း မလေးရှားဝန်ကြီးချုပ် ပြောကြား

မလေးရှားအစိုးရအနေနဲ့ မြန်မာနိုင်ငံရဲ့ စစ်တပ်အာဏာသိမ်းခံခဲ့ရတဲ့ ရွေးကောက်ခံ အမျိုးသား ညီညွတ်ရေးအစိုးရ (NUG) နဲ့ ဆက်သွယ်မှုတွေရှိခဲ့ကြောင်း မလေးရှား နိုင်ငံခြားရေးဝန်ကြီး Saifuddin Abdullah က ပြောဆိုလိုက်ပါတယ်။ ဒါဟာ အာဆီယံအဖွဲ့ဝင်နိုင်ငံခေါင်းဆောင်တစ်ဦးက ပထမဆုံးအကြိမ် ထုတ်ဖော်ပြောဆိုလိုက်တာလည်း ဖြစ်ပါတယ်။

အဲဒီသတင်းကို BenarNews က ဦးဆုံးဖော်ပြခဲ့တာဖြစ်ပြီး မလေးရှား နိုင်ငံခြားရေးဝန်ကြီး Saifuddin အနေနဲ့ လူ့အခွင့်အရေးဆိုင်ရာ အာဆီယံ လွှတ်တော်အမတ်များအဖွဲ့ APHR ထံက အိတ်ဖွင့်ပေးစာတစ်စောင်ကို တုံ့ပြန်ခဲ့ရာမှာ အာဆီယံရဲ့ အချက်ငါးချက်ပါ ငြိမ်းချမ်းရေးလုပ်ငန်းစဉ်အပေါ် တစ်စုံတစ်ရာ ဆောင်ရွက်မှု မရှိခဲ့ကြောင်း ပြောဆိုလိုက်ပါတယ်။ ဒါ့ပြင် NUG အမျိုးသားညီညွတ်ရေးအစိုးရနဲ့ ထိတွေ့ဆက်ဆံဖို့လည်း တိုက်တွန်းလိုက်ပါတယ်။

APHR ရဲ့ စာထဲမှာ အာဆီယံအနေနဲ့ မြန်မာပြည်သူတွေ ရွေးကောက်တင်မြှောက်ခဲ့တဲ့ NUG အစိုးရနဲ့ အမြန်ဆုံး တရားဝင် ဆွေးနွေးဖို့လည်း တိုက်တွန်းထားပါတယ်။ မလေးရှားနိုင်ငံခြားရေးဝန်ကြီး Saifuddin ကလည်း NUG နိုင်ငံခြားရေးဝန်ကြီး အမျိုးသားညီညွတ်ရေးအတိုင်ပင်ခံကောင်စီ NUCC ဥက္ကဋ္ဌနဲ့ အလွတ်သဘော တွေ့ဆုံခဲ့ကြောင်း သူရဲ့ တွစ်တာလူမှုကွန်ရက်မှာ ဖော်ပြခဲ့ပါတယ်။

NUCC မှာ NUG အမျိုးသား ညီညွတ်ရေးအစိုးရကိုယ်စားလှယ်တွေ၊ အရပ်ဘက်အဖွဲ့အစည်းတွေ၊ လူမျိုးစု လက်နက်ကိုင်အဖွဲ့တွေ ပါဝင်ကြပါတယ်။ အာဆီယံအဖွဲ့ဝင်နိုင်ငံတချို့ နဲ့ NUG ကြား လျှို့ဝှက်ဆက်သွယ်မှုတွေ ရှိနေပုံရသလို မလေးရှား နိုင်ငံခြားရေးဝန်ကြီးရဲ့ တွစ်တာ ဖော်ပြချက်ကလည်း အခုလို ဆက်သွယ်မှုတွေ ရှိခဲ့ကြောင်း အကြီးတန်းအရာရှိတစ်ဦးက ပထမဆုံးအကြိမ် ဝန်ခံလိုက်တာလည်း ဖြစ်ပါတယ်။

အလားတူ အာဆီယံရဲ့ အချက်ငါးချက်ပါ သဘောတူညီချက် အကောင်အထည်ဖော်ရေးကလည်း တစ်နှစ်လောက် နှေးကွေးလေးလံနေခဲ့ပြီးတဲ့နောက် တချို့ အရှေ့တောင်အာရှ အစိုးရတွေ NUG နဲ့ ပိုပြီး ပွင့်ပွင့်လင်းလင်းနဲ့ တိုက်ရိုက် ဆက်ဆံမှုတွေ စတင်လာခဲ့ပါတယ်။

ပြီးခဲ့တဲ့ သီတင်းပတ် အချက်ငါးချက်ပါ အာဆီယံ သဘောတူညီချက် တစ်နှစ်ပြည့်ချိန်မှာ မြန်မာနဲ့ ဒေသတွင်း လူ့အခွင့်အရေး လှုပ်ရှားသူတွေက မြန်မာနိုင်ငံတွင်းက အကြမ်းဖက်မှုတွေ အဆုံးသတ်ရေး ရည်ရွယ်ချက်နဲ့ အားလုံးပါဝင်တဲ့ ဆွေးနွေးညှိနှိုင်းရေး ဖော်ဆောင်ဖို့ ရည်မှန်းခဲ့ကြပါတယ်။ လက်ရှိ အခြေအနေမှာ နိုင်ငံရေး အကျိုးရလဒ် သေးငယ်နေဆဲဖြစ်ပါတယ်။ ဒါကြောင့် မြန်မာနိုင်ငံတွင်းက အကြမ်းဖက်မှုတွေ အဆုံးသတ်ရေး အတွက် အာဆီယံ သဘောတူညီချက် နှစ်ပတ်လည်နေ့ အထိမ်းအမှတ်အဖြစ် အားလုံးပါဝင်တဲ့ ပဋိပက္ခ ချုပ်ငြိမ်းရေးဆွေးနွေးမှု လမ်းကြောင်းဖွင့်လှစ်ဖို့ ပြောဆိုတာတွေလည်း ရှိပါတယ်။

ဒါပေမဲ့ ပြဿနာက အာဆီယံအနေနဲ့ ရိုးရိုးသားသား အကောင်းမြင်စိတ်နဲ့ ဆွေးနွေးပွဲဝင်မယ်ဆိုပေမယ့် မြန်မာ အာဏာသိမ်းစစ်ကောင်စီအတွက် အကျိုးမရှိဘဲ သူ့ရဲ့ အာဏာခြေကုပ်စွမ်းအားလျော့သွားမှာသာ ဖြစ်ပါတယ်။ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ (AAPP) ရဲ့ စာရင်းအရ စစ်ကောင်စီရဲ့ နိုင်ငံတစ်ဝန်း စစ်ရေးပဋိပက္ခ ပြင်းထန်တဲ့နေရာတွေမှာ ပြည်သူ အနည်းဆုံး ၁၇၉၈ ဦး သေဆုံးခဲ့ရကြောင်း ထုတ်ပြန်ခဲ့ပါတယ်။

လူ့အခွင့်အရေးဆိုင်ရာ အာဆီယံ လွှတ်တော်အမတ်များအဖွဲ့ APHR ရဲ့ အိတ်ဖွင့်ပေးစာတစ်စောင်မှာ စစ်ကောင်စီကြောင့် တစ်နှစ်လောက် မလှုပ်ရှားနိုင်ဖြစ်ခဲ့ရပြီးတဲ့နောက် အာဆီယံအနေနဲ့ မြန်မာ စစ်တပ်အပေါ် ဖိအားတွေ ပိုပေးသင့်ကြောင်း၊ ဒီနှစ်အတွင်း စစ်တပ်ခေါင်းဆောင် မင်းအောင်လှိုင်အနေနဲ့ အချက်ငါးချက်ပါ အာဆီယံ သဘောတူညီချက်ကို တစ်ချက်မှ အကောင်အထည်မဖော်နိုင်ခဲ့ကြောင်း၊ ဒါ့ပြင် မြန်မာပြည်သူတွေအပေါ် သူ ကျုးလွန်ခဲ့တာတွေ၊ ဒေသတွင်းနိုင်ငံတွေကို အရေးမစိုက်ခဲ့တာတွေအတွက် အာဆီယံအနေနဲ့ သူ့အပေါ် ပိတ်ဆို့အရေးယူဖို့ အချိန်တန်ပြီဖြစ်ကြောင်း ဖော်ပြထားပါတယ်။

#RadioNUGLocalNews

#SpringRevolution