6th MAY 2022 - (Ethnic language program-CHO_KAANG) by Radio NUG

📌(ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ မေလ ၆ ရက်နေ့နောက်ဆုံးရပြည်တွင်းသတင်းများ

📌📌၁။ CDF မင်းတပ်က စစ်​ကောင်စီ ယာဉ်တန်းကို ထပ်မံကြားဖြတ်တိုက်ခိုက် ၊ CDF ရဲ​ဘော်တစ်ဦး ကျဆုံး၊ စစ်​ကောင်စီတပ်သား ၅ ဦး​သေ

၂၀၂၂ မေလ ၄ ရက်နေ့ ညနေ ၃:၃၀ မှစ၍ မင်းတပ်-မတူပီ လမ်းပိုင်းတွင်စစ်​ကောင်စီ နှင့်CDF-Mindat တို့ တိုက်ပွဲပြင်းထန်ခဲ့ပြီး ည​နေပိုင်း ၅:၅၀ အချိန် ခန့်တွင် စစ်​ကောင်စီ ဘက်မှ ၅ ဦးသေဆုံးပြီး အများအပြားဒဏ်ရာ ရရှိခဲ့​ကြောင်း သိရသည်။ တိုက်ပွဲ အပြီးတွင် CDF-MINDAT တပ်ဖွဲ့၀င်များ ပြန်လည်ဆုတ်ခွာလာရာ လမ်း​ကြောင်းတွင် မိုင်း မ​တော်တဆမှု​ကြောင့် CDF မင်းတပ် ရဲ​ဘော်တစ်ဦးကျဆုံးသွားခဲ့​ရကြောင်း သိရသည်။

မင်းတပ်-မတူပီလမ်း မိုင်တိုင်အမှတ် ၄၅ တွင် စစ်​ကောင်စီ တပ်သားများ ညအိပ်ရပ်နားနိုင်ကြောင်းခန့်မှန်းရပြီး နောက်ရက်တွေလည်း တိုက်ပွဲ ပိုမိုပြင်းထန်လာနိုင်​ကြောင်း CDF-MINDAT (သတင်းနှင့်ပြန်ကြားရေးဌာန) က သတင်းထုတ်ပြန်ထားသည်။

 

📌📌၂။ စစ်​ကောင်စီ တပ်သား ၂ ဦး ​သေနတ် ၃ လက်ဖြင့် CDF မတူပီထံ အလင်းဝင်

ပြီးခဲ့သည့် ဧပြီလ ၂၁ ရက်​နေ့တွင် စစ်​ကောင်စီတပ် ၂ ဦး ​သေနတ် ၃ လက်ဖြင့် CDF မတူပီထံ အလင်းဝင် ​ရောက်ခဲ့​ကြောင်း CDF မတူပီက ယ​နေ့ ​မေလ ၄ ရက်​နေ့ ရက်စွဲဖြင့် ထုတ်ပြန်သည်။ ထို့​နောက် မတူပီမြို့ ​ဒေသခံ အမျိုးသမီး ၆ ဦးအပါအဝင်ပြည်သူ ၇ ဦးကို မတူပီ ဗျူဟာတပ်မှ ဖမ်းဆီးခေါ်​​ဆောင်သွားပြီး ညှင်းပန်းနှိပ်စက်​နေ​ကြောင်းသိရသည်။

စစ်​ကောင်စီက သေနတ် ၃ လက်ပြန်လည် ရရှိရန်အတွက် အပြစ်မဲ့ ပြည်သူများကို ဓါးစာခံပြုလုပ်​၍ ဖမ်းဆီး နှိပ်စက်ပြီး အသက်အန္တရာယ် ခြိမ်း​ခြောက်မှုပြုနေလုပ်ခြင်းကို CDF မတူပီက ပြင်းထန်စွာကန့်ကွက်ရှုတ်ချ ​ကြောင်းနှင့် စစ်​ကောင်စီနှင့် မည်သည့်အ​ပေးအယူမျှ ပြုလုပ်မည်မဟုတ်​ကြောင်း CDF မတူပီက ထုတ်ပြန်ထားသည်။

📌📌၃။ ဟားခါးကနေ ဖလမ်းကိုလာတဲ့ စစ်ယာဥ်တန်းကို CDF က ကြားဖြတ်တိုက်ခိုက်လို့ စစ်ကောင်စီတပ်ဖွဲ့ဝင် ၁၃ ဦးသေ ဆုံး

၂၀၂၂ မေလ ၄ ရက်နေ့တွင် ချင်းပြည်နယ်၊ ဟားခါးမြို့ကနေ ဖလမ်းမြို့ဘက်ကို ထွက်ခွာလာတဲ့ စစ်ကောင်စီယာဥ်တန်းစစ်ကြောင်းကို ကြားဖြတ်တိုက်ခိုက်ခဲ့တယ်လို့ CDF - ဟားခါးတပ်ဖွဲ့ဝင်တွေထံက သိရပါတယ်။ဟားခါးမြို့နယ်၊ ချွန်ကျုံးကျေးရွာနဲ့ ဒေါက်ထက်ကျေးရွာအကြားမှာတိုက်ခိုက်ခဲ့တာဖြစ်ပြီး စစ်ကောင်စီတပ်ဘက်က ၁၃ ဦးသေဆုံးတယ်လို့ ဆိုပါတယ်။

''တိုက်ပွဲက ညနေ ၄နာရီလောက်မှာဖြစ်တာပေါ့။ အဲ့ဒီစစ်ယာဥ်တန်းကစစ်ကြောင်းရွှေ့တာဖြစ်မယ်။ ကားအစီးရေ ၂၀ ကျော်တယ်။ ကျနော်တို့ပစ်တဲ့အချိန်က မိုးရွာနေလို့ သူတို့စုပြီးတော့နေနေကျတာ။ သူတို့ဆီကိုကျနော်တို့ပစ်တဲ့လက်နက်ကြီးကျတယ်။စနိုက်ဘာနဲ့လက်နက်ကြီးကို အဓိကထားပစ်တာပေါ့။ အဲ့တာကြောင့် ထိခိုက်သေဆုံးများကုန်တာ'' လို့ CDF-Hakha တပ်ဖွဲ့ဝင်တစ်ဦးက ဧရာဝတီတိုင်းမ်ကိုပြောပါတယ်။

📌📌၄။ စကစရဲ့ ဖိတ်ခေါ်မှုအပေါ် တွေဝေနေစရာမလိုဘဲ ကိုယ့်ရပ်တည်ချက်အပေါ် စွဲမြဲရပ်တည်ဖို့ CNF ပြောရေးဆိုခွင့်ရှိသူ ဆလိုင်းထက်နီက ပြောကြား

အာဏာသိမ်းစစ်ခေါင်းဆောင်ဗိုလ်ချုပ်မှူးကြီး မင်းအောင်လှိုင်က တိုင်းရင်းသားလက်နက်ကိုင်အဖွဲ့တွေနဲ့ တွေ့ဆုံဆွေးနွေးဖို့ ဧပြီလ ၂၂ ရက်နေ့က ရုပ်သံမိန့်ခွန်းကနေ ဖိတ်ခေါ်လိုက်ပါတယ်။ ထိုကိစ္စနဲ့ပတ်ပြီး ချင်းအမျိုးသားတပ်ဦး CNF ရဲ့ သဘောထားကဘယ်လိုရှိပါသလဲ။ CNF ပြောရေးဆိုခွင့်ရှိသူ ဆလိုင်းထက်နီကို Media က ဆက်သွယ်မေးမြန်းချက်ကို ကောက်နှုတ်တင်ပြထားပါတယ်။

"ပထမဆုံးတချက်က ယနေ့မြန့်မာနိုင်ငံရေးပြဿနာက စစ်ကောင်စီနဲ့ တိုင်းရင်းသားလက်နက်ကိုင်တပ်ဖွဲ့ကြားမှာပဲဖြစ်တဲ့ နိုင်ငံရေးပြသနာ မဟုတ်တော့ဘူး။ စကစ နဲ့ ကျနော်တို့ EAO(တိုင်းရင်းသားလက်နက်ကိုင်အဖွဲ့များ) ထဲ ဖြေရှင်းလို့ရမယ့် အကျပ်အတည်း မဟုတ်တော့ဘူး စကစ မွှေးလိုက်တဲ့မီးက ပြည်သူနဲ့ စကစကြား လောင်နေတဲ့ပြသနာမီး ဖြစ်သွားပြီ၊ ပြည်သူတရပ်လုံးပါဝင်တဲ့ ပြည်သူနဲ့ စစ်ကောင်စီတို့အကြားဖြစ်နေတာပါ။

ဒီလို ဖိတ်ကြားမှု ကိစ္စနဲ့ ပတ်သက်ပြီးတော့ ကျွန်တော်တို့ တိုင်းရင်းသားလက်နက်ကိုင်တွေပဲဖြစ်ဖြစ် ပြီးတော့ ဒေသကာကွယ်ရေးတပ်ဖွဲ့တွေဖြစ်ဖြစ် စစ်ကောင်စီကို အမြစ်ပြတ်ဖြုတ်ချဖို့ဆိုပြီးတော့ ရည်ရွယ်ချက်နဲ့ ပန်းတိုင်ချင်းတူညီတဲ့ ကျွန်တော်တို့ ပြည်သူလူထုနဲ့ အဖွဲ့အစည်းတွေအနေနဲ့ ဘာမှ တွေဝနေစရာမရှိပါဘူး။ ကျွန်တော်တို့ သွားမဲ့လမ်းကြောင်း ကနေ သွေဖယ်မသွားပဲ စည်းစည်းလုံးလုံးနဲ့ လက်တွဲသွားဖို့လိုပါတယ်၊ စကစ ရဲ့ ဖိတ်ခေါ် မှုအပေါ် တွေဝေနေစရာ မလိုဘူး ကိုယ့်ရပ်တည်ချက်အပေါ် မြဲမြဲရပ်တည်ဖို့ ပြောချင်ပါတယ်" လို့ CNF ပြောရေးဆိုခွင့်ရှိသူ ဆလိုင်းထက်နီက Media သို့ပြောကြားလိုက်ပါတယ်။

📌📌၅။ CRPH ကို မြန်မာနိုင်ငံ ကိုယ်စားပြုအဖွဲ့အစည်းအဖြစ် ဆက်လက်ထားရှိဖို့ နိုင်ငံတကာပါလီမန်များအဖွဲ့ (IPU) က ဆုံးဖြတ်

ပြည်ထောင်စုလွှတ်တော်ကိုယ်စားပြုကော်မတီ (CRPH) ကို မြန်မာနိုင်ငံရဲ့ ကိုယ်စားပြုအဖွဲ့အစည်းအဖြစ် ဆက်လက်ထားရှိဖို့အတွက် အင်ဒိုနီးရှားနိုင်ငံမှာ ပြုလုပ်တဲ့ ၂၀၉ ကြိမ်မြောက် နိုင်ငံတကာပါလီမန်များအဖွဲ့ အုပ်ချုပ်မှုကောင်စီက ဆုံးဖြတ်ခဲ့​ကြပါတယ်။

မြန်မာပြည်သူတွေနဲ့ အတူတကွရပ်တည်ကြောင်း ပြသရန် ပြည်ထောင်စုလွှတ်တော်ကိုယ်စား ပြုကော်မတီကို မြန်မာနိုင်ငံမှာ ပီပြင်တဲ့လွှတ် တော်တစ်ရပ်ပေါ်ပေါက်တဲ့ အချိန်အထိ နိုင်ငံတကာ ပါလီမန်များအဖွဲ့(IPU)မှာ မြန်မာနိုင်ငံကိုယ်စားပြုအဖွဲ့အစည်းအဖြစ် ဆက်လက်ထားရှိရန် IPU အ စည်းအဝေးတွေမှာ မဲပေးခွင့်မပြုသော လေ့လာသူ(Non-Voting Observer) အဖြစ် တက်ရောက်ရန် IPU က ဆုံးဖြတ်ခဲ့ပါသည်။

ဆုံးဖြတ်ချက်ထဲမှာ မြန်မာနိုင်ငံရှိ လွှတ်တော်ကိုယ်စားလှယ်တွေအပေါ် အ ကြမ်းဖက်စစ်တပ်မှ ကျူးလွန်လျက် ရှိတဲ့ လူ့အခွင့်အရေးချိုးဖောက်နေမှုတွေနဲ့ စပ်လျဉ်းပြီး ထည့်သွင်း ချမှတ်အတည်ပြုတာတွေလုပ်ခဲ့တယ်လို့ ဆို ပါတယ်။

CRPH ရဲ့ လုပ်ငန်းတာဝန်တွေ ပိုမိုထိရောက်စွာ ဆောင်ရွက်နိုင်ရေး ပြင်ပဆက် ဆံရေးကဏ္ဍ၊ နည်းပညာနဲ့ ဆိုက်ဘာလုံခြုံရေးကဏ္ဍမှာ IPU ရဲ့ အကူအညီပေးရေး စီမံကိန်းက စတင်အကောင်အထည်ဖော်ဆောင်ရွက်နေပြီ ဖြစ်တယ်လို့လည်း သိရပါတယ်။

#RadioNUGLocalNews

#SpringRevolution