10th JUN 2022 - (Ethnic language program-CHO_KAANG) by Radio NUG

📌 (ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ ဇွန်လ ၁၀ ရက်နေ့နောက်ဆုံးရပြည်တွင်းသတင်းများ 

📌📌 ၁။ မင်းတပ်မြို့နယ်အတွင်း ၂၀၂၁ -၂၀၂၂ ကြားကာလ ပညာသင်နှစ် မူလတန်းနှင့် အလယ်တန်းကျောင်းဆင်းပွဲ ပြည်သူ့ကျောင်းအချို့၌ ကျင်းပ

မင်းတပ်မြို့နယ်အတွင်း ၂၀၂၁-၂၀၂၂ ကြားကာလ ပညာသင်နှစ် မူလတန်းနှင့် အလယ်တန်းကျောင်းဆင်းပွဲကို မင်းတပ်မြို့နယ်အတွင်း ပြည့်သူ့ကျောင်းအချို့၌ ကျင်းပခဲ့​ကြောင်း မင်းတပ်မြို့နယ် ပြည်သူ့အုပ်ချုပ်​ရေးအဖွဲ့ သတင်းနှင့် ပြန်ကြား​ရေးဌာနက သတင်းထုတ်ပြန်လာသည်။

မြို့နယ်တွင်းချိတ်ဆက်မှု အခက်အခဲနှင့် အင်တာနက်အခက်အခဲများကြောင့် ယခုမှ အင်တာနက်တွင် ​ဖော်ပြတင်ဆက်နိုင်ခြင်း ဖြစ်​ကြောင်း သိရသည်။

📌📌 ၂။ ပခုက္ကူ PDF က ကျပ်ထိုးရဲစခန်းကို ဝင်​ရောက်တိုက်ခိုက်၊ စစ်​ကောင်စီတပ်သားများနှင့် ပျူ​စောထီး ၂၀ ဦးထက်မနည်းသေ

ပခုက္ကူ PDF  က ပခုက္ကူမြို့နယ်ရှိ ကျပ်ထိုးရဲစခန်းကို ၂၀၂၂ ဇွန်လ ( ၈ ) ရက်နေ့ နံနက် ၆ နာရီခွဲခန့်တွင် ဝင်ရောက် တိုက်ခိုက်ခဲ့ပြီး တိုက်ပွဲချိန် ၁ နာရီ ခွဲခန့် ကြာမြင့်ခဲ့​ကြောင်း သတင်းထုတ်ပြန်သည်။

ပခုက္ကူ PDF က  ၄၀ မမ ဗုံးပစ်​လောင်ချာများဖြင့် ပစ်ခတ်၍   အဆိုပါ ရဲစခန်းအား သိမ်းယူရန် ကြိုးစားခဲ့သော်လည်း စစ်ကောင်စီ စစ်ကူ ရောက်ရှိလာ သဖြင့်လက်နက်အင်အား မမျှ​သော​ကြောင့် တိုက်ပွဲအတွင်းမှ PPDF ရဲဘော်များ ဆုတ်ခွာခဲ့ရကြောင်း သတင်းထုတ်ပြန်ချက်တွင် ပါရှိသည်။

ထို့​နောက် ယင်း ကျပ်ထိုးရဲစခန်းသို့ စစ်ကူရန် မြစ်ခြေဘက်မှ ထွက် လာသည့် စစ်ကောင်စီ စစ်ကား ၁ စီးနှင့် ကမ္မဘက်မှ ထွက်ခွာလာသည့် ရဲ ကား ၁ စီးတို့ကို မိုင်းဆွဲ တိုက်ခိုက်နိုင်ခဲ့​ကြောင်းသိရသည်။

ကျပ်ထိုး ရဲစခန်း၏ အဆောက်အဦးတချို့ ပျက်စီးခဲ့‌ပြီးတိုက်ပွဲအတွင်း စစ်ကောင်စီတပ်သားများနှင့် ပျူစောထီး ၂၀ ဦးထက်မနည်း သေဆုံးကာ ပခုက္ကူ PDF ဘက်မှ ရဲဘော် Glock ကျဆုံးသွားခဲ့​ကြောင်း သိရသည်။

📌📌 ၃။ CDF ကန်ပက်လက်အ​နေဖြင့် စစ်​ကောင်စီ ယန္တရားလည်ပတ်မှုမရှိ​စေ​ရေးနှင့် Non-CDM ဝန်ထမ်းများအား တရားစီရင်​ရေးဆိုင်ရာမူဝါဒများ ချမှတ်​ဆောင်ရွက်လျက်ရှိ 

CDF ကန်ပက်လက်အ​နေဖြင့် စစ်​ကောင်စီ ယန္တရားလည်ပတ်မှုမရှိ​စေ​ရေး နှင့် Non-CDM ဝန်ထမ်းများအား တရားစီရင်​ရေး ဆိုင်ရာမူဝါဒများ ချမှတ်​ဆောင်ရွက်လျက်ရှိကြောင်း CDF ကန်ပက်လက်က ၂၀၂၂ ဇွန်လ ( ၅ ) ရက်နေ့ ရက်စွဲဖြင့် သတင်းထုတ်ပြန်သည်။ 

ပြည်သူနှင့် ​ပူးပေါင်းခြင်း မပြုဘဲ စစ်​ကောင်စီ လက်​အောက်တွင် အလုပ်လုပ်ပြီး CDM ဝန်ထမ်းများကို ခြိမ်း​ခြောက် အကျပ်ကိုင်​နေသည့် ဌာနဆိုင်ရာ အသီးသီးမှ Non-CDM ဝန်ထမ်း ၈ ဦးကိုလည်း ဖမ်းဆီးထိန်းသိမ်းကာ သင့်​လျော်​သော  အပြစ်​ပေးအ​ရေးယူခြင်းများ ပြုလုပ်ခဲ့ပြီးဖြစ်​ကြောင်း CDF ကန်ပက်လက်၏ ထုတ်ပြန်ချက်တွင်ပါရှိသည်။

အ​ရေးယူခံရသူ Non-CDM များ၏ ထွက်ဆိုချက်အရ ကန်ပက်လက်မြို့နယ်အတွင်း စစ်​ကောင်စီနှင့်ပူး​ပေါင်းကာ ပြည်သူ့ ဘဏ္ဍာအလွဲသုံးစား လုပ်​နေသူများ၏ သတင်းအချက်အလက်များကိုလည်း ရရှိထားပြီး အချိန်မီ ပြည်သူနှင့် မပူး​ပေါင်းလာပါက ဆက်လက် အ​ရေးယူ​ဆောင်ရွက်သွားမည်ဟု CDF ကန်ပက်လက်က ထုတ်ပြန်သည်။

📌📌 ၄။ မတူပီမြို့နယ် ကုလား၊ ဝါလန်ပီးကျေးရွာကြား CDF MATUPI နှင့် စကစကြားတိုက်ပွဲပွားခဲ့ရာ စကစ ၁၀ ဦးထက်မနည်း သေဆုံး

၂၀၂၂ ခုနှစ်၊ ဇွန်လ ( ၇ ) ရက်နေ့တွင် မတူပီ - ပလက်ဝလမ်းအတိုင်းစစ်ကြောင်းထိုးလာသော စစ်ကောင်စီတပ်များနှင့် CDF-Matupi ကြားတိုက်ပွဲပြင်းထန်ခဲ့ပါသည်။ 

အဆိုပါတိုက်ပွဲသည် မတူပီမြို့နယ် ကုလားကျေးရွာနှင့် ဝလံပီးကျေးရွာကြားတွင် ဖြစ်ပွားခဲ့တာဖြစ်ပြီး စစ်ကောင်စီတပ်သား ( ၁၀ ) ထက်မနည်း သေဆုံးကြောင်း သတင်းရရှိပါသည်။ 

📌📌 ၅။ မတူပီမြို့နယ်တွင်ဌက်ဖျားရောဂါကြောင့်ဆေးရုံတက်ရောက်သူပိုမိုများပြားလာ

မတူပီမြို့ပေါ်တွင် ယခုရက်ပိုင်းအတွင်း ဌက်ဖျားရောဂါကြောင့်ဆေးရုံတွင်တက်ရောက်ကုသမှုခံယူသူများပြားလာကြောင်း ၂၀၂၂ ခုနှစ်၊ ဇွန်လ ( ၈ ) ရက်နေ့တွင် the Matupi Times ထုတ်ရဲ့ပြန်ချက်တွင်ဖော်ပြထားပါသည်။

ဌက်ဖျားရောဂါကူးစက်ခံရသူများမှာ အများအားဖြင့်က လေးငယ်များဖြစ်ပြီး မတူပီမြို့နယ်အ တွင်းရှိ ကျေးရွာများဖြစ်သည့် အန်ထော်၊ လေဆင်း၊ လေရိန် နှင့် စန်တပ်ကျေးရွာများတွင်လည်းဌက်ဖျားကြောင့် ဖျားနာသူများရှိလာကြောင်းသိရသည်။ 

၂၀၂၂ ခုနှစ်၊ ဇွန်လ ( ၄ ) ရက်နေ့တွင် Chinland Defense Force Matupi တပ်ဖွဲ့ဝင် Mang Thang Lian Moe သည် ဌက်ဖျားရောဂါဖြင့် ဆေးဝါးမလုံလောက်မှုကြောင့် ရှေ့တန်းတစ်နေရာတွင် အသက်ဆုံးရှုံးခဲ့ရေကြာင်းသိရှိရပါသည်။

#RadioNUGLocalNews

#SpringRevolution