1st OCT 2023 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ အောက်တိုဘာလ ( ၁ ) ရက်နေ့ ရပြည်တွင်းသတင်းများ

📌📌 1. စကစတပ်သား (၂) ဦး CDF-Matupi တပ်ရင်း (၂)ထံ အလင်းဝင်၊ CDF-Matupi (Battalion-2) အပတ်စဉ်(၈)သင်တန်းဆင်းပွဲအောင်အမြင်စွာကျင်းပ

The Matupi Times စက်တင်ဘာ ၂၄/ ၂၀၂၃

စကစတပ်ဖွဲ့ဝင်ရဲဘော်(၂)ဦးဖြစ်သည့် တပ်သားမိုးအောင် (ကိုယ်ပိုင်အမှတ် -တ/၅၁၇၁၅၅၀)နှင့် တိုးနိုင်ဝေ (ကိုယ်ပိုင်အမှတ် -တ/၁၂၇၈၄၄)တို့သည် စက်တင်ဘာလ ၁၈ ၊၂၀၂၃ ရက်နေ့တွင် လက်ပစ်ဗုံး ၂လုံး နှင့် MAကျည်ဆံ အထောင့် ၁၂၂လုံးနဲ့အတူ CDF Matupi Battalion- 2 ထံ အလင်းဝင်ရောက်လာခဲ့ကြောင်း သတင်းထုတ်ပြန်ပါတယ်။

ယခင်လ ဩဂုတ်လ ၂၈,၂၀၂၃ ရက်နေ့တွင်လည်းတပ်ကြပ်ကြီး(၁)ဦးနှင့် ဒုတပ်ကြပ်(၁)ဉီး တို့သည် ၎င်းတို့နှင့်အတူ MA1 တစ်လက်၊MA3 တစ်လက်၊ လက်ပစ်ဗုံး ၂လုံး၊ကျည်ဘောက် ၈ခု နှင့် ကျည်ဆံ အထောင့် ၅၃၀ တို့ဖြင့် CDF Matupi Battalion- 2 ထံအလင်းဝင်ခဲ့ပါတယ်။

CDF Matupi Battalion (2) ရဲ့အခြေခံစစ်သင်တန်းအပတ်စဥ် (၈) သင်တန်းဆင်းပွဲကိုလည်း စက်တင်ဘာ လ ၁၈,၂၀၂၃ ရက်နေ့က အောင်မြင်စွာကျင်းပနိုင်ခဲ့တယ်လို့သိရပါတယ်။

========================

📌📌 2. လိုင်းလင်းပီမြို့ရှိစစ်‌ကောင် စီတပ်နှင့် MDF တို့ တိုက်ပွဲဖြစ်ပွား

The Matupi Times စက်တင်ဘာ ၂၅/၂၀၂၃

မတူပီမြို့နယ်၊ လိုင်လင်းပီမြို့ရှိ စစ်‌ကောင်စီတပ်ဖွဲ့ဝင်များနှင့် မရာလဲန်းကာကွယ်ရေးတပ်(MDF) တို့သည် ယနေ့ စက်တင်ဘာ ၂၅ရက်နေ့ (၅း၀၀)နာရီအချိန်မှစ၍ စတင်ထိတွေ့တိုက်ပွဲဖြစ်ပွားနေကြောင်းသိရပါတယ်။

တိုက်ပွဲဖြစ်ပွားမှုကြောင့် ဒေသခံမိဘပြည်သူများအနေဖြင့် မြို့ပေါ်သို့ဖြတ်သန်းသွားလာခြင်းများ မပြုလုပ်ကြပါရန် MDF မှအသိပေးချက်ထုတ်ပြန်ထားသည်။

တိုက်ပွဲသတင်းနှင့်ပတ်သက်၍ နှစ်ဘက်ထိခိုက်ဒဏ်ရာရရှိမှုအခြေအနေများကိုမသိရသေးပါ။

========================

📌📌 3. ထန်တလန်မြို့တွင်တိုက်ပွဲပြန်လည်ဖြစ်ပွားပြီး CNA တပ်ကြပ်ကြီးတစ်ဦး ကျဆုံး

The Matupi Times စက်တင်ဘာ ၂၅၊ ၂၀၂၃

ထန်တလန်တွင် စစ်ကောင်စီတပ်နှင့် ချင်းအမျိုးသားတပ်ဦး (CNA)တို့ ယနေ့ စက်တင်ဘာ ၂၅ ရက်နေ့ မနက်ပိုင်းတွင် တိုက်ပွဲပြန်လည်ဖြစ်ပွားနေတယ်လို့သိရပါတယ်။ ယနေ့တိုက်ပွဲမှာစစ်ကောင်စီဘက်မှ ဟားခါးမြို့ကနေ လက်နက်ကြီးပစ်ကူများဖြင့်ပစ်ခတ်ပေးသည့်အပြင် လေကြောင်းမှလည်း ဗုံးကြဲတိုက်ခိုက်မှုတွေပြုလုပ်ခဲ့တယ်လို့သိရပါတယ်။

အဆိုပါတိုက်ပွဲအတွင်းတွင် CNA မှ တပ်ကြပ်ကြီးတစ်ဉီးဖြစ်သည့် ဆလိုင်း လိန်းဟုန်း (Ling Hung)သည် တိုက်ပွဲတွင်ကျဆုံးသွားကြောင်း ဒေသခံသတင်းများထံမှသိရသည်။

ယခင်ရက်ပိုင်း စက်တင်ဘာ ၁၇ ရက်နေ့ကလည်း ထန်တလန်မှာဆက်လက်တိုက်ပွဲဖြစ်ပွားလို့ CNA ရဲဘော် Salai Lal Lian Sang ကျဆုံးခဲ့ပါတယ်။

ဩဂုတ်လအတွင်းကဖြစ်ပွားခဲ့တဲ့ ထန်တလန်တိုက်ပွဲမှာ စစ်ကောင်စီဘက်အထိခိုက် အကျဆုံးနှင့် ဒဏ်ရာရရှိသူများခဲ့ပြီးနောက်စစ်ကောင်စီဘက်ကထိုးစစ်ဆင်တိုက်ခိုက်မှုတွေပြုလုပ်နိုင်ဖို့စစ်အင်အားဖြည့်တင်းမှုတွေလုပ်ဆောင်နေတယ်လို့လဲသိရပါတယ်။

========================

📌📌 4. မင်းတပ်မြို့တွင် စစ်ကောင်စီထောင်ထားသောမိုင်းနင်းမိ၍ ဒေသခံတစ်ဦးသေဆုံး

The Matupi Times စက်တင်ဘာ ၂၆/၂၀၂၃

ယနေ့စက်တင်ဘာ ၂၆ ရက်နေ့ နံနက် ၁၀:၀၀နာရီ အချိန်ခန့်တွင်မင်းတပ်မြို့၊မြို့ဝင်အနီးရှိ ဦးဝမ္မသူးမောင်းပန်းခြံနားတွင် တောင်ယာသွားနေသည့် ဦးကီးမာန်လိန်းသည် စစ်ကောင်စီတပ်ဖွဲ့မှထောင်ထားသော မိုင်းနင်းမိသောကြောင့်သေဆုံးသွားတယ်လို့ ဒေသခံသတင်းရင်းများထံမှ သိရပါတယ်။

၎င်းနှင့်အတူသွားသည့် အမျိုးသမီးတစ်ဦးလည်းထိခိုက်ဒဏ်ရာ ရရှိတယ်လို့သိရပါတယ်။

========================

📌📌 5. ကန်ပက်လက်မြို့ရှိ စကစတပ်တို့ တပ်စွဲထားသောနေရာများကို CDF-Kanpetlet မှဝင်ရောက်တိုက်ခိုက် စစ်ကောင်စီတပ်ဖွဲ့ဝင် (၃) ဦးသေဆုံး

The Matupi Times စက်တင်ဘာ ၂၇ / ၂၀၂၃

ယနေ့ ၂၇ / ၂၀၂၃ ရက်နေ့တွင် ကန်ပက်လက်မြို့ပေါ်မှာ စကစတပ်စွဲတဲ့ နေရာအသီးသီးကို ချင်းကာကွယ်ရေး တပ်ဖွဲ့ဝင်တွေက ဝင်ရောက်ပစ်ခတ်တိုက်ခိုက်ခဲ့ပါတယ်။ တိုက်ပွဲအတွင်းတွင် ရုံးမှာတပ်စွဲထားတဲ့စကစတပ်ဖွဲ့များကို အနောက်ဖက်ရဲစခန်း မှလက်နက်ကြီးပစ်ကူများဖြင့် ကူညီပစ်ခတ်ပေးခဲ့သောကြောင့် ပြည်သူ့ကာကွယ်ရေးတပ်ဖွဲ့များအနေဖြင့် ပြန်လည်ဆုတ်ခွါခဲ့ရပါတယ်။

အဆိုပါတိုက်ပွဲအတွင်းတွင် စကစဘက်မှတပ်သား (၃)ဦးသေဆုံးပြီး ဒဏ်ရာရရှိသူများကြောင်း CDF-Kanpetlet ကထုတ်ပြန်ထားသည်။တိုက်ပွဲအတွင်းတွင် CDF-Kanpetletဘက်မှထိခိုက်ကျဆုံးသူမရှိဘဲအောင်မြင်စွာဆုတ်ခွာနိုင်ခဲ့ကြောင်း သိရပါသည်။

CDF-Kanpetlet မှ ယနေ့ ၂၀၂၃ခုနှစ်၊ စက်တင်ဘာလ (၂၈) ရက်နေ့တွင် ကန်ပက်လက်မြို့အဝင် ”လောက်နူးမြေကန်ပက်လက်မြို့မှ လှိုက်လှဲစွာကြိုဆိုပါ၏” ၌ ချင်းပြည်နယ်အလံနှင့် CDF-Kanpetlet အလံအား လွှင့်ထူနိုင်ခဲ့ကြောင်းထုတ်ပြန်ကြေညာလိုက်ပါတယ်။

========================

📌📌 6. မတူပီမြို့နယ်(ပအဖ)မှ အကြမ်းဖက်စစ်ကောင်စီကြောင့် နေအိမ်နဲ့ စပါးကျီပျက်စီးသွားသည့် ပြည်သူများကို ထောက်ပံ့ငွေများပေးအပ်

The Matupi Times စက်တင်ဘာ ၂၈၊၂၀၂၃။

၂၀၂၂-၂၀၂၃ ခုနှစ်၊ မတူပီမြို့နယ်အတွင်းတွင် အကြမ်းဖက်စစ်ကောင်စီတပ်ဖွဲ့မှ နေအိမ်နှင့် စပါးကျီများကိုမီးရှို့ဖျက်ဆီးခဲ့ပြီး ၊ ဖျက်ဆီးခံခဲ့ရသည့် မီးဘေးသင့်အိမ်ထောင်စုများအတွက် Indiana Matu Families & Friends, Chin Youth Organization - South Korea, Grace Myanmar Church, Florida စသည်အဖွဲ့အစည်းတို့မှ တဆင့်ပေးပို့သည့် ထောက်ပံ့ငွေများကို မတူပီမြို့နယ် ပြည်သူ့အုပ်ချုပ်ရေးအဖွဲ့မှ တဆင့်ပြန်လည်ပေးအပ်ခဲ့တယ်လို့သိရပါတယ်။

" ပြည်ပအလှူရှင်တွေနဲ့ အခြားအဖွဲ့အစည်းများကပေးပို့တဲ့အလှူငွေတွေကိုပြန်လည်ခွဲဝေပေးအပ်ခဲ့တာပါ။ စစ်တပ်ကစစ်ကြောင်းထိုးတဲ့အချိန် နေအိမ်တွေမီးရှို့ခံခဲ့ရတဲ့ ကျေးရွာကပြည်သူတွေကို ကျွန်တော်တို့ မြို့နယ်(ပအဖ)အနေနဲ့ ဒုတိယအကြိမ်ထောက်ပံ့ငွေပေးတာဖြစ်ပြီးတော့စပါးကျီမီး(၁)ကျီကို ၁၀၀၀၀၀/-ကျပ် နှင့် နေအိမ်(၁)လုံးကို ၁၃၀၀၀၀/-ကျပ်နှုန်းနဲ့ ထောက်ပံ့ပေးတယ်။ ပထမအကြိမ်တုန်းကတော့ ဖျက်စီးမီးရှို့ခံရ တဲ့ရွာ (၂)ရွာကိုဘဲထောက်ပံ့ပေးခဲ့ပြီး အခုဒုတိယအကြိမ်မှာတော့ ကျေးရွာ(၉)ရွာထိ ထောက်ပံ့ငွေပေးနိုင်ခဲ့ပါတယ်။ ကျေးရွာ(၉)ရွာက စစ်တပ်ရဲ့မီးရှို့ဖျက်စီးခံခဲ့ရတဲ့ နေအိမ်(၅၅)လုံး နဲ့ စပါးကျီ(၄)လုံး ကိုထောက်ပံ့ပေးခဲ့ပါတယ္။"လို့ မတူပီမြို့နယ် ပြည်သူ့အုပ်ချုပ်ရေးအဖွဲွ့မှတာဝန်ရှိသူတစ်ဦးကပြောပါတယ်။

မတူပီမြို့နယ်အတွင်းတွင် အကြမ်းဖက်စစ်ကောင်စီတပ်မှယခုလက်ရှိချိန်ထိ ကျေးရွာ(၉)ရွာမှ နေအိမ်နဲ့စပါးကျီ စုစုပေါင်း(၅၉) လုံးကို မီးရှို့ဖျက်ဆီီးခဲ့ကြောင်းသိရသည်။

အဆိုပါ(၉)ရွာထဲတွင် ကလားကျေးရွာနှင့် ဝလံတဲကျေးရွာတို့သည်မီးရှို့ဖျက်ဆီးခံရမှုအများဆုံးဖြစ်ပြီး ကုလားကျေးရွာမှ နေအိမ် (၃၁)လုံး နှင့် ဝလံတဲကျေးရွာမှ နေအိမ်(၁၄)လုံး မီးရှို့ဖျက်ဆီးခံခဲ့ရပါတယ်။

========================

📌📌 7. စစ်ဘေးဒုက္ခ‌သည်များ၏ Biometric၊ Biographic ကောက်ယူမည်မဟုတ်ကြောင်း မီဇိုးရမ်းပြန်ကြားရေးဝန်ကြီး Pu Lalruatkima မှပြောကြား

The Matupi Times စက်တင်ဘာ ၂၈/၂၀၂၃

မီဇိုရမ်ရွိ စစ်ဘေးရှောင်ပြည်သူများ၏ Biometric၊ Biographic ကောက်ယူမည်မဟုတ်ကြောင်းကို ယမန်နေ့ (၂၇ စက်တင်ဘာလ ၂၀၂၃)ရက်နေ့က ပြုလုပ်သည့် သတင်းစာရှင်းလင်းပွဲတွင် ပြန်ကြားရေးနှင့် ပြည်သူ့ဆက်ဆံရေးဝန်ကြီး Pu Lalruatkima ကအတိအလင်းပြောကြားခဲ့ပါတယ်။

မီဇိုရမ်ပြည်နယ်တွင် စစ်ဘေးရှောင်ပြည်သူများ၏ ဇီဝအချက်အလက်မှတ်တမ်း များကောက်ယူရန် ဗဟိုအစိုးရကပြည်ထဲရေးဝန်ကြီးဌာနက ပြည်နယ်အစိုးရကိုအကြောင်းကြားခဲ့ပြီးနောက် ၂၀၂၃ ဇူလိုင်လကုန် ပိုင်းကစ၍ စစ်ဘေးရှောင်စခန်းတချို့တွင် ဇီဝအချက်အလက်မှတ်တမ်းကောက်ယူခြင်းကို စတင်လုပ်ဆောင်ခဲ့ကြတာတွေရှိတယ်လို့သိရပါတယ်။

အဆိုပါကိစ္စနှင့်ပတ်သက်ပြီးတော့ " မီဇိုရမ်ပြည်နယ်အစိုးရ ဝန်ကြီးများအစည်းအဝေးမှာ ပြည်ထဲရေးဝန်ကြီးဌာန (ဗဟို) ၏ မြန်မာနိုင်ငံနှင့် ဘင်္ဂလားဒေ့ရှ် နိုင်ငံမှ သွေးရင်းညီအစ်ကို စစ်ဘေးဒုက္ခသည်များ၏ biometric နှင့် biographic ကောက်ယူမှတ်တမ်းတင်ရန် ဖိအားပေးမှုနှင့်စပ်လျဉ်း၍ မိမိတို့နှင့် သွေးချင်းညီအစ်ကိုများအကြား နောက်ဆက်တွဲပြသနာဖြစ်နိုင်သည်ကို ရှေးရှူလျှက် စစ်ဘေးဒုက္ခသည်များ၏ biometric နှင့် biographicအား ကောက်ယူမှတ်တမ်းတင်မည် မဟုတ်ကြောင်း။ " Pu Lalruatkima ကပြောကြားခဲ့ပါတယ်။