11th NOV 2023 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၃ နိုဝင်ဘာလ ( ၁၁ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ၄ ရက်အတွင်း ချင်းတော်လှန်ရေးရဲဘော် ၁၀ ဦး ဝန်းကျင် အသက်ဆုံးရှုံး

 

စစ်ကိုင်းတိုင်းနဲ့ အခြားစစ်ဆင်ရေးတွေမှာ ချင်းတော်လှန်ရေး ရဲဘော် ၁၀ ဦး ဝန်းကျင် ကျဆုံးခဲ့တယ်လို့ သိရပါတယ်။

 

၂၀၂၃ နိုဝင်ဘာ ၄ ရက်ကနေ နိုဝင်ဘာ ၇ ရက်နေ့အထိ ဖြစ်ပွားတဲ့ စစ်ကိုင်းတိုင်း၊ ကလေးတောင်ပိုင်း မြောက်စည်းရဲစခန်းအပါအဝင် ခမ်းပတ်မြို့သိမ်းတို၊က်ပွဲနဲ့ ချင်းမြောက်ပိုင်း စစ်ဆင်ရေးတွေမှာ CNA, CNDF, CDF – KKG နဲ့ CDF – Kanpetlet က ရဲဘော် ၁၀ ဝန်းကျင် ကျဆုံးရတာပါ။

 

နိုဝင်ဘာ ၄ ရက်နေ့ ကလေးတောင်ပိုင်း မြောက်စည်း ရဲစခန်းသိမ်းတို၊က်ပွဲမှာ CNDF ရဲဘော် ၁ ဦးနဲ့ RKDF ရဲဘော် ၂ ဦး တို၊က်ပွဲကျပြီး နိုဝင်ဘာ ၅ ရက်နေ့ ခမ်းပတ်မြို့ စစ်တပ်စခန်းသိမ်းပွဲမှာ နောက်ထပ် CNDF ရဲဘော် ၁ ဦး ကျဆုံးတယ်လို့ CNDF သတင်းပြန်ကြားရေး The Rihli Voice က ရေးသားပါတယ်။

 

နိုဝင်ဘာ ၆ ရက်နေ့ကလည်း ဂန့်ဂေါမြို့နယ် ပျူစောထီးကျေးရွာမှာ CDF – KKG, YDF ပူးပေါင်းတပ်နဲ့ စစ်ကောင်စီတပ် အကြား ပ၊စ်ခတ်မှုရှိခဲ့ပြီး ကျဆုံးမှုရှိပါတယ်။

 

CDF – KKG က ကျဆုံးတဲ့ တပ်ဖွဲ့ဝင်ရဲဘော်အတိအကျ မသိရပေမယ့် ပူးပေါင်းတပ်ဖွဲ့က ၁၀ ဦးကျော် တိုက်ပွဲကျ တာရှိတယ်လို့ ယောဒေသအခြေစိုက် သတင်းတွေမှာ ဖော်ပြပါတယ်။

 

မကွေးတိုင်း၊ ဆောမြို့ထဲ နိုဝင်ဘာ ၇ ရက်နေ့ စစ်ကောင်စီတပ်ဖွဲ့က ချောင်းမြောင်းပ၊စ်ခတ်လို့ ချင်းကာကွယ်ရေးတပ်ဖွဲ့ (ကန်ပက်လက်) တူမီးတပ်ရင်း ဒုတပ်ရင်းမှူး ဆလိုင်းလှေ့မာန် အသက်ဆုံးရှုံးခဲ့ရသလို နိုဝင်ဘာ ၇ ရက်ညပိုင်းကလည်း ချင်းမြောက်၊ တီးတိန်မှာ စစ်ဆင်ရေးသွားတဲ့ CNA ရဲဘော် ၃ ဦး မိုင်းမတော်တဆကြောင့် ကျဆုံးတာ ရှိပါတယ်။

 

========================

 

📌📌 ၂။ မကွီအိမ်နူးမြို့ လေကြောင်း တိုက်၊ခိုက်ခံရလို့ လူ ၃ ဦး ဒဏ်ရာရ၊ အဆောက်အအုံ ၂၀ နီးပါးပျက်စီး 

 

မင်းတပ်ခရိုင်၊ မကွီအိမ်နူးမြို့ထဲမှာ လေကြောင်းတိုက်ခိုက်ခံရလို့ အရပ်သား ထိခိုက်မှုနဲ့ အဆောက်အအုံ ပျက်စီးမှု များတယ်လို့ သိရပါတယ်။

 

နိုဝင်ဘာ ၇ရက် နေ့လယ်ပိုင်းမှာ တိုက်ခိုက်ခံရတာဖြစ်ပြီး လူ ၃ ဦး ထိခိုက်ဒဏ်ရာရသလို ဘာသာရေးအဆောက်အအုံနဲ့ လူနေအိမ် ၂၀ နီးပါးပျက်စီးသွားတယ်လို့ ချင်းကာကွယ်ရေးတပ်ဖွဲ့ (မင်းတပ်) တာဝန်ရှိသူက ပြောပါတယ်။

 

နေအိမ် ၁၃ လုံးနဲ့ ဘာသာရေးအဆောက်အအုံအပါအဝင် စာသင်ကျောင်း ၆ လုံး ပျက်စီးမှုရှိတယ်လို့ ချင်းကာကွယ်ရေး တပ်ဖွဲ့ (မင်းတပ်)က ထုတ်ပြန်ပါတယ်။

 

ဆက်သွယ်ရေးလိုင်း ဖြတ်တောက်ခံနေရတာကြောင့် လူထိခိုက်မှုအခြေနေ အသေးစိတ်ကို မသိရသေးပါဘူး။

 

နိုဝင်ဘာ ၄ ရက်နေ့ကလည်း မင်းတပ်မှာ လေကြောင်းတိုက်ခိုက်ခံရလို့ မင်းတပ် - မတူပီမော်တော်ကားလမ်းရှိ နေအိမ် ၃ လုံး ပျက်စီးခဲ့ပါသေးတယ်။

 

၂၀၂၃ ခုနှစ်အတွင်းမှာ မင်းတပ်မြို့နယ်ထဲ စစ်ကောင်စီရဲ့လေကြောင်း တိုက်ခိုက်မှုတွေကြောင့် အရပ်သား ၆ ဦးအထိ သေဆုံးပြီး ထိခိုက်ပျက်စီးမှုလည်း များခဲ့ပါတယ်။

 

========================

 

📌📌 ၃။ မတူပီမှာ စစ်ကောင်စီတပ်ဖွဲ့ဝင် ၂ ဦး လ၊က်နက်အပ်ပြီး ဆုငွေ ကျပ်သိန်း ၆၀ ထုတ်ယူ

 

ချင်းပြည်၊ မတူပီမြို့ အမှတ် ၁၄၀ ခြေလျင်တပ်ရင်းက နောက်ထပ် စစ်ကောင်စီတပ်ဖွဲ့ဝင် ၂ ဦး လ၊က်နက်အပ် အလင်းဝင်လာတယ်လို့ ချင်းကာကွယ်ရေးတပ်ဖွဲ့ (မတူပီ) က နိုဝင်ဘာ ၆ရက်က သတင်းထုတ်ပြန်ပါတယ်။

 

နို၀င်ဘာ ၅ ရက်က (MA-1) ၁ လက်၊ ကျည်ဆန် ၁၃၄ တောင့်၊ ကျည်ဘောက် ၅ ခုနဲ့အတူ အလင်း၀င်လာတာလို့ ပြောပါတယ်။ လက်နက်နဲ့ အလင်းဝင်တဲ့ သူတို့ ၂ ဦးကို ကျပ်သိန်း ၆၀ ပေးထားတယ်လို့ ထုတ်ပြန်ချက်မှာ ဖော်ပြပါတယ်။

 

ပြီးခဲ့တဲ့ စက်တင်ဘာလတုန်းကလည်း လ၊က်နက်နဲ့ အလင်းဝင်တဲ့ စစ်ကောင်စီတပ်ဖွဲ့ဝင် ၄ ဦးကို ချင်းကာကွယ်ရေးတပ်ဖွဲ့ (မတူပီ) က လက်ခံကြိုဆိုပြီး ဆုငွေပေးအပ်ခဲ့ပါတယ်။

 

========================

 

📌📌 ၄။ CDF ကန်ပက်လက်အတွက် IMCO က ထပ်မံပါဝင်

 

ချင်းကာကွယ်ရေးတပ်ဖွဲ့ (ကန်ပက်လက်) ပြုလုပ်တဲ့ “ဝိတိုရိယ သူရဲကောင်း စုပေါင်းအားသစ်လောင်း” ကျပ်သိန်း ၅၀၀၀ ကမ်ပိန်းမှာ International Mindat K’Cho Organization က ကျပ်သိန်း ၁၀၀ နဲ့ ထပ်မံအားဖြည့်ခဲ့တယ်လို့ သိရပါတယ်။

 

“ကန်ပက်လက်လည်း စကစ စခန်းသိမ်းနိုင်ဖို့တွေ လုပ်တော့မယ်၊ ဒါတွေအတွက် သူတို့လိုအပ်တာတွေ ရနိုင်ဖို့ ကျနော်တို့ပါဝင်တာပါ။ အခုနဲ့ဆို ဒုတိယအကြိမ်ပေါ့နော်။” လို့ IMCO ဒုဥက္ကဋ္ဌက The Mindat Post ကို ပြောပါတယ်။

 

“ဝိတိုရိယ သူရဲကောင်း စုပေါင်းအားသစ်လောင်း” ကို ပြီးခဲ့တဲ့ စက်တင်ဘာကလလယ်ကနေ ၄၅ ရက်အကြာ ပြုလုပ်ခဲ့တာ ဖြစ်ပြီး ကမ်ပိန်းကာလအတွင်း Target ရဲ့ ၈၀ ရာခိုင်နှုန်းကျော်ရရှိတယ်လို့ အဲဒီရန်ပုံငွေရှာဖွေရေး တာဝန်ရှိသူတွေက ဆိုပါတယ်။

 

ကန်ပက်လက်မြို့ပေါ် စခန်းသိမ်းတို၊က်ပွဲ ပြုလုပ်နိုင်ဖို့ ဒရုန်းအပါအဝင် လက်၊နက်ခဲယမ်း ဝယ်ယူနိုင်ဖို့အတွက်လို့ ဒီကမ်ပိန်းပြုလုပ်ရတာလို့လည်း ချင်းကာကွယ်ရေးတပ်ဖွဲ့ (ကန်ပက်လက်) က အသိပေးထားပါတယ်။ 

 

International Mindat K’Cho Organization အနေနဲ့ Heal the World, CEA (Norway) တို့နဲ့ ပူးပေါင်းပြီး ၂၀၂၃ စက်တင်ဘာလဆန်းတုန်းက ချင်းကာကွယ်ရေးတပ်ဖွဲ့ (မင်းတပ်) အတွက် လက်၊နက်၊ တပ်ဆင်ပေးခဲ့ပါတယ်။

 

========================

 

📌📌 ၅။ မင်းတပ်မှာ စစ်ကောင်စီဖမ်းဆီးတဲ့ အမျိုးသား ၁ ဦး သေဆုံး၊ ရုပ်အ၊လောင်း ပြန်မရ

 

မင်းတပ်မြို့မှာ ၂၀၂၃ ဇူလိုင်လလောက်က စွပ်စွဲဖမ်းဆီးခံရတဲ့ အသက် ၁၆ နှစ်ဝန်းကျင် အမျိုးသား ၁ ဦး သေဆုံးသွားပြီလို့ သိရပါတယ်။

 

ဖမ်းဆီးခံရတဲ့ ၃ လအကြာ အောက်တိုဘာ ၂၄ ရက်နေ့မှာ သေဆုံးသွားကြောင်း စစ်ကောင်စီဘက်က အကြောင်းကြား လာတာလို့ သိရပါတယ်။

 

စစ်ကြောရေးအတွင်း သေဆုံးသူဟာ မင်းတပ်မြို့နယ် တိုက်နယ်အမှတ် ၁၃ ကျေးရွာဘက်ကလို့ The Mindat Postက ဆိုပါတယ်။

 

“သူ့အစ်မနဲ့အတူ အဖမ်းခံရတာ၊ အစ်မက ပြန်လွတ်တယ်။” လို့ ဖြစ်စဉ် သိထားသူက ပြောပါတယ်။

 

ချင်းကာကွယ်ရေးတပ်ဖွဲ့ (မင်းတပ်) ရဲ့ ၂၀၂၃ နိုဝင်ဘာ ၂ ရက်နေ့ ထုတ်ပြန်တဲ့ အောက်တိုဘာလအတွင်း စစ်ကောင်စီ ကျူးလွန်မှု စာရင်းမှာလည်း ဖမ်းဆီးခံ မင်းတပ်ဒေသခံ ၃ ဦးထဲက ၁ ဦး သေဆုံးကြောင်း ဖော်ပြပါတယ်။

 

အာဏာသိမ်း ၂ နှစ်ခွဲကျော်အတွင်း မင်းတပ်မြို့ပေါ်နဲ့ အခြားမြို့တွေမှာ စစ်ကောင်စီ ဖမ်းဆီးတဲ့ မင်းတပ်ဒေသခံ ၆၀ ဝန်းကျင်အထိ ရှိနေပါတယ်။ 

#RadioNUGLocalNews

#SpringRevolution