2nd MAR 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ မတ်လ ( ၂ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ ရဲတပ်ဖွဲ့ဝင်တဦး CDF မင်းတပ်ထံ လက်နက်အပြည့်အစုံနဲ့ အလင်းဝင်

 

မင်းတပ်မြို့၊ စစ်ကောင်စီလက်အောက်ခံ မြို့မရဲစခန်းက ရဲတပ်ဖွဲ့ဝင်တဦး လ၊က်နက်အပြည့်အစုံနဲ့ အလင်းဝင်လာတယ်လို့ ချင်းကာကွယ်ရေးတပ်ဖွဲ့ (မင်းတပ်)က ထုတ်ပြန်ပါတယ်။

အလင်းဝင်လာသူကို ကျပ်သိန်း ၅၀ ပေးအပ်ခဲ့တယ်လို့ ဆိုပါတယ်။ အလင်းဝင်လာတဲ့ရက် အတိအကျဖော်ပြမထားပေမယ့် ဖေဖော်ဝါရီလထဲ အလင်းဝင်တာလို့ ယူဆရပါတယ်။

“ဟုတ်ပါတယ်၊ G3 အမျိုးအစားနဲ့ ကျ၊ည် ၈၄ တောင့်ပါလာတယ်။” လို့ ချင်းကာကွယ်ရေးတပ်ဖွဲ့ (မင်းတပ်) ပြောခွင့်ရက ပြောပါတယ်။

“အလင်းဝင်လိုသူတွေကို ကျနော်တို့ အရင်ထုတ်ပြန်ထားသလိုပေါ့ ဆုငွေပေးပြီး သူဖြစ်ချင်တဲ့ဆန္ဒအတိုင်း လိုက်လျောပေးမယ်။” လို့ CDF မင်းတပ် စစ်ချုပ်ရုံးက ဖေဖော်ဝါရီ ၁၂ ရက်နေ့ ပြောထားပါတယ်။ 

နအဖ အစိုးရလက်ထက် ၂၀၁၀ နိုဝင်ဘာမှာ ပြဋ္ဌာန်းခဲ့တဲ့ ပြည်သူ့စစ်မှုထမ်းဥပဒေကို စစ်ခေါင်းဆောင် မင်းအောင်လှိုင်က ၂၀၂၄ ဖေဖော်ဝါရီ ၁၀ ရက်စွဲနဲ့ စတင်အာဏာတည်ကြောင်း လက်မှတ်ထိုးထုတ်ပြန်ခဲ့ပြီး လ၊က်နက်ကိုင် တော်လှန်လိုသူတွေ CDF မင်းတပ်ရဲ့ လူမှုကွန်ယက် စာမျက်နှာကတဆင့် ဆက်သွယ်နိုင်သလို ကာကွယ်ရေးဖက်ကနေ စိစစ်လက်ခံသွားမယ်လို့လည်း ဆိုပါတယ်။

 

========================

 

📌📌 ၂။ စစ်မှုထမ်းဥပဒေပြဌာန်းပြီး နှစ်ပတ်အကြာ လူငယ် ၁၀၀ ကျော် PDF Zoland ထံ ဝင်ရောက်ဟုဆို

 

စစ်ကောင်စီက စစ်မှုထမ်းဥပဒေ ပြဌာန်းပြီး နှစ်ပတ်နီးပါးအကြာမှာ ချင်းပြည်၊ တီးတိန်မြို့နယ်အခြေစိုက် ZFU/PDF Zoland ထံ စစ်ကောင်စီကို လက်နက်ကိုင်တော်လှန်လိုတဲ့ လူငယ် ၁၀၀ ကျော် ထပ်မံ ဝင်ရောက်လာတယ်လို့ PDF Zoland မှ ပြောခွင့်ရက ပြောတဲ့အကြောင်း Khonumthung ရဲ့ သတင်းတပုဒ်မှာ ဖော်ပြပါတယ်။

အသက်ပြည့်ပြီးနိုင်ငံသားတိုင်း စစ်မှုမထမ်းမနေရ ဥပဒေကို ပြီးခဲ့တဲ့ ဖေဖော်ဝါရီ ၁၀ ရက်က အတည်ပြုကြေညာတဲ့နောက် လူငယ်တွေ တော်လှန်ရေးအင်အားစုတွေနဲ့ ချိတ်ဆက်ပြီး လ၊က်နက်ကိုင်ဖို့ တွန်းအားတခု ဖြစ်လာတာပါ။

၂၀၂၄ ဧပြီလကုန်မှာ စစ်မှုထမ်းဥပဒေ အပတ်စဉ် ၁ ခေါ်ယူသွားဖို့ စစ်ကောင်စီကပြင်ဆင်နေပြီး အမျိုးသမီးတွေကို ဆင့်ခေါ်ဖို့ လတ်တလော အစီအစဉ်မရှိသေးကြောင်း (ဖေဖော်ဝါရီ ၂၀) မှာ နောက်ထပ် ထုတ်ပြန်ပါတယ်။

စစ်ကောင်စီရဲ့ စစ်မှုထမ်းတာဝန် ထမ်းဆောင်တဲ့နေရာမှာ ၂၀၁၉ ကြားဖြတ်သန်းခေါင်စာရင်းအရ အကျုံးဝင်တဲ့ လူဦးရေ ၁၃ သန်းရှိပြီး အဲဒီထဲမှာ အမျိုးသားလူဦးရေ ၆ သန်းကျော် ရှိနေပါတယ်။

စစ်မှုထမ်းဥပဒေကြေညာချက် ထွက်လာအပြီး လ၊က်နက်ကိုင်တော်လှန်လိုသူ၊ အလင်းဝင်လိုသူတွေ CDF မင်းတပ်ရဲ့ လူမှုကွန်ယက် စာမျက်နှာကတဆင့် ဆက်သွယ်နိုင်သလို ကာကွယ်ရေးဖက်ကနေ စိစစ်ပြီး လက်ခံသွားမယ်လို့ ချင်းကာကွယ်ရေးတပ်ဖွဲ့ (မင်းတပ်) စစ်ဦးစီးချုပ်ရုံးက ဖေဖော်ဝါရီ ၁၂ ရက်နေ့က ပြောပါတယ်။ 

 

========================

 

📌📌 ၃။ ဒေါက်တာမှုထန် နေအိမ်ကို CDF-Hakha က ပြည်သူပိုင်အဖြစ် သိမ်းဆည်း

 

စစ်ကောင်စီအဖွဲ့ဝင် ဒေါက်တာမှုထန်နေအိမ်ကို ပြည်သူပိုင်အဖြစ်သိမ်းဆည်းကြောင်း CDF-Hakha Central Council က ဖေဖော်ဝါရီ ၂၅ ရက်နေ့ ကြေညာပါတယ်။

ဒေါက်တာမှုထန်ဟာ စစ်ကောင်စီနဲ့ပူပေါင်းပြီး စစ်ကောင်စီစီစဉ်နေတဲ့ ရွေးကောက်ပွဲမှာ ပြည်သူတွေပူးပေါင်း ပါဝင်ကြဖို့ စည်းရုံးခဲ့တာကြောင့် ဟားခါးမြို့ ဆပ်သာလမ်း (Sakta Lam) ရှိ သူ့နေအိမ်ကို ပြည်သူပိုင်အဖြစ် သိမ်းဆည်းတာလို့ ကြေညာချက်မှာ ဖော်ပြပါတယ်။

သိမ်းဆည်းတဲ့ ဒေါက်တာမှုထန် နေအိမ်ကို တော်လှန်ရေးကာလအတွင်း လိုအပ်သလို အသုံးပြုသွားမယ်လို့လည်း CDF-Hakha ကဆိုထားပါတယ်။

ယခင် ချင်းပြည်နယ် ကြံ့ဖွံ့ (ကြံ့ခိုင်ရေးနှင့် ဖွံ့ဖြိုးရေးပါတီ) ဥက္ကဌဖြစ်သူ ဒေါက်တာမှုထန်ဟာ စစ်ကောင်စီအဖွဲ့ဝင်အဖြစ် ၂၀၂၃ ဖေဖော်ဝါရီ ၁ ရက်က ပူဂင့်ကမ်းလျန်နဲ့ လူစားထိုး ခန့်အပ်ခံထားရသူလည်း ဖြစ်ပါတယ်။ 

ပြီးခဲ့တဲ့နှစ်တွေက ဒေါက်တာမှုထန်ကို စစ်ကောင်စီခန့် ဝန်ကြီးချုပ် ဒေါက်တာ ဝုန်ဆွန်းထန်နဲ့အတူ ချင်းပြည်အတွင်း သွားလာတာမျိုးတွေ့ရပေမယ့် လက်ရှိအချိန်မှာတော့ နေပြည်တော်ကို ရောက်ရှိနေပြီလို့ သိရပါတယ်။

#RadioNUGLocalNews

#SpringRevolution