03 AUG 2024 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၄ သြဂုတ်လ ( ၃ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ Non – CDM အယောက် ၉၀ နီးပါး ကန်ပက်လက် မြို့နယ်ပြည်သူ့အုပ်ချုပ်ရေးထံ ဘက်ပြောင်း။

 

ကန်ပက်လက်မြို့နယ်ရှိ Non – CDM ၉၀ နီးပါး အလင်းဝင်လာတယ်လို့ မြို့နယ်ပြည်သူ့အုပ်ချုပ်ရေးအဖွဲ့က ဇူလိုင် ၃၁ရက်နေ့ကကြေညာပါတယ်။

၂၀၂၄ မေလ ၉ ရက်နေ့စပြီး ရက်ပေါင်း (၆၀) အတွင်း အလင်းဝင်ရောက်ကြဖို့ သတိပေးခဲ့ရာကနေ သတ်မှတ်ကာလအတွင်း ဌာနဆိုင်ရာက ဝန်ထမ်း ၈၈ ဦး ဘက်ပြောင်းလာတာလို့ ဆိုပါတယ်။

ဘက်ပြောင်းလာသူတွေထဲမှာ ပညာရေးဝန်ထမ်းနဲ့ ကျန်းမာရေးဝန်ထမ်း အများဆုံးပါဝင်ပြီး အခြားဌာနက ဝန်ထမ်းတွေပါဝင်နေတာလည်း တွေ့ရပါတယ်။

ကန်ပက်လက်မြို့နယ်ပြည်သူ့အုပ်ချုပ်ရေးရဲ့ ၂၀၂၄ မေလ ၉ ရက်နေ့ ထုတ်ပြန်ချက်ထဲမှာတော့ Non –CDM တွေ ရက်ပေါင်း (၆၀) အတွင်း အလင်းဝင်ဖို့၊ အလင်းဝင်မယ့် Non - CDM ဝန်ထမ်းတွေအနေနဲ့ ရုံးဌာနအတွင်းရှိ ပစ္စည်းကိရိယာ၊ စာရွက်စာတမ်းနဲ့ အခြားရုံးသုံးပစ္စည်းတွေကို မြို့နယ်ပြည်သူ့အုပ်ချုပ်ရေးအဖွဲ့ထံ စနစ်တကျ အပ်နှံဖို့၊ တကယ်လို့ အလင်းဝင်ရောက်ခြင်းမရှိတဲ့ Non - CDM ဝန်ထမ်းတွေကို တည်ဆဲဥပဒေနှင့်အညီ အရေးယူဆောင်ရွက်သွားမယ့်အချက်တွေ ပါဝင်ပါတယ်။

 

========================

 

📌📌 ၂။ မတူပီ ‘ချင်းညီနောင်’ စစ်ဆင်ရေးအတွင်း ထွက်ပြေးတဲ့ စစ်ကောင်စီတပ်ဖွဲ့ဝင် ရာချီကို အသုတ်လိုက် ပြန်လည် ဖမ်းဆီးရမိ။

 

‘ချင်းညီနောင်’ စစ်ဆင်ရေး မတူပီမြို့သိမ်းတိုက်ပွဲအတွင်း ထွက်ပြေးနေတဲ့ စစ်ကောင်စီတပ်ဖွဲ့ဝင်တွေကို အရှင်ဖမ်းဆီးရမိပြီး လက်နက်ခဲယမ်းတွေ ပြန်သိမ်းဆည်းထားတယ်လို့ ‘ချင်းညီနောင်’ က သတင်းထုတ်ပြန်ပါတယ်။

၂၀၂၄ ဇူလိုင် ၁၇ ရက်နေ့မှာ စစ်ကောင်စီတပ်ဖွဲ့ဝင်၊ တပ်မိသားစု၊ အရပ်ဘက် Non CDM စုစုပေါင်း ၁၂၀ ဝန်းကျင်ကို ပြန်ဖမ်းမိတယ်လို့ ထုတ်ပြန်ချက်မှာ ဖော်ပြပါတယ်။

၂၀၂၄ ဇူလိုင် ၂၅ ရက်နေ့မှာလည်း စစ်ကောင်စီတပ်ဖွဲ့ဝင်တွေနဲ့ ထိတွေ့မှုရှိပြီး ပြန်လည် ဖမ်းမိသူတွေရှိတယ်လို့ ဆိုပါတယ်။ အရေအတွက်ဘယ်လောက်ဆိုတာတော့ ဖော်ပြမထားပါဘူး။

‘ချင်းညီနောင်’ နဲ့ မဟာမိတ်က ပြန်ဖမ်းမိတဲ့ စစ်ကောင်စီတပ်ဖွဲ့ဝင်တွေထဲမှာ မတူပီဗျူဟာမှူးပါ ပါဝင်တယ်ဆိုတဲ့ သတင်းထွက်ပေါ်နေပေမယ့် အတည်မပြုနိုင်သေးပါဘူး။

ဖမ်းဆီးရမိတဲ့ စစ်သုံ့ပန်းအပါအဝင်အားလုံးကို ကောင်းကောင်းမွန်မွန် စောင့်ရှောက်ထားတယ်လို့လည်း ‘ချင်းညီနောင်’ က ဆိုပါတယ်။

မတူပီကို ၂၀၂၄ ဇွန်လ ၉ ရက်အစောပိုင်းမှာ မဟာမိတ် (အာရက္ခရတပ်တော်၊ ယောအာမီ၊ ယောကာကွယ်ရေးတပ်) တွေနဲ့အတူ ရက်ပေါင်း ၂၀ ကြာ ထိုးစစ်ဆင်တိုက်ခိုက်ခဲ့ပြီး မြို့ကိုအပြည့်အဝ ထိန်းချုပ်နိုင်ခဲ့ပါတယ်။

 

========================

 

📌📌 ၃။ ထန်တလန်မြို့နယ်ရှိ စစ်ကောင်စီ စခန်းအား Chinland Council ပူးပေါင်းတပ်က သိမ်းပိုက်။

 

ချင်းပြည်၊ ထန်တလန်မြို့ရှေ့တန်းအမာခံစခန်းဖြစ်တဲ့ Auto တောင် စခန်းသုံးခုကို Chinland Council ပူးပေါင်းတပ်က တိုက်ခိုက်သိမ်းပိုက်ရရှိတယ်လို့ Chinland Information Center က ထုတ်ပြန်ပါတယ်။

တပ်မ ၇၇ လက်အောက်ခံ တပ်ရင်း အထိုင်ချထားတဲ့ အဲဒီနေရာစခန်း သုံးခုကို ၂၀၂၄ ဇူလိုင် ၂၂ က စတင်တိုက်ခိုက်ခဲ့တာဖြစ်ပြီး စစ်ကောင်စီဘက် ၁၅ ဦး သေဆုံးကာ ၂ ဦး အရှင်ဖမ်းဆီးရမိတယ်လို့ ပြောပါတယ်။

နှစ်ဖက်တိုက်ပွဲအတွင်း စစ်ကောင်စီထံက လက်နက်ခဲယမ်း သိမ်းဆည်းရမိတာတွေကိုလည်း ထုတ်ပြန်ထားပါတယ်။

ဟားခါး - ထန်တလန်ကြားရှိ စစ်ကောင်စီ ရှေ့တန်းတပ်စခန်းတွေကို ၂၀၂၄ ဇူလိုင် ၂၂ ရက်နေ့ စတင်တိုက်ခိုက်ခဲ့တာပါ။

ရက်သတ္တပတ်အတွင်း စစ်ကောင်စီစခန်း ၆ ခု သိမ်းပိုက်ရရှိခဲ့ပြီး လက်နက်ခဲယမ်းတွေအပြင် စစ်သုံ့ပန်း ၃ ဦး ဖမ်းဆည်းရမိခဲ့တယ်လို့လည်း Chinland Information Center က ထုတ်ပြန်ပါတယ်။

#RadioNUGLocalNews

#SpringRevolution