02 SEP 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ စက်တင်ဘာလ ( ၂ ) ရက်နေ့ ရပြည်တွင်းသတင်းများ

📌📌 ၁. ၂၀၂၄ခုနှစ်အတွက် လျောက်ထားနိုင်သော တက္ကသိုလ်များတွင် ဟားခါးတက္ကသို်လ်ပါဝင်

The Matupi Times ၊ ဩဂုတ် ၂၄ ၊ ၂၀၂၄

စစ်ကောင်စီကကျင်းပပြုလုပ်ခဲ့တဲ့ ၂၀၂၄ ခုနှစ်၊ စနစ်သစ် တက္ကသိုလ်ဝင်စာမေးပွဲအောင်မြင်သူများအနေဖြင့် တက္ကသိုလ်ဝင်ခွင့်များကို ဩဂုတ်လ (၂၆) ရက်နေ့မှစ၍ ပိတ်ရက်မရှိ လျှောက်ထားနိုင်ပြီဖြစ်ကြောင်း ပညာရေးဝန်ကြီးဌာနမှ အသိပေးကြေညာပါတယ်။

စစ်ကောင်စီက ပြီးခဲ့တဲ့ရက်ပိုင်းက ကြေငြာလိုက်တဲ့ ၂၀၂၄ ခုနှစ်အတွက် လျောက်ထားနိုင်တဲ့ တက္ကသိုလ်များစာရင်းမှာ ချင်းပြည်နယ္၊ဟားခါးမြို့ရှိ ဟားခါးတက္ကသို်လ်လည်း ပါဝင်လာပါတယ္။

၂၀၂၄ ခုနှစ် တက္ကသိုလ်ဝင်စာမေးပွဲ အောင်မြင်သူများအနေဖြင့် တက္ကသိုလ်ဝင်ခွင့် လျှောက်ထားနိုင်ရန်အတွက် မိမိတို့ စာမေးပွဲဖြေဆိုခဲ့သော စာစစ်ဌာနမှ အမှတ်စာရင်းနှင့် တက္ကသိုလ်ဝင်ခွင့် လျှောက်ထားရမည့် ပုံစံစာအိတ်တို့ကို ဩဂုတ်လ (၂၆) ရက်နေ့ (တနင်္လာနေ့) မှစ၍ ကိုယ်တိုင် ထုတ်ယူနိုင်ပြီး မိမိဖြေခဲ့သည့် စာစစ်ဌာနတွင် ထုတ်ယူရန် အခက်အခဲရှိပါက ရန်ကုန်မြို့၊ အဆင့်မြင့်ပညာဦးစီးဌာန (ရန်ကုန်ရုံးခွဲ) တွင် လာရောက်ထုတ်ယူနိုင်တယ်လို့ဆိုပါတယ်။

စစ်ကောင်စီကကျင်းပပြီးစ္ီးခဲ့တဲ့ ၂၀၂၄ ခုနှစ်တက္ကသိုလ်ဝင်တန်းစာမေးပွဲမှာ ချင်းပြည်နယ် မှကျောင်းသား/သူ(၄၀၀)ကျော်ဝင်ရောက်ဖြေဆိုခဲ့ရာ ၊ (၃၄၀)ဦး အောင်မြင်ခဲ့ပါတယ္။

CDF -–Hakha အနေဖြင့် ဟားခါးမြို့၊ ဟားခါးတက္ကသိုလ်နဲ့ ထန်တလန်ဖက်သွားတဲ့ လမ်းမကြီးကို သြဂုတ်လ (၂၀) ရက်နေ့ကစလို့ ဒေသခံပြည်သူများ ဖြတ်သန်းသွားလာခြင်းမပြုလုပ်ကြဖို့အသိပေးထုတ်ပြန်ထားတာဖြစ်ပါတယ္။

========================

📌📌 ၂. မီဇိုရမ်ပြည်နယ်အတွင်းရှိ စစ်ဘေးရှောင်ကျေးရွာများတွင် ဖွင့်လှစ်သည့်ကျောင်းများသို့ ပလက်ဝပညာရေးဘုတ်အဖွဲ့သွားရောက်ကွင်းဆင်း

The Matupi Times ၊ဩဂုတ်လ ၂၇ ၊ ၂၀၂၄

ပလက်ဝပညာရေးဘုတ်အဖွဲ့မှတာဝန်ရှိသူများသည် မီဇိုရမ်ပြည်နယ်အတွင်းရှိ စစ်ဘေးရှောင်ကျေးရွာများတွင် ဖွင့်လှစ်သည့်ကျောင်းများသို့ သွားရောက်ကွင်းဆင်းခဲ့ကြောင်း ဒီကနေ့ညနေပိုင်းမှာ သတင်းထုတ်ပြန်ပါတယ္။

လုပ်ငန်းဆောင်ရွက်ရာတွင် ကျောင်းသားမိဘများနှင့်တွေ့ဆုံပြီး ပညာရေးကော်မတီများနှင့်ဆရာ/မများ ပညာရေးအတွက်လိုအပ်ချက်များတင်ပြဆွေးနွေးကြခဲ့တယ်လို့ဆိုပါတယ္။

ပညာရေးဘုတ်အဖွဲ့မှ တာဝန်ရှိသူများက ကြားကာလပညာရေးဖော်ဆောင်ရာတွင် စိန်ခေါ်မှုအခက်အခဲများသည် တစ်နိုင်ငံလုံးအတိုင်းအတာဖြစ်နေသည့်အတွက် မည်သည့်နေရာဒေသတွင်လည်းအဆင်ပြေမှုမရှိကြောင်း ပြည်သူလူထုကိုသာအခြေခံပြီး ကြားကာလ ပညာရေးလုပ်ငန်းကိုအကောင်အထည်ဖော်ဆောင်ရွက်ရခြင်းဖြစ်ကြောင်း ပြန်လည်ဆွေးနွေးခဲ့တယ်လို့ဆိုပါတယ္။

ဒါ့အပြင် ပလက်ဝပညာရေးဘုတ်အဖွဲ့အနေဖြင့် သင်ကြားရေးလုပ်ငန်းဆောင်ရွက်ရာတွင် မရှိမဖြစ်လိုအပ်သည့် သင်ထောက်ကူများဝယ်ယူရန် ထောက်ပံ့ကြေးအနည်းငယ်စီပံ့ပို့ပေးအပ်ခဲ့တယ္လို့သိရပါတယ္။

စစ်ဘေးရှောင်ကျေးရွာတွင် စာသင်ကျောင်းဆောင်များလုံလောက်မှုမရှိခြင်း၊ သင်ထောက်ကူပစ္စည်းများလုံလောက်မှုမရှိခြင်း၊ ကျောင်းသုံးစာအုပ်ကိရိယာများမလုံလောက်ခြင်းကြောင်း ပညာသင်ကြားနေသော ကလေးများအခက်ကြုံနေကြရပြီး လိုအပ်သောထောက်ပံ့မှုများကူညီပေးကြဖို့လည်း မေတ္တာရပ်ခံထားပါတယ္။

========================

📌📌 ၃. ဟားခါ၊ဖလမ်း၊တွန်းဇံက စစ်ကောင်စီတပ်ဖွဲ့ဝင်(3)ဦး CDF များထံအလင်းဝင်

The Matupi Times ၊ ဩဂုတ် ၂၇ ၊ ၂၀၂၄

ချင်းပြည်နယ် ၊ဟားခါးမြို့နှင့် ထွန်းဇံမြို့နယ်က စစ်ကောင်စီ တပ်သား ၁ ဦး နှင့်ရဲတပ်သား(၁)ဦး သည် ပြီးခဲ့တဲ့ရက်ပိုင်းက လက်နက်နဲ့တကွ အလင်းဝင် ခဲ့တယ်လို့ ဒေသခံကာကွယ်ရေးတပ်ဖွဲ့တွေက အသိပေး ထုတ်ပြန်ပါတယ်။

အလင်းဝင်လာသူတွေဟာ ၎င်းတို့နဲ့အတူလက်နက်များယူဆောင်လာကာအလင်းဝင်လာကြတာဖြစ်ပါတယ်။

၂၀၂၄ ဩဂုတ်လ ၂၇ ရက်နေ့မှာ တွန်းဇံမြို့နယ်ကစစ်ကောင်စီတပ်သားတစ်ဦးဟာ လက်နက် ဖွက်ထားတဲ့ နေရာကို သူကိုယ်တိုင် ပြပေးခဲ့ပြီး MA 3 သေနတ် ၁ လက်၊ ကျည်ဘောက် ၄ ခုကိုပေးအပ်ပြီး အလင်းဝင်လာခဲ့တာလို့သိရပါတယ္။

၂၀၂၄ ခုနှစ်၊ ဩဂုတ်လ၂၄ ရက်နေ့က ဟားခါးမြို့က စစ်ကောင်စီလက်အောက်ခံရဲတပ်ဖွဲ့ဝင်တစ်ဦးသည် CDF-hakha ထံသို့လက်နက်နဲ့အတူအလင်းဝင်ခဲ့ပြီး ၎င်းကိုဆုငွေများပေးအပ်ချီးမြှင့်ခဲ့တယ်လို့သိရပါတယ်။

အလားတူ ဖလမ်းမြို့၊ စစ်ကောင်စီ၏ ခလရ - ၂၆၈ တပ်ရင်းမှ တပ်သား ဦးကျင့်လမ်းမုံ သည် တီးတိန်မြို့နယ် ပြည်သူ့ အုပ်ချုပ်ရေးအဖွဲ့ထံသို့ ဩဂုတ်လ ၃၀ နေ့က အလင်းဝင်လာခဲ့ပြီး ၊ တီးတိန့်မြို့နယ်ပြည်သူ့အုပ်ချုပ်ရေးအဖွဲ့ မှ လက်ခံကြိုဆိုကာ လွတ်မြောက်နယ်မြေသို့ ပို့ဆောင်ပေးခဲ့ကြောင်းသိရသည်။

========================

📌📌 ၄. မင်းတပ်မြို့မှာ စစ်ကောင်စီက ခဲယမ်း၊ရိက္ခာများကို လေယာဉ်ဖြင့်ပစ်ချပေး၊ မင်းတပ်မြို့ပေါ်က အဖွားအိုတစ်ဦးမိုင်းနင်းမိ၍ ခြေတစ်ဖက်ပြတ်

The Matupi Times ၊ ဩဂုတ်လ ၂၈ ၊ ၂၀၂၄

မင်းတပ်မြို့မှာ အကြမ်းဖက်စစ်ကောင်စီတပ်က ဒီကနေ့ ဩဂုတ်လ ၂၈ ရက်နေ့ မနက်မှာ ခဲယမ်း၊ရိက္ခာများကို လေယာဉ်ဖြင့် လာရောက်ပစ်ချပေးနေတယ်လို့သိရပါတယ္။

"ယခုမနက် ၈ နာရီခွဲခန့်မှစပြီး ယခုချိန်အထိ မင်းတပ် ၂၇၄ တပ်ရင်းနားတစ်ဝိုက်ကို Y-12 ကုန်သယ်လေယာဥ်မှ လေထီးများဖြင့် ခဲယမ်း ရိက္ခာများ ချပေးနေတယ်လို့သိရပါတယ်"လို့ မင်းတပ်ဒေသခံ Hkl-Mindat ထံကသိရပါတယ္။

ယခုရက်ပိုင်းတွင်း အကြမ်းဖက်စစ်ကောင်စီတပ်ဟာ မင်းတပ်မြို့နယ်ကို လေကြောင်းတိုက်ခိုက်မှုတွေ ဆက်တိုက်ပြုလုပ်နေပါတယ္။ ပြီးခဲ့တဲ့ဩဂုတ်လ ၂၆ ရက်နေ့ကလည်း မင်းတပ်မြို့ မြို့ပေါ်အနီးဝန်းကျင်ကို ပေါင် ၅၀၀ ဗုံးအပြင်ဗုံးအသေး ၄ လုံးခန့် ကြဲချပြီး ၂ ကြိမ် လေကြောင်းတိုက်ခိုက်သွားတယ်လို့ကြားသိရပါတယ်။

ဒါ့အပြင် ယမန်နေ့ ၂၇ ရက်နေ့မနက်ပိုင်း(၁၀:၀၀)ခန့်၌ မင်းတပ်မြို့၊မြို့နယ်လျှပ်စစ်ရုံးအနီး တောင်ဘက်ခြမ်းတွင်အသက် ၆၀ ဝန်းကျင်ရှိ အဖွားတစ်ဦးသည် ခြံထဲ၌ စစ်ကောင်စီတပ်မှထောင်ထားသောနင်းမိုင်း ထိကာ ခြေတစ်ဖက်ဆုံးရှုံးလိုက်ရတယ်လို့ကြားသိရပါတယ်။

========================

📌📌 ၅. မီဇိုရမ်၊အိုင်းဇော်ခရိုင်က ချင်းစစ်ရှောင်စခန်းမှနေအိမ်(၁၂)လုံး မိုးဆက်တိုက်ရွာသွန်းမှုကြောင့် ထိခိုက်ပျက်စီး ၊ အရေးပေါ်ကူညီများလိုအပ်နေ

The Matupi Times ၊ ဩဂုတ် ၂၉၊ ၂၀၂၄ ။

အိန္ဒိယနိုင်ငံ ၊ မီဇိုရမ်ပြည်နယ်တွင် ယခုရက်ပိုင်း မိုးအဆက်မပြတ်ရွာသွန်းမှုကြောင့် အိုင်းဇော်လ်ခရိုင်ရှိ မတူပီ(ချင်း)စစ်ရှောင်ပြည်သူများနေထိုင်ရာ Sihhmui Camp(1,2)မှ ခန်းမ(၁)ခုအပါအဝင် နေအိမ်(၁၂)လုံးသည် မြေသားများပြိုကျမှုကြောင့် ထိခိုက်ပျက်စီးခဲ့ရကြောင်းသိရသည်။

အဆိုပါ မြေသားများပြုိကျမှုကြောင့် စစ်ရှောင်မိသားစုတချို့ဟာ အခြားနေရာများသို့ပြောင်းရွှေ့နေထိုင်ကြရပြီး ၊ တချို့မိသားစုမှာ ပြောင်းရွှေ့စရာနေရာမရှိတာကြောင့် ပြိုကျလုနီးအိမ်များကို သစ်များဖြင့် ပြန်ထောက်ကာ ပြန်လည်နေထိုင်‌ကြတယ္လို့ဆိုပါတယ္။

မတူပီမြို့နယ်မှစစ်ဘေးရှောင်ပြည်သူများနေထိုင်သည့် Sihhmui Camp(1)မှ နေအိမ်(၂)လုံး၊ Camp(2)မှ နေအိမ်(၁၀)လုံးတို့သည် အဆိုပါမြေသားပြိုကျမှုကြောင့် ထိခိုက်ပျက်စီးခဲ့တယ်လို့ဆိုပါတယ်။

"မိုးဆက်တိုက်ရွာတော့ အိမ်အောက်ဘက်က ကမ်းပါးတွေပြိုကျတာ။ တချို့တွေကတော့ အခြားနေရာတွေထပ်ပြောင်းတယ်။ အများစုကတော့ ဒီမှာပြောင်းစရာနေရာလည်းမရှိတော့ဘူးဆိုတော့ အဲ့ဒီအိမ်တွေကိုဘဲ သစ်တွေနဲ့ပြန်ထောက်ပြီတော့ အဆင်ပြေသလိုနေကြတယ္။ အိမ်တွေ ပြန်လည်ပြုပြင်ဖို့ဆိုရင်လည်း ငွေကြေးအခက်အခဲကြောင့် မပြင်နိုင်ကြသေးဘူး။" လို့ စစ်ရှောင်တာဝန်ရှိသူတစ်ဦးက Matupi Times ကိုပြောပါတယ္။

ဒါ့အပြင် "ပထမထိခိုက်ပျက်စီးခဲ့တဲ့ (၃)အိမ်အတွက်တော့ VCP နှင့် YMA က မိုးကာလှူဒါန်းပေးတယ်၊နောက်(၇) အိမ်အတွက်တော့ ဘယ်အဖဲွ့ကမှ ဒီနေ့အထိ ကျွန်တော်တို့ကိုဆက်သွယ်ပြီး ကူညီထောက်ပံ့ပေးတာမျိုး မရှိပါသေးဘူး ။ အခုထိလည်းအကူညီတွေအများကြီး လိုအပ်နေပါတယ္။ " လို့ သူကဆက်ပြောပါတယ္။

အဆိုပါ မြေပြိုကျမှုတွင်ပါဝင်သည့် Sihhmui စစ်ရှောင်းစခန်းရှိ နေအိမ်များမှ မိသားစုဝင်(၅၀)ခန့်ဟာ လက်ရှိချိန်ထိကူညီထောက်ပံ့မှုများမရှိတာကြောင့် အခက်ကြုံတွေ့နေရပြီးအရေးပေါ်အကူညီများ လိုအပ်လျက်ရှိကြောင်းသိရသည်။

========================

📌📌 ၆. ရက္ခိုင့်တပ်တော် AA ကဖမ်းဆီးထားသည့် ပလက်ဝဒေသခံ ၅ ဦးကို ပြန်လွှတ်ပေး

The Matupi Times ၊ ဩဂုတ် ၃၀ ၊ ၂၀၂၄

ရက္ခိုင့်တပ်တော် (AA)ကဖမ်းဆီးထိန်းသိမ်းထားတဲ့ ချင်းပြည်နယ်၊ ပလက်ဝမြို့နယ်က အရပ်သားပြည်သူတွေထဲက(၅)ဦးဟာ ပြန်လည်လွတ်မြောက်လာပြီလိုိ့သိရပါတယ္။

၂၀၂၄ ခုနှစ်၊ ဩဂုတ်လ ၁၉ ရက်နေ့က ဖမ်းဆီးချုပ်နှောင်ခံရမှုနှင့် ပတ်သက်၍ ကြားကာလခူမီး (ချင်း) မျိုးနွယ်စုများရေးရာအတိုင်ပင်ခံကောင်စီ/ပလက်ဝကောင်စီ IKACC/PC နှင့် အာရက္ခတပ်တော် ULA/AA တို့ တွေ့ဆုံညှိနှိုင်း ပြီးနောက် ဖမ်းဆီးထိန်းသိမ်းထားတဲ့သူတွေထဲက (၅)ဦးကို ပြန်လွှတ်ပေးကြတာဖြစ်တယ်လို့ ဆိုပါတယ္။

ULA/AA တပ်ဖွဲ့က ယခု ပြန်လွှတ်ပေးလိုက်သော ပလက်ဝဒေသခံ ၅ ဦးတို့မှာ ၃ လ နှင့် ၆ လ ကျော်ကြာ ဖမ်းဆီးချုပ်နှောင်ခံ ထားရသူများဖြစ်ကြပြီး အသက် ၃၆ မှ ၆၆ နှစ်အရွယ်ရှိသူများဖြစ်ကြသည်ဟုသိရသည်။ ၎င်းတို့မှာ ဟားလာဝရွာသား ဦး အောင်သိန်း၊ ရပ်ဒိန်ရွာသား ဦးမိုက်ကယ်၊ အောက်ဘောင်းဝီးရွာသား ဦးကျော်ဝင်း၊ ဦးအောင်နင်း နှင့် ဘောင်းကူးရွာသား ဦးပျော်လှ(ခေါ်) ဦးပြိုလှတို့ဖြစ်ကြောင်း ခေါနုသုမ်သတင်းထံကသိရပါတယ္။

ကြားကာလခူမီး (ချင်း) မျိုးနွယ်စုများရေးရာအတိုင်ပင်ခံကောင်စီ/ပလက်ဝကောင်စီ၏ စာရင်းအရ ယခုလက်ရှိတွင် ပလက်ဝဒေသခံအနည်းဆုံး ၁၅ ဦးဝန်းကျင်ခန့်ကို AA တပ်ဖွဲ့က ဆက်လက်ဖမ်းဆီးထားဆဲဟုသိရပြီး အမြန်ဆုံးပြန်လည် လွတ်မြောက်နိုင်ရေးအတွက် ကြိုးပမ်းဆောင်ရွက်နေဆဲဖြစ်တယ်လို့ဆိုပါတယ်။

ချင်းပြည်နယ်ပလက်ဝမြို့နယ်ကို အာရက္ခတပ်တော် AA က ယခုနှစ်ဇန်နဝါရီလမှာ အလုံးစုံသိမ်းပိုက်ထိန်းချုပ်ခဲ့ပြီး အုပ်ချုပ် ရေးယန္တရားများလည်း အကောင်အထည်ဖော်ဆောင်ရွက်လျှက်ရှိသည်။ ပလက်ဝမြို့နယ်မှာ စစ်ကောင်စီကင်းစင်ပြီဖြစ်သော် လည်း ပလက်ဝဒေသခံပြည်သူများသည် ယနေ့ချိန်ထိ စစ်ဘေးတိမ်းရှောင်နေကြရဆဲဖြစ်သည်။