30 SEP 2024 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ စက်တင်ဘာလ ( ၃၀ ) ရက်နေ့ ရပြည်တွင်းသတင်းများ

📌📌 1. စစ်ကောင်စီက(၂)လအတွင်း မင်းတပ်မြို့နယ်တွင် လေကြောင်းတိုက်ခိုက်ခြင်း၊ လက်နက်ရိက္ခာဖြည့်တင်းခြင်း ၊ မြို့ပေါကအိမ်များမီးရှို့ဖျက်ဆီးခြင်းတို့ ဆက်တိုက်ပြုလုပ်ခဲ့ကြောင်း CDF-Mindat သတင်းထုတ်ပြန်

 

The Matupi Times၊ စက်တင်ဘာ ၂၉ ၊ ၂၀၂၄ 

အာဏာသိမ်းစစ်ကောင်စီတပ်က (၂)လတာအတွင်း မင်းတပ်မြို့ပေါ်နှင့် ကျေးရွာများသို့ လေကြောင်းဖြင့်တိုက်ခိုက်ခြင်း ၊မင်းတပ်မြို့ပေါ်သို့ လေကြောင်းဖြင့်ရိက္ခာများချပေးခြင်း ၊ မြို့ပေါ်က ပြည်သူပိုင်နေအိမ်များမီးရိှု့ဖျက်ဆီးခြင်းတို့ကို ဆက်တိုက်ပြုလုပ်ခဲ့ကြောင်း မှတ်တမ်းနဲ့အတူ CDF-Mindat ကတင်းထုတ်ပြန်ပါတယ္။ 

၂၀၂၄ ခုနှစ်၊ ဩဂုတ်လ နှင့် စက်တင်ဘာလ (၂)လအတွင်း စစ်ကောင်စီတပ်က မင်းတပ်မြို့နယ်၌ လေကြောင်းတိုက်ခိုက်ခြင်း (၄၄)ကြိမ် နှင့် မင်းတပ်မြို့ရှိ ခလရ (၂၇၄)တပ်ရင်းသို့ လေကြောင်းဖြင့် လက်နက်၊ခဲယမ်း ချပေးမှု(၃၄) ကြိမ် ပြုလုပ်ခဲ့ကြောင်းသိရပါတယ္။ လေကြောင်းတိုက်ခိုက်မှုကြောင့် ပြည်သူတစ်ဦးထိခိုက်ဒဏ်ရာရရှိခဲ့ပြီး ၊ စာသင်ကျောင်းဆောင်(၁) ၊ ဘော်ဒါဆောင်(၄) ဆောင် နှင့် ပြည်သူနေအိမ် (၉)လုံး ထိခိုက်ပျက်စီးခဲ့တယ္လို့ဆိုပါတယ်။ 

ဒါ့အပြင် စစ်ကောင်စီတပ်က မင်းတပ်မြို့ပေါ်က ပြည်သူနေအိမ်များကိုလည်း မီးရှို့ဖျက်ဆီးတာတွေလုပ်ဆောင်ခဲ့ပြီး (၂)လအတွင်း မင်းတပ်မြို့ပေါ် အနောက်ရပ်ကွက်က နေအိမ်(၁၄)လုံး ၊ စံပြရပ်ကွက်က (၉)လုံး နှင့် အရှေ့ပြင်ရပ်ကွက်က (၁၄)လုံး စုစုပေါင်း(၃၆)လုံး ဖျက်ဆီးခံခဲ့ရကြောင်း CDF-Mindat ရဲ့ထုတ်ပြန်ချက်အရသိရပါတယ္။ 

 

========================

 

📌📌 2. ချင်းစစ်ရှောင်စခန်းတခုတွင်ရေကြီးမှုကြောင့် မင်းတပ်ဒေသခံ စစ်ရှောင်သားအမိ ၂ ဦးရေထဲမျောပါသေဆုံး

 

The Matupi Times ၊ စက်တင်ဘာ ၂၇ ၊ ၂၀၂၄ 

ချင်းပြည်တောင်ပိုင်းနဲ့မကွေးတိုင်းတွင် ယခုရက်ပိုင်းအတွင်းမိုးသည်းထန်စွာရွာသွန်းမှုကြောင့် ယောနယ် ဆော - ကျောက်ထုလမ်းပိုင်းကချင်းစစ်ရှောင်စခန်းတခုတွင် ပြီးခဲ့တဲ့ စက်တင်ဘာလ ၂၅ ရက်နေ့ညပိုင်း၌ တောင်ကျချောင်းရေကြီးမှုဖြစ်ပွားခဲ့တယ်လို့သိရပါတယ္။ 

တောင်ကျချောင်း ရေရုတ်တရက်စီးဆင်းလာတာကြောင့် မင်းတပ်မြို့နယ်နဲ့မကွေးတိုင်းအစပ်ကျောက်ထုမြို့က ချင်းစစ်ဘေးရှောင်တွေနေထိုင်တဲ့တောင်ဇလပ်စစ်ဘေးရှောင်စခန်းတွေအားလုံးရေလွှမ်းမိုးကာမင်းတပ်ဒေသခံစစ်ရှောင်သားအမိ(၂)ဦးရေထဲမျောပါသေဆုံးသွားကြောင်း သိရပါတယ္။ ရေထဲမျောပါသေဆုံးသူမှာ အသက် ၃ နှစ်အရွယ် မောင်နိုင်းနိန်နှင့် မိခင်ဖြစ်သူ အသက် ၄၀ ခန့်ရှိ ဒေါ်နိုင်းချေးတို့ဖြစ်ကြောင်း သိရသည်။ 

မင်းတပ်စစ်ရှောင်သားအမိ(၂)ဦးဟာ ယမန်နေ့ စက်တင်ဘာ ၂၆ ရက်နေ့ မနက်ပိုင်းမှာ ရေထဲမျောပါသေဆုံးခဲ့တာဖြစ်ပြီး သေဆုံးသူကလေးငယ်ကိုပြန်တွေ့ပေမယ့် မိခင်ဖြစ်သူကို မတွေ့သေးဘူးလို့ မင်းတပ်ဒေသခံသတင်းထံကသိရပါတယ္။ 

 

========================

 

📌📌 3. CDF-Matupi တပ်ရင်း(၃,၄)နယ်မြေဘက်သို့ ကုန်ပစ္စည်းများသယ်ယူခွင့်ကို မတူပီမြို့နယ် (ပအဖ) က ပိတ်ပင်ထားဟုဆို

 

The Matupi Times ၊ စက်တင်ဘာ ၂၆ ၊ ၂၀၂၄ 

CDF-matupi တပ်ရင်း(၃)(၄)နယ်မြေဘက်သို့ မတူပီမြို့ပေါ်မှအခြေခံစားနပ်ရိက္ခာနှင့်ကုန်ပစ္စည်းများသယ်ယူခွင့်ကို မတူပီမြို့နယ် ပြည်သူ့အုပ်ချုပ်ရေးအဖွဲ့က ပိတ်ပင်ထားကြောင်း သိရသည်။

 

မတူပီမြို့နယ်အတွင်း အခြေခံစားနပ်ရိက္ခာကုန်ပစ္စည်းများကောင်းမွန်စွာလည်ပတ်နိုင်ရေးအတွက် မတူပီမြို့နယ်ပြည်သူ့အုပ်ချုပ်ရေးအဖွဲ့က တွေ့ဆုံညိှနှိုင်းရန် တပ်မဟာ(၂)အဖွဲ့ဝင် CDF-Matupi တပ်ရင်း(၃,၄)နယ်မြေက သက်ဆိုင်ရာကျေးရွာများမှ တာဝန်ရှိသူများကို အစည်းအဝေးဖိတ်ခေါခဲ့ပေးမယ့် တက်ရောက်လာခြင်းမရှိတာကြောင့် ယခုလို ကန့်သတ်လိုက်တာလို့ မတူပီမြို့နယ်ပြည်သူ့အုပ်ချုပ်ရေးတာဝန်ရှိသူတစ်ဦးက ပြောပါတယ္။

 

CDF-Matupi တပ်ရင်း - ၃ နယ်မြေမှ ပြည်သူတချို့ကလည်း CDF-Matupi တပ်မဟာ(၁)ကကုန်ပစ္စည်းများ သယ်ဆောင်ခွင့်ပိတ်ပင်ထားတာကြောင့် အခြေခံစားနပ်ရိက္ခာနှင့် ကုန်ပစ္စည်းများကို တပ်ရင်း - ၃ နယ်မြေသို့ သယ်ဆောင်ရန် အခက်အခဲများ ကြုံတွေ့နေရကြောင်း ချင်းမီဒီယာတချို့မှာပြောဆိုထားတာဖြစ်ပါတယ်။

တဖက်မှာလည်း ချင်းပြည်ကောင်စီပူးပေါင်းတပ်ဖွဲ့က မီဇိုရမ်မှ မတူပီမြို့သို့သွားလာနိုင်သည့် မတူပီမြို့နယ်၊လွီဗန်းကျေးရွာတွင် ပြည်သူများဖြတ်သန်းသွားလာမှု ပိတ်ပင်ထားတာကြောင့် စစ်ရှောင်ပြည်သူတချို့နေရပ်ပြန်ရာတွင် အခက်ကြုံတွေ့နေရကြောင်း သိရပါတယ္။

 

========================

 

📌📌 4."Australia Batuca Community inc."၏ (၅)ကြိမ်မြောက်ညီလာခံနှင့် (၁၄)နှစ်မြောက်နှစ်ပတ်လည် အခမ်းအနားကျင်းပ (Matu Version Below)

 

The Matupi Times ၊ စက်တင်ဘာ ၂၅ ၊ ၂၀၂၄ 

"Australia Batuca Community inc."၏ ၅ ကြိမ်မြောက်အထွေထွေညီလာခံနှင့် (၁၄)နှစ်မြောက်နှစ်ပတ်လည်နေ့အခမ်းအနား ကို ဩစတေးလျနိုင်ငံ ၊ မဲလ်ဘုန်မြို့မှာ ၂၀၂၄ ခုနှစ်၊ စက်တင်ဘာလ ၂၁ ရက်နေ့၌ ကျင်းပြုလုပ်ခဲ့တယ္လို့သိရပါတယ္။ 

အစည်းအဝေးတွင် ဩစတေးလျနိုင်ငံရောက် မတူလူမျိုးများအားလုံး အချင်းချင်း စည်းစည်းလုံးလုံးနေထိုင်ကြရန်၊ သာရေးနာရေးကိစ္စရပ်များတွင် လည်းအတူပူပေါင်းဆောင်ရွက်ကြဖို့ စတဲ့အချက်တွေကို အဓိကထားဆွေးနွေးခဲ့ကြတယ်လို့သိရပါတယ္။ 

"Australia Batuca Community inc." ကို ၂၀၁၀ ခုနှစ်တွင်စတင်တည်ထောင်ခဲ့တာဖြစ်ပြီး (၅) ကြိမ်မြောက်အထွေထွေညီလာခံနှင့် (၁၄)နှစ်မြောက် နှစ်ပတ်လည်နေ့အခမ်းအနားကို မဲလ်ဘုန်းမြို့စံတော်ချိန် နံနက် (၁၀:၀၀)နာရီမှ ညနေ(၄:၀၀)နာရီထိ ကျင်းပပြုလုပ်ခဲ့ကြောင်းသိရသည်။ အဆိုပါညီလာခံနှင့်နှစ်ပတ်လည်နေ့အခမ်းအနားသို့ ဩစတေးလျနိုင်ငံရောက် မတူလူမျိုးများ(၁၀၂)ဦး တက်ရောက်နိုင်ခဲ့တယ်လို့သိရပါတယ္။ 

 

========================

 

📌📌 5. စစ်ကောင်စီ၏သန်ခေါင်စာရင်းကောက်ယူရာတွင်ပါဝင်သူများကို ပစ်ခတ်ရှင်းလင်းတော့မည်ဖြစ်ကြောင်း CDF-Hakha သတိပေး

 

The Matupi Times ၊ စက်တင်ဘာ ၂၄ ၊ ၂၀၂၄ 

ချင်းပြည်နယ်၊ ဟားခါးမြို့က CDM လှုပ်ရှားမှုမှာပူးပေါင်းပါဝင်ခြင်းမရှိဘဲ စစ်ကောင်စီရဲ့သန်းခေါင်စာရင်းကောက်ယူရာမှာ ပူးပေါင်းဆောင်ရွက်နေတဲ့ Non-CDM တွေကို စစ်ကောင်စီလိုသဘောထားပြီး တွေ့တဲ့နေရာမှာပစ်ခတ်ရှင်းလင်းတော့မည်ဖြစ်ကြောင်း CDF-Hakha ကသတိပေးချက်ထုတ်ပြန်လိုက်ပါတယ္။

 

အာဏာသိမ်းစစ်ကောင်စီက လာမယ့် အောက်တိုဘာလ ၁ ရက်ကနေစပြီး ၁၅ ရက်နေ့အထိ တစ်နိုင်ငံလုံးအဆင့် လူဦးရေနဲ့အိမ်အကြောင်းအရာ သန်းခေါင်စာရင်းကောက်ယူသွားမယ်လို့ တရားဝင်သတင်းထုတ်ပြန်ထားတာပါ။

ဟားခါးမြို့ရှိဌာနဆိုင်ရာအားလုံးက ဝန်ထမ်းတွေကိုလည်း ၂၀၂၄ ခုနှစ်စက်တင်ဘာလ ၂၃ ရက်နေ့မှာ စစ်ကောင်စီကအစည်းအဝေးခေါ်ပြီး ရွေးကောက်ပွဲအတွက် မဲစာရင်းပြုစုနည်းသင်တန်းပေးနေကြောင်းကို CDF-Hakha အနေဖြင့်သိရှိထားတယ်လို့ဆိုပါတယ္။ 

 

အလားတူ Zogam အတွင်း စစ်ကောင်စီ၏ အိမ်ထောင်စု စာရင်းကောက်ယူခြင်းကို အားပေး၊ ကူညီသည့် မည်သူ့ကိုမဆို ပြတ်သားစွာ အရေးယူမည်ဖြစ်ကြောင်း ZFU/PDF Zoland က စက်တင်ဘာလ ၂၆ ရက်နေ့မှာ သတင်းထုတ်ပြန်လိုက်ပါတယ်။

 

========================

 

📌📌 6. ONE ပြိုင်ပွဲမှာ မြန်မာ့လက်ဝှေ့ကျော် စိုးလင်းဦးနှင့် သန့်ဇင်တို့ရှုံးနိမ့်

 

The Matupi Times ၊ စက်တင်ဘာ ၂၇ ၊ ၂၀၂၄ ။

ဒီကနေ့ည ပိုင်းမှာ ယှဉ္ပြိုင်ထိုးသတ်ခဲ့တဲ့ One Friday Night ပြိုင်ပွဲမှာ မြန်မာ့လက်ဝှေ့ကျော် စိုးလင်းဦး ဟာ လူငယ်ဖိုက်တာ နာဘေးလ်ကို ဒိုင်အမှတ်နဲ့ရှုံးနိ်မ့်ခဲ့ပါတယ္။ 

စိုးကြီးဟာ ပထမအချိီကတည်းက ပူးထိုးဖို့ကြိုးစားခဲ့ပေမယ့် နာဘေးလ်ရဲ့ အရပ်နဲ့ လက်တံ ရှည်တွေကြောင့် စိုးကြီးတစ်ယောက် အနားတောင်ကပ်ခွင့်မရခဲ့ဘဲ အခက်တွေ့ခဲ့ရပါတယ္။ 

နာဘေးလ်ကတော့ စိုးကြီးကို ခွာထိုးပြီး လက်သီးချက်တွေ ဒူးတိုက်ချက်တွေနဲ့ အမှတ်ယူဖို့ ကြိုးစားခဲ့ပါတယ်။ ဒုတိယအချိီနဲ့တတိယအချီမှာ နာဘေးလ်ရဲ့ ဒူးတိုက်ချက်တွေ စိုးကြီးကို ဆက်တိုက် ထိခဲ့သလိုး နာဘေလ်းကဘဲ ခွာထိုးပြီး ထိချက်တွေ အသာစီး ယူနိုင်ခဲ့တာကြောင့် စိုးကြီးတစ်ယောက်ဒိုင်အမှတ်နဲ့ရှုံးနိမ့်ခဲ့ရတာဖြစ်ပါတယ္။ 

ဒီကနေ့စက်တင်ဘာလ ၂၇ ရက်နေ့ည၌ ထိုင်းနိုင်ငံ၊ ဘန်ကောက်မြို့ Lumpinee Stadium မှာ ကျင်းပပြုလုပ်ခဲ့တဲ့ ONE Friday Fights 81 ပြိုင်ပွဲမှာ မြန်မာ့လက်ဝှေ့ကျော် သန့်ဇင်နှင့် စိုးလင်းဦးတို့ဟာ ရှုံးပွဲအသီးသီးရင်ဆိုင်ကြုံတွေ့ခဲ့ရပါတာဖြစ်ပါတယ္။ 

#RadioNUGLocalNews

#SpringRevolution