14 Jan 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ ဇန်နဝါရီလ ( ၁၄ ) ရက်နေ့ ရပြည်တွင်းသတင်းများ

📌📌 1. NUG ၊ လူသားချင်းစာနာ ထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာ က ၂၀၂၄ ခုနှစ်အတွင်းမှာ ကျပ် ၇.၇ ဘီလီယံကို အကူအညီလိုအပ်နေသူများထံ ထောက်ပံ့နိုင်

 

The Matupi Times ဇန်နဝါရီ ၇ ရက်။

အမျိုးသားညီညွတ်ရေးအစိုးရ၊ လူသားချင်းစာနာ ထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေး ဝန်ကြီးဌာနက ပြီးခဲ့တဲ့ ၂၀၂၄ ခုနှစ်အတွင်းမှာ ကျပ် ၇ ဒဿမ ၇ ဘီလီယံကို အမှန်တကယ် အကူအညီလိုအပ်နေသူတွေထံ လက်ဝယ်အရောက်ထောက်ပံ့မှုတွေ ပြုလုပ်နိုင်ခဲ့တယ်လို့ ထုတ်ပြန်ခဲ့ ပါတယ်။ 

တော်လှန်ပြည်သူတွေကနေ ပြည်သူမှ ပြည်သူသို့ ထောက်ပံ့လှူဒါန်းတဲ့ ကျပ် ၇ဒဿမ၇ ဘီလီယံကို အမှန်တကယ် အကူအညီလိုအပ်နေသူတွေထံ လက်ဝယ်အရောက်ထောက်ပံ့ခဲ့တာလို့ ဖော်ပြခဲ့တာပါ။ 

အဲဒီလို ထောက်ပံ့ရာမှာ နေရပ်စွန့်ခွာ ထွက်ပြေးတိမ်းရှောင်သူ/စစ်ဘေးရှောင်ပြည်သူ အတွက် ငွေကျပ် (၅,၀၇၃) သန်း ၊ ပြည်သူများအတွက် စားနပ်ရိက္ခာ ကြိုတင်စီစဉ်မှု ငွေကျပ် (၃၀) သန်း ၊ CDM ဝန်ထမ်း များအတွက် အရေးပေါ် လူသားချင်းစာနာမှုအကူအညီအဖြစ် ငွေကျပ် (၈၀.၃) သန်း၊ နိုင်ငံရေး အကျဉ်းသားများနဲ့ ၎င်းတို့မိသားစုဝင်များအတွက် အရေးပေါ် လူသားချင်းစာနာမှုအကူအညီအဖြစ် ငွေကျပ် (၄၆) သန်း ၊ ထိတွေ့တိုက်ပွဲများမှာ ကျဆုံးခဲ့ရတဲ့ သူရဲကောင်းပြည်သူများနဲ့ ထိခိုက်ဒဏ်ရာရရှိသူများ အတွက် ငွေကျပ် (၄၄၅) သန်း ၊ သဘာဝဘေးအန္တရာယ် ထိခိုက်ခံစားရသူများအတွက် ငွေကျပ် (၁,၂၉၅) သန်း ၊ ထိခိုက်လွယ် ပြည်သူများနဲ့ ၎င်းတို့ရဲ့ မိသားစုများအတွက် ငွေကျပ် (၄.၅) သန်း နဲ့ အထွေထွေ လူသားချင်းစာနာမှုအကူအညီအဖြစ် ငွေကျပ် (၆၉၁) သန်း ကို ကဏ္ဍအလိုက် ၊ ဒေသအလိုက် ပံ့ပိုးပေးနိုင်ခဲ့ တာလို့ အသိပေးထုတ်ပြန်ခဲ့တာပါ။ 

ဝန်ကြီးဌာနအနေနဲ့ တော်လှန်ရေးကာလ (၄) နှစ်တာကာလအတွင်း တော်လှန်ရေး အလျင်အမြန်အောင်မြင် နိုင်ရေးကို ရှေးရှုပြီး ဘက်ပေါင်းစုံ အကြပ်အတည်းများကြားမှ ကြံ့ကြံ့ခံကာ စဥ်ဆက်မပြတ်ပါ ဝင်တော်လှန်နေကြတဲ့ ပြည်သူတစ်ဦးချင်းစီတိုင်းရဲ့ လုပ်ဆောင်ချက်များ၊ ထားရှိတဲ့စိတ်ဓါတ်များကို လေးစားဂုဏ်ယူလျက်ရှိတယ်ဆိုတာနဲ့ စစ်အာဏာရှင် စနစ်ကို အပြီးတိုင်ချေမှုန်းရာမှာ ညီညီညွတ်ညွတ် လက်တွဲဆောင်ရွက် စေ‌လိုကြောင်းလည်း တိုက်တွန်းထားပါတယ်။

 

 

========================

 

📌📌 2. မတူပီပြန်လည်တည်ဆောက်ရေးအတွက် ပြန်လည်ပူးပေါင်းပါဝင်ရန် လှုံ့ဆော်

 

The Matupi Times ဇန်နဝါရီ ၈ ရက်။

၂၀၂၅ ခုနှစ်၊ ဇန်နဝါရီလ (၈) ရက် တွင် ချင်းပြည်ကာကွယ်ရေး-တပ်မဟာ (၁)က CDF- မတူပီ တစ်စုတစ်ဝေးတည်းဖြစ်စေအတွက် ဆန္ဒရှိသော တပ်ရင်းတပ်ဖွဲ့များကို မိမိတို့က အမြဲတမ်းကြိုဆိုလျက်ရှိကြောင်း သတင်းထုတ်ပြန်လာပါသည်။ လက်ရှိတွင် ၂၀၂၄ခုနှစ်၊ နိုဝင်ဘာလနှင့်  ဒီဇင်ဘာလအတွင်းဆန္ဒရှိသောတပ်မဟာ(၂)မှ တပ်မှူး ၂ဉီးနှင့် ရဲဘော် ၆-ဦး စုစုပေါင်း ၈-ဉီး တို့ကို တပ်မဟာ၏ မူဝါဒစည်းမျဉ်းနှင့်အညီ ကြိုဆိုလက်ခံခဲ့ကြောင်း သိရသည်။ လက်ရှိတွင် မတူပီပြန်လည်ထူထောင်ရေးလုပ်ငန်းများကို အားကြိုးမာန်တက် လုပ်ကိုင်ဆောင်ရွတ်လျက်ရှိပြီး ပူးပေါင်းဆောင်ရွတ်လိုသော ရဲဘော်များအနေဖြင့် ၂၀၂၅ခုနှစ်၊ မတ်လ (၃၁) ရက်နေ့တွင် နောက်ဆုံးထားပြီး ပူးပေါင်းဆောင်ရွတ်ကြရန် အသိပေးလာသည်။

၂၀၂၅ခုနှစ်၊ ဇန်နဝါရီ ၉ ရက်နေ့တွင်ပထမအကြိမ် အခြေခံကွန်ပြူတာသင်တန်းဆင်းပွဲကို ကျင်းပပြုလုပ်ခဲ့ပြီး သင်တန်းသူ စစ်မေ ၁၅ ဦး သင်တန်းပြီးစီးခဲ့ကြောင်း သိရသည်။ ချင်းပြည်ကာကွယ်ရေးတပ်မဟာ (၁) အနေဖြင့် "အရည်အသွေး ပြည့်ဝသော တပ်ဖွဲ့ တည်ဆောက်ရေး" စီမံချက်ဖြင့်မြေပုံသင်တန်းများ၊ ဆေးသင်တန်းမျာ၊ ကွန်ပြူတာ သင်တန်းများ နှင့် ရုံးပိုင်းဆိုင်ရာ စီမံခန့်ခွဲရေး သင်တန်းများ ပြုလုပ်ခဲ့ ပြီဖြစ်ကြောင်းသိရသည်။

 

========================

 

📌📌 3. USA ,ကယ်ရီဖိုးနီးယားပြည်နယ်၊ လော့စ်အိန်ဂျလိစ် တောမီးကြောင့်  ပျက်စီးဆုံးရှုံးမှုဒေါ်လာ ၁၅၀ ဘီလျံခန့်ရှိ

 

The Matupi Times  ဇန်နဝါရီ ၁၂ ရက်။

အမေရိကန်နိုင်ငံ လော့စ်အိန်ဂျလိစ်မြို့တွင် ဇန်နဝါရီ ၇ ရက်ကစပြီး တောမီးများလောင်ကျွမ်းနေမှု(၅)ရက်အတွင်း လူ ၁၆ ဦးသေဆုံးပြီး အဆောက်အအုံပေါင်း ၁၀၀၀၀ ခန့်ပျက်စီးကာ လူ ၁၈၀၀၀၀ ခန့်ဘေးလွတ်ရာရွှေ့ပြောင်းခဲ့ရပြီး ပျက်စီးဆုံးရှုံးမှုတန်ဖိုး ဒေါ်လာ ၁၅၀ ဘီလျံအထိရှိလာနိုင်ကြောင်း သိရသည်။အမေရိကန်၏ ဒုတိယလူဦးရေအသိပ်သည်းဆုံးမြို့ဖြစ်သည့် လော့စ်အိန်ဂျလိစ်၏ နေရာငါးနေရာ၌ တောမီးများလောင်ကျွမ်းနေခြင်းဖြစ်သည်။

အကြီးမားဆုံးတောမီးမှာ လော့စ်အိန်ဂျလိစ်မြို့၏ Pacific Palisades ရပ်ကွက်တွင်လောင်ကျွမ်းနေသည့် တောမီးဖြစ်ပြီး ထိုရပ်ကွက်ရှိ သန်းကြွယ်သူဌေးများနှင့် ထင်ရှားကျော်ကြားသူများ၏ နေအိမ်များ ပျက်စီးခဲ့သည်။တောမီးလောင်ကျွမ်းမှုများကြောင့် ဧက ၃၇၀၀၀ သို့မဟုတ် ၁၅၀ စတုရန်း ကီလိုမီတာ ပျက်စီးဆုံးရှုံးခဲ့သည်။

လက်ရှိအချိန်အထိ သေဆုံးသူ ၁၆ ဦး၊ မီးလောင်ပျက်စီးခဲ့သည့်နေအိမ်ပေါင်း ၁၀၀၀၀၊ ဘေးလွတ်ရာရွှေ့ပြောင်းရသူ ၁၈၀၀၀၀ ရှိခဲ့ကြောင်း တာဝန်ရှိသူများက ပြောကြားခဲ့သည်။

 

ထို့ပြင်တောမီးလောင်ကျွမ်းမှုဖြစ်ပွားချိန်ကစပြီး ပိုင်ရှင်များစွန့်ခွာ ထွက်ပြေးသွားသည့် နေအိမ်များအတွင်းဝင်ရောက်ကာ အတွင်းပစ္စည်းများကို ခိုးယူခြင်း၊ နေအိမ်ဖောက်ထွင်းမှုများပြုလုပ်ခြင်း အစရှိသည့် ဖောက်ထွင်းမှု၊ ခိုးယူမှုတို့ဖြင့် လူ ၂၀ ထက်မနည်းကို ဖမ်းဆီးထားကြောင်း ရဲတပ်ဖွဲ့ကပြောကြားခဲ့သည်။

တောမီးများသည် တန်ဖိုးကြီး နေအိမ်များကို လောင်ကျွမ်းသွားခဲ့ခြင်းဖြစ်သဖြင့် ပျက်စီးဆုံးရှုံးမှုတန်ဖိုးသည် ဒေါ်လာ ၁၃၅ ဘီလျံမှ သန်း ၁၅၀ ဘီလျံအကြားရှိနိုင်ကြောင်း AccuWeather ကုမ္ပဏီက ခန့်မှန်းခဲ့ပြီး ပျက်စီးဆုံးရှုံးမှုတန်ဖိုးသည် ထိုပမာဏထက်လည်း ပိုများလာဖွယ်ရှိကြောင်း ပြောကြားခဲ့သည်။

 

========================

 

📌📌 4. ထိုင်းမှာ ကွန်ဒိုဝယ်ယူမှု မြန်မာက ဒုတိယအများဆုံးဖြစ်

 

The Matupi Times ဇန်နဝါရီ ၁၀ ရက်။

■ ၂၀၂၄ ခုနှစ် ပထမကိုးလအတွင်း ထိုင်းနိုင်ငံက ကွန်ဒိုတိုက်ခန်း ဝယ်ယူမှုမှာ တရုတ်နိုင်ငံက အများဆုံးဖြစ်ပြီး မြန်မာနိုင်ငံက ဒုတိယအများဆုံး ဖြစ်တယ်လို့ ဘန်ကောက်ပို့စ်က ဇန်နဝါရီ ၁၀ ရက်နေ့မှာ ဖော်ပြပါတယ်။၂၀၂၄ ခုနှစ် ပထမကိုးလမှာ မြန်မာနိုင်ငံက ဘတ် ၅ ဒသမ ၄၆ ဘီလီယံ တန်ဖိုးရှိတဲ့ ကွန်ဒို ၁၀၅၀ လုံး ဝယ်ယူခဲ့ပြီး ၂၀၂၃ ခုနှစ် ပထမကိုးလမှာတော့ ဘတ် ၂ ဒသမ ၂၅ တန်ဖိုးရှိတဲ့ ကွန်ဒို ၃၄၇ လုံးထက်မနည်း ဝယ်ယူမှုရှိခဲ့တယ်လို့ ဖော်ပြပါတယ်။

၂၀၂၃ ခုနှစ် တစ်နှစ်လုံးမှာတော့ မြန်မာနိုင်ငံက ကွန်ဒိုဝယ်ယူသူတွေကို ဘတ် ၃ ဒသမ ၇ ဘီလီယံ တန်ဖိုးရှိတဲ့ ကွန်ဒို ၅၆၄ လုံး ရောင်းချခဲ့ရပြီး ၂၀၂၂ ခုနှစ်မှာ ဘတ် ၂ ဒသမ ၅၅ ဘီလီယံတန်ဖိုးရှိ ကွန်ဒို ၃၄၉ လုံးရောင်းချခဲ့ရတာကြောင့် ဝယ်လိုအား သိသိသာသာ မြင့်တက်လာတယ်လို့ ဆိုပါတယ်။နိုင်ငံခြားသားတွေ ကွန်ဒိုတိုက်ခန်းဝယ်ယူမှု အများဆုံးနေရာကတော့ ဘန်ကောက်ဖြစ်ပြီး ဒုတိယအများဆုံးကတော့ ချွန်ဘူရီဖြစ်တယ်လို့ ဆိုပါတယ်။

 

မြန်မာနိုင်ငံမှာ စစ်တပ်အာဏာသိမ်းပြီနောက် နိုင်ငံအနှံ့ တိုက်ပွဲတွေ ဖြစ်ပွားနေသလို မြန်မာနိုင်ငံသားတွေဟာလည်း အိမ်နီးချင်း ထိုင်းနိုင်ငံကို တရားဝင်နဲ့ တရားမဝင် နည်းနဲ့ပါ ထွက်ခွာနေကြတယ်လို့ ထိုင်းနိုင်ငံအခြေစိုက် အရပ်ဘက်အဖွဲ့အစည်းတွေက ပြောပါတယ်။

#RadioNUGLocalNews

#SpringRevolution