04 Aug 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ သြဂုတ်လ ( ၄ ) ရက်နေ့ ရပြည်တွင်းသတင်းများ

📌📌 1. နယူးဒေလီမြို့ရှိ UNHCR ရုံးရှေ့ တွင် မြန်မာဒုက္ခသည်များ ဆက်လက်ဆန္ဒထုတ်ဖော်

 

The Matupi Times ၊ ဇူလိုင်လ ၂၉ ၊ ၂၀၂၅ 

 

အိန္ဒိယနိုင်ငံ၊ နယူးဒေလီမြို့ရှိ ကုလသမဂ္ဂ ဒုက္ခသည်များဆိုင်ရာ မဟာမင်းကြီး ( UNHCR – India ) ရုံးရှေ့မှာ ဒုက္ခသည်အခွင့်အရေးပေးဖို့ မြန်မာဒုက္ခသည်တွေ ၂၀၂၅ ခုနှစ် ၊ ဩဂုတ်လ ၁ ရက်နေ့မှာလည်း ဆက်လက် ဆန္ဒထုတ်ဖော်ခဲ့ကြပါတယ်။ 

 

င်းဒုက္ခသည်ကော်မတီ(CRC) ၏ ဦးဆောင်မှုဖြင့် ပြီးခဲ့တဲ့ ဇူလိုင်လ ၇ ရက်နေ့ကစပြီး နယူးဒေသလီ UNHCR ရုံးရှေိ့မှာ ဒုက္ခသည်အခွင့်အရေးများ ရရှိရန် စတင်ဆန္ဒဖော်ခဲ့ကြတာဖြစ်ပါတယ်။

 

ပြီးခဲ့တဲ့ ဆန္ဒထုတ်ဖော်တဲ့ ၁၇ ရက်မြောက်နေ့ ဇူလိုင် ၂၉ ရက် မနက်မှာ ဆန္ဒပြပွဲမဖြစ်မြောက်ဖို့အတွက် UNHCR ဘက်က ရဲတွေကို ခြိမ်းခြောက်ဖို့ရန် စေလွှတ်ခဲ့ပေမယ့် ရဲအရာရှိတွေဘက်က ဖမ်းဆီးအရေးယူဖို့ Case ရှာမတွေ့လို့ အရေးယူနိုင်ခြင်းမျိုးမရှိခဲ့ဘူးလို့ Chin Refugee Committee – New Delhi (CRC-New Delhi )က ဇူလိုင်လ ၂၉ ရက်နေ့မှာ ထုတ်ပြန်ခဲ့ပါတယ်။

 

ဆန္ဒပြတောင်းဆိုနေတဲ့ ပြည်သူတွေအနေနဲ့လည်း အားမလျော့ဘဲ လူအင်အား များသထက်များနိုင်ရန် အင်မတန်အရေးကြီးတဲ့ကြောင်းနှင့် အိန္ဒိယနိုင်ငံဟာ ဒီမိုကရေစီ နိုင်ငံဖြစ်သည့်အတိုင်း ပြည်သူဆန္ဒကို အလေးထားတဲ့ နိုင်ငံဖြစ်တဲ့အတွက် ပြည်သူတွေအနေနဲ့ စိုးရိမ်စရာမရှိကြောင်းနဲ့ ပြည်သူများအားလုံး တောင်းခံမှုတွေ မရမချင်းအားလုံး ဆက်လက် ကြိုးစားကြဖို့ကိုလည်း CRC – New Delhi က တိုက်တွန်းထားပါတယ်။

 

========================

 

📌📌 ၂/ဆိုင်းဟာခရိုင်မှာ ဖမ်းဆီးခံခဲ့ရတဲ့ MDF ဒု-ဥက္ကဌနဲ့လူငယ် (၂)ဦး ပြန်လွတ်လာ

 

The Matupi Times ၊ ဇူလိုင်လ ၃၀ ၊ ၂၀၂၅ ။

အိန္ဒိယနိုင်ငံ၊ မီဇိုရမ်ပြည်နယ်၊ ဆိုင်ဟားခရိုင်၊Tipa ကျေးရွာမှာ ဖမ်းဆီးခံခဲ့ရတဲ့ MDF ဒုတိယဥက္ကဌ NB Sila ဟာ မနေ့ ၂၉ ရက်နေ့မှာ ပြန်လည်လွတ်မြောက်လာပြီလို့သိရပါတယ္။ MDF ဒု-ဥက္ကဌ NB Sila နဲ့အတူဖမ်းဆီးခံခဲ့ရတဲ့သူ(၂)ဦးတို့ဟာ မနေ့က အာမခံနဲ့ပြန်လွတ်လာပြီလို့ သိရပါတယ္။

"ဟုတ်တယ် မနေ့ကပြန်လွတ်လာပြီ ။ (MDF-ဒုဉက္ကဌ)သူကစစ်သုံးဆောင်ပစ္စည်းတွေသယ်လာတဲ့ ကားပေါ်လိုက်လာလို့ သူကအဖမ်းခံခဲ့ရတာပါ ။ သူနဲ့အတူအဖမ်းခံရတဲ့သူတွေတွေလည်း အာမခံနဲ့ပြန်လွတ်လာပါပြီ။ "လို့ MDF တာဝန်ရှိသူတစ်ဦးက The Matupi Times ကိုပြောပါတယ္။ 

(MDF)ဒု-ဥက္ကဌဟာ စစ်သုံးဆောင်ပစ္စည်းတွေဖြစ်တဲ့ ကျည်ကာအင်္ကျီ၊ ကျည်ကာဦးထုပ်တွေ တင်ဆောင်လာတဲ့ကားပေါ်လိုက်ပါလာလို့ဖမ်းဆီးခံခဲ့ရတာဖြစ်ပါတယ်။ သူနဲ့အတူမီဇိုဒေသခံလူငယ်(၂)ဦးကို စစ်အသုံးဆောင်ပစ္စည်းတွေနဲ့အတူ ပြီးခဲ့တဲ့ဇူလိုင်လ ၁၇ ရက်နေ့မှာ မီဇိုရမ်ပြည်နယ်ရဲတပ်ဖွဲ့နှင့် အာသံရိုင်ဖယ်တပ်ဖွဲ့တို့ပူးပေါင်းပြီး ဖမ်းဆီးခဲ့တာဖြစ်ပါတယ္။ 

 

========================

 

📌📌 ၃/ NUG ထိန်းချုပ်နယ်မြေများသို့ NUG ယာယီသမ္မတနဲ့ဝန်ကြီးတချို့သွားရောက်ပြီး တော်လှန်ရေးရဲဘော်များ၊ပြည်သူများနဲ့တွေ့ဆုံ

 

The Matupi Times ၊ ဇူလိုင် ၃၀ ၊ ၂၀၂၅ ။

အမျိုးသားညီညွတ်ရေးအစိုးရ၊ နိုင်ငံတော် ယာယီသမ္မတ ဒူဝါလရှီးလ ဦးဆောင်သည့် အမျိုးသား ညီညွတ်ရေးအစိုးရ တာဝန်ရှိသူများသည် NUG ထိန်းချုပ်နယ်မြေများသို့ သွားရောက်၍ ဒေသခံ ပြည်သူလူထုအပါအဝင် တော်လှန်ရေးရဲဘော်များနှင့် တွေ့ဆုံခဲ့တယ္လို့ သိရပါတယ္။

 

အဆိုပါခရီးစဉ်သည် အမျိုးသားညီညွတ်ရေးအစိုးရ ထိန်းချုပ်နယ်မြေများ၏ လုံခြုံရေး၊ အုပ်ချုပ်ရေး၊ အခွန်ကောက်ခံရေး ယန္တရားများနှင့် အနီးကပ်ထိတွေ့၍ တော်လှန်ရေး အောင်မြင်နိုင်ရေးအတွက် အထောက်အကူပြုနိုင်ရန်၊ မြေပြင်၌ ဦးဆောင်နေသည့် တာဝန်ခံများ၊ တော်လှန်ရေး ရဲဘော်ရဲဘက်များ နှင့် ထိတွေ့၍ ယုံကြည်မှု၊ ခေါင်းဆောင်မှု၊ စနစ်ကျသည့် စီမံခန့်ခွဲမှုများ တည်ဆောက်သွားနိုင်ရန် ရည်ရွယ်ချက်ဖြင့် သွားရောက်ခဲ့ခြင်းဖြစ်တယ်လိူ့ဆိုပါတယ္။

ထို့အပြင် ထိန်းချုပ်နယ်မြေအတွင်း၌ ဖြစ်ပေါ်နေသည့် စိန်ခေါ်မှုများ၊ အခက်အခဲ ပြဿနာများကို သိရှိပြီး အဖြေ ရှာနိုင်ရန်၊ မြေပြင်၌ တော်လှန်ရေးတာဝန် ထမ်းဆောင်နေကြသည့် တော်လှန်ရေး ရဲဘော်ရဲဘက်များနှင့် တွေ့ဆုံ၍ တော်လှန်ရေးခွန်အားနှင့် တော်လှန်စိတ် စွမ်းရည်ကို မြှင့်တင်ပေးနိုင် ရန်နှင့် NUG ယာယီသမ္မတအပါအဝင် အမျိုးသားညီညွတ်ရေး အစိုးရ တာဝန်ရှိသူများသည် မြေပြင် ပြည်သူလူထုနှင့် တသားတည်းရှိနေသည်ကို ပြည်သူလူထုထံ သတင်းစကားပါး၍ တော်လှန်ရေး စိတ်ခွန်အား ပိုမိုမြှင့်တင်နိုင်စေရန်လည်း ရည်ရွယ်တယ်လို့ဖော်ပြပါတယ္။ 

ထိန်းချုပ်နယ်မြေများသို့ သွားရောက်ခဲ့သည့် ခရီးစဉ်အတွင်း ဒေသခံလူထုအပါအဝင် မြို့နယ်/ခရိုင် အလိုက် ပြည်သူ့အုပ်ချုပ်ရေး တာဝန်ခံများ၊ မြို့နယ်/ခရိုင်အလိုက် ပြည်သူ့ကာကွယ်ရေးအဖွဲ့ တာဝန်ခံများ၊ ခရိုင်အလိုက် ပြည်သူ့ ကာကွယ်ရေးတပ်မတော် တပ်ရင်းမှူးများ၊ စစ်ဒေသရုံးမှ စစ်ဒေသမှူးနှင့် ရုံးအဖွဲ့များ၊ မြို့နေ ရပ်မိရပ်ဖိများ၊ သံဃာတော်များနှင့် တွေ့ဆုံခဲ့တယ်လို့သိရပါတယ္။

အမျိုးသားညီညွတ်ရေးအစိုးရ၊ နိုင်ငံတော် ယာယီသမ္မတ ဒူဝါလရှီးလသည် ခရီးစဉ်အတွင်း စစ်ဘေး ရှောင် ပြည်သူလူထုနှင့် တွေ့ဆုံ၍ ပြည်သူလူထု ကြုံတွေ့ခံစားနေရသည့် အခက်အခဲများကို အလေး အနက်ထား နားထောင်ခဲ့ပြီး စိတ်ဓာတ်ခွန်အား ဝေမျှခြင်းနှင့် စစ်ဘေးရှောင် ပြည်သူလူထုအတွက် ကူညီလှူဒါန်းမှုများ လုပ်ဆောင်ခဲ့တယ်လုိ့သိရပါတယ္။

ခရီးစဥ်တွင် နိုင်ငံတော် ယာယီသမ္မတနှင့်အတူ ကာကွယ်ရေးဝန်ကြီး ဦးရည်မွန်၊ ပညာရေးနှင့် ကျန်းမာ ရေးဝန်ကြီး ဒေါက်တာဇော်ဝေစိုးတို့နှင့်အခြားဝန်ကြီးဌာနမှအဖွဲ့ဝင်တချို့ လိုက်ပါခဲ့ပြီး ခရီးစဥ်တလျှောက် အစိုးရအဖွဲ့ဝင်များနှင့်အတူ အမှတ် (၁) စစ်ဒေသမှူးလည်း ပါဝင်ခဲ့ပြီး အစိုးရ တာဝန် ရှိသူများ၏ လုံခြုံရေးကို အမှတ် (၁) စစ်ဒေသမှ အထူး တာဝန်ယူ ကြီးကြပ်ဆောင်ရွက်ပေးခဲ့တယ်လိုိ့သရပါတယ္။

 

========================

 

📌📌 ၄/ ချင်းပြည်နယ်မြို့နယ်(၇)ခုကို စစ်ကောင်စီ အရေးပေါ်အခြေနေကြေငြာ ၊ ကာ/လုံအကြံပေးအဖွဲ့ဝင်နှင့် ချင်းပြည်ဝန်ကြီးဖြစ် ဒေါက်တာမှုထန် နှင့် ဒေါက်တာဝုန်ဆွန်းထန်တို့ ဆက်လက်ပါဝင်

 

The Matupi Times ၊ ဇူလိုင် ၃၁ ၊ ၂၀၂၅ 

ချင်းတော်လှန်ရေးအဖွဲ့တွေသိမ်းပိုက်ထိန်းချုပ်ထားတဲ့ မြို့နယ်(၇)ခုအပါအဝင် တိုင်းဒေသကြီးနှင့် ပြည်နယ်(၉)ခုရှိ မြို့နယ်ပေါင်း ၆၃ မြို့နယ်အား စစ်ကောင်စီက အရေးပေါ်အခြေအနေကြေငြာလိုက်ပါတယ္။

အာဏာသိမ်းခေါင်းဆောင် မင်းအောင်လှိုင်ဟာ ဒီနေ့အစည်းအဝေးမှာ စစ်ကောင်စီကိုဖျက်သိမ်းကာ နိုင်ငံတော်လုံခြုံရေးနဲ့ အေးချမ်းသာယာရေးကော်မရှင်ဖွဲ့စည်းပြီးနောက်မှာ ကြေငြာချက်တွေ ဆက်တိုက်ထုတ်ပြန်လာတာဖြစ်ပါတယ္။

အရေးပေါ်အခြေအနေကြေငြာလိုက်တဲ့အထဲမှာ ချင်းတော်လှန်ရေးအဖွဲ့တွေသိမ်းပိုက်ထိန်းချုပ်ထားတဲ့ ကန်ပက်လက်၊ပလက်ဝ၊တွန်းဇံ၊မင်းတပ်၊မတူပီ၊ဖလမ်း မြို့နယ်နှင့် ထန်တလန်မြို့နယ် တို့ပါဝင်ပါတယ်။

လက်နက်ကိုင်အကြမ်းဖက်သောင်းကျန်းမှုများချုပ်ငြိမ်းစေရန်နှင့် နယ်မြေဒေသ တည်ငြိမ် အေးချမ်းရေး၊ တရားဥပဒေစိုးမိုးရေးတို့ကို ထိရောက်စွာဆောင်ရွက်နိုင်ရန်အတွက် မြန်မာနိုင်ငံတော်ဖွဲ့စည်းပုံအခြေခံဉပဒေအရ အရေးပေါ်အခြေအနေကြေညာလိုက်တာလို့ဆိုပါတယ္။

သက်ဆိုင်ရာတိုင်းမှူးများသည် အချိန်နဲ့တပြေးညီ အခြေအနေအရပ်ရပ်ပေါ်မူတည်၍ မိမိကိုယ်တိုင်သော်၎င်း ၊ စစ်နယ်မြေမှူးများကိုတာဝန်လွှဲအ၎င်း စစ်အုပ်ချုပ်ရေးအာဏာကိုကျင့်သုံးနိုင်တယ္လို့ဆိုပါတယ္။ 

အခုအမိန့်ဟာ ရက်ပေါင်း(၉၀)ထိ အတည်ဖြစ်တယ်လို့လည်း ထုတ်ပြန်ချက်မှာဖော်ပြပါတယ္။

ဒါ့အပြင် အမျိုးသားကာကွယ်ရေးနှင့်လုံခြုံရေးကောင်စီဗဟိုအကြံပေးအဖွဲ့နဲ့ ချင်းပြည်နယ်အစိုးရအဖွဲ့ကိုလည်းဖွဲ့စည်းကြောင်းထုတ်ပြန်ခဲ့ပြီး အမျိုးသား(ကာ/လုံ)ဗဟိုအကြံပေးအဖွဲ့ဝင်အဖြစ် ဒေါက်တာမှုထန် နှင့် ချင်းပြည်အစိုးရဝန်ကြီးချုပ်အဖြစ် ဒေါက်တာဝုန်ဆွန်းထန်တို့ ဆက်လက်ပါဝင်လာပါတယ္။ 

တိုင်းဒေသကြီး သို့မဟုတ် ပြည်နယ်အစိုးရအဖွဲ့များအားမြန်မာနိုင်ငံတော်ဖွဲ့စည်းပုံအခြေခံဉပဒေအရ ဖွဲ့စည်းတာဝန်ပေးအပ်လိုက်တယ်လို့ဆိုပါတယ္။

 

========================

 

📌📌 ၅/ CDF-Matupi တွင်တာဝန်ထမ်းဆောင်ရန် သင်တန်းသားသစ် စတင်ခေါ်ယူ

 

The Matupi Times ၊ ဩဂုတ်လ ၂ ၊ ၂၀၂၅ 

ချင်းကာကွယ်ရေးတပ်ဖွဲ့-မတူပီ CDF-MATUPI တွင် တာဝန်ထမ်းဆောင်ရန်အတွက် သင်တန်းသားသစ်များစတင်ခေါ်ယူနေကြောင်း သိရသည်။

၂၀၂၅ ခုနှစ်အတွက် အခြေခံ စစ်ပညာသင်တန်း (အပတ်စဉ်-၂/၂၀၂၅) ကိုဖွင့်လှစ်မည်ဖြစ်ပါ၍ MRO/CDF-MATUPI တွင် တာဝန်ထမ်းဆောင်ရန် မျိုးချစ်လူငယ် သင်တန်းသား အသစ်များအား စတင်ခေါ်ယူနေပြီး မြန်မာနိုင်ငံစစ်အာဏာရှင် အမြစ်ပြတ်ချေမှုန်းရေးနှင့် ဖက်ဒရယ်ပြည်ထောင်စု တည်ဆောက်ရေးအတွက် ပါဝင်လိုသည့် လူငယ် (ကျား/မ) မရွေး လာရောက် လျှောက်ထားနိုင်တယ်လို့ ဆိုပါတယ္။

သင်တန်းတက်ရောက်လိုသူများအနေဖြင့် အသက် ၁၈ နှစ်မှ ၃၅ နှစ်အတွင်းဖြစ်ရမည် ဖြစ်ပြီး ကိုယ်လက် အင်္ဂါပြည့်စုံသူ ၊ ကျန်းမာရေး ကောင်းမွန်သူ ၊ တပ်စည်းကမ်း လိုက်နာနိုင်သူဖြစ်ရမည်ဟု CDF-Matupi ၏ ဒီနေ့ထုတ်ပြန်ချက်တွင် ဖော်ပြထားသည်။

#RadioNUGLocalNews

#SpringRevolution