25 Aug 2025 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ သြဂုတ်လ ( ၂၅ ) ရက်နေ့ ရပြည်တွင်းသတင်းများ

📌📌 ၁/ ရွေးကောက်ပွဲအပိုင်း (၁)ကို ဟားခါးနဲ့တီးတိန်မြို့နယ်တွင် ပြုလုပ်မည်

 

The Matupi Times ၊ ဩဂုတ်လ၂၁ ၊ ၂၀၂၅ 

လာမယ့္ဒီဇင်ဘာလ ၂၈ ရက်မှာပြုလုပ်မယ့် အထွေထွေရွေးကောက်ပွဲကျင်းပပြုလုပ်မည်ဖြစ်ကြောင်း ကြောပြီး ရွေးကောက်ပွဲအပိုင်း(၁)ကို စစ်ကောင်စီထိန်းချုပ်ထားတဲ့ ဟားခါးနဲ့တီးတိန်မြို့နယ်မှာ ကျင်းပပြုလုပ်မည်ဖြစ်ကြောင်း စစ်ကော်မရှင်က သတင်းထုတ်ပြန်ပါတယ္။

 

၂၀၂၅ ခုနှစ် ရွေးကောက်ပွဲကို အပိုင်းလိုက်ကျင်းပသွားမှာဖြစ်ပြီး ချင်းပြည်နယ် မြို့နယ်(၉)ခုလုံးတွင်ကျင်းပသွားမယ်လို့ စစ်ကော်မရှင်ကကြေငြာထားပါတယ္။ 

 

ချင်းအမျိုးသားတပ်ဦး(CNF) တာဝန်ရှိသူ ဆလိုင်းထက်နီ က ရွေးကောက်ပွဲကို စစ်ကောင်စီထိန်းချုပ်ထားတဲ့ ဟားခါးနှင့် တီးတိန်မြို့ပေါ်များတွင် ပြုလုပ်နိုင်သော်လည်း ချင်းပြည်(၉)မြို့နယ်စလုံးကို ရွေးကောက်ပွဲပြုလုပ်ရန်ကြေညာထားခြင်းမှာ လက်တွေ့မဖြစ်နိုင်ဘူးပြောဆိုထားပါတယ္။

 

စစ်ကော်မရှင်ရဲ့ရွေးကောက်ပွဲဟာ ၎င်းတို့၏ အာဏာရှင်စနစ် ဆက်လက်တည်မြဲအောင် ကြိုးပမ်းခြင်းသာဖြစ်ပြီး ရွေးကောက်ပွဲ မကျင်းပနိုင်ရေး ပြည်သူလူထုနှင့်အတူ ရပ်တည်ကာ ဆက်လက် ပိတ်ပင်သွားမည်ဖြစ်ကြောင်း၊ ရွေးကောက်ပွဲတွင် ပါဝင်ယှဉ်ပြိုင်သူများကိုလည်း ပြင်းထန်စွာကန့်ကွက်ကြောင်း ၊ ကန့်ကွက်သည့်ကြားက ရွေးကောက်ပွဲတွင် ဆက်လက်ပါဝင်ယှဉ်ပြိုင်သူများကို PDF-Zoland အနေဖြင့် အရေးယူမှုများ လုပ်ဆောင်သွားမည်ဟု ဩဂုတ်လ ၁၉ ရက်နေ့က ထုတ်ပြန်သည်။ 

 

========================

 

📌📌 ၂/ MRO/CDF-Matupi က စစ်မှုမထမ်းမနေရ အမိန့်ထုတ်ပြန် ၊ စစ်မှုမထမ်းမနေရ အမိန့်ကြောင့် ဒေသခံလူငယ်တချို့ထွက်ပြေးတိမ်းရှောင်

 

The Matupi Times ၊ ဩဂုတ် ၁၉ ၊ ၂၀၂၅ 

မတူပီမြို့နယ်အတွင်း ချင်းကာကွယ်ရေးတပ်ဖွဲ့ - မတူပီ (MRO/ CDF-MATUPI) ထိန်းချုပ်နယ်မြေတွင် (အသက် ၁၆ မှ ၄၀ နှစ်ထိ)ပြည်သူအားလုံး တအိမ်တယောက် စစ်မှုမထမ်းမနေရ အမိန့်ထုတ်ပြန်ထားကြောင်းသိရသည်။

 

MRO/CDF-Matupi ၏စစ်မှုထမ်းရန် သတ်မှတ်ချက်တွင် CDM ပြုလုပ်သူများ၊ တော်လှန်ရေးကာလအတွင်း အသက်ပေးလှူခဲ့ကြသည့်ရဲဘော်မိသားစုနှင့် ဒဏ်ရာရရဲဘော် မိသားစုဝင်များ၊ ကျန်မာရေးမကောင်းမွန်သူများ မပါဝင်ကြောင်းသိရပါတယ္။ စစ်မှုမထမ်းမနေရအမိန့်ကို ဆိုရှယ်မီဒီယာများတွင် MRO/CDF-Matupi ကတရားဝင်ထုတ်ပြန် ထားခြင်းမရှိပါဘူး။

 

MRO/ CDF -မတူပီမှ ဩဂုတ်လ ၆ ရက်မှ လက်ရှိအချိန်အထိအိုင်ဒါပ်တိုက်နယ်တွင် စစ်မှုထမ််းအမိန့်အဖြင့် ကျောင်းသူ/သားများ၊ ကျောင်းဆရာ/ မများ၊ ဘာသာရေး အမှုဆောင်သူများနှင့် လူငယ်လူရွယ်များကို မိမိဆန္ဒမပါဘဲ အတင်းအဓမ္မဖမ်းဆီးခဲ့ကြောင်း၊ ထိုကဲ့သို့ အတင်းအဓမ္မ စစ်မှုထမ်း စေခိုင်းခြင်းကို လုံးဝ ကန့်ကွက်ပြီး စစ်မှုထမ်းရန် ဖမ်းဆီးထားသူများအား ၂၀၂၅၊ဩဂုတ်လ ၁၅ ရက်နောက်ဆုံးထားပြီးပြန်လွတ်ပေးရန် အိုင်ဒါပ်တိုက်နယ်အုပ်ချုပ်ရေးအဖွဲ့က ၂၀၂၅ ဩဂုတ်လ ၁၃ ရက်နေ့မှာ ထုတ်ပြန်တောင်းဆိုထားပါတယ္။

 

စစ်မှုမထမ်းမနေရအမိန့်ထုတ်ပြန်ပြီးနောက် MRO/CDF-Matupi ထိန်းချုပ်ဒေသရှိ ဒေသခံလူငယ် တချို့ အခြားကျေးရွာမြို့နယ်များသို့ထွက်ပြေးတိမ်းရှောင်သူများလည်းရှိကြောင်းသိရပါတယ္။

 

========================

 

📌📌 ၃/ မတူပီ၊ ခြန်းပြန်းကျေးရွာတွင် လက်နက်ကြီးကျည်ပေါက်ကွဲမှုကြောင့် ကလေး(၄)ဦးဒဏ်ရာရ ၊ (၂)ဦး ဒဏ်ရာပြင်းထန်

 

The Matupi Times ၊ ဩဂုတ် ၂၀ ၊ ၂၀၂၅ 

ချင်းပြည်နယ်တောင်ပိုင်း ၊ မတူပီမြို့နယ္ ၊ ခြန်းပြန်း(က)ကျေးရွာတွင် လက်နက်ကြီးပေါက်ကွဲမှုကြောင့် ရွာဒေသခံကလေး(၄)ဦး ဒဏ်ရာရရှိခဲ့ပြီး (၂)ဦးမှာ ဒဏ်ရာအပြင်းထန်တယ်လို့သိရပါတယ္။

ခြန်းပြန်း(က)ရွာစွန်ဘက်ရှိ နေအိမ်တလုံးအနီးတွင် အဆိုပါလက်နက်ကြီးကျည်ဟာ မပေါက်ကွဲဘဲကျန်ရှိနေခဲ့တာဖြစ်ပြီး ပြီးခဲ့တဲ့ ဩဂုတ်လ ၁၈ ရက်နေ့(တနင်္လာနေ့)၌ နေ့ခင်းပိုင်းတွင် ကလေးများဆော့ကစားနေစဉ် ပေါက်ကွဲခဲ့တာဖြစ်ကြောင်းသိရပါတယ္။ ဒဏ်ရာရရှိတဲ့ကလေးတွေဟာ (အသက် ၅ နှစ်မှ ၁၂ ဝန်းကျင်)ကလေးတွေဖြစ်တယ်လို့သိရပါတယ္။

"ကလေးတွေက နေ့ခင်းပိုင်းမှာ အဲ့အိမ်နားမှာဆော့နေကြတာလို့ပြောတယ်။ သူတို့ဆော့ရင်းနဲ့ ကလေးတယောက်က လက်နက်ကြီးကျည်မှန်းမသိဆော့မိကြတာ။ အခုဒဏ်ရာပြင်းထန်တဲ့တယောက်က ကျည်ကိုဆော့မိလို့ ပေါက်ကွဲပြီး ဘေးနားကအတူဆော့တဲ့ကလေး တွေပါထိကုန်တာ။ ဒဏ်ရာရတဲ့ကလေးတွေကို အခြားနီးစပ်ရာဆေးခန်းတွေကို ခေါသွားကြတယ်။ ဒဏ်ရာပြင်းထန်တဲ့(၂)ယောက်ထဲက (၁)ယောက်ကိုတော့ မီဇိုရမ်ဘက် ဆေးကုဖို့ခေါလာကြပြီ။ "လို့ ဒေသခံတစ်ဦးထံကသိရပါတယ္။

ပေါက်ကွဲမှုဖြစ်ပွားတဲ့နေရာဟာ ယခင်က ဒေသခံကာကွယ်ရေးတပ်ဖွဲ့ (CDF-Matupi)နေထိုင်ခဲ့တဲ့ နေရာဟောင်းဖြစ်တယ်လို့သိရပါတယ္။ အခုပေါက်ကွဲတဲ့ကျည်ဟာ (၆၀-မမ)လက်နက်ကြီးဖြစ်ကြောင်းသိရပြီး မည်သည့်အဖွဲ့အစည်းရဲ့ကျည်ဖြစ်တယ်ဆိုတာတော့ အတည်ပြုနိုင်ခြင်းမရှိဘူးလို့သိရပါတယ္။ 

 

========================

 

📌📌 ၄/ ဟားခါးမြို့တွင် စစ်ကောင်စီပစ်ခတ်မှုကြောင့် အမျိုးသားတစ်ဦး သေဆုံး

 

The Matupi Times ၊ ဩဂုတ် ၂၁ ၊ ၂၀၂၅ 

ချင်းပြည်နယ်၊ ဟားခါးမြို့ တွင် စစ်ကောင်စီ၏ ပစ်ခတ်မှုကြောင့် အမျိုးသားတစ်ဦးသေဆုံးသွားကြောင်း ဟားခါးဒေသခံသတင်းတွေထံကသိရပါတယ္။

ယမန်နေ့ ဩဂုတ်လ ၂၀ ရက်နေ့ နေ့လည်ပိုင်းတွင် ဟားခါးမြို့ပေါ် KBZ Bank အနီး စစ်ကောင်စီတပ်ဖွဲ့စစ်ဆေးရေးလုပ်နေတဲ့နေရာမှာ တားတာကို မရပ်ဘဲဆက်မောင်းသွားတာကြောင့်ပစ်ခတ်ခဲ့ရတာလို့ သိရပါတယ္။ ပစ်ခတ်ခံရပြီးနောက် ဆေးရုံကိုပို့ဆောင်ခဲ့ကြပေမယ့် ယမန်နေ့ညပိုင်းမှာ သေဆုံးသွားကြောင်းသိရပါတယ္။

သေဆုံးသွားသူဟာ ထန်တလန်မြို့နယ်ဒေသခံ (Pa Sang Khia ၊ အသက်-၃၀ နှစ်) ဖြစ်ကြောင်းသိရပြီး ပစ်ခတ်ခံရမှုကြောင့် ရင်ဘတ်နှင့်ခြေထောက်မှာဒဏ်ရာရရှိခဲ့ကာ ဒဏ်ရာဖြင့်မှောက်လဲစဉ်တွင် စစ်ကောင်စီတပ်ဖွဲ့ဝင်တွေက ရိုက်နှက်၊ ထုထောင်းတာတွေဆက်လုပ်သေးတယ်လို့ ဟားခါးဒေသခံသတင်း The Hakha Post ကဖော်ပြပါတယ္။ 

စကစ၏ပစ်ခတ်မှုကြောင့် (Pa Sang Khia)အနားမှာရှိတဲ့ ကျောင်းသူ နှစ်ဦးလည်း ခြေထောက်မှာဒဏ်ရာရရှိခဲ့ကြပြီးမစိုးရိမ်ရဘူးလို့သိရပါတယ္။

 

========================

 

📌📌 ၅/ မင်းတပ်မြို့သိမ်းတိုက်ပွဲမှ ထွက်ပြေးသွားသော စကစတပ်ဖွဲ့မြေမြုပ်ဝှက်ထားသည့် လက်နက်များတွေ့ရှိ၊ ဒေသခံများက တူးဖော်ပြီး CDF-Mindat ထံအပ်နှံ

 

The Matupi Times ၊ ဩဂုတ် ၂၄ ၊ ၂၀၂၅ ။

မင်းတပ်မြို့သိမ်းကာလအတွင်း ထွက်ပြေးသွားသည့် စစ်ကောင်စီတပ်ဖွဲ့ဝင်များ ဝှက်ထားသော လ၊က်နက်တွေကို တွေ့ရှိခဲ့ပြီး တာဝန်သိပြည်သူတွေက CDF-Mindat ထံပြန်လည်အပ်နှံလာကြောင်းသိရပါတယ္။

 

အကြမ်းဖက်စစ်ကောင်စီတပ်ဖွဲ့၀င်‌ေတွ မြေဖို့ဝှက်ထားခဲ့တဲ့ MA4 (၁)လက် ၊ MA 3 (၁) လက်၊MA1 (၁)လက် ၊ ၄၀မမ ဗုံးသီး(၅)လုံး နှင့် အခြားလက်နက်ဆက်စပ်ပစ္စည်းများအားထပ်မံတွေ့ရှိခဲ့တာဖြစ်ပြီး အပ်နှံလာသူများကိုလည်း ဆုကြေး‌ငွေများ ချီးမြှင့်ပေးအပ်ခဲ့တယ်လို့ CDF-Mindat က ဒီနေ့ ဩဂုတ် ၂၄ ရက်နေ့မှာ မှတ်တမ်းဓာတ်ပုံတွေနဲ့အတူ ထုတ်ပြန်ပါတယ္။ 

 

ပြီးခဲ့တဲ့ဩဂုတ်လ ၂၂ ရက်နေ့ကလည်း မင်းတပ်မြို့သိမ်းတိုက်ပွဲမှ ထွက်ပြေးတဲ့ စစ်ကောင်စီတပ်ဖွဲ့၀င်တွေ မြေဖို့ဝှက်ထားခဲ့တဲ့  MA 15(စက်လတ်) (၁)လက် ၊ RPG 7 (၁) လက်၊ MA4 (၁)လက် ၊ MA 3 (၁) လက်နက် နှင့် ဆက်စပ်ပစ္စည်းများအားဒေသခံတွေကတွေ့ရှိပြီး CDF-Mindat ထံသွားရောက်အပ်နှံခဲ့ကြပြီး အပ်နှံလာသူတွေကိုလည်း CDF-Mindat ကဆုငွေပေးအပ်ချီးမြင့်ခဲ့တယ္လို့သိရပါတယ်။

 

========================

 

📌📌 ၆/ ချင်းပြည်ကာကွယ်ရေးတပ်ဖွဲ့ (၅) ဖွဲ့စုပေါင်ပြီး ပထမအကြိမ် ပူးပေါင်းစစ်ရေးလေ့ကျင့်

 

The Matupi Times ၊ ဩဂုတ်လ ၂၂ ၊ ၂၀၂၅ 

ချင်းပြည်ကာကွယ္ရေးတပ်ဖွဲ့(၅)ဖွဲ့ပါဝင်သည့် (ZZLMS) မဟာမိတ်ညီနောင်များသည် ZZLMS နယ်‌မြေ တစ်နေရာတွင် ပထမအကြိမ် ပူးပေါင်းစစ်ရေးလေ့ကျင့်ခြင်းကို အောင်မြင်စွာ ပြုလုပ်ခဲ့ကြောင်း ဒီနေ့ဩဂုတ် ၂၂ ရက်နေ့မှာ ထုတ်ပြန်ပါတယ္။ 

(ZZLMS) မဟာမိတ်ညီနောင်တွင် CDF-Zotung, CDF-Zophei,CDF-Lautu,CDF-Mara နှင့် Senthang Revolution Force တို့ပါဝင်ပြီး ချင်းပြည်တောင်ပိုင်း၊ရေဇွာမြို့ကိုလည်း (ZZLMS-Operation) အမည်ဖြင့် ၂၀၂၃၊နိုဝင်ဘာလ(၂၆)ရက်နေ့့မှ ပူးပေါင်းထိုးစစ်ဆင်တိုက်ခိုက်ခဲ့ပြီး ၂၀၂၃ ခုနှစ် နိုဝင်ဘာ ၂၉ ရက်နေ့တွင်သိမ်းပိုက်နိုင်ခဲ့သည်။

ယနေ့ထုတ်ပြန်ချက်တွင် ZZLMS မဟာမိတ်ညီနောင်များအနေဖြင့် ZZLMS မဟာမိတ်ညီနောင် အချင်းချင်းကြား ပိုမိုသွေးစည်းညီညွတ်ရေး၊ ဘုံရန်သူကို အတူတကွ တွန်းလှန်ချေမှုန်းရေး၊ ZZLMS နယ်မြေတည်ငြိမ်အေးချမ်းရေး၊ ပြည်သူများ၏ အသက်အိုးအိမ်စည်းစိမ်များ ကာကွယ်စောင့်ရှောက်ရေးနှင့် ချင်းလဲန်းအတွင်း ပဋိပက္ခများချုပ်ငြိမ်းကာ စစ်အာဏာရှင်စနစ် အမြစ်ပြတ်သည် အထိ ပြည်သူများကို မျက်နှာမူ၍ ပြည်သူ့ဘက်တော်သား တော်လှန်ရေးအင်အားစုများနှင့်အတူ ဆက်လက် တိုက်ပွဲ၀င်နိုင်ရေးတို့အတွက် ဆက်လက်အားထုတ် ကြိုးပမ်းသွားမယ်လို့ ဆိုပါတယ္။

ဒါ့အပြင် ZZLMS ၏ ပူးပေါင်းစစ်ရေးလေ့ကျင့်နိုင်ရေးအတွက် အဘက်ဘက်မှ ပါ၀င်ကူညီပေးကြသော ပြည်တွင်းပြည်ပရှိ ပြည်သူများ၊ စုဖွဲ့လေ့ကျင့်မှုပြီးဆုံးသည်အထိ ပါဝင်ခဲ့ကြသည့် ZZLMS တပ်ဖွဲ့ဝင်များ၊ မဟာမိတ်ညီနောင်များ၏ ပူးပေါင်းစစ်ရေး လေ့ကျင့်မှုအား တာဝန်ယူဆောင်ရွက်ပေးကြသော တာဝန်ရှိပုဂ္ဂိုလ်များနှင့် အခြားကျေးဇူး တင်ထိုက်သူများ အားလုံးအပေါ် ZZLMS မှ အထူးကျေးဇူးတင်ရှိပါကြောင်း ထုတ်ပြန်ချက်တွင်ဖော်ပြထားသည်။

 

========================

 

📌📌 ၇/ ချင်းဖိုက်တာ Joshua Van အတွက် Chin Emmanuel Baptist Church ကဂုဏ်ပြုဆုတောင်းပွဲ ပြုလုပ်ပေး

 

The Matupi Times ၊ ဩဂုတ် ၂၄ ၊ ၂၀၂၅ 

UFC ချင်းဖိုက်တာ Joshua Van အတွက် Chin Emmanuel Baptist Church က Houston မြို့ရဲ့ Park 8 Event Center မှာ ဩဂုတ်လ ၂၃ ရက်နေ့ က ဂုဏ်ပြုဆုတောင်းပွဲ ပြုလုပ်ပေးခဲ့ပြီး တယ်လို့သိရပါတယ္။

ဒီဂုဏ်ပြုဆုတောင်းပွဲအခမ်းအနားကို Joshua Van ရဲ့အသင်းတော်ဖြစ်တဲ့ CEBC ကပြုလုပ်ပေးခဲ့တာဖြစ်ပြီး ပရိတ်သတ်ရာနဲ့ချီ တက်ရောက်ဂုဏ်ပြုပေးခဲ့ကြတာတွေ့ပါတယ္။ Joshua Van ရဲ့ နည်းပြအဖွဲ့ဝင်အားလုံးလည်းတက်ရောက်လာခဲ့ပြီးဂုဏ်ပြုလက်ဆောင်အနေဖြင့် ချင်းစောင် တစ်ထည်စီ ပေးအပ်ခဲ့ကြပါတယ်။

ချင်းဖိုက်တာ Joshua Van ဟာ လက်ရှိ UFC:Flyweight ကမ္ဘာ့အဆင့်သတ်မှတ်ချက်မှာ လက်ရှိချန်ပီယံပန်တိုဂျာရဲ့နောက် အဆင့်(၂)နေရာမှာ ရပ်တည်နေပါတယ္။ 

လာမယ့်ဒီဇင်ဘာလမှာ ချင်းဖို်က်တာ Joshua Van က လက်ရှိချန်ပီယံဘရာဇီးလ်ဖိုက်တာ ပန်တိုဂျာနဲ့ ခါးပတ်လု စိန်ခေါ်ပွဲ ယှဉ်ပြိုင်ထိုးသ-တ်သွားရမှာဖြစ်ပါတယ္။

#RadioNUGLocalNews

#SpringRevolution