13 Sep 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၁၃ ) ရက်နေ့နောက်ဆုံးရပြည်တွင်းသတင်းများ

📌📌 ၁။ ကန်ပက်လက်မှာ စစ်တပ်က ဗုံးကြဲလို့ အမျိုးသား ၁ ဦးထိခိုက်ဒဏ်ရာရ။

 

ချင်းပြည်(တောင်ပိုင်) ၊ကန်ပက်လက်မြို့‌နယ်  ခါပန်းကျေးရွာကို စစ်ကောင်စီတပ်က စက်တင်ဘာ ၁၀ ရက် ၊ ည ၁၂ နာရီ၀န်းကျင်မှာ ကြောင်းကနေဗုံးကြဲတိုက်ခိုက်မှု ပြုလုပ်ခဲ့လို့ဒေသခံ တစ်ဦး ထိခိုက်ဒဏ်ရာရတယ်လို့သိရပါတယ်။

အဆိုပါလေကြောင်းတိုက်ခိုက်မှုမှာ စစ်ကောင် စီက ဂျက်ဖိုက်တာနဲ့ သုံးကြိမ် ဗုံးကြဲတိုက်ခိုက်ခဲ့ တာလို့ သိရပြီး စာသင်ကျောင်းနှစ်လုံးထိခိုက် ပျက်စီး သွားတယ်လို့ ဆိုပါတယ်။

အဲဒါနဲ့ပတ်သက်လို့ CDF- Kampetlet တာ၀န်ရှိသူတစ်ဦးက " ခါပန်းရွာလို့ပြောတယ်။ အမျိုး သားတစ်ဦးထိခိုက်မှူအနည်းငယ်ရှိတယ်လို့သိရပါတယ်။ ဒဏ်ရာကတော့မစိုးရိမ်ရဘူး ။လက် မောင်းပွန်းပဲ့ဒဏ်ရာလို့ပြောတယ်ဗျ" လို့    Zalen ကိုပြောပါတယ်။

ဆက်လက်ပြီး သူက တိုက်နယ် အမှတ်  ၅ ရှိ၊ခါပန်းကျေးရွာကို ဂျက်ဖိုက်တာ နှစ်စီးနဲ့ ည ၁၂ နာရီ ၀န်းကျင်မှာလာရောက်ပစ် ခတ်ခဲ့တာလို့ ရှင်းပြပါတယ်။

ပြီးခဲ့တဲ့ ဩဂုတ် ၁၇ ရက်တုန်းကလည်း ကန်ပက်လက်မြို့ပေါ်ကို  လေကြောင်းတိုက်ခိုက်မှုကြောင့် လူထိခိုက်သေဆုံးမှုတော့ မရှိပေမယ့် နေအိမ်တွေ ပျက်စီးခဲ့ပါတယ်။

စစ်ကောင်စီကတော့ တော်လှန်ရေးတပ်ဖွဲ့တွေထိန်းချုပ်ထားတဲ့ မြို့နယ်တွေကို ပြီးခဲ့တဲ့ ဇူလိုင် လ ၃၁ ရက်နေ့က စစ်အုပ်ချုပ်ရေးပြန်လည်ကြေညာထားပြီးနောက်လေကြောင်းတိုက်ခိုက်မှုတွေဆက်တိုက်ပြန်လုပ်လာတာဖြစ်ပါတယ်။

 

========================

 

📌📌 ၂။ မင်းတပ်မြို့နယ်မှာ ရာသီတုတ်ကွေးအဖြစ်များနေလို့စာသင်ကျောင်းတွေပိတ်။

 

ချင်းပြည်နယ်တောင်ပိုင်း၊ မင်းတပ်မြို့နယ် အတွငိး ရာသီတုတ်ကွေး ကြောင့် ဖျားနာသူတွေ များပြားနေတာကြောင့် စာသင်ကျောင်းတွေကိုပါ ပိတ်နေရတယ်လို့ စုံစမ်းသိရှိရပါတယ်။

လက်ရှိအချိန်မှာ တိုက်နယ် အမှတ် ၃ နှင့် ၄ တွေဖက်မှာ ဖျားနှာတဲ့ကလေးလူငယ်တွေ၊ ကျောင်း သူ/သားတွေ အများအပြားရှိနေတာကြောင့်ကျောင်းတွေ ပိတ်နေ ရတာလို့ ဒေသခံ တွေထံက နေသိရပါတယ်။

တိုက်နယ်အမှတ် ၃ ၊လှေ့ကောင်းကျေးရွာမှာ စေတနာ့၀န်ထမ်း အဖြစ်နဲ့ ‌သင်ကြားရေးမှာပါ၀င်တဲ့ CDM ကျောင်းဆရာတစ်ဦးကတော့ အခုလိုပဲပြောပါတယ်။

"ကျွန်တော် တို့ဘက်မှာတော့ အထက်တန်း အထိဖွင့်ထားတယ်ဗျ။ အခုတော့ ကလေးတွေ ဖျားတာများလွန်းလို့ တိုက်နယ် ၃ မှာတော့ ကျောင်းတွေယာယီ ပိတ်ထားတယ်။ ကလေးတွေက အကုန်လုံးနီးပါးဖျားကြတာ"လို့ Zalen ကိုပြောပါတယ်။

ဆက်လက်ပြီး တိုက်နယ် အမှတ် ၄ ဘက်မှာလဲ ကလေးတွေ ဖျားနှာတာ များတာကြောင့် တစ်ချို့ကျောင်းတွေ ကိုပိတ်လိုက်ရတယ်လို့ ကြားတယ်ဆိုပြီး ထပ်ရှင်းပြပါတယ်။

ဆေးရုံ ၊ ဆေးခန်းတွေနဲ့ ဝေးတဲ့ ဒေသက လူတွေအတွက်တော့ အလွန် စိုးရိမ်စရာဖြစ်နေပြီး ဆေးဝါးကျွမ်းကျင်တဲ့ ၀န်ထမ်းတွေလည်း ကျေးရွာတိုင်းမှာရှိနေဖို့လိုအပ်တယ်လို့ ပြောပြပါတယ်။

ဒီလို ကလေးလူငယ်တွေဖျားတာနဲ့ပတ်သက်ပြီး လက်ရှိ ကျန်းမာရေးမှာ စေတနာ့၀န်ထမ်းအဖြစ် ပြန်လည်ပါ၀င်တဲ့ CDMတစ်ဦးကတော့ "အခုဖြစ်နေတာတွေက အဓိကတော့ ရာသီတုတ်ကွေးတွေ အဖြစ်များနေပါတယ်။ အဲဒီက‌နေအဖျားတွေကြီးပြီး တက်တာမျိုးတွေ ဖြစ်ကြတယ်"လို့ ဆိုပါတယ်။

ဒါအပြင် ဒီရာသီတုတ်ကွေးအပြင် ဦးဏှောက်အမြှေးပါးလေးတွေရောင်တဲ့ လက္ခဏာလေးတွေလည်းတွေ့ရတယ်လို့ ပြောပါတယ်။

ရာသီအကူးအပြောင်း မမှန်တဲ့အတွက် ကလေးတွေ ချွဲကြပ်၊ သလိပ်ကြပ်၊ ချောင်းဆိုး ၊လည် ချောင်းတွေနာ၊အသံ‌တွေ၀င်ပြီး အဆုတ် ရောင်တဲ့ရောဂါတွေပါ ဖြစ်နေတယ်လို့ ဆိုပါတယ်။

ပြီးခဲ့တဲ့ လ နဲ့ စက်တင်ဘာ လဆန်းပိုင်းတုန်းကလည်း ရို ၊ ပြုံး ကျေးရွာတွေမှာ အသက် ၁၄ နှစ် နဲ့ ၅ နှစ်အရွယ် နှစ်ဦး ဖျားတာကနေ ရုတ် တ ရက်သေဆုံးမှုတွေရှိခဲ့တယ်လို့ သိရပါတယ်။

 

========================

 

📌📌 ၃။ နိုင်ငံတော်အတိုင်ပင်ခံပုဂ္ဂိုလ် ကျန်းမာရေး စိုးရိမ်ပူပန်တယ်လို့ NUG ထုတ်ပြန်၊ ဖြစ်ပေါ်လာမယ့် အကျိုးဆက်အားလုံး စစ်အုပ်စုက အပြည့်အဝ တာဝန်ယူရမယ်လို့ဆို။

 

အာဏာသိမ်း စစ်အုပ်စုက ဖမ်းဆီးချုပ်နှောင်ထားတဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ရဲ့ ကျန်းမာရေးအခြေအနေ စိုးရမ်ပူပန်မိတယ်လို့ အမျိုးသားညီညွတ်ရေးအစိုးရ - NUG က စက်တင်ဘာ ၈ရက်က ထုတ်ပြန်ပါတယ်။

“အကြမ်းဖက်စစ်အုပ်စု၏ မတရားဖမ်းဆီးထိန်းသိမ်းခြင်းခံနေရသော နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် စိုးရိမ်ဖွယ်ရာ နှလုံးရောဂါအခြေအနေကို ခံစားနေရပြီး လုံလောက်သော ဆေးကုသမှုမရရှိကြောင်း သားဖြစ်သူ ကိုထိန်လင်း (ခ) ကင်မ်အဲရစ်က အသိပေးမှုကြောင့် သိရှိရသည့်အတွက် အမျိုးသားညီညွတ်ရေးအစိုးရအနေဖြင့် နက်ရှိုင်းစွာ စိုးရိမ်ပူပန်မိပါသည်။” လို့ ထုတ်ပြန်ချက်မှာ ဖော်ပြပါတယ်။

စစ်အုပ်စု ဖမ်းဆီးချုပ်နှောင်ထားတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နှလုံးပိုင်းဆိုင်ရာ အခြေအနေ ဆိုးရွားလာလို့ အသက်အန္တရာယ် စိုးရိမ်ရကြောင်း အရေးပေါ်ကြေညာချက်ကို ဒေါ်အောင်းဆန်စုကြည်ရဲ့ သားငယ်ဖြစ်သူ Kim Aris က စက်တင်ဘာ ၅ ရက်နေ့က ပြောဆိုခဲ့တာပါ။

နိုင်ငံတော် အတိုင်ပင်ခံပုဂ္ဂိုလ်အတွက် အထူးလိုအပ်လျက်နေတဲ့ ဆေးကုသခွင့်မပေးတာဟာ နိုင်ငံရေးအရ ရည်ရွယ်ချက်ရှိရှိ အသက်အန္တရာယ် ခြိမ်းခြောက်ခြင်းဖြစ်ပြီး ဖြစ်ပေါ်လာမယ့် အကျိုးဆက်အားလုံးကို စစ်အုပ်စုက အပြည့်အဝ တာဝန်ယူရမယ်လို့လည်း NUG က ဆိုပါတယ်။

ကုလသမဂ္ဂ၊ အာဆီယံ၊ အိမ်နီးချင်းနိုင်ငံတွေအနေနဲ့လည်း မြန်မာပြည်သူလူထု လိုလားတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသားအားလုံး အမြန်ဆုံးလွတ်မြောက်ရေးအတွက် စစ်အုပ်စုအပေါ် ထိရောက်တဲ့ ဖိအားပေးမှုတွေပေးကြဖို့ တိုက်တွန်းထားပါတယ်။ 

၂၀၂၁ စစ်အုပ်စု အာဏာသိမ်းပြီးချိန်ကတည်းက နိုင်ငံတော်သမ္မတ ဦးဝင်းမြင့်နဲ့အတူ ပုဒ်မပေါင်း ၁၀ ခုကျော်တပ် နှစ်ရှည်ထောင်ဒဏ်တွေ ချမှတ်ခံထားရတဲ့ နိုင်ငံတော်အတိုင်ပင်ခံပုဂ္ဂိုလ်ဟာ လက်ရှိမှာ အသက် ၈၀ ရှိပြီ ဖြစ်ပါတယ်။

#RadioNUGLocalNews

#SpringRevolution