15 Sep 2025 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၁၅ ) ရက်နေ့ ရပြည်တွင်းသတင်းများ

📌📌 1/မတူပီမြို့နယ်ပြည်သူ့အုပ်ချုပ်ရေးအဖွဲ့ (၁) နှစ်ပြည့် ညီလာခံကျင်းပနိုင်ခြင်းမရှိတာကြောင့် သက်တမ်း(၆)လ ထပ်တိုး ၊ MRO/CDF-Matupi မှ မတူပီ(ပအဖ)အား မြို့ပြင်ထွက်ခွင့်နှင့်လိုင်းသုံးခွင့်တားမြစ်ကာ အကျယ်ချုပ်ထားဟုဆို

The Matupi Times ၊ စက်တင်ဘာလ ၁၁ ၊ ၂၀၂၅

မတူပီမြို့နယ်ပြည်သူ့အုပ်ချုပ်ရေအဖွဲ့ သက်တမ်း ၁ နှစ်ပြည့်ညီလာခံကျင်းပနိုင်ခြင်းမရှိတာကြောင့် ၆ လသက်တမ်းထပ်တိုးလိုက်တယ်လို့ ၂၀၂၅ စက်တင်ဘာလ ၆ ရက်နေ့မှာ သတင်းထုတ်ပြန်ပါတယ်။

မတူပီမြို့နယ်(ပအဖ)အဖွဲ့ကို မတူပီမြို့သိမ်းပိုက်ပြီးနောက် ၂၀၂၄ ခုနှစ် ဇူလိုင်လ ၂၀ ရက်နေ့မှာ ICNCC/CDF_Matupi Brigade-1 ၏နိုင်ငံရေး၊စစ်ရေး လမ်းစဉ်အရ ဖွဲ့စည်းခဲ့တာဖြစ်ပါတယ်။

ပြီးခဲ့တဲ့ ၂၀၂၅ ခုနှစ် ဇူလိုင်လ ၂၀ ရက်နေ့မှာ အုပ်ချုပ်ရေးအဖွဲ့ သက်တမ်း ၁ နှစ်ပြည့်ပြီဖြစ်ပေမယ့် နိုင်ငံရေးအခြေအနေကြောင့် ၁ နှစ်ပြည့်ညီလာခံကို မကျင်းပနိုင်ခဲ့ဘူးလို့ဆိုပါတယ် ။

ဒါ့အပြင် ၁ နှစ်ပြည့်ညီလာခံကျင်းပနိုင်ရန် (OC/EC) များအရေးပေါ်အစည်းအဝေး(၃)ကြိမ်တိုင် ခေါယူခဲ့ပေမယ့် လက်ရှိမြို့နယ်ကိုယ်စားလှယ်များ တက်ရောက်ခြင်းမရှိဘူးလို့ ထုတ်ပြန်ချက်မှာ ဖော်ပြပါတယ်။

ဒါ့ကြောင့် မတူပီမြို့နယ်ပြည်သူ့အုပ်ချုပ်ရေးညီလာခံကျင်းပနိုင်ရန် အရေးပေါအစည်းဝေးတက်ရောက်သူဆုံးဖြတ်ချက်ဖြင့် ၂၀၂၅ ဇူလိုင်လ ၂၀ မှ ၂၀၂၆ ဇန်နဝါရီလ ၂၀ ရက်နေ့ထိ (၆)လသက်တမ်း ထပ်တိုးလိုက်ကြောင်း ထုတ်ပြန်ပါတယ်။

MRO/CDF-Matupi မှ မတူပီမြို့နယ်ပြည်သူ့အုပ်ချုပ်ရေးအဖွဲ့အား ပြည်သူ့ဝန်ဆောင်မှုလုပ်ငန်းများကွင်းဆင်းဆောင်ရွက်ရန် မြို့ပြင်ထွက်ခွင့်တားမြစ်ထားပြီး အင်တာနက်လိုင်းအသုံးပြုခွင့်ပိတ်ပင်ခြင်း ၊ ဌာနဆိုင်ရာ စကားလင့်ခ်စက်များကို ယနေ့ထိ သိမ်းဆည်းထားခြင်း ၊ အုပ်ချုပ်ရေးသက်တမ်း(၁)နှစ်ပြည့်ပြီဖြစ်၍ လုပ်ငန်းဆောင်ရွက်မှုအားလုံးရပ်ဆိုင်းရန် အမိန့်အာဏာဖြင့် အကြောင်းကြားခြင်း ၊ မတူပီမြို့နယ်(ပအဖ)၏ ညီလာခံကျင်းပနိုင်ရေးအတွက် အရေးပေါ်အစည်းအဝေးခေါ(၃)ကြိမ်ခေါယူသော်လည်း MRO အဖွဲ့၏ ဟန့်တားပေးပို့စာများကြောင့် ညီလာခံကျင်းပနိုင်မှုမရှိဘူးလို့

========================

📌📌 2/ ကလေးမြို့နယ်တွင် ထိုးစစ်ဆင်လာသည့် စစ်တပ်ကို ကလေး (ပလဖ)နှင့် Zoland PDF တို့ ပူးပေါင်းတိုက်ခိုက် ၊ စကစအဖွဲ့မှအိန္ဒိယနိုင်ငံသားကသည်းသူပုန်အပါဝင် စစ်သုံ့ပန်း(၇)ဦး ဖမ်းဆီးရမိ

စက်တင်ဘာလ ၁၁ ၊ ၂၀၂၅ ။

စစ်ကိုင်းတိုင်း၊ ကလေးခရိုင်၊ ကလေးမြို့နယ်၊ နန်းစောင်းပုရွာသစ်သို့ ထိုးစစ်စင်လာသော စစ်ကော်မရှင်အဖွဲ့အား စက်တင်ဘာလ (၂) ရက်တွင် တိုက်ခိုက်ခဲ့ရာ စစ်ကော်မရှင်အဖွဲ့ဝင်နှင့် အိန္ဒိယနိုင်ငံသား ကသည်းသူပုန်အပါဝင် စစ်သုံ့ပန်း (၇) ဦး ဖမ်းဆီးရမိပြီး အလောင်း (၄) လောင်းနှင့် လက်နက် (၅) လက် သိမ်းဆည်းရမိကြောင်း အမှတ်-၁ စစ်ဒေသ ကသတင်းထုတ်ပြန်ပါတယ္။

စစ်ကော်မရှင်ဘက်မှ ဩဂုတ် (၆) ရက်နေ့မှ စတင် ထိုးစစ်ဆင်လာခြင်းဖြစ်ပြီး ဒကစ (ကလေး) လက်အောက်ခံ တတက-၁၀ မှ ဗိုလ်မှူး ရဲမျိုးမင်းနှင့် ဗိုလ်ကြီး ပြည့်ဖြိုးအောင်၊ ဗိုလ်ကြီး နိုင်းဝင်းစိုးတို့ ဦးစီးသည့် ခမရ (၃၆၁၊ ၃၆၂၊ ၃၆၃)၊ ဆသရ-၆၊ ခလရ (၈၇၊ ၂၂၉)၊ SNA၊ အိန္ဒိယနိုင်ငံသားများဖြစ်သည့် ကသည်း (ULFA)နှင့် နာဂ (NSCN) သူပုန်တပ်ဖွဲ့ အင်အား (၁၃၀) ခန့် ဖြင့် ထိုးစစ်ဆင်လာတာ ဖြစ်တယ်လုိ့သိရပါတယ္။

စစ်ကော်မရှင်အဖွဲ့ကို ကလေးခရိုင် ကွပ်ကဲရေးမှူး ဦးစီးသည့် ကလေးခရိုင် အမှတ် (၁၊ ၃၊ ၄) တပ်ရင်း၊ အထူးလှုပ်ရှား (၅၊ ၆) တပ်ရင်း၊ ကလေးမြို့နယ် ပကဖ၊ ကလေးဝမြို့နယ် ပကဖ၊ မင်းကင်းမြို့နယ် ပကဖ၊ ကလေးခရိုင် အထူးစစ်ကြောင်း၊ ကလေးမြို့နယ် ပြည်သူ့လုံခြုံရေးတပ်ဖွဲ့ (ပလဖ) နှင့် Zoland PDF ပူးပေါင်းအဖွဲ့တို့မှ တန်ပြန် ထိုးစစ်ဆင် တိုက်ခိုက်ခဲ့ခြင်း ဖြစ်ကြောင်းသိရသည်။

တိုက်ပွဲတွင် စစ်ကော်မရှင်ထံမှ MA-1 (၃) လက်၊ MA-3 (၁) လက်၊ MA-11 (၁) လက်၊ 7.62 ကျည် (၂၇၇) တောင့်၊ 5.56 ကျည် (၈၉) တောင့်၊ RPG ဗုံးသီး (၁) လုံး၊ RPG ပို့ယမ်း (၃) ခု၊ နင်းမိုင်း (၁၂) ခု၊ မိုင်းရှင်းစက် (၁) ခု၊ ကျည်အိမ်မျိုးစုံ (၁၉) ခုနှင့် မူးယစ်ဆေး အမျိုးအစား (၃) မျိုး သိမ်းဆည်းရမိကြောင်းသိရသည်။

ဒါ့အပြင် တိုက်ပွဲအတွင်း စစ်ကော်မရှင်သည် ကလေးခရိုင်အတွင်း အိန္ဒိယ နိုင်ငံသားများဖြစ်သည့် ကသည်း (ULFA)နှင့် နာဂ (NSCN) သူပုန်တပ်ဖွဲ့များအား ယခုနှစ် ဩဂုတ်လမှ စတင်အသုံးပြုခဲ့ခြင်းဖြစ်ပြီး ၎င်းအဖွဲ့များသည် ဩဂုတ်လအတွင်း ချင်းတွင်းမြစ်ကြောင်းအတိုင်း ခန္တီးခရိုင်အတွင်းမှ စုန်ဆင်းလာသော သင်္ဘောများဖြင့် ပါလာခဲ့ခြင်းဖြစ်တယ်လို့ထုတ်ပြန်ချက်မှာဖောပြပါတယ္။

========================

📌📌 3/ မလေးရှားတွင် ပတ်ဝန်းကျင်တိုင်ကြားမှုကြောင့် မြန်မာ (၆၉) ဦးအပါအဝင် အထောက်အထားမဲ့ နိုင်ငံခြားသား (၁၂၅) ဦးဖမ်းဆီးခံရ

ဩဂုတ်လ ၃ ၊ ၂၀၂၅

မလေးရှားနိုင်ငံ၊ကွာလာလမ်ပူမြို့ ၊ Danau Kota , Setapak တွင် ယမန့်ညပိုင်းက မြန်မာ ၆၉ ဦးအပါအဝင် တရားမဝင်နိုင်ငံခြားသား ၁၂၅ ဦးဖမ်းဆီးခံရကြောင်း မလေးရှားနိုင်ငံသတင်းထံကသိရပါတယ္။

မလေးရှား လူဝင်မှုကြီးကြပ်ရေးဌာန (JIM) သည် Setapak ၊ Danau Kota ရှိ အထပ် ၁၉ ထပ်တိုက်ခန်းကို အော်ပရာစီဝင်ရောက်စီးနင်းခဲ့ပြီး တရားမဝင် ရွှေ့ပြောင်းနေထိုင်သူ ၁၂၅ ဦးကို ဖမ်းဆီးခဲ့ကြောင်း မလေးရှားသတင်းတပုဒ်မှာ ဖော်ပြပါတယ္။

ကွာလာလမ်ပူ လူဝင်မှုကြီးကြပ်ရေးဌာန၊ ဒါရိုက်တာ Wan Mohamed Saupee Wan Yusoff က ဖမ်းဆီးခံရသူများမှာ အသက် ၁၆ နှစ်မှ ၇၀ နှစ်ကြား ၊ အမျိုးသား ၈၁ ဦးနှင့် အမျိုးသမီး ၄၄ ဦးပါဝင်တယ်လို့ ပြောပါတယ္။

ဖမ်းဆီးထိန်းသိမ်းခံရသူများမှာ မြန်မာ (၆၉)ဦး၊ အိန္ဒိယ (၂၅)ဦး၊ ပါကစ္စတန် (၁၄)ဦး၊ အင်ဒိုနီးရှား (၁၂)ဦးနှင့် ဘင်္ဂလားဒေ့ရှ် (၅) ဦး ပါဝင်ပြီး တရာဝင်အထောက်အထားမရှိဘဲနေထိုင်သူများ(သို့)ရက်လွန်နေထိုင်သူတွေ ဖြစ်တယ်လို့ ဖော်ပြထားပါတယ္။

ဝင်ရောက်စီးနင်းမှုနဲ့ပတ်သက်၍ ပတ်ဝန်းကျင်ရှိမလေးဒေသခံပြည်သူများ၏တိုင်ကြားမှုများ လက်ခံရရှိပြီးနောက် လူဝင်မှုကြီးကြပ်ရေးအက်ဥပဒေအရ အဆိုပါ စစ်ဆင်ရေးကို ဆောင်ရွက်ခဲ့ခြင်း ဖြစ်တယ်လို့ဆိုပါတယ္။ အရက်သေစာနှင့်မူးယစ်ဆေးသုံးစွဲတဲ့သူတချို့ရဲ့ အပြုအမူတွေနဲ့ပတ်သက်ပြီး တိုင်ကြားမှုတွေလက်ခံရရှိခဲ့တယ္လို့ ဆိုပါတယ္။

ပြီးခဲ့တဲ့ စက်တင်ဘာ ၂ ရက် ညပိုင်းကလည်း ကွာလာလမ်ပူမြို့ရှိ ဘူကစ်ဘင်တန်တစ်ဝိုက်တွင် ပတ်ဝန်ကျင်ရဲ့တိုင်ကြားချက်တွေကြောင့် မြန်မာ ၂၃၅ ဦးအပါအဝင် တရားမဝင်နိုင်ငံခြားသား ၇၇၀ ဖမ်းဆီးခံခဲ့ရပါတယ္။

========================

📌📌 4/ နာဂဒေသပြည်သူ့ကာကွယ်ရေးအဖွဲ့ကို NUG က လက်နက်တပ်ဆင်ပေး

စက်တင်ဘာ ၁၂ ၊၂၀၂၅

စစ်ကိုင်းတိုင်း နာဂဒေသ ပြည်သူ့ကာကွယ်ရေးအဖွဲ့(ပကဖ)တပ်ဖွဲ့ဝင်တွေကို လက်နက်တပ်ဆင်မှု အခမ်းအနားကျင်းပခဲ့တဲ့ မှတ်တမ်းဓာတ်ပုံတွေကို နာဂဒေသ(ပကဖ)အထူး တိုက်ခိုက်ရေးတပ်ဖွဲ့က စက်တင်ဘာ ၁၁ ရက် မှာ ထုတ်ပြန်ပါတယ်။

အဆိုပါ အခမ်းအနားကို အမျိုးသားညီညွတ်ရေးအစိုးရ (NUG)၊ ကာကွယ်ရေးဝန်ကြီးဌာန ပြည်ထောင်စုဝန်ကြီး ဦးရည်မွန်ကိုယ်တိုင် တက်ရောက်ပြီး စစ်ဝတ်တန်ဆာများနှင့်လက်နက်တပ်ဆင်ပေးခဲ့တယ်လို့သိရပါတယ္။

========================

📌📌 5/ မင်းတပ်မြို့မှာ အမျိုးသားတဦး ဓား၊ထိုးခံရ

စက်တင်ဘာ ၁၂၊ ၂၀၂၅

မင်းတပ်မြို့မှာ အသက် ၃၂ နှစ်ဝန်းကျင်အရွယ္ ဒေသခံအမျိုးသားတစ်ဦး ဓားထိုးခံရကြောင်းသိရပါတယ္။

မင်းတပ်မြို့၊ ဘဝသစ်ရပ်ကွက်မှာ အမျိုးသားတဦးကို တခြားအမျိုးသားတဦးက ဓား၊နဲ့ထိုး၊တဲ့ဖြစ်စဉ် ဖြစ်ပွားခဲ့ပါတယ္။

ပြစ်မှုကျူးလွန်တဲ့တရားခံဟာလည်း မင်းတပ်ဒေသခံတစ်ဦးဖြစ်ပြီး အကြိမ်ကြိမ် ပြစ်မှုကျူးလွန်သူဖြစ်တယ်လို့ ဒေသခံတွေထံက သိရပါတယ္။ ပြစ်မှုကျူးလွန်တဲ့ တရားခံကို ပြည်သူ့ရဲတပ်ဖွဲ့က ဖမ်းဆီးထိန်း သိမ်းထားကြောင်းသိရပါတယ်။

တရားခံဟာ အသက် ၃၇ နှစ်အရွယ် ငိုင်းထန်း ဆိုသူဖြစ်ပြီး အသက် ၃၂ နှစ်ဝန်းကျင်အရွယ် အမျိုးသားတဦးကို မနေ့ (စက်တင်ဘာ ၁၁) ရပ်ကွက်ထဲ ဓားနဲ့ (၃)ချက်ထက်မနည်း ထိုးခဲ့တာလို့ သိရပါတယ္။

တရားခံ ငိုင်းထန်းဟာ အခုဖြစ်စဉ်မတိုင်မီကလည်း လူသ၊တ်၊ ပစ္စည်းလုယက်မှုအပါအဝင် ပြစ်မှုပေါင်းများစွာ ကျူးလွန်ထားသူဖြစ်တယ်လို့သိရပြီး မင်းတပ်မြို့နယ်ပြည်သူ့အုပ်ချုပ်ရေးအဖွဲ့အနေနဲ့ တရားခံကိုထိထိရောက်ရောက် အရေးယူပေဖို့ မိသားစုဝင်တွေကတောင်းဆိုထားပါတယ္။

========================

📌📌 ၆/ ကန်ပက်လက်မြို့နယ်တနေရာကို စစ်ကော်မရှင် ဗုံးကြိတိုက်ခိုက် ၊ ဒေသခံ ၁ ဦး ထိခိုက်ဒဏ်ရာရ

စက်တင်ဘာလ ၁၁ ၊ ၂၀၂၅

ချင်းပြည်နယ်တောင်ပိုင်း၊ ကန်ပက်လက်မြို့နယ်၊ ခါပန်းကျေးရွာကို စစ်ကော်မရှင်တပ်က စက်တင်ဘာလ ၁၀ ရက်နေ့ည ပိုင်းမှာ လေကြောင်းဗုံကြဲတိုက်ခိုက်ခဲ့တယ်လို့သိရပါတယ်။ ဗုံးကြဲတိုက်ခိုက်မှုကြောင့် ရပ်သားတစ်ဦး မစိုးရိမ်ရ ထိခိုက်ဒဏ်ရာရခဲ့တယ်လို့ သိရပါတယ်။

စစ်ကော်မရှင်တပ်က ည ၁၂ နာရီခန့်တွင် ကန်ပက်လက်မြို့နယ်၊ တိုက်နယ်အမှတ် - ၅ ထဲက ခါပန်းကျေးရွာကို ဂျက်ဖိုက်တာ ၁ စီးဖြင့် ပေါင် ၅၀၀ ဗုံး၊ ၂ လုံးကို အသုံးပြု၍ တိုက်ခိုက်ခဲ့တာဖြစ်ပြီး လေကြောင်းတိုက်ခိုက်မှုကြောင့် ကျောင်းဆောင် ၂ ဆောင် ထိခိုက်ပျက်စီးသွားပြီး ဒေသခံပြည်သူ ၁ ဦးလည်း မစိုးရိမ်ရ ဒဏ်ရ ရရှိသည်ဟု သိရသည်။

စစ်ကော်မရှင်သည် ကန်ပက်လက်မြို့ကို လက်လွတ်ဆုံးရှုံးရပြီးနောက် လေကြောင်းတိုက်ခိုက်မှုများ မကြာခဏ ပြုလုပ်သော ကြောင့် ဒေသခံများ ထိခိုက်သေဆုံးမှုတချို့ ရှိခဲ့ပြီး အစိုးရအခြေခံအဆောက်အဦးများ၊ လူနေအိမ်များ ထိခိုက်ပျက်စီးမှုများ ရှိသည်။