11 Oct 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ အောက်တိုဘာလ ( ၁၁ ) ရက်နေ့နောက်ဆုံးရပြည်တွင်းသတင်းများ

📌📌 ၁။ မင်းတပ် လေကြောင်းတို၊က်ခိုက်ခံရမှု စစ်ဘေးရှောင်ကလေး ၃ ဦးနဲ့ မသန်စွမ်းအမျိုးသမီးတဦး အသက်ဆုံးရှုံး၊ ၂၂ ဦး ဒဏ်ရာရ။

 

မင်းတပ်မြို့နယ်က ကျေးရွာ ၂ ရွာကို အာဏာသိမ်းစစ်တပ်က လေကြောင်းကနေ ဗုံးကြဲတို၊က်ခိုက်ခဲ့ရာ ကလေးငယ်တွေအပါအဝင် ပြည်သူသေဆုံးထိခိုက်မှုများရှိခဲ့ကြောင်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့တာဝန်ရှိသူ ဆလိုင်းယောမာန်က ပြောပါတယ်။

အောက်တိုဘာလ ၈ရက်၊ ည ၇ နာရီဝန်းကျင်မှာ မင်းတပ်မြို့နယ် ကျေးရွာ ၂ ရွာကို စစ်ကောင်စီက ဗုံးကြဲတိုက်ခိုက်ခဲ့တာပါ။

“ရွာစာသင်ကျောင်းက အမှန်က စစ်ဘေးရှောင်တဲပါ။ စစ်ဘေးရှောင် Camp ကိုပဲ စစ်ဘေးရှောင်လက်ခံထားရင်းနဲ့ စစ်ဘေးရှောင် ကလေးတွေကို စာသင်ပေးရင်းနဲ့ စာသင်ကျောင်းပုံစံဖြစ်လာတာ။ အဲဒီမှာ ကျောင်းသား ၃ ဦး၊ မသန်စွမ်း အမျိုးသမီး ၁ ဦးပေါ့ လေးဦး။ အဲဒီလိုမျိုးသေဆုံးပြီးမှ ဒဏ်ရာရတဲ့သူ ၂၂ ဦး ရှိပါတယ်။” လို့ ဆလိုင်းယောမာန်က စစ်ကောင်စီရဲ့ လေကြောင်း တိုက်ခိုက်မှုကြောင့် ပြည်သူသေဆုံးထိခိုက် အခြေအနေကို ပြောပါတယ်။

အာဏာသိမ်းစစ်တပ်ဟာ မင်းတပ်မြို့ကို အောက်တိုဘာ ၄ ရက်ကလည်း လေကြောင်းကနေ ဗုံးကြဲတိုက်ခိုက်မှု နှစ်ကြိမ်လုပ်ဆောင်ခဲ့လို့ ပြည်သူထိခိုက်တာ နေအိမ်နဲ့ ဟိုတယ်အဆောက်အအုံ ပျက်စီးတာ ရှိခဲ့ပါတယ်။ 

မင်းတပ်မြို့ကို ‘ချင်းညီနောင်’ စစ်ဆင်ရေးအဖြစ် ချင်းဒေသကာကွယ်ရေးတပ် - မင်းတပ်နဲ့ မဟာမိတ်တွေက ၂၀၂၄ ဒီဇင်ဘာ ၂၁ ရက်မှာ သိမ်းပိုက်ထားတာဖြစ်ပြီး အာဏာသိမ်းစစ်တပ်က မင်းတပ်မြို့ကို လေကြောင်း ဗုံးကြဲတိုက်ခိုက်မှု အကြိမ်ကြိမ်ပြုလုပ်နေပါတယ်။

 

========================

 

📌📌 ၂။ တီးတိန်မြို့မှ အကြမ်းဖက်စကစ တပ်ကြပ် (၁) ဦး နဲ့ တပ်သား(၁)ဦး လက်နက်တွေ နဲ့အတူ  PDF-Zoland ထံ အလင်းဝင်။

 

ချင်းပြည်၊ တီးတိန်မြို့ ခြေလျင်တပ်ရင်း (အမှတ် ၂၆၉) ကာကွယ်ရေးတပ်မှ တပ်ကြပ်အဆင့်နဲ့တပ်သားအဆင့် တပ်ဖွဲ့ဝင် (၂) ဦးဟာ အောက်တိုဘာ ၁ ရက်က လက်နက်ခဲယမ်းတွေနဲ့အတူ အလင်းဝင်လာတယ်လို့ PDF Zolandက ထုတ်ပြန်ပါတယ်။

အလင်းဝင်လာသူ(၂)ဦးမှာ ညီ ညီ ရွှေ [တပ်ကြပ်] အသက်(၃၇)နှစ် နှင့် တပ်သား ခိုင်ချိုထူး အသက် (၂၂)နှစ်တို့ဖြစ်ပြီး အောက်တိုဘာ ၁ရက်နေ့မှာ  PDF Zoland သို့ အလင်းဝင်လာတာဖြ စ်တယ်လို့သိရပါတယ်။

အကြမ်းဖက်စစ်အုပ်စုရဲ့ ခြေလျင်တပ်ရင်း အမှတ် ၂၆၉ တပ်ကုန်းမှာ ကျန်ရှိနေသူတွေအားလုံး အလင်းဝင်လာဖို့ နောက်ဆုံးအကြိမ် ဖိတ်ခေါ်တယ်လို့လည်း ထုတ်ပြန်ထားပါတယ်။

 

========================

 

📌📌 ၃။ မီဇိုရမ်မှာ ၁၀ လအတွင်း မူးယစ်ဆေးကြောင့်သေဆုံးသူ ၆၅ ဦးရှိ။

 

အိန္ဒိယနိုင်ငံ၊ မီဇိုရမ်ပြည်နယ်အတွင်း မူးယစ်ဆေးအလွန်အကျွံသုံးစွဲမှုကြောင့် ၁၀ လ အတွင်းမှာလူပေါင်း ၆၅ ဦး သေဆုံးသွားပြီလို့ သိရပါတယ်။

မီဇိုရမ်ပြည်နယ်၊ မူးယစ်ဆေးတိုက်ဖျက်ရေးဌာနရဲ့ ၂၀၂၅ ခုနှစ် ဇန်နဝါရီလ ၁ ရက်နေ့ကနေ အောက်တို ဘာလ ၆ ရက်နေ့အထိပြုစုထားတဲ့ စာရင်းဖြစ်ပါတယ်။

မူးယစ်ဆေးကြောင့် သေဆုံးသူများဟာ အသက် ၁၉ နှစ်ကနေ ၅၉ နှစ်အတွင်းဖြစ်ကြပြီး အမျိုးသား ၅၄ ဦး နဲ့ အမျိုးသမီး ၁၁ ဦးတို့ဖြစ်ကြပါတယ်။

မူးယစ်ဆေးတိုက်ဖျက်ရေးဌာနက စတင်စာရင်းပြုစုခဲ့တဲ့ ၁၉၈၄ ခုနှစ်ကနေ ဒီနှစ်အထိ မီဇိုရမ်ပြည်နယ်အ တွင်း မူးယစ်ဆေးကြောင့်သေဆုံးသူ ၁၉၄၄ ဦးရှိပြီဖြစ်ကာ သူတို့အနက် ၁၇၀၇ ဦးက အမျိုးသားများဖြစ်ကြပြီး ၂၃၇ ဦးက အမျိုးသမီးများဖြစ်ကြပါတယ်။

မူးယစ်ဆေးကြောင့်သေဆုံးသူများထဲမှာ အသက်အယ်ဆုံးက ၁၄ နှစ်ဖြစ်ပြီး အသက်အကြီးဆုံးက ၅၈ နှစ် ဖြစ်တယ်လို့ဆိုပါတယ်။

တစ်နှစ်ထဲမှာ မူးယစ်ဆေးကြောင့်သေဆုံးသူအများဆုံးနှစ်က ၂၀၀၄ ခုနှစ်ဖြစ်ပြီးအဲဒီနှစ်ထဲမှာ ၁၄၃ ဦး သေဆုံးခဲ့ ကာ အမျိုးသား၁၂၂ ဦး နဲ့ အမျိုးသမီး ၂၁ ဦးသေဆုံးခဲ့ကြပါတယ်။

၂၀၁၅ ခုနှစ် မတိုင်ခင်ကာလမှာ မီဇိုရမ်ပြည်နယ်အ တွင်း Proxyvon ဆိုတဲ့မူးယစ်ဆေးကြောင့် သေဆုံးမှု အမြင့် ဆုံးဖြစ်ခဲ့ပေမယ့် ၂၀၁၅ အလွန်မှာတော့ ဘိန်း ဖြူကြောင့်သေဆုံးမှုများပါတယ်။

မီဇိုရမ်ပြည်နယ်ဟာ အရက်ရောင်းချခွင့်ကို တရားဝင်ပိတ်ပင်ထားတဲ့ပြည်နယ်ဖြစ်လို့ လူငယ်အတော်များများ ဟာ မူးယစ်ဆေးကိုသုံးစွဲကြတာလို့သိရပြီး မီဇိုရမ်ပြည်နယ်အတွင်း ဝင်လာတဲ့ မူးယစ်ဆေးများထဲက အများစု မှာ မြန်မာနိုင်ငံကနေ ဝင်လာတာလို့သိရပါတယ်။

#RadioNUGLocalNews

#SpringRevolution