7th MAY 2022 - (Ethnic language program-CHO_DAAI) by Radio NUG

📌(ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ မေလ ၇ ရက်နေ့ နောက်ဆုံးရပြည်တွင်းသတင်းများ

📌📌၁။ စစ် ကောင်စီ တပ်သား ၂ ဦး သေနတ် ၃ လက်ဖြင့် CDF မတူပီထံ အလင်းဝင် ၊ လက်နက်များပြန်လည် ရရှိရန် စစ် ကောင်စီက ပြည်သူများကို ဓါးစာခံပြုလုပ် နေ

 

ပြီးခဲ့သည့် ဧပြီလ ၂၁ ရက် နေ့တွင် စစ် ကောင်စီ တပ် ၂ ဦး သေနတ်သည် ၃ လက်ဖြင့် CDF မတူပီထံ အလင်းဝင် ရောက်ခဲ့ ကြောင်း CDF မတူပီက မေလ ၄ ရက် နေ့ ရက်စွဲဖြင့် ထုတ်ပြန်သည်။ ထို့ နောက် မတူပီမြို့ ဒေသခံ အမျိုးသမီး ၆ ဦးအပါအဝင်ပြည်သူ ၇ ဦးကို မတူပီ ဗျူဟာတပ်မှ ဖမ်းဆီး ခေါ် ဆောင်သွားပြီး ညှဉ်းပန်းနှိပ်စက် နေ ကြောင်းသိရသည်။

 

စစ် ကောင်စီက သေနတ် ၃ လက်ပြန်လည် ရရှိရန်အတွက် အပြစ်မဲ့ ပြည်သူများကို ဓါးစာခံပြုလုပ် ၍ ဖမ်းဆီး နှိပ်စက်ပြီး အသက်အန္တရာယ် ခြိမ်း ခြောက်ခြင်းများ ပြုနေ ခြင်းများကို CDF မတူပီက ကန့်ကွက်ရှုတ်ချ ကြောင်းနှင့် စစ် ကောင်စီနှင့် မည်သည့်အ ပေးအယူမျှ ပြုလုပ်မည်မဟုတ် ကြောင်း CDF မတူပီက ထုတ်ပြန်ထားသည်။ ယခုရက်ပိုင်းအတွင်း CDF မတူပီနှင့် မင်းတပ် မတူပီလမ်းအတိုင်း ပြန်ဆင်းလာသည့် စစ် ကောင်စီယာဉ်တန်းတို့ တိုက်ပွဲများ ဖြစ်ပွားခဲ့ပြီး စစ် ကောင်စီဘက်မှ အများအပြား သေဆုံးကာ CDF မတူပီ ရဲ ဘော်တစ်ဦးကျဆုံးခဲ့သည်။

 

📌📌၂။ CDF မင်းတပ်က စစ် ကောင်စီ ယာဉ်တန်းကို ထပ်မံကြားဖြတ်တိုက်ခိုက် ၊ CDF ရဲ ဘော်တစ်ဦး ကျဆုံး၊ စစ် ကောင်စီတပ်သား ၅ ဦး သေ

 

၂၀၂၂၊ မေလ (၄)ရက်နေ့တွင် မင်းတပ်-မတူပီ လမ်းပိုင်းတွင်စစ် ကောင်စီ နှင့်CDF-Mindat တို့ တိုက်ပွဲပြင်းထန်ခဲ့ပြီး စစ် ကောင်စီ ဘက်မှ ၅ ဦးသေဆုံး၍ အများအပြားဒဏ်ရာ ရရှိခဲ့ ကြောင်း သိရသည်။ တိုက်ပွဲ အပြီးတွင် CDF-MINDAT တပ်ဖွဲ့၀င်များ ပြန်လည်ဆုတ်ခွာလာရာ လမ်း ကြောင်းတွင် မိုင်း မ တော်တဆမှု ကြောင့် CDF မင်းတပ် ရဲ ဘော် တစ်ဦးကျဆုံးသွားခဲ့ ရကြောင်း သိရသည်။

 

ပစ်ခတ်တိုက်ခိုက်စဉ် စစ် ကောင်စီတပ်သားများ သေဆုံးမှုကို ခန့်မှန်းရန် လွယ်ကူ သော်လည်း မိုင်းဆွဲတိုက်ခိုက်မှု အတွင်း ထိခိုက် သေဆုံးစာရင်းကို ခန့်မှန်းရန် ခက်ခဲ ကြောင်း CDF မင်းတပ် ပြော ရေးဆိုခွင့်ရှိသူ ဆလိုင်းဟာအွမ်က ဆိုသည်။ သို့ သော် မိုင်းဆွဲတိုက်ခိုက်မှု ကြောင့် မိုင်းကွင်းအတွင်း စစ် ကောင်စီတပ်သားများ ထိခိုက်သေဆုံးမှု အများအပြားရှိနိုင် ကြောင်း ၎င်းက ဆိုသည်။

 

📌📌၃။ ဟားခါး - ဖလမ်းကြား တိုက်ပွဲတွင် စစ်ကောင်စီတပ် ၁၈ ဦးကျော်သေဆုံးပြီး၊ CNA/CDF တပ်ဖွဲ့၀င် ၉ ဦး ကျဆုံးဟုဆို

 

၂၀၂၂ မေ ၅ နံနက်ပိုင်းမှ စတင်ဖြစ်ပွား ခဲ့သော ဟားခါး-ဖလမ်းအကြား တလန်ဇာရ်ကျေးရွာအနီးတိုက်ပွဲတွင် CNA ရဲဘော် ၅ ဦးနှင့် CDF ရဲဘော် ၄‌ဦး ကျဆုံးခဲ့ကြောင်း၊ စစ် ကောင်စီ ဖက်တွင်လည်း အနည်းဆုံး ၁၈ ဦး သေဆုံးပြီး အများအပြားထိခိုက်ဒဏ်ရာရရှိကြောင်း ဒေသတွင်းသတင်းဌာန The Chin Journal တွင်ဖော်ပြသည်။

 

ဟားခါးမှ ဖလမ်းဖက်သို့ ထွက်ခွာသော စစ် ကောင်စီ ယာဉ်တန်းအား မေ ၃ ညနေပိုင်းမှစတင်၍ CNA နှင့် CDF ပူးပေါင်းတပ်ဖွဲ့က လမ်းတစ်လျှောက် ချုံခိုတိုက်ခိုက်ခဲ့ခြင်းဖြစ်သည်။ စစ် ကောင်စီ တပ်သားများသည် ပြီးခဲ့သည့် မေ ၄ တွင် ရမ်ထလိုရွာ နေအိမ် ၁၀လုံးနှင့် မေလ ၅ တွင် တလန်ဇာရ် ကျေးရွာရှိ လူနေအိမ် ၁၀လုံး ကျော်ကို မီးရှို့ဖျက်ဆီးခဲ့ပြီး အင်အားရာကျော်ဖြင့် CNA နှင့် CDF ကို တောနင်း ထိုးစစ်ဆင်‌နေကြောင်း သိရသည်။

 

📌📌၄။ က လေးမြို့နယ် တောင်ပိုင်းတိုက်ပွဲ ပြင်းထန် ၊ စစ် ကောင်စီ တပ်သားအများအပြား သေ၊ ပြည်သူ ပေါင်း ထောင်ချီ စစ် ဘေး ရှောင် နေရ

 

ကလေးမြို့နယ် တောင်ပိုင်းတိုက်ပွဲ ပြင်းထန် ၊ စစ် ကောင်စီ တပ်သားအများအပြား သေဆုံးပြီး ပြည်သူ ပေါင်း ထောင်ချီ၍ စစ် ဘေး ရှောင် နေရ ကြောင်း ပြည်သူ့ကာကွယ် ရေး တပ်ဖွဲ့ (က လေး) က မေလ ၄ ရက် နေ့ ၊ ထုတ်ပြန်ချက်အမှတ် (၃၅/၂၀၂၂) ဖြင့် သတင်းထုတ်ပြန်သည်။

 

မေလ ၂ ရက်နေ့ နံနက်ပိုင်းမှစတင်၍ ကလေးမြို့နယ်တောင်ပိုင်း ရှားဖိုရွာဘက်သို့ အကြမ်းဖက်စစ်ကောင်စီတပ်များမှ အပြင်းအထန် ထိုးစစ်ဆင်လာခဲ့ရာ PDF (Kalay) ၊ CDF (KKG) ၊ RKDF ၊ ပ.က.ဖ နှင့် Zomi PDF ပူးပေါင်းတပ်ဖွဲ့များဖြင့် မေလ ၃ ရက် ညနေပိုင်းအထိ တိုက်ပွဲပြင်းထန်စွာ ဖြစ်ပွားခဲ့ ကြောင်းသိရသည်။

 

အကြမ်းဖက်စစ်ကောင်စီတပ်များသည် ရှားဖိုရွာအတွင်းသို့ ဝင်ရောက်ကာ နေအိမ်များကို မီးရှို့ဖျက်စီးခဲ့ပါသည်။ နှစ်ရက်တာ ပြင်းထန်ခဲ့သည့်တိုက်ပွဲအတွင်း အကြမ်းဖက်စစ်ကောင်စီတပ်ဖွဲ့ဝင် အနည်းဆုံး ၂၀ ဦး သေဆုံးကာ အများအပြား ဒဏ်ရာရရှိသွားကြောင်း သိရသည်။

 

ထို့ပြင် အကြမ်းဖက်စစ်ကောင်စီတပ်ဖွဲ့များသည် အောင်မင်္ဂလာရွာဘက်မှ ရှားဖိုရွာဘက်သို့ ချဉ်းကပ်လာစဉ် PDF (Kalay) တပ်ဖွဲ့များက အသင့်တပ်ဆင်ထားသော မိုင်းများဖြင့် ဖောက်ခွဲတိုက်ခိုက်သဖြင့် စစ်ကောင်စီတပ်သား ထပ်မံ၍ အများအပြားသေဆုံးနိုင်ဖွယ်ရှိကြောင်း သိရသည်။

 

တိုက်ပွဲအတွင်း အကြမ်းဖက်စစ်ကောင်စီတပ်ဖွဲ့များဘက်မှ အထိနာနေသဖြင့် ကြံသာရွာနှင့် အောင်မင်္ဂလာရွာဘက်မှ လက်နက်ကြီးများဖြင့် ၂ ရက်တာလုံး ရှားဖိုရွာဘက်သို့ ပစ်ခတ်ခဲ့သည့်အပြင် မေလ ၃ ရက် မွန်းလွဲ ၃ နာရီ ဝန်းကျင်တွင် တိုက်ခိုက်ရေး ရဟတ်ယာဉ် ၂ စီးဖြင့် ရှားဖိုရွာသို့ ၂ ကြိမ် လာရောက် ပစ်ခတ်ခဲ့ ကြောင်း သိရသည်။

 

တိုက်ပွဲအတွင်း ပူးပေါင်းတပ်ဖွဲ့များမှ ရှေ့တက်နယ်မြေရှင်းလင်းခဲ့စဉ်အတွင်း စစ်ကောင်စီတပ်သား အလောင်း ၄ လောင်းနှင့်အတူ MA1 မောင်းပြန်သေနတ် ၂ လက်၊ MA2 စက်ကလေး ၂ လက်၊ MA ကျည်အိမ် ၁၀ ခု ၊ ၅.၅၆ ကျည် ၁၅၀ တောင့် ၊ နင်းမိုင်း ၁ လုံး၊ လက်ပစ်ဗုံး ၁ လုံး နှင့် ဖုန်း ၂ လုံး တို့ကို သိမ်းဆည်းရမိခဲ့ ကြောင်းသိရသည်။

 

ထို့အပြင် အကြမ်းဖက်စစ်ကောင်စီတပ်ဖွဲ့များဘက်မှ လွှတ်တင်သော ဗုံး ၃ လုံးပါဝင်သည့် တိုက်ခိုက်‌ရေးဒရုန်း ၁ စင်း ကိုလည်း ပူးပေါင်းတပ်ဖွဲ့များက ပစ်ချနိုင်ခဲ့ ကြောင်း ထုတ်ပြန်ချက်တွင်ပါရှိသည်။ ၂ ရက်တာတိုက်ပွဲအတွင်း ပူးပေါင်းတပ်ဖွဲ့များဘက်မှ CDF (KKG) တပ်ဖွဲ့ဝင် ၁ ဦး လက်နက်ကြီးအပိုင်းအစ ထိမှန်ဒဏ်ရာရရှိခဲ့ပြီး (မစိုးရိမ်ရပါ) စစ်ကောင်စီတပ်ဖွဲ့များပစ်ခတ်သော လက်နက်ကြီးထိမှန်၍ ရှားဖိုရွာမှ အရပ်သားပြည်သူ အမျိုးသား ၂ ဦး သေဆုံး သည်။၊ အမျိုးသမီး ၁ ဦး ထိခိုက်ဒဏ်ရာရရှိခဲ့ကြောင်း သိရပြီးစစ်ကောင်စီ၏ ထိုးစစ်ဆင် စစ်ရာဇဝတ် ကျူးလွန်မှုများ ကြောင့် ကလေးမြို့နယ်တောင်ပိုင်းကျေးရွာအများအပြားမှ ပြည်သူများ ထောင်ချီ၍ ‌စစ်ဘေး တိမ်းရှောင်နေကြရ ကြောင်း ထုတ်ပြန်ချက်တွင်ပါရှိသည်။က လေးမြို့သည် စစ်ကိုင်းတိုင်း ဒေသကြီးအတွင်းတည်ရှိပြီး ချင်းတိုင်းရင်းသား အများစု နေထိုင်ရာ မြို့ဖြစ်သည်။ စစ် ကောင်စီက အာဏာသိမ်းပြီး နောက် နွေဦး တော်လှန် ရေးကာလအတွင်း ပြည်သူလူထု၏ လက်နက်ကိုင် တော်လှန် ရေး ပထမဆုံး စတင်ရာ မြို့ဖြစ်ပြီး ၊ က လေးပြည်သူလူထုသည် ပျောက်ကြား သပိတ် ဆင်ကိုပါ ယ နေ့တိုင် တစ်ရက်မှ မပျက်ဘဲ ဆင်နွှဲလျက်ရှိသည်။

  

📌📌၅။ CRPH ကို မြန်မာနိုင်ငံ ကိုယ်စားပြုအဖွဲ့အစည်းအဖြစ် ဆက်လက်ထားရှိဖို့ နိုင်ငံတကာပါလီမန်များအဖွဲ့ (IPU) က ဆုံးဖြတ်

 

ပြည်ထောင်စုလွှတ်တော်ကိုယ်စားပြုကော်မတီ (CRPH) ကို မြန်မာနိုင်ငံရဲ့ ကိုယ်စားပြုအဖွဲ့အစည်းအဖြစ် ဆက် လက်ထားရှိဖို့အတွက် အင်ဒိုနီးရှားနိုင်ငံမှာ ပြုလုပ်တဲ့ ၂၀၉ ကြိမ်မြောက် နိုင်ငံတကာပါလီမန်များအဖွဲ့ အုပ်ချုပ်မှု ကောင်စီက ဆုံးဖြတ်ခဲ့ ကြောင်း People's Spring သတင်းဌာနက ဖော်ပြပါတယ်။

 

ဒါ့အပြင် မြန်မာပြည်သူတွေနဲ့ အတူတကွရပ်တည်ကြောင်း ပြသရန် ပြည် ထောင်စုလွှတ်တော်ကိုယ်စား ပြုကော်မတီကို မြန်မာနိုင်ငံမှာ ပီပြင်တဲ့လွှတ်တော်တစ်ရပ်ပေါ်ပေါက်တဲ့ အချိန်အထိ နိုင်ငံတကာ ပါလီမန်များအဖွဲ့(IPU)မှာ မြန်မာနိုင်ငံကိုယ်စားပြုအဖွဲ့အစည်းအဖြစ် ဆက်လက်ထားရှိရန်နှင့် IPU အစည်းအဝေးတွေမှာ မဲပေးခွင့်မပြုသော လေ့လာသူ (Non-Voting Observer) အဖြစ် တက်ရောက်နိုင်ရေး IPU လည်းဆုံးဖြတ်ပေးခဲ့ကြ ကြောင်း သိရပါတယ်။

 

ဆုံးဖြတ်ချက်ထဲမှာ မြန်မာနိုင်ငံရှိ လွှတ်တော်ကိုယ်စားလှယ်တွေအပေါ် အကြမ်းဖက်စစ်တပ်မှ ကျူးလွန်လျက် ရှိတဲ့ လူ့အခွင့်အရေးချိုးဖောက်နေမှုတွေနဲ့ စပ်လျဉ်းပြီး ထည့်သွင်း ချမှတ်အတည်ပြုတာတွေလုပ်ခဲ့တယ်လို့ ဆိုပါတယ်။ IPU အနေနဲ့ CRPH ရဲ့ လုပ်ငန်းတာဝန်တွေနဲ့ မြန်မာလွှတ်တော်ကိုယ်စားလှယ်တွေရဲ့ လူ့အခွင့်အရေး ချိုးဖောက်ခံ ရမှုများအပါအဝင် မြန်မာနိုင်ငံရဲ့ အခြေအနေတွေကို နိုင်ငံရေးသိမြင်မှု ပိုမိုမြှင့်တင်နိုင်ရန်နဲ့ စောင့်ကြည့်သွားမှာ ဖြစ်တယ်လို့ IPU အထွေထွေအတွင်းရေးမှူးချုပ် မာတင်ချောင်ဂေါင်က CRPH ဥက္ကဋ္ဌ ဦးအောင်ကြည်ညွန့်ထံကို စာရေးသားပေးပို့ရာမှာ ဖော်ပြထားတာပါ။

 

CRPH က နိုင်ငံတကာပါလီမန်များအဖွဲ့နဲ့ ခိုင်မာတဲ့ ဆက်ဆံရေးတစ်ရပ်တည်ဆောက်ထားပြီး IPU ရဲ့ အစည်းအဝေး တွေကို မြန်မာလွှတ်တော်ကိုယ်စားလှယ်အဖွဲ့အနေနဲ့ လူကိုယ်တိုင် ပါဝင်တက်ရောက်နိုင်ရေးစီစဉ် နေပါတယ်။  CRPHရဲ့ လုပ်ငန်း တာဝန်တွေ ပိုမိုထိရောက်စွာ ဆောင်ရွက်နိုင်ရေး ပြင်ပဆက်ဆံရေးကဏ္ဍ၊ နည်းပညာနဲ့ ဆိုက်ဘာလုံခြုံရေး ကဏ္ဍမှာ IPU ရဲ့ အကူအညီပေးရေး စီမံကိန်းက စတင်အကောင်အထည်ဖော်ဆောင်ရွက်နေပြီ ဖြစ်တယ်လို့လည်း သိရပါ sတယ်။

#RadioNUGLocalNews

#SpringRevolution