၂၀၂၃ ဧပြီလ ၁၃ ရက်နေ့ ညနေခင်း နောက်ဆုံးရပြည်တွင်းသတင်းများ
သတင်းခေါင်းစဉ်များ -
📌 ၁။ တော်လှန်ရေးကို ရည်မှန်းထားတဲ့ပန်းတိုင်ရောက်တဲ့အထိ မဆုတ်မနစ် ဆက်လက်ချီတက်ရမှာဖြစ်တယ်လို့ ပြည်ထောင်စုဝန်ကြီးချုပ်ပြောကြားလိုက်
📌 ၂။ ကန့်ဘလူမြို့နယ်၊ ပဇီကြီး ကျေးရွာမှာ ကျူးလွန်တဲ့ စစ်ရာဇဝတ်မှုကို ဖော်ဆောင်သွားမယ်လို့ နိုင်ငံခြားရေးဝန်ကြီးဒေါ်ဇင်မာအောင်ပြောကြား
📌 ၃။ ကန့်ဘလူမြို့နယ် ပဇီကြီးရွာ လေကြောင်းတိုက်ခိုက်မှု သေဆုံးသူ၁၆၅ဦးအထိရှိလာပြီ
📌 ၄။ စကစရဲ့ ခေတ်အဆက်ဆက်နှိမ်နှင်းတဲ့နည်းက အကြောက်တရားသွင်းခြင်းနဲ့ သွေးခွဲခြင်းပဲဖြစ်တယ်လို့ဆို
📌 ၅။ “ကန့်ဘလူအတွက်အမေရိကန်နိူင်ငံ နယူးယော့ခ်မှာ ဆုတောင်းဆန္ဒဖော်ထုတ်
ဤသတင်းများကို ရေဒီယိုအန်ယူဂျီသတင်းတာဝန်ခံများနှင့် ခိုင်လုံသော မိတ်ဖက်သတင်းရင်းမြစ်များဆီမှ အခြေခံတင်ပြထားခြင်း ဖြစ်ပါတယ်
========================
📌📌 ၁။ တော်လှန်ရေးကို ရည်မှန်းထားတဲ့ပန်းတိုင်ရောက်တဲ့အထိ မဆုတ်မနစ် ဆက်လက်ချီတက်ရမှာဖြစ်တယ်လို့ ပြည်ထောင်စုဝန်ကြီးချုပ်ပြောကြားလိုက်.
ဧပြီ၁၃ရက်
ဧပြီလ (၁၃) ရက်ပြည်ထောင်စုဝန်ကြီးချုပ်၊ မန်းဝင်းခိုင်သန်းက ချင်းအမျိုးသားအဖွဲ့ချုပ် ဖွဲ့စည်းတည်ထောင်ခြင်း (၂) နှစ်ပြည့်အခမ်းအနားသို့ ပေးပို့သည့် နှုတ်ခွန်းဆက် သဝဏ်လွှာမှာ အခုလိုပြောကြားထားပါတယ်။
"ယခုအချိန်ဟာ မိမိတို့အနေနဲ့ လက်နက်ကိုင်တော်လှန်ရေးတစ်ရပ်ကို ဆင်နွှဲနေကြတာဖြစ်လို့ ထိခိုက် ပေးဆပ်ရမှုများ မလွဲမသေ ကြုံတွေ့ရမှာဖြစ်ပါတယ်။သို့သော်လည်း မိမိတို့ရဲ့ရည်မှန်းချက်ပန်းတိုင်ကိုမရောက်မချင်း ပြိုလဲသွားလို့ မဖြစ်ပါဘူး။တိုက်ပွဲတွေကို စွန့်ခွာသွားလို့လည်း မရပါဘူး။မိမိတို့ရည်မှန်းထားတဲ့ပန်းတိုင်ရောက်တဲ့အထိ မဆုတ်မနစ် ဆက်လက်ချီတက်ရမှာဖြစ်ပါတယ်"လို့ဆိုပါတယ်။
ဒါ့အပြင် ရန်သူဟာ ယခုလက်ရှိ ခြသေ့်ကဲ့သို့ဟိန်းဟောက်နေပြီး ရန်သူရဲ့လှည့်ကွက်ထဲမရောက်ဖို့ သတိရှိကြရန်လည်း ဝန်ကြီးချုပ်ကဆိုပါတယ်။
========================
📌📌 ၂။ ကန့်ဘလူမြို့နယ်၊ ပဇီကြီး ကျေးရွာမှာ ကျူးလွန်တဲ့ စစ်ရာဇဝတ်မှုကို ဖော်ဆောင်သွားမယ်လို့ နိုင်ငံခြားရေးဝန်ကြီးဒေါ်ဇင်မာအောင်ပြောကြား
ဧပြီ၁၃ရက်
ကန့်ဘလူမြို့နယ်၊ ပဇီကြီး ကျေးရွာမှာ နိုင်ငံခြားရေးဝန်ကြီးဒေါ်ဇင်မာအောင်ကပြောပါတယ်။
ဧပြီ၁၁ရက် ကန့်ဘလူနယ် ပဇီကြီးကျေးရွာကို လေကြောင်းတိုက်ခိုက်မှုနဲ့ပတ်သက်လို့ မေးမြန်းခန်းတစ်ခုမှာ ကျူးလွန်ခဲ့တဲ့ စစ်ရာဇဝတ်မှုကို ဖော်ဆောင်သွားမယ်လို့ NUG NUG နိုင်ငံခြားရေးဝန်ကြီးဒေါ်ဇင်မာအောင်က ပြောကြားခဲ့ပါတယ်။
"ဒီလိုမျိုး ကျူးလွန်နေတဲ့ စစ်ရာဇဝတ်မှုတွေ၊ အကြမ်းဖက်မှုတွေကို တရားမျှတမှုပြန်လည် ဖော်ဆောင်နိူင်ဖို့အတွက် အတတ်နိူင်ဆုံးကြိုးပမ်းသွားမယ် ဆိုတာ ပြည်သူလူထုကိုပြောချင်ပါတယ်။ကျမတို့တွေ ဒီ့ထက်ပိုပြီး သန်မာကြရလိမ့်ဦးမယ်။ကျမတို့တွေ ဒီ့ထက်ပိုပြီး သတိကြီးရလိမ့်ဦးမယ်"လို့ဆိုပါတယ်။
၂၀၂၃ ခုနှစ်၊ ဧပြီလ (၁၁) ရက်နေ့ နံနက်ပိုင်းတွင် အရပ်သားများ ရပ်ရွာအရေး စုစည်းတိုင်ပင်နေသည့် စစ်ကိုင်းတိုင်း၊ ကန့်ဘလူမြို့နယ်၊ ပဇီကြီးကျေးရွာသို့ အာဏာသိမ်းအကြမ်းဖက်စစ်တပ်က လေကြောင်းမှ တိုက်ခိုက်ခဲ့ပါတယ်။
အဆိုပါ လေကြောင်းမှ တိုက်ခိုက်ခံရသည့် ဖြစ်စဥ်အတွင်း အမျိုးသမီးနဲ့ကလေးငယ်အပါအဝင် အပြစ်မဲ့ပြည်သူအများအပြားသေဆုံးခဲ့ပါတယ်။
========================
📌📌 ၃။ ကန့်ဘလူမြို့နယ် ပဇီကြီးရွာ လေကြောင်းတိုက်ခိုက်မှု သေဆုံးသူ၁၆၅ဦးအထိရှိလာပြီ
ဧပြီ၁၃ရက်
စစ်ကိုင်းတိုင်း၊ ကန့်ဘလူမြို့နယ် ပဇီကြီးရွာ လေကြောင်းတိုက်ခိုက်မှု သေဆုံးသူ၁၆၅ဦးအထိရှိလာပြီလို့ ကျန်းမာရေးဒုဝန်ကြီး ဒေါက်တာရွှေပုံက ဧပြီ၁၃ရက်မှာ ပဇီကြီးရွာရဲ့ နောက်ဆုံးအခြေအနေကို အသိပေးဆိုထားပါတယ်။
"ကန့်ဘလူမြို့နယ်၊ပဇီကြီးရွာ၊သေဆုံးသူ ၁၆၅ ဦးရှိပါပြီ။ဧပြီ၁၂ရက်ညအထိပါ"လို့ဆိုထားပါတယ်။
ဧပြီ၁၁ရက်နေ့ မနက်ပိုင်း စစ်ကိုင်းတိုင်း ကန့်ဘလူမြို့နယ် ပဇီကြီးရွာကို စကစလေတပ်က ဗုံးကြဲတိုက်ခိုက်ခဲ့ရာ လူဦးရေ အများအပြားသေဆုံးခဲ့ရပါတယ်။
အဆိုပါဖြစ်စဥ်ကို စကစဘက်က သတင်းထုတ်ပြန့ထုတ်ရာတွင် PDFများရှိနေ၍ စစ်ရေးပစ်မှတ်အဖြစ်တိုက်ခိုက်ခဲ့တယ်လို့ဆိုသော်လည်း သေဆုံးသူများမှာ အရပ်သား အမျိုးသမီးများနဲ့ ကလေးငယ်အများစုဖြစ်ကြပါတယ်။
========================
📌📌 ၄။ စကစရဲ့ ခေတ်အဆက်ဆက်နှိမ်နှင်းတဲ့နည်းက အကြောက်တရားသွင်းခြင်းနဲ့ သွေးခွဲခြင်းပဲဖြစ်တယ်လို့ဆို
ဧပြီ၁၃ရက်
ဧပြီ၁၂ရက် မှာ ပညာရေးဒုတိယဝန်ကြီး ဂျာထွယ်ပန်က အခုလိုသုံးသပ်ပြောကြားထားပါတယ်။
"စကစရဲ့ ခေတ်အဆက်ဆက် သူ့ကိုဆန့်ကျင်လာသူတွေကိုနှိမ်နှင်းတဲ့နည်းက အကြောက်တရားသွင်းခြင်းတို့၊ သွေးခွဲခြင်းပဲဖြစ်ပါတယ်။ ထိလည်းထိရောက်ခဲ့တဲ့သာဓကတွေအများကြီးပါ။ သွေးခွဲတဲ့နေရာမှာ ပုံစံအမျိုးမျိုး သုံးပါတယ်။ အဲဒီအထဲက တစ်ခုကတော့ ဆန့်ကျင်တော်လှန်မှုတွေကို အဖျက်အမှောက်လူတစ်စုက လုပ်ဆောင်တာဆိုပြီး ပြည်သူကို အီကွေးရှင်းထဲကနေထုတ်ထားတဲ့သွေးခွဲတဲ့ အမြင်တစ်ခု ကိုအမြဲတမ်းသွတ်သွင်းပါတယ်။ ခေတ်အဆက်ဆက် ပေါ်ပေါက်ခဲ့တဲ့ စစ်အာဏာရှင်ဆန့်ကျင်ရေး လှုပ်ရှားမှုတွေဟာ ပြည်သူတွေထဲကပဲပေါ်ပေါက် လာတာဖြစ်ပါတယ်"လို့ဆိုပါတယ်။
"အခု နွေဦးတော်လှန်ရေးမှာလဲ ဒီလိုပဲ အများပြည်သူနဲ့ တော်လှန်ရေးသမားတွေကို ဘာမှမဆိုင်သလို သွေးကွဲအောင်လုပ်ဆောင်နေတယ်။ တော်လှန်ရေးလှုပ်ရှားမှုကို လူထုရန်သူအဖြစ်ပုံဖော် သွတ်သွင်းတယ်။ အရပ်ဖက်နဲ့ စစ်ဖက် ပစ်မှတ်တွေမခွဲတော့တဲ့ စစ်ရာဇဝတ်မှုတွေ စိပ်စိပ်လုပ်ဆောင်လာနေတယ်။ အဲဒါကဘာကိုပြသလဲဆိုရင် နင်တို့ PDF တွေကိုထောက်ခံရင်ဒီလိုဖြစ်မယ်။ PDF, NUG တော်လှန်ရေးအစုအဖွဲ့နဲ့ ဆက်စပ်နေရင် ဒီလိုဖြစ်မယ်ဆိုပြီး လုပ်ပြတာဖြစ်တယ်။ လူထုနဲ့ တော်လှန်ရေးအင်အားစုတွေကြားသွေးခွဲတာဖြစ်တယ်"လို့ ဒုတိယဝန်ကြီးက ထပ်လောင်းဆိုထားပါတယ်။
========================
📌📌 ၅။ “ကန့်ဘလူအတွက်အမေရိကန်နိူင်ငံ နယူးယော့ခ်မှာ ဆုတောင်းဆန္ဒဖော်ထုတ်
ဧပြီ၁၃ရက်
“ကန့်ဘလူအတွက် အမေရိကန်နိူင်ငံ နယူးယော့ခ်မှာ ဆုတောင်းဆန္ဒဖော်ထုတ်ပွဲကို Moore Homestead Playground (US Supermarket အနီး),မှာ ကျင်းပခဲ့တာလို့ ပွဲဦးဆောင်သူ NYCBCမှ ဦးနေတင်မြင့်ကအခုလို ပြောပြထားပါတယ်။
(((((((ဦနေတင်မြင့်-NYCBC))))))
ဆန္ဒဖော်ထုတ်ရခြင်းရည်ရွယ်မှာအစိုးရအချင်းချင်းမှ အစိုးရအချင်းချင်းသို့ တိုက်ရိုက်အကူအညီပေးမှုများ အလျင်မြန်ဆုံးလုပ်ဆောင်ရန်၊ အကြမ်းဖက်စစ်တပ်အား လေယာဉ်ဆီများရောင်းချနေခြင်းကိုပိတ်ပင်ရန်၊ မြန်မာပြည်အတွင်းစစ်ရာဇဝတ်မှုများကျုးလွန်နေသူတွေကို နည်းလမ်းရှာပြီးနိုင်ငံတကာရာဇဝတ်မှုတရားရုံး (ICC) သို့လွှဲပြောင်းပေးရန်တို့ကိုလည်းရည်ညွှန်းတယ်လို့သိရပါတယ်။
ယခုတင်ပြခဲ့တဲ့သတင်းတွေကို Radio NUG သတင်းထောက် မင်းသီဟန်က ပေးပို့ထားတာ ဖြစ်ပါတယ်။
No comments:
Post a Comment