27th AUG 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ သြဂုတ်လ ( ၂၇ ) ရက်နေ့ ရပြည်တွင်းသတင်းများ 

📌📌 1.မတူပီမြို့နယ်(ပအဖ)နဲ့ပြည်သူများပူးပေါင်း၍ဆောက်လုပ်သည့် ခွါဘာလ် နှင့် လေဆင်းကျေးရွာကြားရှိတံတားဆောက်လုပ်ပြီးစီး

 

The Matupi Times       ဩဂုတ် ၂၂,၂၀၂၃

မတူပီမြို့နယ်ပြည်သူ့အုပ်ချုပ်ရေအဖွဲ့မှဦးဆောင်၍  ခွါဘာလ် နှင့် လေဆင်းကျေးရွာကြား ယာဉ်ငယ်နှင့်ဒေသခံပြည်သူများ ဖြတ်သန်းသွားလာရေးအဆင်ပြေစေရန်အတွက် ပြည်သူလူထုနဲ့ ပူးပေါင်း၍တံတားကိုပူးပေါင်းတည်ဆောက်ခဲ့ကြောင်းသိရသည်။ အဆိုပါတံတားကို၂၀၂၃ ခုနှစ်နွေရာသီအတွင်းတွင် ဆောက်လုပ်ပြီးစီးခဲ့တယ်လို့ မတူပီမြို့နယ်(ပအဖ)က ရေးသားဖော်ပြထားပါတယ်။

 

========================

 

📌📌 2.Lawngtlai Matu Refugee Committee မှဦးဆောင်၍ ရံပုံငွေဘောလုံးပြိုင်ပွဲကျင်းပ

 

The Matupi Times      ဩဂုတ် ၂၃,၂၀၂၃

၂၀၂၃ခုနှစ် ဩဂုတ်လ ၂၃ ရက်နေ့တွင် Lawngtlai Matu Refugee Committee မှဦးဆောင်၍ လောင်တလိုင်ခရိုင်အတွင်းရှိ မတူပီ စစ်ဘေးရှောင် မိဘပြည်များ၏ နာရေးအခက်အခဲ တတ်နိူင်သလောက် ဖြေရှင်းနိူင်ရေးအတွက် ရံပုံငွေရှာဖွေခြင်း ဘောလုံးပြိုင်ပွဲ ဖွင့်ပွဲအခမ်းအနားပြုလုပ်ခဲ့ကြောင်းသိရသည်။

အဆိုပါ ရံပုံငွေ ရှာဖွေခြင်းတွင် ဘောလုံးပြိုင်ပွဲနှင့် ဈေးရောင်းပွဲတော်တို့ကိုပြုလုပ်သွားမည်ဖြစ်သည်။ဘောလုံးပြိုင်ပွဲတွင် ပြိုင်ပွဲဝင်အသင်းပေါင် (၈) သင်းပါဝင်ယှဉ်ပြိုင်သွားမည်ဖြစ်ကြောင်းသိရသည်။

 

========================

 

📌📌 3.မီဇိုးရမ်၊ ဆိုင်းရန်ကျေရွာအနီးရှိ ဆောက်လုပ်နေဆဲရထားတံတား တံတားဆက်သည့်နေရာတွင်ပြတ်၍ တံတားကျိုးကျပြီး တံတားလုပ်သားဦးရေ (၃၀) ဝန်းကျင် သေဆုံး (Matupi version below)

 

The Matupi Times        ဩဂုတ် ၂၃,၈,၂၀၂၃

အန္ဒိယနိုင်ငံ၊ မီဇိုရမ်၊ အိုင်ဇော်လ်မြို့၊ ဆိုင်းရန်ကျေရွာအနီးတွင် ဆောက်လုပ်နေသည့်ရထား တံတားသည် ယနေ့ ဩဂုတ်လ ၂၃, ၂၀၂၃ ရက်နေ့ယနေ့  နံနက်(၁ဝးဝ၀)နာရီဝန်းကျင် တွင်တံ တားဆောက်လုပ်နေစဉ်ရထားတံတားဆက်သည့်နေရာမှပြတ်၍ တံတားကျိုးကျပြီး  တံတားဆောက်လုပ်နေသည့်တံတားလုပ်သားဦးရေ (၃၀)ဝန်းကျင် သေဆုံးကြောင်း ကနဦးသတင်းရရွိသည်။

“တံတာအမြင့်ပေက ပေ(၂၀၀)လောက်ရှိနိုင်တယ် ။ ရထားတံတားကို လုပ်သား(၄၀)ဦးခန့်ဖြင့် ဆောက်လုပ်ကြပြီး ယနေ့နံနက်ပိုင်းက တံတားပေါ်တွင် ရထားတံတားတိုင်တစ်ဖက်မှတစ်ဖက်သို့ဆက်သွယ်ရန် အတွက် သံပစ္စည်းများသယ်ယူနေစဉ် တံတားတစ်ဖက်ဆက်သည့်နေရာမှစတင်ပြတ်ကျပြီး တံတားကျိုးကျကာ ရထားလုပ်သားဦးရေ (၃၀)ဝန်းကျင် ပွဲချင်းပြီးသေဆုံးနိုင်တယ် အတိကျတော့မသိရသေးဘူး ၊ အခုတော့သေးဆုံးသူအလောင်းတွေကောက်ယူနေကြတယ်လို့ ” ဆိုင်းရန်ကျေးရွာဒေသခံတစ်ဦးက The Matupi Times ကို ပြောပါတယ်။

 

========================

 

📌📌 4. စကစကလက်အောက်ခံ ရဲ(၂)ဦး လက်နက်အပြည့်အစုံနဲ့အတူ PDF-Zoland ထံအလင်းဝင်

 

The Matupi Times      ဩဂုတ် ၂၂,၂၀၂၃

ဩဂုတ်လ ၂၀,၂၀၂၃ ရက်နေ့တွင် PDF Zoland ထံသို့ စကစလက်အောက်ခံ ရဲတပ်သား (၂)ဦးသည် လက်နက် လက်နက်အပြည့်အစုံနဲ့အတူ အလင်းဝင်ခဲ့ကြောင်းသိရသည်။ လက်နက်နဲ့အတူ အလင်းဝင်လာတဲ့ ရဲ(၂)ဦီးကို PDF-Zoland က ကျပ်သိန်း (၅၀) စီ စုစုပေါင်း ကျပ်သိန်းတစ်ရာ ချီးမြှင့်ပေးအပ်ပြီး လွတ်မြောက်နယ်မြေသို့ပို့ဆောင်ပေးခဲ့တယ်လို့ သိရပါတယ်။

 

========================

 

📌📌 5. ကာကွယ်ရေးဝန်ကြီးဌာန ၊အမျိုးသားညီညွတ်ရေးအစိုးရမှ PDF တပ်ရင်းများထံသို့ Drone အစင်းရေ (၄၀၀) ကျော် ဖြန့်ဝေ

 

The Matupi Times        ၂၀၂၃ ခုနှစ်၊ သြဂုတ်လ (၂၃) ရက်နေ့

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနအနေဖြင့် ပြည်သူလူထုကြီး၏ တော်လှန်ရေးရန်ပုံငွေများကို စုစည်းကာ တိုင်းနှင့်ပြည်နယ်အသီးသီးသို့ Drone အစင်းရေ (၄၀၀) ကျော် ဖြန့်ကျက် ပို့ဆောင်ထားကြောင်းယနေ့ ၂၃,ဩဂုတ် ၂၀၂၃ ရက်နေ့တွင်သတင်းထုတ်ပြန်သည်။

 

========================

 

📌📌 6. မတူပီမြို့ရှိ ခရစ်ယာန် Sunday School များနှင့်မူကြိုနေကလေးသူငယ်များအတွက်ရည်ရွယ်၍  သင်ကြားပေးနိုင်ရန် လက်ကမ်းစာစောင်များထုတ်ဝေပေး (Matupi version below)

 

The Matupi Times            ဩဂုတ် ၂၃,၂၀၂၃

Rev.Tin Aung မှ မတူပီမြို့ရှိ ခရစ်ယာန် Sunday School က လေးသူငယ်များအတွက်ရည်ရွယ်၍ ဘုရားကျောင်းများနှင့်မူကြိုကျောင်းနေအရွယ်ကလေးသူငယ်များ အတွက်ရည်ရွယ်၍ သင်ကြားပေးနိုင်ရန် ဆရာ၊မ များအတွက် ဆရာလက်ကိုင်လက်ကမ်းစာစောင်များကို ထုတ်ဝေပေးခဲ့ကြောင်းသိရသည်။

ချင်းပြည်နယ်၊မတူပီမြို့အတွင်းရှိ ခရစ်ယာန် Sunday School ကလေးများအတွက် အဓိကရည်ရွယ်၍ ထုတ်ဝေခဲ့ခြင်းဖြစ်ပြီး စာအုပ်တွင်ပါဝင်သော သင်ခန်းစာများ၏ ရည်ရွယ်ချက်များကို အောက်ပါအတိုင်း ဖော်ပြထားပါသည်။

၁။ ကျေးဌက် တရိစ္ဆာန်များကို တန်ဖိုးထား ထိန်းသိမ်းတတ်ရန်

၂။မိမိ ပတ်ဝန်းကျင်တွင် ရှိသော တရိစ္ဆာန်များအကြောင်း ပိုမိုသိရှိနားလည်စေရန်

၃။ ရိုရာပုံပြင်များမှ ဘဝသင်ခန်းစာများ ရရှိစေရန် နှင့်

၄။ရိုးရာ တူရိယာများ မိတ်ဆက် သိရှိစေရန်

စသည့်အကြောင်းအရာများကို ထည့်သွင်းရေးသားထားသည်။  ဆရာ၊ဆရာမ များအတွက်  ရည်ရွယ်ပြီး သင်ကြားပုံ သင်ကြားနည်းများနှင့် ပြင်ဆင်ရန်အချက်များကိုလည်း ထည့်သွင်းထာကြောင်းသိရသည်။ ယခုစာအုပ်ကို မတူပီမြို့အတွင်း ရှိ အသင်းတော်များသာမက မတူပီမြို့နယ်အတွင်းရှိကျေရွာများမှ အသင်းတော် ဆရာ၊ဆရာမ များမှလည်း မှာယူကာ စတင်အသုံးပြု၍ သင်ကြားပေးနေပြီလို့သိရပါတယ်။

#RadioNUGLocalNews

#SpringRevolution