19 AUG 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ သြဂုတ်လ ( ၁၉ ) ရက်နေ့ ရပြည်တွင်းသတင်းများ

📌📌 ၁. ထန်တလန်မြုိ့ သိမ်းတိုက်ပွဲတွင် ချင်းပြည်ကောင်စီ ပူးပေါင်းတပ်မှ (၄) ဦး ကျဆုံး

The Matupi Times ၊ ဩဂုတ် ၁၁ ၊ ၂၀၂၄

ချင်းပြည်နယ် ၊ ထန်တလန်မြို့ရှိ စစ်ကောင်စီရဲ့တပ်စခန်းသိမ်းတိုက်ပွဲတွင် ချင်းပြည်ကောင်စီပူးပေါင်းတပ်မှ(၄)ဦး ကျဆုံးကြောင်းသိရပါတယ္။

အဆိုပါစစ်ကောင်စီစခန်းသိမ်းတိုက်ပွဲတွင် CDF-KKG မှရဲဘော် အောင်ဝေမင်း နှင့် ရိုခေါန်ခေါလ်(Ro Khawn Kawl) ကျဆုံးကြောင်း သက်ဆိုင်ရာကာကွယ်ရေးတပ်ဖွဲ့က သတင်းထုတ်ပြန်ထားသလို ၊ CDF-Zotung တပ်ဖွဲ့ဝင် ရဲဘော် Salai Maung Tin Sanနှင့် Salai Bawi Ro San တို့သည်လည်း ဖက်ဒရယ်ဒီမိုကရေစီရရှိရေးအတွက် တိုက်ပွဲဝင်ရင်း မြင့်မြတ်စွာ ကျဆုံးသွားကြောင်းသိရပါတယ္။

ပြီးခဲ့တဲ့ ဩဂုတ်လ ၅ ရက်နေ့မနက်ပိုင်းက ထန်တလန်မြို့ပေါ် စစ်ကောင်စီအမာခံ ခလရ ၂၆၉ တပ်ကုန်းကို ချင်းလဲန်းကောင်စီ/ ချင်းပြည်အစိုးရပူးပေါင်းတပ်ဖွဲ့ကသိမ်းပိုက်နိုင်ခဲ့ပါတယ္။

ဟားခါးမြို့နဲ့ ထန်တလန်မြို့အကြားက စစ်တပ်စခန်းတွေကို လက်လွှတ်ခဲ့ဆုံးရှုံးခဲ့ရတဲ့ စစ်ကောင်စီတပ်ဟာ အဆိုပါစခန်းတွေကို ပြန်လည်ရရှိနိုင်ရေးအတွက် ဩဂုတ်လ ၆ရက်နေ့ကစပြီး မြေပြင်နဲ့ လေကြောင်းပစ်ကူများအသုံးပြုကာ ပြန်လည်ထိုးစစ်ဆင်နေတယ်လို့သိရပါတယ္။

========================

📌📌 ၂. CDF ရဲဘော်များနှင့် CDM ဝန်ထမ်းများသရုပ်ဆောင်ထားသည့် "နွေးဦးဇာတ်ခုံ"ရုပ်ရှင်အား မကြာခင်ပြသမည်

The Matupi Times ၊ ဩဂုတ်လ ၁၂ ၊ ၂၀၂၄

မြေပြင်မှ ရဲဘော် ရဲမေများနှင့် CDM ဝန်ထမ်းများကိုယ်တိုင် ပါဝင်သရုပ်ဆောင်ထားကြပြီး

ဒါရိုက်တာ Chin Gyi ရိုက်ကူးထားတဲ့ "နွေးဦးဇာတ်ခုံ"ရုပ်ရှင်ဇာတ်လမ်းတိုကို Online Movie Show အဖြစ်မကြာခင်ပြသသွားမည်ဖြစ်ကြောင်းသိရသည်။

"စနစ်ဆိုးကြီးတစ်ခုကို ဖြုတ်ချပစ်ဖို့အနာဂါတ် လွတ်လပ်ခွင့်နဲ့ တန်းတူရေးအတွက် မိမိတို့ရဲ့ ရာထူးရာခံ ဝန်ထမ်းဘဝကိုစွန့်လွှတ်တိုက်ပွဲဝင်ကြသော CDM ၊ အသက်ခန္ဓာ ပုံအပ်ပေးဆပ်ပြီး တိုက်ပွဲဝင်နေကြသောပြည်သူ့ကာကွယ်ရေးတပ်ဖွဲ့ ဝင်တို့ရဲ့ တကယ့်ဖြစ်ရပ်မှန် ဘဝ ဇာတ်ခုံ အဖြစ်ပုံဖေါ်ထားသည့် ဖြစ်ရပ်မှန်ဇာတ်လမ်းရုပ်ရှင် ဖြစ်တယ်။"လုိ့ CDF-Mindat ကရေးသားဖော်ပြထားပါတယ္။

အဆိုပါရုပ်ရှင်ဇာတ်လမ်းတို ရုပ်ရှင်ကြည့်ခွင့်Tickets များကို ကမ္ဘာတဝန်းစတင်ဖြန့် ချီရောင်းချပေးတော့မှာဖြစ်ပြီး ရုပ်ရှင် Project Target ကတော့ သိန်း ၁၂၀၀/- မျှော်မှန်ထားတယ္လို့ဆိုပါတယ္။ မိဘပြည်သူများအနေဖြင့်လည်း အားကူပါဝင်ပေးကြဖို့ CDF-Mindat ကတိုက်တွန်းထားပါတယ္။

========================

📌📌 ၃. CNA/CNF နှင့် CDF-Hakha တို့ပူးပေါင်းပြီး ဟားခါး-ထန်တလန်လမ်းက စစ်ကောင်စီတပ်စခန်းတခုကိုသိမ်းပိုက် ၊ စကစတပ်ဖွဲ့ ဝင်(၁၀)ဦးသေဆုံး

The Matupi Times ၊ ဩဂုတ်လ ၁၃ ၊ ၂၀၂၄

Chinland Defense Force - Hakha နှင့် Chin National Armyမှ ပူးပေါင်း၍ ၂၀၂၄ခုနှစ်၊ သြဂုတ်လ ၁၂ရက်နေ့တွင် Operation Rung အမည်ဖြင့် တိုက်ပွဲဖော်ဆောင်ခဲ့ပြီး ဟားခါး-ထန်တလန်လမ်းရှိ Keivangzuan စစ်တပ်စခန်းကိုတိုက်ခိုက် သိမ်းပိုက်နိုင်ခဲ့ကြောင်းသိရသည်။

စခန်းသိမ်းတိုက်ပွဲတွင် စစ်သား ၁၀ဦး သေဆုံးခဲ့ပြီး အများအပြား ဒဏ်ရာ ရခဲ့သည့်အပြင် 60မမ၊ MA1 နှစ်လက်၊ MA2 လေးလက်၊ MA3 တစ်လက်၊ MA4 နစ်လက်၊ Machine gun တစ်လက်၊ ကျည်‌ဘောက် ၂၅ခု၊ မိုင်း နှင့် ခဲယမ်းများလည်း သိမ်းဆည်းရရှိခဲ့ကြောင်း CDF-Hakha ကယမန်နေ့ညမှာသတင်း ထုတ်ပြန်ပါတယ္။

========================

📌📌 ၄. ကန်ပက်လက်မြို့နယ္ တွင်အကြမ်းဖက်စစ်ကောင်စီ၏လေကြောင်းတိုက်ခိုက်မှုကြောင့်အမျိုးသမီး (၁) ဦးနှင့် ၃ နှစ်အရွယ်ကလေးငယ် (၁) ဦးသေဆုံး

The Matupi Times ၊ ဩဂုတ်လ ၁၄ ၊ ၂၀၂၄

ချင်းပြည်နယ်တောင်ပိုင်း ၊ ကန်ပက်လက်မြို့နယ်အတွင်းရှိ ဒါးရင်ဒူးဒေသအုပ်ချုပ်မှုနယ်မြေရှိ၊ ဆတ်ချောက်ကျေးရွာတွေကို အကြမ်းဖက်စစ်ကောင်စီတပ်က ၁၃-၈-၂၀၁၄ ရက်နေ့၊ နေ့လယ် ၁:၄၈ အချိန်ခန့်၌ တိုက်ပွဲဖြစ်ပွားခြင်းမရှိဘဲ အကြောင်းမဲ့ လေကြောင်းတိုက်ခိုက်မှု ပြုလုပ်ခဲ့ကြောင်းသိရသည်။

အဆိုပါ လေကြောင်းတိုက်ခိုက်မှုအတွင်း အသက် ၄၂ အရွယ်ရှိ အမျိုးသမီး တစ်ဦး၊ အသက် ၃ နှစ်အရွယ်ရှိ ကလေး ငယ် (ကျား) တစ်ဦး သေဆုံးခဲ့သည့်အပြင် အသက် (၆)လနှင့် (၁၂)နှစ်အရွယ်ကလေး ၂ ဦးအပါအဝင် ဒေသခံပြည်သူ ၄ ဦးမှာ အပြင်းအထန် ဒဏ်ရာရရှိခဲ့တယ်လို့ သိရပါတယ်။

သေဆုံးသူ(၂)ဦးမှာ မောင်ထန်းမနား အသက်(၃)နှစ်နှင့် ဒေါ်လိုင်းလှေ့ အသက် (၄၂)နှစ်တို့ဖြစ်ပြီး လေကြောင်းတိုက်ခိုက်မှုအတွင်း ပွဲချင်းပြီးသေဆုံးခဲ့ခြင်းြဖစ်ကြောင်းသိရသည်။

ဆတ်ခြောက်ကျေးရွာမှာ အိမ်ခြေ ၅၀ ခန့်သာရှိသည့် ကျေးရွာငယ်လေးဖြစ်ပြီး ဆတ်ချောက်ကျေးရွာရှိ စာသင်ကျောင်းကို စစ်ကောင်စီကဦးတည်တိုက်ခိုက်ခြင်းဖြစ်သော်လည်း ပစ်မှတ်လွဲချော်မှုကြောင့် ကျောင်းပတ်ဝန်းကျင်ရှိ လူနေအိမ် (၄) လုံးမှာ လုံးဝပျက်စီးခဲ့သည့်အပြင် နေအိမ် ၂ လုံးထိခိုက်ပျက်စီးခဲ့တယ်လို့ ကန်ပက်လက်မြို့နယ်(ပအဖ)ထုတ်ပြန်ပါတယ္။

========================

📌📌 ၅. ထန်တလန်ရှေ့တန်းစစ်မြေပြင်ကရဲဘော်များကို ချင်းပြည်အစိုးရဝန်ကြီးချုပ်နဲ့အဖွဲ့ မှသွားရောက်တွေ့ဆုံ

The Matupi Times ၊ ဩဂုတ် ၁၇ ၊ ၂၀၂၄

ချင်းပြည်(Chinland) ဝန်ကြီးချုပ်ဦးဆောင်သည့် အစိုးရအဖွဲ့သည် ထန်တလန်မြို့သိမ်းတိုက်ပွဲဆင်နွဲနေသည့် ချင်းပြည်(Chinland)အစိုးရ၊ ကာကွယ်ရေးတပ်ဖွဲ့ဝင်များနှင့် တပ်မှူးများကို သွားရောက်တွေ့ဆုံခဲ့ပြီး လိုအပ်ချက်များကို ပံ့ပိုးခဲ့ကြောင်း ဒီကနေ့ ဩဂုတ်လ ၁၇ ရက်နေ့မှာသတင်းထုတ်ပြန်ပါတယ်။

အဆိုပါခရီးစဉ်တွင် အစိုးရအဖွဲ့၊ ပြည်ထဲရေးဝန်ကြီး၊ ဆောက်လုပ်ရေးဝန်ကြီးနှင့် လျှပ်စစ်နှင့် စွမ်းအင်ဝန်ကြီးတို့မှ လိုက်ပါဆောင်ရွက်ခဲ့ကြတယ်လို့သိရပါတယ္။

========================

📌📌 ၆. ချင်းပြည်ကောင်စီနှင့် ချင်းညီနောင်အဖွဲ့တို့ နယူးဒေလီမြို့မှာ တွေ့ဆုံညှိနှိုင်းမည်

The Matupi Times ၊ ဩဂုတ် ၁၇ ၊ ၂၀၂၄

ချင်းပြည်ကောင်စီနှင့် ချင်းညီနောင်တို့ကြား ဖြစ်ပွားနေသည့် ပဋိပက္ခများကို ပြေလည်ရန် အတွက် လာမည့်အပတ်တွင် အိန္ဒိယနိုင်ငံ နယူးဒေလီမြို့မှာ နှစ်ဖက်တွေ့ဆုံညှိနှိုင်းကြ မည်ဖြစ်ကြောင်း သိရသည်။

ပြီးခဲ့တဲ့ ဩဂုတ်လ ၁၅ ရက်နေ့က ချင်းညီနောင်အဖွဲ့မှ ပြုလုပ်သည့် အွန်လိုင်းသတင်းစာရှင်းလင်းပွဲမှာပြောကြားခဲ့တာပါ။ ချင်းအမျိုးသားတပ်ဦး CNF ပြောရေးဆိုခွင့်ရှိသူ ဆလိုင်းထက်နီကလည်း ချင်းညီနောင်အဖွဲ့နဲ့တွေ့ဆုံဆွေးနွေးသွားမည်ဖြစ်ကြောင်း ခိုနူမ်းသုန်းသတင်းကို အတည်ပြုပြောဆိုခဲ့ပါတယ္။

ချင်းညီနောင်နှင့် ချင်းပြည်ကောင်စီ တို့၏ပထမကြိမ်တွေ့ဆုံညိှနှိုင်းမှုကို Crisis Management Initiative - CMI က ကမကထ ဦးဆောင်ပြီးတော့ နှစ်ဖက်ကို တွေ့ဆုံညှိနှိုင်းပေးသွားမှာဖြစ်ပါတယ္။

CMI အဖွဲ့သည် ဖင်လန်နိုင်ငံ ၊ ဟဲစီကီမြို့တွင် ၂၀၀၀ခုနှစ် ၊ သြဂုတ်လ ၂၄ရက်နေ့က စတင်တည်ထောင်ခဲ့သည့် အစိုးရမဟုတ်သော (NGO) အဖွဲ့အစည်းဖြစ်ပြီး ပဋိပက္ခဖြေရှင်းရန် ရည်ရွယ်ဖွဲ့စည်းထားခြင်းဖြစ်သည်။

========================

📌📌 ၇. နိုင်ပွဲ ပြန်လည်ရရှိခဲ့တဲ့ ချင်းဖိုက်တာ Tial Thang

The Matupi Times ၊ ဩဂုတ်လ ၁၆ ၊ ၂၀၂၄

ဒီကနေ့ညနေက ပြုလုပ်ခဲ့တဲ့ Tribe Tokyo Fight ပြိုင်ပွဲမှာ ချင်းဖိုက်တာ တီရယ်ထန်အနိုင်ရရှိခဲ့တယ္လို့သိရပါတယ္။

ဒီကနေ့ပွဲမှာ တီရယ်ထန် ဟာဂျပန် ပြိုင်ဘက် ဖိုက်တာ Naoki Uedaကို ပွဲအစပိုင်း ကတည်းက အသာစီးရအောင် ကစားနိုင်ခဲ့ပြီး 3 ချီ စလုံး အသာစီး ကစားကာအနိုင်ရတာလို့သိရပါတယ္။

အောင်လအန်ဆန်းကလည်း Tialthang နိုင်ပွဲရရှိမှုပေါ်"ဂျပန်နိုင်ငံမှာ အောင်ပွဲခံယူလို့ ရတဲ့ ညီလေး Tial "The Dragon Leg" Thang ကို ဂုဏ်ပြုပါတယ်! ရှုံးနိမ့်မှုက မင်းကို မဖျက်ဆီးနိုင်စေပါနှင့်၊ အောင်ပွဲက မင်းရဲ့ ခေါင်းထဲကို မရောက်နိုင်စေပါနှင့်။ တော်တော်လေးကြီး ထပ်လေ့လာပြီး အောင်မြင်မှုဆီ သွားခဲ့ပါ!" ဟု ၎င်း၏လူမှုကွန်ရက်စာမျက်နှာမှတဆင့် ဂုဏ်ပြုရေးသားခဲ့ပါတယ္။