07 Oct 2024 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၄ အောက်တိုဘာလ ( ၇ ) ရက်နေ့ ရပြည်တွင်းသတင်းများ

📌📌 ၁. မတူပီမြို့သိမ်းတိုက်ပွဲအတွင်း ပျက်စီးသွားသည့် မတူပီနှစ်ခြင်းအသင်းတော်ကို အသင်းသူ၊သားများက သန့်ရှင်းရေးပြုလုပ်

The Matupi Times ၊ စက်တင်ဘာ ၃၀ ၊၂၀၂၄

မတူပီမြို့သိမ်းတိုက်ပွဲအတွင်း စစ်ကောင်စီ၏လေကြောင်းတိုက်ခိုက်မှုကြောင့် ထိခိုက်ပျက်စီးသွားသည့် မတူပီမြို့ရှိ မတူပီနှစ်ခြင်းအသင်းအသင်းတော်ကို သန့်ရှင်းရေးပြုလုပ်ခဲ့ကြတယ်လို့သိရပါတယ်။

ဒီကနေ့ စက်တင်ဘာ ၃၀ ရက်နေ့မှာ မတူပီနှစ်ခြင်းအသင်းတော်၏ မတူပီမြို့ပေါ်တွင်နေထိုင်ကြသည့် အသင်းသူ၊သားများမှ သွားရောက်ကာ ထိခိုက်ပျက်စီးခဲ့သည့် ဘုရားကျောင်းအတွင်းအပြင်နှင့် ပတ်၀န်းကျင်ကို စုပေါင်း၍သန့်ရှင်းရေးပြုလုပ်ခဲ့တာဖြစ်ကြောင်းသိရသည်။

========================

📌📌 ၂. MCDO မှ မီဇိုးရမ်ရှိ၊ မတူပီစစ်ရှောင်စခန်း(၅)ခုအတွက် ကန်ဒေါ်လာ ၄၀၀၀ ကျော်လှူဒါန်း (Matu Version Below)

The Matupi Times ၊ အောက်တိုဘာ ၁ ၊ ၂၀၂၄

မတူလူမှုကူညီရေးအသင်းအဖွဲ့ တစ်ခုဖြစ်သော Matupi Community Development Organization(MCDO-USA) မှ မီဇိုးရမ်ပြည်နယ်ရှိ မတူပီစစ်ရှောင်စခန်း(၅)ခုအတွက် အမေရိကန်ဒေါ်လာ ၄၀၀၀ ကျော်ပေးပို့လှူဒါန်းခဲ့တယ်လို့သိရပါတယ်။

MCDO-USA မှ မီဇိုရမ်ပြည်နယ်အတွင်းရှိ မတူပီမြို့နယ်မှ စစ်ဘေးရှောင်ပြည်သူများအတွက် အမေရိကန်ဒေါ်လာ (USD-4440)ကို Batupuei organization mizoram(B.O.M) သို့ ပေးပို့ခဲ့ပြီး ကောင်းမွန်စွာလက်ခံရရှိပြီး ဖြစ်ကြောင်းသိရပါတယ်။

"MCDO ကမီဇိုရမ်းမှာရှိတဲ့မတူပီစစ်ဘေးရှောင်စခန်း(၅)ခုအတွက် ကန်ဒေါ်လာ ၄၄၄၀ လှူဒါန်းပေးတယ်၊ (USD-1000)ကို ဒီမှာစစ်ရှောင်နေကြတဲ့ မတူပီစစ်ရှောင်ကျောင်းသူ/သား တွေအတွက် ၊ (USD-3440 )ကို မတူပီစစ်ရှောင်စခန်း(၅)ခုအတွက်ဆိုပြီး လှူဒါန်းပေးခဲ့တာပါ။ လောင်တလိုင်ခရိုင်က ၊ ဆိုက္ကမတူပီစစ်ရှောင်ပြည်သူတွေအတွက်တော့ ဒီနေ့ ဆန်တွေဝယ်ပြီး ဖြန့်ဝေပေးတယ်၊ ကျန်တဲ့ စစ်ရှောင်စခန်း(၄)ခုကိုလည်း ဖြန့်ဝေနေပါတယ်။ "လို့ Batupuei organization mizoram တာဝန်ရှိသူတစ်ဦးကပြောပါတယ်။

ဒီကနေ့ အောက်တိုဘာလ ၁ ရက်နေ့မှာ Batupuei organization mizoram(B.O.M) မှ ဆန်အိတ်(၄၈)အိတ်ဝယ်ယူပြီး လောင်တလိုင်ခရိုင် ၊ဆိုက္ကမတူပီစစ်ရှောင်စခန်းအတွက် ပြန်လည်ဖြန့်ဝေပေးခဲ့တယ်လို့ သိရပါတယ္။ လက်ရှိ ဆိုက္ကမတူပီစစ်ရှောင်းစခန်းတွင် မတူပီမြို့နယ်မှ စစ်ဘေးရှောင်ပြည်သူ ၃၅၄ ဦးနေထိုင်ကြောင်းသိရသည်။

========================

📌📌 ၃. မင်းတပ်မြို့တွင် စကစ၏ မီးရှို့မှုကြောင့် နေအိမ်(၂၀)ကျော် လောင်ကျွမ်း

The Matupi Times ၊ အောက်တိုဘာ ၃ ၊ ၂၀၂၄

ပြီးခဲ့အောက်တိုဘာလ ၁ ရက်နေ့ ညပိုင်းမှာ မင်းတပ်မြို့ပေါ် က ပြည်သူပိုင်နေအိမ်တွေကို စစ်ကောင်စီတပ်ဖွဲ့ဝင်များက မီးရှို့ခဲ့တဲ့ဖြစ်စဉ်မှာ နေအိမ်(၂၀) လုံးကျော် လောင်ကျွမ်းသွားကြောင်းသိရပါတယ္။

မင်းတပ်မြို့ပေါ်က စကစတပ်ဖွဲ့ဝင်များဟာ (၂၇၄ )တပ်ရင်းမှ ဆီများကိုဆိုင်ကယ်(၃)စီးဖြင့်သယ်ပြီး တစ်အိမ် တက်ဆင်း မီးရှို့ နေက ြတာလို့ကနဦးကြားသိရကြောင်း ၊ မင်းတပ်မြို့အနောက် ဘုရင့်နောင်လမ်းခွဲမှစပြီး အိမ်ခြေ ၂၈ လုံး မီးလောင်ကျွမ်းသွားတယ်လို့ သိရပါတယ်။ လူရှိနေသော နေအိမ်တစ်ချို့ကို ကျော်ပြီး ရှို့သွားကြတယ်လို့ ကြားသိရကြောင်း HKL Mindat ကဖော်ပြပါတယ္။

မင်းတပ်မြို့က စစ်ကောင်စီတပ်ဖွဲ့တွေဟာ ပြီးခဲ့တဲ့ ဩဂုတ်လနှင့်စက်တင်ဘာလ (၂)လအတွင်း မင်းတပ်မြို့ထဲက ပြည်သူပိုင်နေအိ်မ်များမီးရှို့ဖျက်ဆီးတာတွေ လုပ်ဆောင်ခဲ့ပြီး နေအိမ်( ၃၆) လုံးကို စကစတပ်ကမီးရှို့ခဲ့ကြောင်း CDF-Mindat ကထုတ်ပြန်တာကြောင့် အခုဖြစ်စဉ်နဲ့ဆို နေအိမ်(၅၀)ကျော်ဟာ မီးရှို့ခံခဲ့ရပြီဖြစ်ပါတယ္။

========================

📌📌 ၄. စစ်ကောင်စီ၏ သန်းခေါင်စာရင်းကောက်ရာတွင် ပါဝင်သူ(၁)ဦး PDF Zoland ဖမ်းဆီးထိန်းသိမ်း

The Matupi Times ၊ အောက်တိုဘာ ၄ ၊ ၂၀၂၄

စစ်ကောင်စီ၏ သန်းခေါင်စာရင်းကောက်ယူရာတွင် ပါဝင်သူ(၁)ဦးက ဖမ်းဆီးထိန်းသိမ်းထားကြောင်း PDF Zoland ကသတင်းထုတ်ပြန်ပါတယ္။

ဖမ်းဆီးခံရသူမှာ တီးတိန်မြို့ မြို့မရပ်ကွက်တွင်နေထိုင်သူ U Kam Lam Thang ဆိုသူဖြစ်ပြီး PDF Zoland နှင့် Chin Brotherhood တို့၏ ထုတ်ပြန်တားမြစ်ချက်များကို မလေးစား မလိုက်နာဘဲ အကြမ်းဖက် စစ်ကောင်စီ၏ အိမ်ထောင်စုစာရင်း ကောက်ခံခြင်းလုပ်ငန်းတွင် တက်ကြွပါဝင်ခြင်းကြောင့် ဖမ်းဆီးထိန်းသိမ်းလိုက်ခြင်းဖြစ်ကြောင်းသိရသည်။ ဆက်လက်၍ အခြား ပါဝင်လှုပ်ရှားသူများရှိလာပါက အလားတူ အရေးယူဆောင်ရွက်သွားမည်ဖြစ်တယ္လို့ဆိုပါတယ္။

Zogam အတွင်း စစ်ကောင်စီ၏ အိမ်ထောင်စု စာရင်းကောက်ယူခြင်းကို အားပေး၊ ကူညီသည့် မည်သူ့ကိုမဆို ပြတ်သားစွာ အရေးယူမည်ဖြစ်ကြောင်း ZFU/PDF Zoland က သန်းခေါင်စာရင်းကောက်ယူမုှမစတင်မီမှာ သတင်းထုတ်ပြန်ထားတာဖြစ်ပါတယ္။

========================

📌📌 ၅. ထန်တလန်မြို့တွင်တိုက်ပွဲပြင်းထန်နေပြီး နှစ်ဘက်ထိခိုက်ကျဆုံးမှုများရှိနေ

The Matupi Times ၊ အောက်တိုဘာ ၅၊ ၂၀၂၄

ချင်းပြည်ကောင်စီပူးပေါင်းတပ်ဖွဲ့မှ ဖော်ဆောင်နေတဲ့ ထန်တလန်မြို့တိုက်ပွဲမှာ စစ်ကောင်စီတပ်နဲ့ချင်းပြည်ကောင်စီ၊အစိုးရပူးပေါင်းတပ်တို့အကြား တိုက်ပွဲပြင်းထန်နေပြီး နှစ်ဘက်ထိခိုက်ကျဆုံးမှုများကြောင်း သိရသည်။

ထန်တလန်တိုက်ပွဲအတွင်း မှာ (CNA)တပ်ဖွဲ့ဝင် ရဲဘော် ဆလိုင်း-တျာလ်လျန်းထန် အသက် (၁၉)နှစ်သည် တိုက်ပွဲတွင် ကျဆုံးသွားကြောင်းသိရပြီး ၊ CDF-Zophei တပ်ဖွဲ့ဝင် ဆလိုင်း ရမ်မှုန်ထန် အသက်(၁၉)နှစ်သည်လည်း ယမန်နေ့ အောက်တိုဘာလ ၄ ရက်နေ့၌ ထန်တလန်တိုက်ပွဲတွင်ကျဆုံးသွားကြောင်း CDF-Zophei ကသတင်းထုတ်ပြန်ထားပါတယ်။

ထန်တလန်မြို့ပေါ် ကအဆောက်အအုံဟောင်းများတွင် နေရာယူထားကြတဲ့ စစ်ကောင်စီတပ်ဖွဲ့ဝင်များနဲ့ ချင်းလဲန်းကောင်စီ/ချင်းပြည်အစိုးရတပ်ဖွဲ့တို့ တိုက်ပွဲပြင်းထန်လျက်ရှိပြီး ယမန်နေ့အောက်တိုဘာ ၄ ရက်နေ့၌ စစ်ကောင်စီတပ်က လေကြောင်းဖြင့် ဗုံးအလုံးရေ ၆၀ ထက်မနည်း တိုက်ခိုက်မှုပြုလုပ်ခဲ့သလို ဟားခါးမြို့မှလည်း လက်နက်ကြီးများဖြင့် ပစ်ကူပေးနေတယ္လို့သိရပါတယ္။

၂၀၂၄ခုနှစ် ဇူလိုင်လ ၂၂ ရက်နေ့မှ Tilim Operation-4 ကို စတင်ဖော်ဆောင်ခဲ့တာဖြစ်ပြီးနောက် ထန်တလန်မြို့ပေါ်က စစ်ကောင်စီတပ်ဖွဲ့မှ အခိုင်မာတပ်စွဲထားသည့် လိုင်ဗီလာ ( Lai Villa) တည်းခိုခန်း အပါအဝင်ထန်တလန်မြို့ရဲ့ရှေ့တန်းအမာခံစခန်းဖြစ်သည့် Auto တောင် စခန်းသုံးခု နှှင့် ထန်တလန်-ဟားခါးလမ်းပိုင်းက စစ်ကောင်စီတပ်စခန်းတွေကို ချင်းပြည်ကောင်စီပူးပေါင်းတပ်ဖွဲ့က သိမ်းပိုက်နိုင်ခဲ့ပါတယ္။

========================

📌📌 ၆. ZCSG မှ CDF-Zophei အတွက် လက်နက် ခဲယမ်းများနှင့် စစ်ဝတ်စုံများပေးအပ်

The Matupi Times / အောက်တိုဘာ ၂ ၊ ၂၀၂၄

Zopheiram Council Supporting of Global မှ CDF-Zophei တပ်ဖွဲ့အတွက် လက်နက်ခဲယမ်း နဲ့ စစ်ဝတ်စုံများကို ထောက်ပံ့ ပေးပို့ခဲ့ကြောင်းသိရသည်။

MA 1 အပါအဝင် MA 2, MA 3 သေနတ် ၄၅ လက်၊ ခဲယမ်းအမြောက်အများနှင့် စစ်ဝတ်စုံများကို Zopheiram Council Supporting of Global မှ တပ်ဆင်ပေးခြင်းဖြစ်ပြီး အောက်တိုဘာလ ၁ ရက်က CDF-Zophei ဌာနချုပ်မှာ ဆုတောင်းဆက်ကပ်ခြင်းအခမ်းအနား ကျင်းပခဲ့ကြသည်ဟု သိရသည်။