၂၀၂၅ ဧပြီလ ၁ ရက်နေ့ ညနေခင်း နောက်ဆုံးရပြည်တွင်းသတင်းများ
📌 ၁။ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊သမ္မတဦးဝင်းမြင့်နဲ့ နိုင်ငံရေးအကျဥ်းသားတွေအားလုံးရဲ့အခြေအနေကိုNUGကအထူးစိုးရိမ်
📌 ၂။ နိုင်ငံတကာ ကူညီကယ်ဆယ်ရေးအဖွဲ့တွေအနေနဲ့ စစ်ကောင်စီပို့ဆောင်တဲ့နေရာတွေတင်မဟုတ်ဘဲ ငလျင်ဒဏ်ခံကြရပြီးအရေးပေါ်ကယ်ဆယ်ရေးတွေလိုအပ်နေတဲ့နေရာဒေသတွေအထိလည်း ရောက်ရှိဖို့ NUGမေတ္တာရပ်ခံ
📌 ၃။ ငလျင်ဒဏ်နောက်ဆက်တွဲနဲ့ အကြမ်းဖက်စစ်အုပ်စုရဲ့ပျက်ကွက်မှုများ၏ဒဏ်ကို နာတာရှည်ရောဂါဝေဒနာသည်များ ခါးစည်းခံနေရပြီး အသက်မဆုံးရှုံးသင့်ဘဲ ဆုံးရှုံးနေကြရ
📌 ၄။ ငလျင်ဒဏ်သင့် ကျန်းမာရေးCDMများ CDM Medical Network သို့ဆက်သွယ်နိုင်
📌 ၅။ ငလျင်ဒဏ်ခံခဲ့ရသည့် မြန်မာနိုင်ငံသူ နိုင်ငံသားများကို စာနာသောအားဖြင့် မြန်မာနိုင်ငံဆိုင်ရာ ပြင်သစ်သံရုံးက သူ့၏ ဂရပ်ဖစ်ဒီဇိုင်းကို အဖြူအမည်းပြောင်းလဲခဲ့
========================
၂၀၂၅ ခုနှစ် ဧပြီလ ၁ ရက် ညပိုင်းမှာတင်ပြပေးမယ့် Radio NUG စစ်ရေးသတင်းကောက်နုတ်ချက်များ
🚩 ၁။ မန္တလေးတိုင်းဒေသကြီးအတွင်း စုစုပေါင်းလူဦးရေ (၄၀၃)ဦးအား အသက်ရှင်လျက်ကယ်ထုတ်နိုင်ခဲ့ပြီး သေဆုံးသူ (၂၅၉)ဦး၏ ရုပ်အလောင်းများကို ထုတ်ယူနိုင်ခဲ့
🚩 ၂။ မန္တလေးအိုးဘိုထောင်တွင်းရှိ အမျိုးသားဆောင် အလုပ်ရုံနဲ့ အမျိုးသမီး အဆောင်ပြိုကျပျက်စီးမှုတို့ကြောင့်အနည်းဆုံးသေဆုံးသူ စုစုပေါင်း(၁၂)ဦးအထိရှိ
🚩 ၃။ ”စကစကနားသွင်း အယောင်ပြ သတင်းစကား နဲ့ ပုံသွင်းမယ့် အချိန် ဖြစ်လို့လိမ္မာပါးနပ်စွာ ကျော်လွှားရမယ်"လို့ဆို
🚩 ၄။ ဆရာဝန်တွေ၊ သူနာပြုတွေနဲ့ ကျွမ်းကျင်ပညာရှင်တွေပါတဲ့အမေရိကန်က ခရစ်ယာန် (Samaritan Purse) အဖွဲ့ကို မြန်မာနိုင်ငံစေလွှတ်
🚩 ၅။ မြန်မာငလျင်ဘေးသင့်ပြည်သူများကိုကူညီကယ်ဆယ်ရန် ဖိလစ်ပိုင်ကကယ်ဆယ်ရေးအဖွဲ့၅၈ ဦးကိုကနဦး ပို့ဆောင်
🚩 ၆။ NUGကိုယ်စားလှယ်ရုံး(ကိုရီးယား)မှ ကောက်ခံသော ငလျင်ဘေးအလှူငွေမှ ပထမအကြိမ် ကျပ်ငွေ သိန်းတစ်ထောင် ပေးပို့
🚩 ၇။ စစ်ကိုင်းမြို့နယ်အတွင်းက ငလျင်ဘေးဒဏ်သင့် အိမ်ထောင်စု၅၀၀ ကို စစ်ကိုင်းပြည်သူ့ကာကွယ်ရေးအဖွဲ့ပကဖကစားနပ်ရိက္ခာများထောက်ပံ့
ဤသတင်းများကို ရေဒီယိုအန်ယူဂျီသတင်းတာဝန်ခံများနှင့် ခိုင်လုံသော မိတ်ဖက်သတင်းရင်းမြစ်များဆီမှ အခြေခံတင်ပြထားခြင်း ဖြစ်ပါတယ်။
========================
📌📌 ၁။ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊သမ္မတဦးဝင်းမြင့်နဲ့ နိုင်ငံရေးအကျဥ်းသားတွေအားလုံးရဲ့အခြေအနေကိုNUGကအထူးစိုးရိမ်
ဧပြီ၁ရက်
နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၊သမ္မတဦးဝင်းမြင့်နဲ့ နိုင်ငံရေးအကျဥ်းသားတွေအားလုံးရဲ့အခြေအနေကို NUGကအထူးစိုးရိမ်တယ်လို့ ဝန်ကြီးချုပ်ရုံးပြောရေးဆိုခွင့်ရှိသူ ဦးနေဘုန်းလတ်ကဧပြီ၁ရက် ပြည်သူနဲ့နိုင်ငံတကာသို့ သတင်းစကားပြောကြားရာမှာ ပြောဆိုခဲ့တာဖြစ်ပါတယ်။
"ငလျင်ဒဏ်ကြောင့်မန္တလေးအိုးဘိုထောင်ထဲက အဆောက်အဦတချို့ပြိုကျပျက်စီးခဲ့တယ်လို့လည်း သိရပါတယ်။ဒီလိုအချိန်မှာ မတရားဖမ်းဆီးထောင်သွင်းအကျဥ်းချခံထားရတဲ့ နိုင်ငံတော်အတိုင်ပင်ခံပုဂ္ဂိုလိဒေါ်အောင်ဆန်းစုကြည်၊သမ္မတဦးဝင်းမြင့်နဲ့ နိုင်ငံရေးအကျဥ်းသားတွေအားလုံးရဲ့အခြေအနေကို ကျနော်တို့အထူးစိုးရိမ်ကြောင်းပြောလိုပါတယ်။နိုင်ငံတော်အတိုင်ပင်ခံပုဂ္ဂိုလ် စိုးရိမ်စရာမရှိဘူးဆိုတဲ့သတင်းအစအနကို ရပေမယ့် ဒါကလည်းရာနှုန်းပြည့်သေချာတာမဟုတ်တာကြောင့် ဒီ့ထက်ပိုပြီး သေချာတဲ့သတင်းရရှိဖို့ လိုအပ်ပါတယ်"လို့ပြောပါတယ်။
NUGလူသားစာနာဝန်ကြီးဌာန၏ ဖော်ပြအရ စစ်ကိုင်းငလျင်ဘေးကြောင့် အတည်ပြုနိုင်သည့် သေဆုံးသူဦးရေမှာ ယနေ့အချိန်အထိ ၂,၃၉၅ ဦးရှိလာပြီး ငလျင်ကြောင့် တိုက်ရိုက်ထိခိုက်ခံစားကြရသည့် လူဦးရေမှာ စုစုပေါင်း ၈,၅၆၂,၅၅၅ ဦးခန့် ရှိကာ ငလျင်ဒဏ်သင့် မြို့နယ်များကိုမြေပုံတွင် ကြည့်ရှုနိုင်တယ်လို့ဖော်ပြပါတယ်။
========================
📌📌 ၂။ နိုင်ငံတကာ ကူညီကယ်ဆယ်ရေးအဖွဲ့တွေအနေနဲ့ စစ်ကောင်စီပို့ဆောင်တဲ့နေရာတွေတင်မဟုတ်ဘဲ ငလျင်ဒဏ်ခံကြရပြီးအရေးပေါ်ကယ်ဆယ်ရေးတွေလိုအပ်နေတဲ့နေရာဒေသတွေအထိလည်း ရောက်ရှိဖို့ NUGမေတ္တာရပ်ခံ
ဧပြီ၁ရက်
နိုင်ငံတကာ ကူညီကယ်ဆယ်ရေးအဖွဲ့တွေအနေနဲ့ စစ်ကောင်စီပို့ဆောင်တဲ့နေရာတွေတင်မဟုတ်ဘဲ ငလျင်ဒဏ်ခံကြရပြီးအရေးပေါ်ကယ်ဆယ်ရေးတွေလိုအပ်နေတဲ့နေရာဒေသတွေအထိလည်း ရောက်ရှိဖို့NUGအစိုးရကမေတ္တာရပ်ခံကြောင်းဝန်ကြီးချုပ်ရုံးပြောရေးဆိုခွင့်ရှိသူဦးနေဘုန်းလတ်ကပြောပါတယ်။“ပြည်သူလူထုနှင့်နိုင်ငံတကာသို့သတင်းစကားပြောကြားခြင်း(Press Briefing)အစီအစဉ် မှာဝန်ကြီးချုပ်ရုံးပြောရေးဆိုခွင့်ရှိသူဦးနေဘုန်းလတ်ကပြောပါတယ်။
"အကြမ်းဖက်စစ်တပ်ဟာစစ်ကိုင်းအပါအဝင်တော်လှန်ရေးအင်အားစုတွေနဲ့နီးစပ်တဲ့ငလျင်ဒဏ်သင့် နယ်မြေတွေဆီကိုကူညီကယ်ဆယ်ရေးအဖွဲ့တွေမသွားရောက်နိုင်အောင် တားဆီးပိတ်ပင်မှုတွေရှိနေပါတယ်။ဒါကြောင့်လည်းကူညီကယ်ဆယ်ရေးအဖွဲ့တွေအနေနဲ့ စစ်ကောင်စီပို့ဆောင်တဲ့နေရာတွေတင်မဟုတ်ဘဲ ငလျင်ဒဏ်ခံကြရပြီးအရေးပေါ်ကယ်ဆယ်ရေးတွေလိုအပ်နေတဲ့စစ်ကိုင်းတိုင်း၊မန္တလေးတိုင်း၊ပဲခူးတိုင်း၊ရှမ်းပြည်နယ်တောင်ပိုင်းကနေရာဒေသတွေအထိလည်း ရောက်ရှိဖို့မေတ္တာရပ်ခံသလိုအမျိုးသားညီညွတ်ရေးအစိုးရအနေနဲ့ ပူးပေါင်းဆောင်ရွက်ဖို့အဆင်သင့်ရှိကြောင်းပြောကြားပါ့ရစေ"လို့ပြောပါတယ်။
ဒါ့အပြင် ငလျင်ဘေးသင့်ပြည်သူများကိုကူညီကယ်ဆယ်ရာမှာ စစ်ကောင်စီနဲ့ပူးပေါင်းဆောင်ရွက်ရတဲ့ နိုင်ငံတကာအဖွဲ့များကိုအမျိုးသားညီညွတ်ရေးအစိုးရအနေနဲ့နားလည်မှုရှိကြောင်းပြောပါတယ်။
========================
📌📌 ၃။ ငလျင်ဒဏ်နောက်ဆက်တွဲနဲ့ အကြမ်းဖက်စစ်အုပ်စုရဲ့ပျက်ကွက်မှုများ၏ဒဏ်ကို နာတာရှည်ရောဂါဝေဒနာသည်များ ခါးစည်းခံနေရပြီး အသက်မဆုံးရှုံးသင့်ဘဲ ဆုံးရှုံးနေကြရ
ဧပြီ၁ရက်
ငလျင်ဒဏ်နောက်ဆက်တွဲအပြင်၊ အကြမ်းဖက်စစ်အုပ်စုရဲ့ပျက်ကွက်မှုများ၏ဒဏ်ကို နာတာရှည်ရောဂါဝေဒနါသည်များ ခါးစည်းခံနေရပြီး အသက်မဆုံးရှုံးသင့်ဘဲ ဆုံးရှုံးနေရတယ်လို့ ရန်ကုန်မြို့နေ မိသားစုများထံက စုံစမ်းသိရှိရပါတယ်။
လျှပ်စစ်မီးပြတ်တောက်မှု ပိုမိုဆိုးဝါးလာခြင်း၊ ရေကောင်းရေသန့်များ ရှားပါးလာခြင်း၊ ကောင်းမွန်တဲ့လေကောင်းလေသန့် မရရှိမှု၊ ဆေးရုံများတွင်စီမံခန့်ခွဲမှုညံ့ဖျင်းမှု ၊ ဆေးဝါးများ ရှားပါးပြတ်လပ်မှု၊ စားဝတ်နေရေး စီးပွားရေးအဆင်မပြေမှုတို့ကြောင့် နာတာရှည် ရောဂါဝေဒနာရှင်များအတွက် ပိုပြီး အခက်အခဲများ ဖိဆီးမှုတွေ ရင်ဆိုင်နေကြရတယ်လို့ဆိုပါတယ်။
"နာတာရှည်လူနာတွေဟာ အခုကာလမှာ အောက်စီဂျင် ၊ဆေးဝါး၊ ရေသန့် ၊မီး စတာတွေ ပြတ်တောက်လို့ မဆုံးသင့်ဘဲ ဆုံးရှုံးမှုတွေ မြင့်တက်လာနေတယ်"လို့ ဝေဒနါရှင်၏မိသားစုဝင်တဦးကဆိုပါတယ်။
စစ်အုပ်စုရဲ့ငလျင်ဒဏ်နောက်ဆက်တွဲ စီမံခန့်ခွဲမှု ညံ့ဖျင်းမှုများ၊ ပျက်ကွက်မှုများကြောင့်အသက်မဆုံးရှုံးသင့်ဘဲ အများဆုံးသေဆုံးခဲ့ရတဲ့ဝေဒနါရှင်များမှာ ကျောက်ကပ်၊ နှလုံး၊ သွေးတိုး၊ ဆီးချိုနဲ့ ကင်ဆာရောဂါဝေဒနါရှင်တို့ဖြစ်တယ်လို့သိရပါတယ်။ ငလျင်ဒဏ်ကြောင့် အစစအရာရာ ပျက်စီးမှုတွေ ရင်ဆိုင်နေရတာအပြင် လူနာတွေကိုယ်တိုင်လည်း စိတ်ဝေဒနာကို ပိုပြီး ခံစားရပြီး ကျန်းမာရေးပိုဆိုးဝါးလာနေတယ်လို့ ကျန်းမာရေးဝန်ထမ်းတဦးက မှတ်ချက်ပေးပါတယ်။
လက်ရှိကင်ဆာကြောင့် တနှစ်လျင် လူ ၁၀ သန်း အသက်ဆုံးရှုံးနေရပြီး ယင်းသည် ကမ္ဘာတဝန်း လူသေဆုံးမှုကို ဖြစ်စေသည့် အဓိကအကြောင်းအရင်းတခု ဖြစ်ကြောင်း ကမ္ဘာ့ကျန်းမာရေးအဖွဲ့WHOကထုတ်ပြန်ထားပါတယ်။
"ဆေးရုံမှာ ဓာတ်ကင်ဖို့ကိုအလှည့်နဲ့စောင့်ရတယ်။ တချို့နှစ်နဲ့ချီကြာတယ်။ကြားထဲ မစောင့်နိုင်လို့ ငွေကြေးတတ်နိုင်သူတွေဆိုရင် တခြားနည်းလမ်းနဲ့ကုကြတယ်။ မတတ်နိုင်တဲ့သူက ဘာမှမတတ်နိုင်ရှာဘဲ စောစောသေဆုံးရတယ်။ စိတ်ဓာတ်မြန်မြန်ကျလေ ကင်ဆာဝေဒနါရှင်က ပိုဆုံးရှုံးရလေပါပဲ"လို့ ရန်ကုန်မြို့နေပြည်သူတဦးကလည်းပြောပါတယ်။
========================
📌📌 ၄။ ငလျင်ဒဏ်သင့် ကျန်းမာရေးCDMများ CDM Medical Network သို့ဆက်သွယ်နိုင်
ငလျင်ဒဏ်သင့် ကျန်းမာရေးCDMများ CDM Medical Network သို့ဆက်သွယ်နိုင်တယ်လို့ဆိုပါတယ်။"7.7 ပြင်းအားရှိတဲ့ ငလျင်ဘေး Day 3... ယခု နေ့လည် ၁၂နာရီခွဲဆိုရင် Golden Hour ဆိုတဲ့ အရေးကြီး ရွှေအချိန် ၇၂နာရီပြည့်ပါပြီ။သဘာ၀ကပ်ဘေးဆိုးကြီးကို ခက်ခဲစွာရင်ဆိုင်ကြရာမှာ ယခုချိန်ထိ ပြည်သူမှာ ပြည်သူသာ ရှိနေဆဲပါ။ CDM ကျန်းမာရေးဝန်ထမ်းများနဲ့ ထပ်တူရှိနေတဲ့ CDMMN အနေနဲ့လည်း ကတိကဝတ်ကမ်ပိန်း (The Promise)ကနေ ငလျင်ဘေးသင့် ကျန်းမာရေးဝန်ထမ်းများအတွက် အကူအညီများ ကြိုးစားစီစဉ်နေပါတယ်"လို့ဆိုပါတယ်။
ကိုယ်တိုင်ဖြစ်စေ၊ မိသားစုဝင်က ငလျင်ဒဏ်သင့် ကျန်းမာရေးCDM ဖြစ်ပါကCDMMN page messenger m.me/cdmmn မှာ "ငလျင်ဘေးသင့် ကျန်းမာရေးCDM စာရင်းပေးရန်" ကို ရွေးချယ်စာရင်းပေးနိုင်တယ်လို့ဆိုပါတယ်။
========================
📌📌 ၅။ ငလျင်ဒဏ်ခံခဲ့ရသည့် မြန်မာနိုင်ငံသူ နိုင်ငံသားများကို စာနာသောအားဖြင့် မြန်မာနိုင်ငံဆိုင်ရာ ပြင်သစ်သံရုံးက သူ့၏ ဂရပ်ဖစ်ဒီဇိုင်းကို အဖြူအမည်းပြောင်းလဲခဲ့
ဧပြီ၁ရက်
ငလျင်ဒဏ်ခံခဲ့ရသည့် မြန်မာနိုင်ငံသူ နိုင်ငံသားများကို စာနာသောအားဖြင့် မြန်မာနိုင်ငံဆိုင်ရာ ပြင်သစ်သံရုံးက သူ့၏ ဂရပ်ဖစ်ဒီဇိုင်းကို အဖြူအမည်းပြောင်းလဲခဲ့တယ်လို့ ဧပြီ၁ရက်နေ့မှာ ပြင်သစ်သံရုံးရန်ကုန်က အသိပေးကြေညာပါတယ်။မတ် ၂၈ ရက်က ငလျင်ဒဏ်ခံခဲ့ရသည့် မြန်မာနိုင်ငံသူ နိုင်ငံသားများကို စာနာသောအားဖြင့် မြန်မာနိုင်ငံဆိုင်ရာ ပြင်သစ်သံရုံးက သူ့၏ ဂရပ်ဖစ်ဒီဇိုင်းကို ပြောင်းလဲခဲ့တယ်လို့ဖော်ပြပါတယ်။မတ်လ၂၈ရက်စစ်ကိုင်းမြို့ကိုဗဟိုပြု၍ လှုပ်ခတ်ခဲ့သောအင်အား၇.၇အဆင့်ရှိ အလွန်အင်အားငလျင်ဒဏ်ကြောင့်လူပေါင်းထောင်နဲ့ချီသေဆုံးခဲ့ပြီးအဆောက်အဦများပြိုကျပျက်စီးခဲ့ရပါတယ်။
အခု တင်ပြခဲ့တဲ့ သတင်းအတွေကို Radio NUG သတင်းထောက်ကို မင်းသီဟန်မှ ပေးပို့ထားတာ ဖြစ်ပါတယ်။
========================
========================
========================
🚩🚩 ၁။ မန္တလေးတိုင်းဒေသကြီးအတွင်း စုစုပေါင်းလူဦးရေ (၄၀၃)ဦးအား အသက်ရှင်လျက်ကယ်ထုတ်နိုင်ခဲ့ပြီး သေဆုံးသူ (၂၅၉)ဦး၏ ရုပ်အလောင်းများကို ထုတ်ယူနိုင်ခဲ့
ဧပြီ၁ရက်
မန္တလေးတိုင်းဒေသကြီးအတွင်း စုစုပေါင်းလူဦးရေ (၄၀၃)ဦးအား အသက်ရှင်လျက်ကယ်ထုတ်နိုင်ခဲ့ပြီး သေဆုံးသူ (၂၅၉)ဦး၏ ရုပ်အလောင်းများကို ထုတ်ယူနိုင်ခဲ့တာ်လို့သတင်းရရှိပါတယ်။
မန္တလေးတိုင်းဒေသကြီးအတွင်း ငလျင်လှုပ်ခတ်မှုကြောင့် အဆောက်အဦထိခိုက်ပျက်စီးမှုများအောက်တွင် ပိတ်မိနေသောလူများကိုရှာဖွေကယ်ဆယ်ရေးလုပ်ငန်းများနိုင်ငံတကာကယ်ဆယ်ရေးအဖွဲ့များနဲ့ပြည်တွင်းကယ်ဆယ်ရေးအဖွဲ့များဆောင်ရွက်ခဲ့ပါတယ်။
မတ်လ ၃၁ရက်နေ့တွင်မန္တလေးမြို့အတွင်းအမျိုးသမီ(၅)ဦးအား အသက်ရှင်လျက်ကယ်ထုတ်နိုင်ခဲ့ပြီး သေဆုံးသူအမျိုးသား(၁၆)ဦး၊ အမျိုးသမီး(၁၁)ဦး၊ စုစုပေါင်း (၂၇)ဦး၏ ရုပ်အလောင်းများအား ထုတ်ယူနိုင်ခဲ့ပါတယ်။
စတင်ဖြစ်ပွားအချိန်မှာ ယခုအချိန်ထိ မန္တလေးတိုင်းဒေသကြီးအတွင်း စုစုပေါင်းလူဦးရေ (၄၀၃)ဦးအား အသက်ရှင်လျက်ကယ်ထုတ်နိုင်ခဲ့ပြီး သေဆုံးသူ (၂၅၉)ဦး၏ ရုပ်အလောင်းများကို ထုတ်ယူနိုင်ခဲ့တယ်လို့သိရပါတယ်။
========================
🚩🚩 ၂။ မန္တလေးအိုးဘိုထောင်တွင်းရှိ အမျိုးသားဆောင် အလုပ်ရုံနဲ့ အမျိုးသမီး အဆောင်ပြိုကျပျက်စီးမှုတို့ကြောင့်အနည်းဆုံးသေဆုံးသူ စုစုပေါင်း(၁၂)ဦးအထိရှိ
ဧပြီ၁ရက်
မန္တလေးအိုးဘိုထောင်တွင်းရှိ အမျိုးသားဆောင် အလုပ်ရုံနဲ့ အမျိုးသမီး အဆောင်ပြိုကျပျက်စီးမှုတို့ကြောင့်အနည်းဆုံးသေဆုံးသူ စုစုပေါင်း(၁၂)ဦးအထိရှိတယ်လို့သိရပါတယ်။
ဧပြီ၁ရက် မြန်မာနိုင်ငံလုံးဆိုင်ရာနိုင်ငံရေးအကျဉ်းသားများကွန်ရက်(PPNM)ကထုတ်ပြန်ဖော်ပြမှုအရ အိုးဘိုထောင်တွင်းရှိ အမျိုးသားဆောင် အလုပ်ရုံပြိုကျခဲ့၍ အတည်ပြုထားပြီး အမျိုးသား(၁)ဦးသေဆုံးခဲ့ကာ(၁)ဦးပြင်းထန်ထိခိုက်ဒဏ်ရာရရှိခဲ့ပြီးအဆောင်များကြားတွင် ကာရန်ထားသည့် အုတ်ရိုးများပြိုကျမှုရှိခဲ့တယ်လို့ဖော်ပြပါတယ်။
အမျိုးသမီး အဆောင်(၁)နှင့်အဆောင်(၂)ပြိုကျ၍ အမျိုးသမီး အနည်းဆုံး (၂)ဦးသေဆုံးမှု အတည်ပြုထားပြီး ထိခိုက်ဒဏ်ရာရရှိသူ(၁၀)ဦးခန့်ရှိခဲ့ကြောင်း အတည်ပြုထားပါတယ်။
ထပ်မံအတည်ပြုရန်ကြိုးစားလျက်ရှိသည့်စာရင်းPPNM မှ ရရှိအတည်ပြုနေသည့် လက်ရှိသေဆုံးသူများသည် အကျဉ်းသားဖြစ်ခြင်း နှင့် ဝန်ထမ်းဖြစ်ခြင်းအား သီးခြားခွဲယူကောက်ယူနိုင်ခြင်းမရှိသေးသော်လည်း သေဆုံးမှုအားဖြင့်စုစုပေါင်း(၁၂)ဦးအထိ ငလျင်ကြောင့် သေဆုံးကြောင်း ကနဦးသိရှိထားရတယ်လို့ဖော်ပြပါတယ်။
========================
🚩🚩 ၃။ ”စကစကနားသွင်း အယောင်ပြ သတင်းစကား နဲ့ ပုံသွင်းမယ့် အချိန် ဖြစ်လို့လိမ္မာပါးနပ်စွာ ကျော်လွှားရမယ်"လို့ဆို
ဧပြီ၁ရက်
"စကစကနားသွင်း အယောင်ပြ သတင်းစကား နဲ့ ပုံသွင်းမယ့် အချိန် ဖြစ်လို့လိမ္မာပါးနပ်စွာ ကျော်လွှားရမယ်"လို့ ဒုဝန်ကြီး ဦးမော်ထွန်းအောင်ကဆိုပါတယ်။
"ရန်သူက သူ့အလုပ်သူလုပ်သလို ကျနော်တို့လည်း ခါးပါတ် တင်းတင်းပါတ်ပြီး ကိုယ့်အလုပ် ကိုယ်ဆက်လုပ်ဖို့လိုပါတယ်။နားသွင်း အယောင်ပြ သတင်းစကား နဲ့ ပုံသွင်းမယ့် အချိန် ဖြစ်ပါတယ်။လိမ္မာပါးနပ်စွာ ကျော်လွှားရပါမယ်"လို့ဆိုပါတယ်။
အကြမ်းဖက်စကစဟာငလျင်ဘေးသင့်ပြည်သူများကိုအမြတ်ထုတ်၍ နိုင်ငံတကာအကူအညီများကို ရယူကာ ၄င်းသာတရားဝင်အစိုးရသဖွယ်ပြုမူနေပြီး ကူညီကယ်ဆယ်ရေးတာဝန်များကိုစစ်တပ်ဿယ်ဆယ်ရန်ပျက်ကွက်လျက်ရှိပါတယ်။
========================
🚩🚩 ၄။ ဆရာဝန်တွေ၊ သူနာပြုတွေနဲ့ ကျွမ်းကျင်ပညာရှင်တွေပါတဲ့အမေရိကန်က ခရစ်ယာန် (Samaritan Purse) အဖွဲ့ကို မြန်မာနိုင်ငံစေလွှတ်
ဧပြီ၁ရက်
ဆရာဝန်တွေ၊ သူနာပြုတွေနဲ့ ကျွမ်းကျင်ပညာရှင်တွေပါတဲ့အမေရိကန်က ခရစ်ယာန် (Samaritan Purse) အဖွဲ့ကို မြန်မာနိုင်ငံစေလွှတ်လိုက်ကြောင်းကို ခရစ်ယာန် တရားဟောဆရာဖရန်ကလင်းဂရေဟန်က လူမှုကွန်ရက်မှာ မတ်လ ၃၁ ရက်နေ့က အသိပေးရေးသားထားပါတယ်။
အမေရိကန်နိုင်ငံက ဆရာဝန်တွေ၊ သူနာပြုတွေနဲ့ ကျွမ်းကျင်ပညာရှင်တွေပါတဲ့ ခရစ်ယာန် (Samaritan Purse) အဖွဲ့ကို မြန်မာနိုင်ငံက ငလျင်ဘေးဒဏ်သင့်ဒေသတွေကို စေလွှတ်ပြီး ခွဲစိပ်ခန်း နှစ်ခန်းပါတဲ့ ယာယီဆေးရုံတစ်ခုကိုတည်ဆောက်ပေးသွားမယ်လို့ အသိပေးထားပါတယ်။
ဆောက်လုပ်မယ့် ယာယီဆေးရုံထဲမှာ အရေးပေါ်ခန်း၊ လူနားထားခန်း၊ ဆေးပေးခန်းတွေပါဝင်မှာဖြစ်ပြီးတော့ ဆရာဝန်၊ သူနာပြု၊ သောက်ရေဆိုင်ရာကျွမ်းကျင်ပညာရှင် ၊ ကယ်ဆယ်ရေး အဖွဲ့ သားများအပါဝင် ခရစ်ယာန် (Samaritan Purse) အဖွဲ့ဝင် ဝန်ထမ်းအားလုံးပေါင်း ဦးရေ ၈၀ ကနေ ၁၃၀ အထိ ပါဝင်တဲ့အဖွဲ့ဖြစ်တယ်လို့ဆိုထားပါတယ်။
ထပ်မံပြီးတော့ ဆေးရုံးသုံးပစ္စည်း၊အရေးပေါ်အသုံးဆောင်ပစ္စည်းတွေကိုလည်း ထောက်ပံ့ကူညီဖို့ လေယာဉ်တွေနဲ့ ပို့ပေးဦးမှာဖြစ်တယ်လို့ဆိုပါတယ်။
========================
🚩🚩 ၅။ မြန်မာငလျင်ဘေးသင့်ပြည်သူများကိုကူညီကယ်ဆယ်ရန် ဖိလစ်ပိုင်ကကယ်ဆယ်ရေးအဖွဲ့၅၈ ဦးကိုကနဦး ပို့ဆောင်
ဧပြီ၁ရက်
မြန်မာငလျင်ဘေးသင့်ပြည်သူများကိုကူညီကယ်ဆယ်ရန် ဖိလစ်ပိုင်ကကယ်ဆယ်ရေးအဖွဲ့၅၈ ဦးကို ကနဦး ပို့ဆောင်လိုက်ပါတယ်။မြေငလျင် ကယ်ဆယ်ရေး မစ်ရှင်အတွက်ဖိလစ်ပိုင်နိုင်ငံမှ တပ်ဖွဲ့ဝင်များသည်ဧပြီ၁ရက်မှာ ထွက်ခွာသွားပြီလို့သိရပါတယ်။
ကျန်းမာရေးဌာနမှ ဖိလစ်ပိုင် ဆေးဘက်ဆိုင်ရာ အထောက်အကူအဖွဲ့၊ အရပ်ဘက်ကာကွယ်ရေးရုံးမှ ညှိနှိုင်းရေးမှူးများအပါအဝင်ကနဦးအဖွဲ့ဝင် ၅၈ ဦးကို ပို့ဆောင်ခဲ့ပြီး ကျန် ၃၃ ဦးကို C-130 လေယာဉ်တစ်စီးဖြင့် ၂၀၂၅ ခုနှစ် ဧပြီလ ၂ ရက်နေ့တွင် ပို့ဆောင်ရန် စီစဉ်ထားတယ်လို့သိရပါတယ်။
မရှိမဖြစ်လိုအပ်သော ရှာဖွေကယ်ဆယ်ရေးပစ္စည်းများနှင့် ဆေးဘက်ဆိုင်ရာ အထောက်အပံ့များ ယူဆောင်လာကာ အဆိုပါဝန်ထမ်းများသည် အသက်ကယ် ကယ်ဆယ်ရေးလုပ်ငန်းများ လုပ်ဆောင်ရန် အဆင်သင့်ဖြစ်နေပြီဖြစ်တယ်လို့သိရပါတယ်။
========================
🚩🚩 ၆။ NUGကိုယ်စားလှယ်ရုံး(ကိုရီးယား)မှ ကောက်ခံသော ငလျင်ဘေးအလှူငွေမှ ပထမအကြိမ် ကျပ်ငွေ သိန်းတစ်ထောင် ပေးပို့
ဧပြီ၁ရက်
NUGကိုယ်စားလှယ်ရုံး(ကိုရီးယား)မှ ကောက်ခံသော ငလျင်ဘေးအလှူငွေမှ ပထမအကြိမ် ကျပ်ငွေ သိန်းတစ်ထောင် ပေးပို့ပြီးဖြစ်တယ်လို့ သိရပါတယ်။
မတ်လ ၂၈ ရက်နေ့က ဖြစ်ပွားခဲ့သော စစ်ကိုင်းငလျင်ကြောင့် ထိခိုက် ပျက်စီး ဆုံးရှံးသွားရသည့် မြန်မာပြည်သူများအတွက် “ပြည်သူမှပြည်သူ ဝိုင်းဝန်းကူ”ကြရန် ကိုယ်စားလှယ် ဦးရန်နိုင်ထွန်း ဦးဆောင်ကြီးကြပ်၍ ကောက်ယူနေသော “NUGကိုယ်စားလှယ်ရုံး ငလျင်ဘေးအလှူငွေ” အစီအစဉ်မှ ပထမအကြိမ် ကျပ်ငွေ သိန်းတစ်ထောင် (100,000,000 DMMK) (ကိုရီးယားဝမ် 33,898,310)ကို အမျိုးသားညီညွတ်ရေးအစိုးရ၏ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံ ခန့်ခွဲရေး ဝန်ကြီးဌာနသို့ ပေးပို့ပြီး ဖြစ်ကြောင်း ကြေညာထားပါတယ်။
စေတနာထက်သန်စွာ ပါဝင်လှူတန်းကြသော ကိုရီးယားနေ မြန်မာနိုင်ငံသားများအား လေးစားစွာ ကျေးဇူးတင် ဂုဏ်ပြုပါကြောင်း မှတ်တမ်းတင်အပ်တယ်လို့ NUGကိုယ်စားလှယ်ရုံးကဆိုပါတယ်။
========================
🚩🚩 ၇။ စစ်ကိုင်းမြို့နယ်အတွင်းက ငလျင်ဘေးဒဏ်သင့် အိမ်ထောင်စု၅၀၀ ကို စစ်ကိုင်းပြည်သူ့ကာကွယ်ရေးအဖွဲ့ပကဖကစားနပ်ရိက္ခာများထောက်ပံ့
ဧပြီ၁ရက်
စစ်ကိုင်းမြို့နယ်အတွင်းက ငလျင်ဘေးဒဏ်သင့် အိမ်ထောင်စု ၅၀၀ကို စစ်ကိုင်းပြည်သူ့ကာကွယ်ရေးအဖွဲ့ပကဖက စားနပ်ရိက္ခာများထောက်ပံ့ခဲ့ပါတယ်။
စစ်ကိုင်းမြို့နယ်အတွင်းက ငလျင်ဘေးဒဏ်သင့် အိမ်ထောင်စု၅၀၀ ကို စစ်ကိုင်းမြို့နယ်ပြည်သူ့ကာကွယ်ရေးအဖွဲ့ပကဖ(ဇုန်၂) နှင့် မြို့နယ်ပကဖ တပ်ခွဲ၂ က ဦးဆောင်််််ပြီး ဆန် ၄၄ ပိုင်း၊ဆီ ၁၀ပုံး၊ ကြက်သွန် အချိန် ၁ထောင်နဲ့ ခရမ်းချဉ်သီး တွေကိုထောက်ပံ့ခဲ့တယ်လို့ဖော်ပြပါတယ်။
အခုတင်ပြခဲ့တဲ့ သတင်းကိုတော့ Radio NUGသတင်းထောက် မင်းသီဟန်မှ ပေးပို့ထားတာဖြစ်ပါတယ်
No comments:
Post a Comment