12 May 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ မေလ ( ၁၂ ) ရက်နေ့ ရပြည်တွင်းသတင်းများ

📌📌 1/ ဟားခါးမြို့တွင် ပြည်သူယောင်ဆောင်ကာ သတင်းယူ နေသူ (၂) ဦးကို CDF-Hakha ဖမ်းဆီး

 

The Matupi Times ၊ မေလ ၂ ၊ ၂၀၂၅

ချင်းပြည်နယ်၊ ဟားခါးမြို့တွင်ပြည်သူဟန်ဆောင်ကာ သတင်းထောက်လှမ်းယူနေသော အကြမ်းဖက်စစ်ကောင်စီ လက်အောက်ခံ ရဲသား နှစ်ဦးကို ဖမ်းဆီးနိုင်ခဲ့ ကြောင်း ဒီက နေ့ မေလ ၂ ရက် နေ့မှာ CDF-Hakha ကသတင်းထုတ်ပြန်လာပါတယ်။

အဆိုပါ(၂)ဦးကို ယမန် နေ့၂၀၂၅ ခုနှစ် မေလ (၁) ရက်နေ့တွင် CDF-hakha မှ ဖမ်းဆီးထိန်းသိမ်းရမိတာဖြစ် ကြောင်းထုတ်ပြန်ချက်အရသိရပါတယ်။

CDF-Hakha အအေနဖြင့် အပြစ်မဲ့ပြည််သူများကို ဒုက္ခမျိုးစုံပေးနေသော အကြမ်းဖက်စစ်ကောင်စီအဖွဲ့ဝင်များအား CDF-Hakha အနေဖြင့် လိုက်လံအရေးယူသွားမယ်လို့ဆိုပါတယ်။

 

========================

 

📌📌 2/ MCDO ဖွဲ့စည်းတည်ထောင်ခြင်း15 နှစ်ပြည့် ကျင်းပ

 

The Matupi Times မေလ ၁ရက် ၂၀၂၅။

Matupi Community Development Organization MCDO-USA ဖွဲ့စည်းတည်ထောင်ခြင်း (၁၅) နှစ်ပြည့် Anniversary ကို ဧပြီလ ၂၆ရက်နေ့ ၂၀၂၅ Indiana State၊ Indianapolis တွင် အောင်မြင်စွာ ကျင်းပနိုင်ခဲ့ကြကြောင်း သိရသည်။

ယခု (၁၅) နှစ်ပြည့် အစီအစဉ်တွင် Langle Foundation USA, Ngalaeng Organization USA , Cangmah Organization USA နဲ့ IMF မှ Board of Director Salai Aung Dwin နှင့် ဇနီးသည် တို့ပါဝင်ခဲ့ကြသည်။ 

(၁၅) နှစ်ပြည့် အခမ်းအနားအစီအစဉ်တွင် MCDO ၏ ဒါရိုက်တာနဲ့ အထွေထွေအတွင်းရေးမှူးမှ အဖွင့်အမှာစကားနဲ့ MCDO ၏ သမိုင်းအကျဉ်းများကို အသီးသီးပြောကြားပြီး ၂၀၂၅-၂၀၂၇ ခုနှစ်အတွင်း MCDO ကို ဦးဆောင်သွားမည့် ခေါင်းဆောင်များကိုလည်း တစ်ပါးတည်း ရွေးချယ်ခန့်အပ်နိုင်ခဲ့ကြကြောင်းသိရသည်။

  

========================

 

📌📌 3/ Myanmar Star Season 2 သီချင်းဆိုပြိုင်ပွဲ Winner ဆုကို ချင်းလူငယ် Ephraim Kyaw Oo မှ ရရှိ

 

The Matupi Times ၊မေလ ၉ ရက်၊၂၀၂၅

Myanmar Star Season 2 Grand Final သီချင်းဆိုပြိုင်ပွဲကို မေလ ၉ ရက်ည ရန်ကုန်မြို့မှာ အောင်မြင်စွာ ကျင်းပ ပြီးစီး ခဲ့ပြီး ချင်းတိုင်းရင်းသား Ephraim Kyaw Oo မှ Winner ဆုကို ရရှိခဲ့ကြောင်းသိရသည်။

အခြားဆုတွေဖြစ်တဲ့ First Runner up ကို Nan Ni မှရရှိခဲ့ပြီး၊ Second Runner up ကိုချင်းတိုင်းရင်းသူ Hoihpi မှရရှိခဲ့ပါတယ်။

Myanmar Star က Winner ဆုငွေကျပ် သိန်း ၁ ထောင် ၊First Runner ဆု ကျပ်သိန်း ၄၀၀ နှင့် Second Runner ဆု ငွေကျပ် သိန်း ၁၀၀ အား ဆုရရှိသူများကို အသီးသီး ချီးမြှင့် ပေးအပ်ခဲ့ပါတယ်။

Myanmar Star Season 2 ရဲ့ Grand Final ပွဲကြီးကို ဧပြီလ ၁၀ ရက်နေ့မှာ ကျင်းပဖို့ ရည်ရွယ်ထားခဲ့တာဖြစ်ပေမယ့် ငလျင်ဘေး ကြောင့် Grand Final ပွဲကို ဒီက နေ့ည မေလ ၉ ရက်နေ့မှာ ပြောင်းရွှေ့ကျင်းပခဲ့တာဖြစ်ပါတယ်။

 

========================

 

📌📌 4/ မတူပီမြို့လည်မျိုချောင်းတွင် ဒေသခံလူငယ်တစ်ဦးရေနစ်သေဆုံး

 

The Matupi Times ၊ မေလ ၇ ၊ ၂၀၂၅

ချင်းပြည်နယ်တောင်ပိုင်း ၊ မတူပီမြို့ လည်မျိုချောင်းတွင် ဒေသခံလူငယ်တစ်ဦးယမန်နေ့ မေလ ၆၊၂၀၂၅ ရက်နေ့ နေ့လည် ၁:၃၀ အချိန်ခန့်၌ ရေနစ် သေဆုံးသွားကြောင်း သိရပါတယ်။

 

ရေနစ်သေဆုံးသူမှာ မောင်ထွီနန်း(အသက်-၁၈)နှစ်ဖြစ်ပြီးမတူပီမြို့လောင်ဗန်းရပ်ကွက်နေ အဘဦး ဘာလ်

ဒုန်း(Pa Bal Dueng) နှင့်ဒေါစန်တွတ်(Nu Cang Tuet) တို့၏သားဖြစ်ကြောင်းသိရပါတယ်။ မောင်နှမ(၄)ဦးရှိပြီး အကြီးဆုံးသားဖြစ်ပါတယ်။

 

ရေနစ်သေဆုံးမှုနှင့်ပတ်သက်ပြီး “ကျွန်တော်တို့က ဘုရားကျောင်းအတွက်ကျောက်အရင် တင်ကြတယ် ။အဲ့ ဒီ ကျောက်တွေမြို့ထဲအရင်သွားချတယ်။ ကားပြန်လာရင် သဲပြန်တင်ရမှာဆိုတော့ သဲတင်ဖို့ကျွန်တော်တို့ ချောင်းမှာဘဲသွားစောင့်ကြတာပေါ့။ စောင့်နေရင်းနဲ့ ရေဆော့ကြ၊ ရေကူးကြပေါ့ သူကရေနက်တဲ့ဖက်ကူးသွားရင်းနဲ့ အခုလိုရေနစ်သေသွားတာပါ။ ရေနစ်တဲ့အချိန်လည်း ကျနော်တို့အဖွဲ့ထဲမှာရေကောင်းကောင်းကူးနိုင်တဲ့သူမပါဘူး။ အဲ့ဒါကြောင့်ချောင်းမှာ ငါဖမ်းနေတဲ့သူတစ်ယောက်ကိုတွေ့လို့ အကူညီတောင်းပြီး သူ့ကိုအမြန်ဆယ်ယူနိုင်ခဲ့ပေမယ့် သူကအသက်မရှိတော့ဘူး။ “ လို့ ဖြစ်စဉ်သိရှိသူတစ်ဦးထံကသိရပါတယ်။

 

ရေနစ်သေဆုံးသူ မောင်-ထွီနန်းသည် ငယ်စဉ်ကတည်းကရန်ကုန်မြို့၊မိဘမဲ့ကျောင်းတခုတွင် နေထိုင်ကာ ပညာသင်ယူနေသူဖြစ်ပြီး မတူပီမြို့သို့ရောက်ရှိလာသည်မှာ တစ်လခန့်သာရှိသေးကြောင်းသိရသည်။

 

========================

 

📌📌 5/ မြန်မာဖိုက်တာ ဘရော်နီကာဟာ ပြိုင်ဖက်ထိုင်းဖိုက်တာကို အလဲထိုးနဲ့ အနိုင်ရ 

 

The Matupi Times မေ ၁၀၊၂၀၂၅ 

ထိုင်းနိုင်ငံ၊ဘန်ကောက်မြို့ မေလ ၉ ရက်နေ့ ညပိုင်းမှာ ပြုလုပ်ခဲ့တဲ့ ONELumpinee109 ပွဲစဉ်မှာ မြန်မာဖိုက်တာ ဘရော်နီကာက ထိုင်းဖိုက်တာ ဂျူနီယာဖဲတပ် ကို ဒုတိယချီမှာ အလဲထိုးနဲ့ အနိုင်ရခဲ့ကြောင်းသိရပါတယ်။

ဒီပွဲက One Championship မှာ ဘရော်နီကာရဲ့ ဒုတိယမြောက်ပွဲဖြစ်ပြီး သူ့ရဲ့ ပထမဆုံး One Championship ပွဲမှာ ချီလီဖိုက်တာ ဖရန်စစ္စကာဗီကာကို အမှတ်နဲ့ရှုံးခဲ့ပေမဲ့ ယခုပွဲမှာတေ့ာ ဂျူနီယာရဲ့ ၇ ပွဲဆက်နိုင်ခဲ့တဲ့ စံချိန်ကို ချိုးဖျက်ခဲ့တာဖြစ်ပါတယ်။ ဒီပွဲကိုန်ိုင်ခဲ့လို့ ‌ဘရော်နီကာက ဘောနပ် ထိုင်းဘတ် ၃ သိန်းခွဲ ရခဲ့တယ်လို့လည်းသိရပါတယ်။

#RadioNUGLocalNews

#SpringRevolution