05 Jul 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ ဇူလိုင်လ ( ၅ ) ရက်နေ့နောက်ဆုံးရပြည်တွင်းသတင်းများ

📌📌 ၁။ ရန်ကုန်မှ တာချီလိတ်သို့ ပြန်းသန်းလာတဲ့ လေယာဉ် ကိုယ်ထည်အချို့ပြုတ်ကျခဲ့။

 

ရန်ကုန်မှ တာချီလိတ်သို့ ပျံသန်းလာတဲ့ အဲသံလွင်လေကြောင်းလိုင်းက SP- 739 လေယာဉ်မှာ ညာဘက်အင်ဂျင်အောက်က အကာအချို့ ပြုတ်ကျခဲ့ပြီး အဲဒီလို  ပြုတ်ကျတာကို  တာချီလိတ်ရောက်မှသာ သိခဲ့ကြောင်း ခရီးသွားတွေကပြောပါတယ်။

ဇူလိုင်လ ၂ရက်၊ နံနက်ပိုင်းမှာ  ရန်ကုန် - တာချီလိတ် - မန္တလေးပျံသန်းမယ့် အဲသံလွင်လေကြောင်းလိုင်းဟာ တာချီလိတ်လေယာဉ်ကွင်းအတွင်း ဆင်းသက်မှသာ လေယာဉ်ကိုယ်ထည်အချို့ ပြုတ်ကျခဲ့ကြောင်း သိရတာဖြစ်ပြီး ခရီးသည်တွေ မသိခဲ့ရကြောင်း သတင်းရင်းမြစ်အချို့ထံမှ သိရပါတယ်။

အဲဒီဖြစ်စဉ်မှာ လေယာဉ်ထိန်းသိမ်းမှု ညံဖျင်းတာကြောင်း ဖြစ်ရတာလို့ သုံးသပ်ကြပြီး ခရီးသည်တွေ အသက်ဘေးအပေါ် အလေးမထားမှုကို ဝေဖန်မှုတွေရှိနေပါတယ်။

 

========================

 

📌📌 ၂။ UFC 317 ပြိုင်ပွဲမှာ မြန်မာဖိုက်တာ Joshua Van ပြိုင်ဘက်ကို အမှတ်နဲ့ အနိုင်ရ။

 

UFC 317 ပြိုင်ပွဲမှာ မြန်မာဖိုက်တာ ချင်းလူငယ် Joshua Vanဟာ ပြိုင်ဘက် အမေရိကန်ဖိုက်တာ Brandon Royvalကို ဒိုင်အမှတ်နဲ့ အနိုင်ရရှိသွားပါတယ်။

အဲဒီပွဲကို ပြီးခဲ့တဲ့လ ၂၉ရက်နေ့ မှာကျင်းပခဲ့ပြီး သုံးချီထိုးသတ်ရကာ သုံးချီလုံးအသာစီးနဲ့ Vanကထိုက်တန်စွာ အနိုင်ရရှိခဲ့တာပါ။

သူတို့နှစ်ဦးပွဲစဉ်မှာ နှစ်ဘက် ထိုးချက်ပေါင်း ၃၄၄ ကြိမ်အထိ ရှိခဲ့တာကြောင့် UFCက FIGHT OF THE NIGHT အဖြစ်သတ်မှတ်လိုက်ပါတယ်။

ဒီနိုင်ပွဲကြောင့် vanဟာ ကမ္ဘာ့ချန်ပီယံခါးပတ် စိန်ခေါ်ခွင့် ရရှိထားပြီး ဘရာဇီးနိုင်ငံသား လက်ရှိချန်ပီယံ Alexandre Pantoja နဲ့ ထိုးသတ်ရမှာ ဖြစ်ပါတယ်။

Vanဟာ အသက် ၂၃ နှစ် ၊ အရပ်အမြင့် ၅ ပေ ၅ လက်မရှိပြီး ပရော်ဖက်ရှင်နယ် ဖိုက်တာဘ၀ စုစုပေါင်း ၁၇ ပွဲ ထိုး ၁၄ ပွဲ နိုင် ၊ ၂ ပွဲ ရှုံး ရလာဒ် ပိုင်ဆိုင်ထားသူဖြစ်ပါတယ်။

 

========================

 

📌📌 ၃။ စစ်ကောင်စီရဲ့ တိုက်လေယာဉ်တစ်စင်း KNDF ပစ်ချ

 

စစ်ကောင်စီရဲ့ တိုက်လေယာဉ်တစ်စင်းကို ပစ်ချခဲ့ကြောင်း ကရင်နီအမျိုးသားကာကွယ်ရေးတပ်(KNDF) ဒုစစ်ဦးစီးချုပ် မာဝီက

ဓာတ်ပုံမှတ်တမ်း အထောက်အထားတွေနဲ့တကွ ဇူလိုင်လ ၃ရက်နေ့မှာ သူ့ရဲ့ ဖေ့စ်ဘွတ်လူမှုကွန်ရက်ကတဆင့် အသိပေးထားပါတယ်။

"အသိပေးရမှာ သေချာပြီမလို့ အသိပေးလိုက်သည်။ငှက်တစ်ကင် တပ်ရင်းတစ်ရင်း၊ ကရင်နီမှာဖြစ်သည်။

ကရင်နီစစ်သည်တွေရဲ့ လက်ချက်ဖြစ်သည်။"လို့ကရင်နီအမျိုးသားကာကွယ်ရေးတပ်(KNDF) ဒုစစ်ဦးစီးချုပ် မာဝီက အသိပေးထားပါတယ်။

စစ်ကောင်စီရဲ့ တိုက်လေယာဉ်တစ်စင်း ပစ်ချထားတာကို မာဝီက ဓာတ်ပုံမှတ်တမ်းတွေနဲ့တကွ အသိပေးထားပေမယ့် မည်သည့်အချိန်၊ မည်သူ့နေရာမှာ ပစ်ချထားတာကို ဖော်ပြထားတာမရှိပါဘူး။

စစ်ကောင်စီကလည်း ဇူလိုင် ၁ ရက်တုန်းက စစ်တပ်တိုက်လေယာဉ်တစ်စင်း ခရီးဝေးလေ့ကျင့်ပျံသန်းချိန်မှာ ရုတ်တရုက် ရေဒါကနေ အဆက်အသွယ်ပြတ် ပျောက်ဆုံးသွားကြောင်း ဇူလိုင် ၃ ရက်မှာ သတင်းထုတ်ပြန်ထားပါတယ်။

စစ်ကောင်စီရဲ့ ထုတ်ပြန်ချက်မှာ  သူတို့ရဲ့ တိုက်လေယာဉ်တစ်စီးဟာ နေပြည်တော်အရှေ့တောင်ဘက် ၁၃၀ ကီလိုမီတာအကွာမှာ ခရီးဝေးလေ့ကျင့်ပျံသန်းနေချိန် ရေဒါမှပျောက်ကွယ်ပြီး ဆက်သွယ်မှုပြတ်တောက်ခဲ့တာ ဖြစ်ကြောင်းဆိုပါတယ်။

#RadioNUGLocalNews

#SpringRevolution