26 Jul 2025 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၅ ဇူလိုင်လ ( ၂၆ ) ရက်နေ့နောက်ဆုံးရပြည်တွင်းသတင်းများ

📌📌 ၁။ ပလက်ဝမြို့နယ်၊ ဒေသ ၂ ဒိုင်ရ်ဒေသမှာ နေအိမ်တစ်လုံးမီးလောင်ပြာကျ။

 

ချင်းပြည်နယ်၊ ပလက်ဝမြို့နယ်၊ ဒေသ ၂  ဒိုင်ရ်ဒေသ၊ ကိုဖေရှေကျေးရွာက အသက် ၈၀ကျော် အဖွားအိုတစ်ယောက်ရဲ့ နေအိမ်ဟာ ဇူလိုင်လ ၂၁ရက်နေ့၊ ည၁၀ နာရီခွဲအချိန်မှာ မီးလောင်ပြာကျခဲ့တယ်လို့‌ ဒေသခံတွေဆီက သိရှိရပါတယ်။

ဒေသခံတစ်ဦးက “မနေ့ည ၁၁ နာရီထိုးခါးနီးမှာပေါ့၊ အသက် ၈၀ အရွယ် အဖွားတစ်ယောက်ရဲ့  နေအိမ် မထင်မှတ်ဘဲ မီးလောင်ကျွမ်းသွားခဲ့တယ်။  အိမ်ရှင်အဖွားက အသက်ကြီးတော့ အိမ်မှာမအိပ်ဘူးပေါ့။  အိမ်နီးချင်အိမ်ကို သွားအိပ်ခဲ့တယ်။ နောက်ပြီး ညချိန်မီးလောင်တာဖြစ်တဲ့အတွက် တအိမ်လုံး မီးလောင်ကျွမ်းနေပြီးမှဆိုတော့ ဘာကိုမှ ရလိုက်တာမရှိဘူး။ အဖွားကလည်း တော်တော်လေး ပူဆွေးသောကရောက်နေတယ်။ လူငယ်တွေက သူ့အတွက် အလှူငွေကောက်ခံပေးတာတွေလည်း လုပ်နေပါတယ်။” လို့ပြောပါတယ်။မီးလောင်ပြာကျခဲ့တဲ့ အဖွားအတွက် ကိုဖေရှေလူငယ်အသင်းမှ  အလှူငွေကောက်ခံပေးတာတွေ လုပ်ဆောင်ပေးနေကြတယ်လို့လည်း ဒေသခံတွေဆီကနေ တဆင့် သိရပါတယ်။

 

========================

 

📌📌 ၂။ ကမ္ဘောဒီးယားနဲ့တိုက်ပွဲ ထိုင်းအရပ်သား ၉ ယောက် သေ၊ ၁၄ ထက်မနည်း ဒဏ်ရာရ။

 

ထိုင်းနဲ့ ကမ္ဘောဒီးယားတို့အကြား ယနေ့နံနက်က စတင်ဖြစ်ပွားတဲ့ တိုက်ပွဲအတွင်း ၈ နှစ်အရွယ်ကလေးငယ်တယောက်အပါအဝင် ထိုင်းနိုင်ငံသား ၉ ယောက် သေဆုံးကာ ၁၄ ယောက် ထက်မနည်း ဒဏ်ရာရထားကြောင်း ထိုင်းအခြေစိုက် Khaosod သတင်းဌာနမှာ ဖောပြပါတယ်။ တိုက်ပွဲစတင်ပြီး ကမ္ဘောဒီးယားစစ်တပ်ရဲ့ BM-21 ဒုံးကျည်တွေနဲ့ ပစ်ခတ်မှုမှာ ဆိုင်စကက်ဒေသက PTT ဓာတ်ဆီဆိုင်ထိမှန်ကာ 7/11 စတိုးဆိုင် မီးကူးစက်လောင်ကျွမ်း၍ အရပ်သားသေဆုံးမှုအများဆုံးဖြစ်ပြီး Phnon Dong Rak ဆေးရုံလည်း ထိမှန်ပေါက်ကွဲမှု ဖြစ်ပွားခဲ့ကြောင်း သိရပါတယ်။တိုက်ပွဲတွေကြောင့် စူရင်၊ ဆိုင်စကက်နဲ့ ဘူရီရမ်တို့ရှိ စာသင်ကျောင်း ၅၈၂ ကျောင်းကို ပိတ်ထားခဲ့ရကြောင်း ထိုင်းသတင်းတွေက ဆိုပါတယ်။တိုက်ပွဲအတွင်း ကမ္ဘောဒီးယားက အတွဲလိုက်ဒုံးတွေနဲ့ တိုက်ခိုက်သလို ထိုင်းဘက်က F-16 တိုက်လေယာဉ်တွေ၊ လက်နက်ကြီးတွေနဲ့ တိုက်ခိုက်ခဲ့တဲ့အပြင် မြေပြင်မှာလည်း နှစ်ဖက်ရင်ဆိုင်တိုက်ပွဲ ဖြစ်ပွားနေပါတယ်။

 

========================

 

📌📌 ၃။ CDF - ကန်ပက်လက် တပ်ဖွဲ့ ဒိုင်ရ်ဒေသထဲ ကျူးကျော်ဝင်ရောက်လာမှု ပဋိပက္ခဖြစ်လာပါက သားစဉ်မြေးဆက် ၉ ဆက်တိုင် တာဝန်ယူဖြေရှင်းကြရမယ်လို့ ဒိုင်ရ်ဒေသ-၁ ပြည်သူ့အုပ်ချုပ်ရေးအဖွဲ့သတိပေး။

 

ချင်းညီနောင်အဖွဲ့ဝင် CDF - ကန်ပက်လက် က CDF-ဒိုင်ရ် တပ်ရင်း-၁ ထိန်းချုပ်နယ်မြေအတွင်း ကျူးကျော် ဝင်ရောက်မှု ကြောင့် ပဋိပက္ခတစ်စုံတစ်ရာဖြစ်ပေါ်လာပါက ချင်းအက်ဥပဒေ(ချင်းထုံးစံ)၊ ဒိုင်ရ်မျိုးနွယ်စုတွေကျင့်သုံးခဲ့တဲ့ သားစဉ် မြေးဆက် ၉ ဆက်တိုင် တာဝန်ယူဖြေရှင်းကြရမယ်လို့ ဒိုင်ရ်ဒေသ-၁ ပြည်သူ့အုပ်ချုပ်ရေးအဖွဲ့က ဇူလိုင်လ ၁၉ရက်နေ့မှာ သတိပေး လိုက်ပါတယ်။ ချင်းပြည် ဒိုင်ရ်ဒေသ-၁၊ CDF-ဒိုင်ရ် တပ်ရင်း-၁ ထိန်းချုပ်နယ်မြေအတွင်းမှာ CDF-ကန်ပက်လက် တပ်ဖွဲ့ဟာ ဇူလိုင် ၁၅ ရက်နေ့က ဝင်ရောက်လာတာကြောင့် ပြည်သူတွေ အထိတ်တလန့်ဖြစ်စေတဲ့အခြေအနေသို့ ရောက်ရှိခဲ့ရတယ်လို့ဆိုပါတယ်။ဒါကြောင့် ဒိုင်ရ်ဒေသ-၁ ပြည်သူတစ်ရပ်လုံးတည်ငြိမ်ရေးချမ်းရေးကို ရှေးရှုကာ CDF - ကန်ပက်လက် အနေနဲ့ စစ်ကြောင်း ထိုး ဝင်ရောက်တပ်စွဲတာကို အမြန်ဆုံးပြန်လည်ဆုတ်ခွါပေးဖို့ ဒိုင်ရ်ဒေသ-၁ ပြည်သူ့အုပ်ချုပ်ရေးအဖွဲ့က တောင်းဆို ပါတယ်။ ချင်းပြည် ဒိုင်ရ်ဒေသအတွင်း ဒိုင်ရ်ဒေသတခုလုံးပြန်လည်စုစည်းနိုင်ရေးအတွက် ဒိုင်ရ်ဒေသလုံးဆိုင်ရာပြည်သူ့ညီလာ ခံကြီးကို ၂၀၂၄ ခုနှစ်မေလ ၁၆ ရက်က ကျင်းပပြုလုပ်ခဲ့ပြီး ဒိုင်ရ်ဒေသပြည်သူတစ်ရပ်လုံးကို ကိုယ်စားပြုသော တော် လှန်ရေးကာလအတွင်း ဦးဆောင်မယ့် ဒိုင်ရ်ဒေသန္တရကောင်စီ (DRC) ကို အောင်မြင်စွာဖွဲ့စည်းခဲ့ပြီးဖြစ်တယ်လို့ ဆိုပါ တယ်။

#RadioNUGLocalNews

#SpringRevolution