01 Sep 2025 - (Ethnic language program-Matupi) by The Matupi Times

 

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ စက်တင်ဘာလ ( ၁ ) ရက်နေ့ ရပြည်တွင်းသတင်းများ

📌📌 1/ လုံခြုံရေးကြောင့် ပိတ်ထားသည့် မတူပီ - မင်းတပ် လမ်းပိုင်းပြန်ဖွင့်မည်ဟု MRO/CDF-Matupi ထုတ်ပြန်

 

The Matupi Times ၊ ဩဂုတ်လ ၂၇ ၊ ၂၀၂၅ 

ချင်းပြည်နယ်၊ မတူပီမြို့နယ်ရဲ့ လုံခြုံရေးအခြေအနေအရပိတ်ထားတဲ့ မတူပီ - မင်းတပ် လမ်းပိုင်းကို ဩဂုတ်လ ၂၈ ရက်နေ့ကစပြီး ပြန်ဖွင့်တော့မယ်လို့ (MRO/ Chin Defense Force - Matupi ) က ယနေ့တွင် သတင်းထုတ်ပြန်ပါတယ်။

အဆိုပါလမ်းပိုင်းကို လုံခြုံရေးအခြေ အနေကြောင့် သြဂုတ်လ (၆) ရက်နေ့ကစလု့ိ ကုန်သွယ်ရေးလမ်းတွေကို ခေတ္တပိတ်ခဲ့တာဖြစ်တယ်လို့သိရပါတယ္။ 

မတူပီ - မင်းတပ်လမ်းကို မနက်ဖြန်ကစလို့ သတ်မှတ်ချက်တွေ အတိုင်းပြန်လည်ဖွင့်လှစ်တော့မှာဖြစ်ပြီး မိုးရာသီ ကားလမ်းအခြေအနေကြောင့် ကားကြီးတွေ ဝင်/ထွက်သွားလာခြင်း မလုပ်ရန် ( FORLAND) နှင့်အထက် ယာဉ်ကြီးတွေ ခွင့်မပြုသေးဘဲ အိမ်စီးကား နှင့် ကာလေး( ယာဉ်သေး)များကိုသာ ြဖတ်သန်းခွင့်ပြုမည်ဖြစ်ကြောင်း၊ မတူပီဒေသအတွင်း ရောင်းချမယ့် ကုန်များကိုသာ ယာဉ်ကြီး ( FORLAND) များဖြင့် သယ်ဆောင်နိုင်ပြီး ကုန်စည်တွေ အားလုံး ကုန်စည်ခွန်ပေးဆောင်ရမည်ဖြစ်ကြောင်း ဖော်ပြပါတယ္။

MRO/CDF-Matupi ကထုတ်ပြန်ပြီးဖြစ်တဲ့ ကုန်သွယ်ရေး စည်းမျဉ်းတွေကိုလည်း လိုက်နာကြရန်နှင့် စည်းကမ်းဖောက်ဖျက်ပါကအရေးယူခံရမယ်လို့ MRO/CDF-Matupi က ထုတ်ပြန်ထားပါတယ်။

 

========================

 

📌📌 2/ ရန်ကုန်၊ပဲခူး စစ်ဆင်ရေးအတွက် အထူးတိုင်းစစ်ဌာနကို NUG ဖွဲ့စည်း ၊ မဟာမိတ်များနဲ့ လက်တွဲပြီး စစ်ရေး အရှိန်မြှင့်မည်ဟုဆို

 

The Matupi Times ၊ ဩဂုတ်လ ၂၈ ၊ ၂၀၂၅ ။

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေး တပ်မတော် (PDF)၊ အထူးတိုင်း စစ်ဌာနကိုဖွဲ့စည်းလိုက်ပြီး မဟာမိတ်တပ်ဖွဲ့များ နဲ့ လက်တွဲပြီး စစ်ရေး အရှိန်အဟုန် မြှင့်သွားမယ်လို့ ထုတ်ပြန်ပါတယ်။

အထူးတိုင်းစစ်ဌာနဟာ အမှတ် (၁) စစ်ဆင်ရေးနယ်မြေ အတွင်းရှိ တပ်ရင်းများ၊ ဗျူဟာများကို စနစ်တကျ စုဖွဲ့မှု ပြုလုပ်ပြီး PDF စစ်ရုံးချုပ်ရဲ့ တိုက်ရိုက်ကွပ်ကဲမှုဖြင့် အမှတ် (၁) စစ်ဒေသ စစ်ဆင်ရေးကွပ်ကဲမှု အောက်မှာရှိတဲ့ တိုင်းစစ်ဌာန ဖြစ်တယ်လို့ ဆိုပါတယ္။

အထူးတိုင်းစစ်ဌာန ဖွဲ့စည်းမှုဟာ ပဲခူး၊ရန်ကုန်စစ်ဆင်ရေးအတွက် အဓိက စုဖွဲ့ထားတာဖြစ်ကြောင်းသိရပြီးကရင်ပြည်နယ်၊ မွန်ပြည်နယ် အတွင်းမှာရှိတဲ့ MOD ကွပ်ကဲမှု အောက်က တပ်ရင်း၊ ဗျူဟာတွေ နဲ့ စုဖွဲ့ထားသလို လက်ရှိ ကရင်ပြည်နယ်၊ မွန်ပြည်နယ်နဲ့ ပဲခူးဘက်မှာ စစ်ရေးလှုပ်ရှားမှုတွေ ရှိနေတယ်လိုိ့သိရပါတယ္။

အထူးတိုင်းစစ်ဌာန အနေဖြင့် ကွပ်ကဲမှုအောက်က နည်းဗျူဟာများ၊ တပ်ရင်းများ၊ (ပ.က.ဖ) များ၊ ဒရုန်းလက်ရုံး တပ်ဖွဲ့များကို ဦးစီးကွပ်ကဲပြီး မဟာမိတ် EROs များ၊ LPDF များနဲ့အတူ စစ်ဆင်ရေးများ အရှိန်မြှင့် ဖော်ဆောင် သွားမယ်လို့ ဖော်ပြထားပါတယ်။

ဒါ့အပြင် တိုင်းစစ်ဌာန၏ ထုတ်ပြန်ကြေညာချက်များ၊ စစ်ဆင်ရေးဆောင်ရွက်ချက်များနှင့် တပ်ပိုင်းဆိုင်ရာ ကိစ္စရပ်များကို အထူးတိုင်းစစ်ဌာနဖေ့ဘုတ်စာမျက်နှာမှ ပြည်သူလူထုသို့ အချိန်နှင့်တပြေးညီ တရားဝင်ထုတ်ပြန်ပေးသွားမယ်လိုိ့ အသိပေးထားပါတယ်။

 

========================

 

📌📌 3/ မတူပီ-မင်းတပ်လမ်းတွင် မော်တော်ယာဉ်(၁)စီးတိမ်းမှောက်လို့၊ (၁)ဦးသေဆုံးပြီး ၊ (၁)ဦးဒဏ်ရာပြင်းထန်ရရှိ 

 

The Matupi Times ၊ ဩဂုတ် ၂၈ ၊ ၂၀၂၅ 

မတူပီ-မင်းတပ် လမ်းပိုင်းတွင် ယနေ့ ဩဂုတ်လ ၂၈ ရက်နေ့ နံနက်ပိုင်း၌ မော်တော်ယာဉ်တစ်စီးတိမ်းမှောက်လို့ ၁ ဦးပွဲချင်းပြီး သေဆုံးသွားကြောင်းသိရပါတယ္။ 

အဆိုပါမော်တော်ယာဉ်ဟာ မတူပီမြို့သို့ ယနေ့နံနက်ပိုင်းတွင် ထွက်ခွာသွားလာတာဖြစ်ပြီး မတူပီမြို့၊ ခြန်းပြန်းရွာဟောင်းအနီးတွင် တိမ်းမှောက်ခဲ့တာဖြစ်တယ်လို့သိရပါတယ္။ အဆိုပါမော်တော်ယာဉ်မှာ ကားပိုင်နှင့်ကားမောင်းသမား တို့(၂)ဦး လိုက်ပါလာကြောင်းသိရသည်။

"ခြန်းပြန်းရွာဟောင်းကနေအဆင်း လမ်းကွေ့တနေရာမှာ ကားမှောက်တာလို့သိရတယ်။ သူတို့ကားက(၂)စီးထွက်လာတာလို့ပြောတယ်။ နောက်ကား ဆက်လိုက်မလာလို့ ရှေ့ကားကပြန်လှည့်ပြီးတော့သွားကြည့်လို့ သူတို့ကားမှောက်မှန်းသိရတာတဲ့။ ယာဉ်မောင်းကတော့ ပွဲချင်းပီးဆုံးသွားပြီ ။ ကားပိုင်လည်း ဒဏ်ရာပြင်းထန်လို့စိုးရိမ်ရတယ်။ " လို့ နီးစပ်သူတစ်ဦးကပြောပါတယ္။

အဆိုပါမော်တော်ယာဉ်ဟာ ကုန်ပစ္စည်းများတင်ဆောင်လာတာဖြစ်ပြီး ကားတစ်စီးလုံးလမ်းအောက်ဘက်ထိုးကျသွားတာကြောင့် ကားပြန်ဆွဲယူနိုင်ခြင်းမရှိသေးကြောင်းသိရပါတယ္။ ကားတိမ်မှောက်မှုကြောင့် သေဆုံးသူနှင့်ဒဏ်ရာရရှိသူတွေဟာ ယောဒေသခံတွေဖြစ်တယ်လို့သိရပါတယ္။

 

========================

 

📌📌 4/ မင်းတပ်မြို့မှာ စကစတပ်ဖွဲ့မြေမြုပ်ဝှက်ထားသည့် လက်နက်များထပ်မံတွေ့ရှိ၊ 

 

The Matupi Times ၊ ဩဂုတ် ၂၉ ၊ ၂၀၂၅ ။

မင်းတပ်မြို့သိမ်းကာလအတွင်း ထွက်ပြေးသွားသည့် စစ်ကောင်စီတပ်ဖွဲ့ဝင်များ ဝှက်ထားသော လ၊က်နက်တွေကို ထပ်မံတွေ့ရှိခဲ့ပြီး ပြည်သူတွေက လာရောက်အပ်နှံ့ခဲ့တယ် လို့ CDF- Mindat က ဒီနေ့မှာ ထုတ်ပြန်ပါတယ်။ 

မင်းတပ်မြို့သိမ်းတိုက်ပွဲမှ ထွက်ပြေးသည့် အကြမ်းဖက်စစ်ကောင်စီတပ်ဖွဲ့၀င်များ မြေဖို့ဝှက်ထားခဲ့သော MA 1 (‌၃) လက်၊ ၄၀မမ ဗုံးသီး(၆)လုံး နှင့် အခြားလက်နက်ဆက်စပ်ပစ္စည်းများအား ပြည်သူများမှ စစ်ဦးစီးချုပ်ရုံးတွင် သွားရောက်အပ်နှံခဲ့ပြီး ဆုကြေး‌ငွေများ ချီးမြှင့်ခဲ့တယ်လို့ ဖော်ပြပါတယ္။

ပြီးခဲ့တဲ့ဩဂုတ်လ ၂၂ ရက်နေ့ နှင့် ဩဂုတ် ၂၄ ရက်နေ့တို့တွင်လည်း မင်းတပ်မြို့သိမ်းတိုက်ပွဲမှ ထွက်ပြေးတဲ့ စစ်ကောင်စီတပ်ဖွဲ့၀င်တွေ မြေဖို့ဝှက်ထားခဲ့တဲ့လက်နက်တွေကို ဒေသခံတွေက CDF-Mindat ထံသွားရောက်အပ်နှံခဲ့ကြပြီး ယခုဟာတတိယအကြိမ်မြောက်ဖြစ်ပါတယ္။

 

========================

 

📌📌 5/ အသက် (၁၈) နှစ်မပြည့်သူများအား စစ်မှုထမ်းခွင့်မပြုကြောင်း NUG ကာကွယ်ရေးဝန်ကြီးဌာန ထုတ်ပြန်

 

The Matupi Times ၊ ဩဂုတ် ၂၉ ၊ ၂၀၂၅

အမျိုးသားညီညွတ်ရေးအစိုးရ (NUG) ၏ ကာကွယ်ရေးဝန်ကြီးဌာနက အသက် ၁၈ နှစ်မပြည့်သေးသည့် ကလေးသူငယ်များအား ပြည်သူ့ကာကွယ်ရေးတပ်ဖွဲ့များတွင် စစ်မှုထမ်းဆောင်ခြင်းမှ တားမြစ်ကြောင်း ယနေ့ဩဂုတ်လ ၂၉ရက်နေ့တွင် ကြေညာချက်ထုတ်ပြန်ပါတယ်။

ထုတ်ပြန်ချက်တွင် စစ်အာဏာရှင်စနစ်ကြောင့် ဒေသကာကွယ်ရေးအဖွဲ့များတွင် လက်နက်ကိုင်ပါဝင်ခဲ့ရသည့် အသက်မပြည့်သေးသူများကို သတ်မှတ်စည်းမျဉ်းများနဲ့အညီစိစစ်၍ မိဘများထံ ပြန်လည်အပ်နှံရန်နှင့် ၎င်းတို့၏ ပညာရေးအခွင့်အလမ်းများ ရရှိစေရန် သက်ဆိုင်ရာအဖွဲ့အစည်းများနှင့် ပူးပေါင်းဆောင်ရွက်နေကြောင်း ဖော်ပြထားပါတယ်။

ထုတ်ပြန်အပိုဒ်(၂)မှာ ကာကွယ်ရေးဝန်ကြီးဌာန၏ ကွပ်ကဲမှုအောက်ရှိ ပြည်သူ့ကာကွယ်ရေးတပ်မတော် တပ်ရင်း/ တပ်ဖွဲ့များ ပြည်သူ့ကာကွ ယ်ရေးအဖွဲ့များတွ င်အသက်မပြည့်ကလေး ငယ်များပါဝင်မှုမရှိစေရန်အတွ က်လိုက် နာရ မ ည့် အ ချက်တွေကို လည်း ထည့်သွင်းဖော်ပြထားပါတယ။

ထုတ်ပြန်ကြေငြာထားတဲ့ လိုက်နာရမည့်အချက်တွေကို လိုက်နာနိုင်ရေးအတွက် လည်းကြပ်မတ်ဆောင်ရွက်လျ က်ရှိပြီး စစ်ဘက်ဆိုင်ရာဉပဒေနှင့်ထုံးတမ်းများကိုလိုက်နာရသူများသည် အဆိုပါကိစ္စရပ်များကို ဖောက်ဖျက်ကျူး

လွ န် ပါက စစ်ဘက်ဆိုင်ရာဉပဒေ၊ လုပ်ထုံးလုပ်နည်းများနဲ့အညီ စစ်ဆေးအရေးယူခံရမည်ဖြစ်ကြောင်း ဖော်ပြထားပါတယ္။

 

========================

 

📌📌 6/ မင်းတပ်မြို့နယ်တွင် (၄)နှစ်ကျော်ကာလအတွင်း လေကြောင်းတိုက်ခိုက်မှု အကြိမ် ၂၀၀ နီးပါးတိုက်ခိုက်ခဲ့ ကြောင်း မင်းတပ်-ပအဖ ထုတ်ပြန်၊ 

 

The Matupi Times ၊ ဩဂုတ် ၂၅၊ ၂၀၂၅

 

မင်းတပ်မြို့နယ်တွင် စစ်ကောင်စီအာဏာသိမ်းယူပြီးနောက် ၂၀၂၁ မေလမှ ၂၀၂၅ ဩဂုတ်လအထိ ၄ နှစ်ကျော်ကာလအတွင်း စစ်ကောင်စီက လေကြောင်းတိုက်ခိုက်မှု အကြိမ် ၂၀၀ နီးပါး တိုက်ခိုက်မှုပြုလုပ်ခဲ့ကြောင်း မင်းတပ်မြို့နယ် ပြည်သူ့အုပ်ချုပ်ရေးအဖွဲ့က ဩဂုတ် ၂၅၊ နေ့ မှာသတင်း ထု တ်ပြန်ပါတယ်။ 

 

စကစက ဖျက်အားပြင်း ဆင့်ကဲပေါက်ကွဲတဲ့ Cluster ဗုံးတွေအပါအဝင် ဗုံးအလုံးရေ ၃၀၀ ကျော် ကြဲချတိုက်ခိုက်ပြီးစကစရဲ လေကြောင်းတိုက်ခိုက်မှုကြောင့် ကလေးသူငယ်နဲ့ အမျိုးသမီးများအပါအဝင် အပြစ်မဲ့ပြည်သူ ၄၀ သေဆုံးခဲ့ရပြီး ၁၂၀ ဦးထက်မနည်း ထိခိုက်ဒဏ်ရာ ရရှိတယ်လို့ ထုတ်ပြန်ပါတယ်။

 

 

လေကြောင်းတိုက်ခိုက်မှုအတွင်း အရပ်သား ပြည်သူနေအိမ် ၁၇၂ လုံး၊ စာသင်ကျောင်း၊ ဆေးရုံ ဆေးခန်းစတဲ့ အစိုးရအဆောက်အအုံ ၄၀ ခု၊ ခရစ်ယာန်ဘုရားကျောင်း၊ ဘုန်းကြီးကျောင်း ဘာသာရေးအဆောက်အဦး ၁၈ ခု ထိခိုက်ပျက်စီးတယ်လို့ ထုတ်ပြန်ချက်မှာ ဖော်ပြပါတယ်။

 

မင်းတပ်မြို့နယ် ပြည်သူ့အုပ်ချုပ်ရေးအဖွဲ့ရဲ့ ဒီနေ့ ထုတ်ပြန်ချက်ထဲမှာ မင်းတပ်မြို့သိမ်းတို၊က်ပွဲဖြစ်ပွားခဲ့တဲ့ လေကြောင်းဗုံးကြဲခံရမှု ဖြစ်စဉ်တွေ ပါဝင်ခြင်းမရှိသေးဘူးလို့ ဆိုပါတယ်။

 

========================

 

📌📌 ၇/မလေးရှား TruBoxing ပြိုင်ပွဲမှာ ချင်းလူငယ်ဖိုက်တာ MT Timothy ဒိုင်အမှတ်ဖြင့်အနိုင်ရ

 

The Matupi Times ၊ ဩဂုတ် ၃၁ ၊ ၂၀၂၅ 

မလေးရှားနိုင်ငံ ၊ ကွာလာလမ်ပူ ၊ Heritage Valley မှာ ဒီကနေ့ဩဂုတ် ၃၁ ရက်နေ့မှာ ကျင်းပပြုလုပ်တဲ့ TruBoxing Volume 2 လက်ဝှေ့ပြိုင်ပွဲမှာ ချင်းလူငယ်ဖိုက်တာ MT Timothy က ဒိုင်အမှတ်နဲ့အနိုင်ရရှိခဲ့ကြောင်းသိရပါတယ္။

အဆိုပါ Boxing ပြိုင်ပွဲကို ဒီကနေ့ညပိုင်းမှာကျင်းပပြုလုပ်ခဲ့တာဖြစ်ပြီး ဝိတ်တန်း 55kg လက်ဝေှ့ပြိုင်ပွဲမှာ မတူ(ချင်း)လူငယ်ဖိုက်တာ MT Timothy ဟာ မလေးရှားနိုင်ငံသား Amir နဲ့ယှဉ်ပြိုင်ထိုးသတ်ခဲ့တာဖြစ်ပြီး ပွဲအပြီးမှာ ဒိုင်အမှတ်နဲ့အနိုင်ရရှိခဲ့တာလို့သိရပါတယ္။

#RadioNUGLocalNews

#SpringRevolution