06 Oct 2025 - (Ethnic language program-Matupi) by The Matupi Times ~ Newsletter by Radio NUG

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၅ အောက်တိုဘာလ ( ၆ ) ရက်နေ့ ရပြည်တွင်းသတင်းများ

📌📌 1/ ချင်းပြည်၊ ပလက်ဝမြို့ကို စစ်ကော်မရှင်ဗုံးကြဲလို့ အမျိုးသမီး ၂ ဦးသေ_ဆုံး၊ပြီး ၁၉ ဦးဒဏ်ရာရ

The Matupi Times ၊ စက်တင်ဘာလ ၂၉ ၊၂၀၂၅

အာရက္ခတပ်တော် (AA) ထိန်းချုပ်ထားတဲ့ ချင်းပြည်နယ်၊ ပလက်ဝမြို့ကို စစ်‌ေကာ်မရှင်တပ်က လေကြောင်းဗုံးကြဲတိုက်ခိုက်ခဲ့တာကြောင့် ဒေသခံပြည်သူ ၂ ဦး သေဆုံးခဲ့ပြီး ၁၉ ဦး ထိခိုက်ဒဏ်ရာရရှိခဲ့တယ်လို့ သိရပါတယ်။

ဒီကနေ့ စက်တင်ဘာ ၂၉ ရက် နေ့လည် ၁၂ နာရီခွဲဝန်းကျင်မှာ အကြမ်းဖက်စစ်ကောင်စီက ဂျက်ဖိုက်တာနဲ့ (၃) ကြိမ်တိုင်တိုင် ဗုံးကြဲတိုက်ခိုက်တာဖြစ်ပြီး ၁၂ နာရီ ၃၁ မိနစ်မှာ ပလက်ဝမြို့၊ ပြည်သူ့ဆေးရုံကို (၁)ကြိမ်၊ ၁၂ နာရီ ၃၆ မိနစ်မှာ "ဇော်"ဖုန်းဆိုင်ကို (၁)ကြိမ်၊ ၁၂ နာရီ ၄၀ မိနစ်မှာ "ဗိုလ်တဲ"ကိုတကြိမ် စုစုပေါင်း (၃)ကြိမ်တိုင်တိုင် ဗုံးကြဲတိုက်ခိုက်ခဲ့တာဖြစ်ကြောင်း ဒေသခံသတင်းတွေထံကသိရပါတယ်။

ဗုံးကြဲတိုက်ခိုက်မှုကြောင့် အသက် ၁၉ နှစ်နဲ့ ၄၂ နှစ်အရွယ် အမျိုးသမီး(၂)ဦးသေဆုံးခဲ့ရပြီး ထိခိုက်ဒဏ်ရာရသူ ၁၉ ဦးထဲမှာ အသက်အန္တရာယ်စိုးရိမ်ရတဲ့သူတွေလည်း ရှိနေကြောင်းသိရသည်။

ချင်းပြည်နယ်တောင်ပိုင်း၊ ပလက်ဝမြို့ကို အာရက္ခတပ်တော် ULA/ AA က သိမ်းပိုက်ထိန်းချုပ်ထားပြီး အုပ်ချုပ်ရေးယန္တရားများ ဖော်ဆောင်နေတာဖြစ်ပါတယ္။

စစ်ကော်မရှင်က ရွေးကောက်ပွဲကျင်းပမည့် မြို့နယ်များကို ထုတ်ပြန်ပြီးနောက် ၎င်းတို့လက်လွှတ်လိုက်ရသည့် AA ထိန်းချုပ်ထားသော နယ်မြေများကို ဗုံးကြဲတိုက်ခိုက်မှုများ ပိုမိုပြုလုပ်လာခြင်းဖြစ်သည်။

အကြမ်းဖက်စစ်တပ်၏ ဗုံးကြဲတိုက်ခိုက်မှုကြောင့် သေဆုံးသူနဲ့ ဒဏ်ရာရတဲ့လူနာတွေကို ULA/AA ရဲ့ပလက်ဝခရိုင်ပါတီကော်မတီက ဦးဆောင်ပြီး အောက်တိုဘာလ တစ်ရက်နေ့မှာ ငွေကျပ် ၂၀၃ သိန်းကို ကူညီထောက်ပံ့ပေးခဲ့ကြောင်း အာရက္ခတပ်တော်(AA) ထိန်းချုပ်ထားတဲ့ ပလက်ဝမြို့နယ်သတင်းတွေဖော်ပြတဲ့ We Love Paletwah Page

========================

📌📌 ၂/ချင်းပြည်၊ ဟားခါးမြို့တွင် မဲဆန္ဒရှင်စာရင်းများကို စစ်ကော်မရှင် ကပ်ထားကြေညာ

The Matupi Times ၊ အောက်တိုဘာလ ၁ ၊ ၂၀၂၅ ။

အာဏာသိမ်း စစ်ကောင်စီက လာမယ့်ဒီဇင်ဘာလမှာကျင်းပမယ့် ရွေးကောက်ပွဲအတွက် မဲဆန္ဒရှင်စာရင်းများကို နိုင်ငံတဝန်းရှိမြို့နယ်များတွင် ရွေးကောက်ပွဲကော်မရှင်က စတင်ကပ်ထားကြေငြာနေပြီလို့ စစ်ကော်မရှင်ကထုတ်ပြန်ပါတယ္။

ယမန်နေ့ စက်တင်ဘာလ ၃၀ ရက်နေ့မှာ ချင်းပြည်နယ်၊ ဟားခါးမြို့မှာလည်း ရွေးကောက်ပွဲအတွက် မဲဆန္ဒရှင်စာရင်းများကို ကပ်ထားကြေငြာနေပြီဖြစ်ပြီး မဲဆန္ဒရှင်် စာရင်းလာရောက်ကြည့်ရှုကြတဲ့ မှတ်တမ်းဓာတ်ပုံကို စစ်ကော်မရှင်က သတင်းတပုဒ်မှာ ဖော်ပြလာပါတယ္။

၂၀၂၅ ခုနှစ် ဒီဇင်ဘာလ ၂၈ ရက်တွင် စတင်ကျင်းပမည့် အထွေထွေရွေးကောက်ပွဲအတွက် မဲစာရင်းများကို စက်တင်ဘာ ၃၀ ရက်နေ့မှ အောက်တိုဘာ ၁၃ ရက်နေ့အထိ (၁၄)ရက်ကြာ သက်ဆိုင်ရာ ရပ်ကွက်/ကျေးရွာအုပ်စု ကော်မရှင်အဖွဲ့ခွဲရုံးများနှင့် ကျေးရွာအုပ်စုအတွင်းရှိ ကျေးရွာများတွင် ပထမအကြိမ်အဖြစ် ကပ်ထားမယ်လို့သိရပြီး မဲဆန္ဒရှင်စာရင်းကို ၂၀၂၅ နိုဝင်ဘာလတွင် နောက်ဆုံးအကြိ်မ်ဖြစ်ကပ်ထားကြေငြာမယ်လို့သိရပါတယ္။

ဒါအပြင် ပြည့်စုံမှန်ကန်တဲ့ မဲဆန္ဒရှင်စာရင်း ရရှိဖို့အတွက် မဲဆန္ဒရှင် ပြည်သူတွေအနေနဲ့ အိမ်ထောင်စုတစုကို အနည်းဆုံး တယောက် (မပျက်မကွက်) လာရောက် ကြည့်ရှုကြဖို့နဲ့ ပူးပေါင်းကူညီ ဆောင်ရွက်ပေးကြဖို့ကိုလည်း UEC က မေတ္တာရပ်ခံထားပါတယ်။

အထွေထွေရွေးကောက်ပွဲအပိုင်း(၁)ကိုတော့ စစ်ကောင်စီထိန်းချုပ်ထားတဲ့ ဟားခါးနဲ့တီးတိန်မြို့နယ်မှာ ကျင်းပပြုလုပ်မည်ဖြစ်ကြောင်း စစ်ကော်မရှင်က ကြေငြာထားပြီး ချင်းပြည်နယ်ထဲက ပလက်ဝ၊ ကန်ပက်လက်၊ မင်းတပ် နှင့် မတူပီ မြို့နယ် တွေမှာ ရွေးကောက်ပွဲကျင်းပပြုလုပ်မှာ မဟုတ်ဘူးလို့ စစ်ကော်မရှင်ကထုတ်ပြန်ထားပါတယ္။

========================

📌📌 ၃/တီးတိန်မြို့မှ အကြမ်းဖက်စကစ တပ်ကြပ်(၁)ဦး နဲ့ တပ်သား(၁)ဦး လက်နက်တွေ နဲ့အတူ PDF-Zoland ထံ အလင်းဝင်

The Matupi Times ၊ အောက်တိုဘာ ၃၊၂၀၂၅ ။

ချင်းပြည်၊ တီးတိန်မြို့ ခြေလျင်တပ်ရင်း (အမှတ် ၂၆၉) ကာကွယ်ရေးတပ်မှ တပ်ကြပ်အဆင့်နဲ့တပ်သားအဆင့် တပ်ဖွဲ့ဝင် (၂) ဦးဟာ အောက်တိုဘာ ၁ ရက်က လက်နက်ခဲယမ်းတွေနဲ့အတူ အလင်းဝင်လာတယ်လို့ PDF Zoland က ထုတ်ပြန်ပါတယ်။

အလင်းဝင်လာသူ(၂)ဦးမှာ ညီ ညီ ရွှေ [တပ်ကြပ်] အသက်(၃၇)နှစ် နှင့် တပ်သား ခိုင်ချိုထူးအသက် (၂၂ နှစ်) တို့ဖြစ်ပြီး အောက်တိုဘာ ၁ရက်နေ့မှာ PDF Zoland သို့ အလင်းဝင်လာတာဖြ စ်တယ်လို့သိရပါတယ္။

အကြမ်းဖက်စစ်အုပ်စုရဲ့ ခြေလျင်တပ်ရင်း အမှတ် ၂၆၉ တပ်ကုန်းမှာ ကျန်ရှိနေသူတွေအားလုံး အလင်းဝင်လာဖို့ နောက်ဆုံးအကြိမ် ဖိတ်ခေါ်တယ်လို့လည်း ထုတ်ပြန်ထားပါတယ်။

========================

📌📌 ၄/မင်းတပ်မြို့ကို အကြမ်းဖက်စစ် ကောင်စီတပ်က ဗုံးကြဲတိုက်ခိုက်၊ ပြည်သူ(၃)ဦး ပြင်းထန်ဒဏ်ရာရရှိ

The Matupi Times ၊ အောက်တိုဘာလ ၄ ၊ ၂၀၂၅

ချင်းပြည်တောင်ပိုင်း ၊ မင်းတပ်မြို့ကို အကြမ်းဖက်စစ်တပ်က ဒီကနေ့ နံနက်စောပိုင်းတွင် ဗုံးကြဲတိုက်ခိုက်ခဲ့ပြီး နေအိမ်ထိခိုက်မှုနှင့်ဒဏ်ရာရရှိသူများ ရှိ ကြောင်းသိရပါတယ်။

အကြမ်းဖက်စစ်ကောင်စီတပ်က ယနေ့နံနက် ၁း၂၃ အချိန်နှင့် ၁း၃၄ အချိန်တို့တွင် မင်းတပ်မြို့၏နေရာ ၂ နေရာကို လေကြောင်းတိုက်ခိုက်မှုနှစ်ကြိမ်ပြုလုပ်ခဲ့တယ်လို့ CDF-MINDAT က ပြီးခဲ့တဲ့ နာရီပိုင်းမှာ သတင်း ထုတ်ပြန်ပါတယ်။

လေကြောင်းတိုက်ခိုက်မှုကြောင့် ပြည်သူနေအိမ်ထိခိုက်ပျက်စီးမှုများ ရှိခဲ့ပြီး ပြည်သူ(၃)ဥဦးပြင်းထန်စွာထိခိုက်ဒဏ်ရာရရှိခဲ့တယ်လို့ ထုတ်ပြန်ချက်အရသိရပါတယ်။

မင်းတပ်မြို့ အနောက်ရပ်ကွက်ရှိဟုန်းဟုန်းဟိုတယ်ကိုလည်း အကြောင်းမဲ့ လေကြောင်းဖြင့်ဗုံးကြဲတိုက်ခိုက်သွားတယ်လို့ HKL ကဖော်ပြပါတယ်။

ချင်းပြည်နယ်တောင်ပိုင်း မင်းတပ်၊ မတူပီ၊ ကန်ပက်လက် ၊ ပလက်ဝမြို့တို့တွင် ရွေးကောက်ပွဲပြုလုပ်မှာမဟုတ်ဘူးလို့ ကြေငြာပြီးနောက် မင်းတပ်၊ပလက်ဝမြို့ကိုစစ်တပ်က ဗုံးကြဲတိုက်ခ်ိုက်မှုပိုမိုပြုလုပ်လာတာဖြစ်ပါတယ်။

========================

📌📌 ၅/ဒိုင်ပွဲရပ်ဖြင့် မြန်မာဖိုက်တာ အောင်လ အနိင်ရရှိ

The Matupi Times ၊ အောက်တိုဘာလ ၄ ၊ ၂၀၂၅

အခုယှဉ်ပြိုင်ထိုးသတ်တဲ့ ONE Fight Night 36 ပွဲမှာ အောင်လအန်ဆန်းဟာ ဒိုင်ပွဲရပ်နဲ့နိုင်ရရှိသွားပါတယ္။

မြန်မာ့ဂုဏ်ဆောင်အောင်လအန်ဆန်းဟာ ဆွီဒင်ဖိုက်တာ Zebaztian နဲ့ ယှဉ်ပြိုင်ထိုးသတ်ခဲ့တာဖြစ်ပြီး ဒုတိယအချိီမှာဘဲ ပြိုင်ဘက်ကို အကောင်းဆုံးထိုးသတ်ပြီးအလဲထိူးကာ အနိုင်ရရှိခဲ့တာပါ။

ဒီပွဲအနိုင်ရလို့ သူ့ကို One Championship က ဆုငွေ ဒေါ်လာ ၅၀, ၀၀၀ ကို ဘောနပ်ပေးခဲ့ပါတယ်။

မြန်မာ့ဖိုက်တာ အောင်လအန်ဆန်းကတော့ နောက်ဆုံးပွဲမှာ နိုင်ပွဲနဲ့အတူ မြန်မာ့ဂုဏ်ဆောင်ပြီး ကစားသမားဘဝ အနားယူသွားတော့မှာဖြစ်ပါတယ္။

အောင်လရဲ့နောက်ဆုံးပွဲမှာ အောင်လရဲ့ပွဲဝင်သီချင်း"အမဲလိုက်အက" ကိုနိုင်ငံကျော်အဆိုတော် လေးဖြူကိုယ်တိုင် ကြိုဝိုင်းထဲထိ တက်ရောက်သီဆို ဂုဏ်ပြုပေးခဲ့တာလည်းဖြစ်ပါတယ္။ အောင်လဟာ ONE မှာပွဲပေါင်း ၂၅ ပွဲထိုးသတ်ထားပြီး ၁၅ ပွဲနိုင် အနိုင်ရရှိအောင် စွမ်းဆောင်နိုင်ခဲ့သူဖြစ်ပါတယ်။

========================

📌📌 ၆/ဖိလစ်ပိုင်နိုင်ငံတွင် လှုပ်ခဲ့သော အင်အားပြင်းငလျင်ကြောင့် သေဆုံးသူ ၇၂ ဦးအထိရှိလာ

The Matupi Times ၊ အောက်တိုဘာလ ၂ ၊ ၂၀၂၅

ဖိလစ်ပိုင်အလယ်ပိုင်းတွင် လှုပ်ခဲ့သည့် အင်အားပြင်းမြေငလျင်ကြောင့် ယနေ့အောက်တိုဘာ ၂ ရက်ထိ သေဆုံးသူ စုစုပေါင်းသည် ၇၂ ဦးရှိလာခဲ့တယ်လို့ တာဝန်ရှိသူများက ပြောကြားသည်။

ပြင်းအား ၆ ဒသမ ၉ ရှိတဲ့ငလျင်ကြောင့် `စီဘူး (Cebu)´ မြို့ မြောက်ပိုင်းတွင် လူပေါင်း (၂၀,၀၀၀) ကျော် ဘေးလွတ်ရာသို့ ရွှေ့ပြောင်းခဲ့ရပြီး နှင့် လူပေါင်း (၃၀၀) ခန့် ဒဏ်ရာရရှိခဲ့တယ်လို့ သိရပါတယ်။

ဖိလစ်ပိုင်သမ္မတ ဖာဒီနန်မားကို့စ်ဂျူနီယာသည် ကြာသပတေးနေ့တွင် ဘိုဂိုမြို့သို့ သွားရောက်ခဲ့ပြီး ပျက်စီးသွားသော နေအိမ်များနှင့် အဆောက်အအုံများကို စစ်ဆေးကာ ကျန်ရစ်သူတွေနှင့်သေဆုံးသူမိသားစုဝင်တွေကို ငွေသားနှင့် ဆေးဘက်ဆိုင်ရာ အကူအညီများ ထောက်ပံ့ပေးအပ်ခဲ့တယ်လို့သိရပါတယ္။

လက်ရှိမှာ နောက်ထပ် ပျောက်ဆုံးနေသူများနဲ့ပတ်သက်ပြီး အကြောင်းကြားခြင်းမရှိ‌ေတာ့တာကြောင့် ရှာဖွေရေးနှင့် ကယ်ဆယ်ရေးလုပ်ငန်းများကို ရပ်ဆိုင်းထားကြောင်း သဘာဝဘေးအရာရှိများက ပြောကြားသည်။ ငလျင်လှုပ်ခတ်မှုကြောင့် စီဘူး၊ဘိုဂိုမြို့က အဆောက်အအုံ ၈၇ လုံး နှင့် အိမ်ခြေ ၆၀၀ နီးပါး ပျက်စီးခဲ့တယ်လို့ သိရပါတယ္။