29th JAN 2022 - (Ethnic language program-CHO_DAAI) by Radio NUG

📌(ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၂ ဇန်နဝါရီလ ၂၉ ရက်နေ့ ရပြည်တွင်းသတင်းများ

📌📌၁။ မတူပီ-မင်းတပ် လမ်းပိုင်း မိုင်တိုင် ၈၀ တွင် စစ်​ကောင်စီ ယာဥ်တန်းကို CDF မတူပီ ကြားဖြတ်တိုက်ခိုက် ၊ စစ်​ကောင်စီတပ်သား ၅ ဦး​​​သေ

မတူပီ-မင်းတပ် လမ်းမ အတိုင်း မတူပီတပ်စခန်းမှ စတင်ထွက်ခွာလာသော စစ်​ကောင်စီ ယာဉ်တန်းကို CDF Matupi မှ မိုင်တိုင် (၈၀) အရောက်တွင် ဇန်နဝါရီလ (၂၆) ရက်နေ့(ယမန်​​နေ့) မနက် ၉ နာရီခန့်က ပစ်ခတ် တိုက်ခိုက်ရာ (၅) ဦး သေဆုံး​ကြောင်းအတည်ပြု နိုင်ခဲ့ ပြီး ၁၀ ဦးထက်မနည်း ဒဏ်ရာရရှိခဲ့ ​ကြောင်း သိရသည်။

စစ်​ကောင်စီ ဘက်မှ လက်နက်ကြီးများရမ်းသမ်း ပစ်ခတ်ရာ အနီးအနားရှိ ကျေးရွာများသို့ ကျရောက်ပေါက်ကွဲခဲ့​​ကြောင်း သိရသည်။

ကျေးရွာနေ ပြည်သူများနှင့် CDF တပ်ဖွဲ့ဝင်များ အထိအခိုက် အကျအဆုံး မရှိ​ကြောင်း သိရသည်။ စစ်​ကောင်စီ ယာဉ်တန်းသည် မင်းတပ် မြို့နယ် မိုင်(၇၀) ကျော်သို့ ရောက်ရှိသွားပြီ ဖြစ်​ကြောင်း CDF မတူပီ သတင်းနှင့်ပြန်ကြားရေးဌာန က ယ​နေ့ နံနက်ပိုင်းတွင် သတင်းထုတ်ပြန်သည်။

📌📌၂။ မင်းတပ်မြို့နယ်အတွင်းရှိ NON-CDM ၀န်ထမ်းများနှင့် စပ်လျဉ်း၍ မင်းတပ်မြို့နယ် ပြည်သူ့ အုပ်ချုပ်ရေးအဖွဲ့၏ အသိပေးကြေငြာချက် ထုတ်ပြန်

မင်းတပ်မြို့နယ်အတွင်းရှိ NON-CDM ၀န်ထမ်းများနှင့်စပ်လျဉ်း၍ မင်းတပ် မြို့နယ် ပြည်သူ့ အုပ်ချုပ်ရေးအဖွဲ့၏ အသိပေးကြေငြာချက် ဇန်နဝါရီ ၂၆ ရက်စွဲဖြင့် ထုတ်ပြန်သည်။

မင်းတပ်မြို့နယ် အတွင်းရှိ NON-CDM ၀န်ထမ်းများ အ​နေဖြင့် အမြန်ဆုံး CDM ဝင်ရန် ၊ ဝင်​​ရောက်ပြီး​ပါက ကိုယ်​ရေးအချက်အလက်များကို ​၂ ပတ်အတွင်း သက်ဆိုင်ရာ​ ​ကျေးရွာအလိုက် ပြည်သူ့ အုပ်ချုပ်​ရေး အဖွဲ့အစည်းများ ထံ စာရင်း​ပေးသွင်းကြရန်၊ CDM ​ဆောင်ရွက်ခြင်း မရှိပါက ပြင်းထန်စွာ အ​ရေးယူ​ဆောင်ရွက်သွားမည်ဖြစ်​ကြောင်း သတင်းထုတ်ပြန်ချက်တွင် ပါရှိသည်။

စစ်​ကောင်စီ ၏ အာဏာသိမ်း မှု ဖြစ်စဥ်​နောက်ပိုင်းတွင် ပြန်လည်​ပေးဆပ်ရန်မလိုသည့် (NUG က ​ကြေညာထား​သော) နိုင်ငံ့ဝန်ထမ်း အတိုးမဲ့ ​ချေး​ငွေအား အတင်းအကျပ် ဖိအား​ပေး ​တောင်းခံခြင်းများ ၊ CDM ဝင်သည့် ပြည်သူ့ဝန်ထမ်းများ၏ ကိုယ်​ရေး အချက်အလက်များ စုစည်းပြီး စစ်​ကောင်စီသို့ သတင်း​ပေးပို့​နေမှု များအတွက် NON CDM ဝန်ထမ်းများ အ​နေဖြင့် အပြည့်အဝ တာဝန်ယူရမည် ဖြစ်​ကြောင်း ၎င်းထုတ်ပြန်ချက်တွင် ပါရှိသည်။

📌📌၃ ။ ချင်း​ဒေသပြည်သူ့ကာကွယ်ရေးတပ်​ပေါင်းစုအဖွဲ့နှင့် စစ်ကောင်စီ တို့ ၉ လအတွင်း တိုက်ပွဲ​ပေါင်း ၁၈၀ ​ကျော်ဖြစ်ပွား၊ စစ်ကောင်စီတပ်သား တစ်ထောင်ကျော်သေ

ချင်းပြည်နယ် ၉ မြို့နယ် ၊ မ​ကွေးတိုင်း နှင့် စစ်ကိုင်းတိုင်း တို့တွင် ချင်း​ဒေသ ပြည်သူ့ကာကွယ်ရေးတပ်​ပေါင်းစုအဖွဲ့ (Chinland Joint Defense Committee - CJDC) နှင့် စစ်ကောင်စီတပ် တို့ သည် ၂၀၂၁ ခုနှစ်ဧပြီလ မှ ဒီဇင်ဘာလအထိ ၉ လ​တာ ကာလအတွင်း တိုက်ပွဲ​ပေါင်း ၁၈၄ ကြိမ် ဖြစ်ပွားခဲ့ပြီး စစ်​ကောင်စီဘက်မှ တပ်သား​ပေါင်း ၁၀၂၉ ​ယောက် ​သေဆုံးခဲ့​ကြောင်း CJDC က ယ​နေ့ ဇန်နဝါရီ ၂၆ ၊ ၂၀၂၂ ရက်စွဲဖြင့် ထုတ်ပြန်သည်။

အဆိုပါ တိုက်ပွဲများအတွင်း ချင်း​ဒေသ ပြည်သူ့ကာကွယ်ရေးတပ်​ပေါင်းစုအဖွဲ့ (Chinland Joint Defense Force - CJDC) ဘက်မှ လည်း တပ်ဖွဲ့ဝင်​ပေါင်း ၅၀ ​ကျော်ကျဆုံးခဲ့​ကြောင်း ထုတ်ပြန်ချက်တွင်ပါရှိသည်။

၎င်းတိုက်ပွဲများ​ပေါင်း ၁၈၄ ထဲတွင် တိုက်ပွဲငယ်များ ကိုတော့ ထည့်သွင်းတွက်ချက်ထားခြင်းမရှိ​ကြောင်း သိရသည်။

၂၀၂၁ ခုနှစ် ဧပြီလ ၂၄ ရက်​နေ့မှ ဒီဇင်ဘာလ ၃၁ ရက်နေ့အထိဖြစ်ပွားခဲ့​သော တိုက်ပွဲများအတွင်း စစ်ကောင်စီတပ် သားများ၏ မတရား ညှင်းပန်း နှိပ်စက် သတ်ဖြတ်မှုကြောင့် အရပ်သားပြည်သူ ၂၇ ဦး သေဆုံးခဲ့ ​ကြောင်း CJDC ၏ထုတ်ပြန်ချ က်တွင် ​ဖော်ပြထားသည်။

ချင်းပြည်နယ်အတွင်း ထိ​တွေ့ တိုက်ပွဲများ စတင်ခဲ့ရာ မင်းတပ်မြို့နယ်၌ လည်း ၂၀၂၁ ဧပြီလ မှ ဒီဇင်ဘာလ အထိ ၉ လအတွင်းတိုက်ပွဲ​ပေါင်း ၆၀ ​ကျော်ရှိခဲ့ပြီး တိုက်ပွဲငယ်များနှင့် ​ပေါင်းလျှင် တိုက်ပွဲ​ပေါင်း ၁၀၀ ​ကျော်ထိ ရှိနိုင်​​ကြောင်း CDF မင်းတပ် တပ်ဖွဲ့ဝင်တစ်ဦးက ဆိုသည်။

📌📌၄ ။ မင်းတပ်မြို့တွင် စစ်​ကောင်စီ ပြုလုပ်မည့် ချင်းအမျိုးသား​နေ့၌ ပူး​ပေါင်းပါဝင်ခြင်း မပြုရန် မင်းတပ်မြို့နယ် ပြည်သူ့အုပ်ချုပ်​​ရေးအဖွဲ့ ​ကြေညာ

၂၀၂၂ ခုနှစ် ​ဖေ​ဖော်ဝါရီ ၂၀ ရက်​နေ့၌ ကျ​ရောက်မည့် ချင်းအမျိုးသား​နေ့ကို မင်းတပ်မြို့တွင် စစ်​ကောင်စီက ကျင်းပ မည်ဖြစ်​ကြောင်း သိရ သဖြင့် အဆိုပါ ကိစ္စနှင့် ပတ်သက်၍ မင်းတပ်မြို့နယ်အတွင်းရှိပြည်သူများ သိရှိ​စေရန် မင်းတပ်မြို့နယ် ပြည်သူ့အုပ်ချုပ်​​ရေးအဖွဲ့ က ယ​နေ့ ဇန်နဝါရီ ၂၇ ရက်​နေ့ ရက်စွဲ ဖြင့် ​ကြေညာချက်ထုတ်ပြန်သည်။

အဆိုပါ ​​ကြေညာချက်တွင် စစ်​​ကောင်စီ၏ အခမ်းအနား ၊ အစည်းအ​ဝေးများတွင် ပြည်သူများ ပါဝင်ပတ်သက်ခြင်း မပြုရန် ၊ ချင်းအမျိုးသား​နေ့တွင် နှစ်စဥ် ပြုလုပ်​နေကျ စစ်​ကြောင်းအလိုက် ချီတက် ဂုဏ်ပြုခြင်း တွင်မပါဝင်ကြရန် နှင့် မျိုးနွယ်စု ယဥ်​ကျေးမှု အဖွဲ့များ အ​နေဖြင့် စစ်​ကောင်စီနှင့် ပူး​ပေါင်းခြင်း မပြုလုပ်ရန် စသဖြင့် ပါရှိသည်။

စစ်​ကောင်စီ နှင့် ပူး​ပေါင်း ​ဆောင်ရွက်သူမှန်သမျှ သည် အမျိုးသား သစ္စာ​ဖောက်များနှင့် ​တော်လှန်​ရေး ရန်သူများ အဖြစ် သတ်မှတ်ပြီး အ​ရေးယူ​ဆောင်ရွက်သွားမည်ဖြစ်​ကြောင်း အဆို​ပါ ကြေညာချက်တွင် ပါရှိသည်။

📌📌၅ ။ ရက်ကြာတိုက်ပွဲတွင် ​ကျောက်ထု PDF မှ တပ်ဖွဲ့ဝင် ၃ ဦး ကျဆုံး

ဇန်နဝါရီ ၂၂ ရက်မှ ၂၅ ရက်နေ့ထိ ၄ ရက်ကြာ ကျောက်ထုဒေသတိုက်ပွဲအတွင်းတွင် စစ်အာရှင် ​တော်လှန်​ရေးတိုက်ပွဲဝင်ရင်း ​ကျောက်ထု PDF မှ ရဲဘော်ဗိုလ်စော၊ ရဲဘော်ဗိုလ်ရဲခေါင်နှင့် ရဲဘော်ဗိုလ်ပေတိုး တို့သုံးဦးသည် တိုင်းပြည်အတွက် အသက်ပေးလှူသွားခဲ့ကြ​ကြောင်း သိရသည်။

​ကျောက်ထု PDF အ​နေဖြင့် လွန်စွာဝမ်းနည်းကြေကွဲရကြောင်းနှင့် တော်လှန်ရေးတွင် ပိုမိုအားစိုက်ထုတ်ကာ တော်လှန်ရေးအောင်မြင်သည်အထိ ပါဝင်တိုက်ပွဲဝင်သွားပါမည့်အကြောင်း ကျောက်ထု PDF မှ ဇန်နဝါရီ ၂၈ ရက်​နေ့ ည​နေပိုင်းတွင် သတင်းထုတ်ပြန်သည်။

📌📌၆ ။ မီဇိုရမ်ပြည်နယ်တွင် ကျပ်သိန်း ၁၀၀ နှင့်အတူ ဖမ်းဆီးခံခဲ့ရသည့် မြန်မာနိုင်ငံသား ပြန်လွတ်

အိန္ဒိယနိုင်ငံ၊ မီဇိုရမ်ပြည်နယ်၊ ဆိုင်ဟားခရိုင်၊ ခိုင်ခီကျေးရွာတွင် မြန်မာနိုင်ငံသား တစ်ဉီးအား မြန်မာငွေ ကျပ်သိန်း ၁၀၀ နှင့် အတူ ဇန်နဝါရီလ ၂၆ ရက်နေ့တွင် အာသံရိုင်ဖယ်တပ်က ဖမ်းဆီးခဲ့ပြီးနောက် ပြန်လည်လွတ်မြောက်လာကြောင်း သိရသည်။

ဖမ်းဆီးခံရပြီးနောက် အာသံရိုင်ဖယ်တပ်တွင် စစ်ဆေးမေးမြန်း၍ လုံးလေမြို့ရှိ အကောက်ခွန်ရုံးသို့ ပို့ဆောင်ကာ ၎င်းအား အိန္ဒိယငွေ ရူပီး ၄၀၀ ပေး၍ယမန်နေ့ ဇန်နဝါရီလ ၂၇ ရက်တွင် ပြန်လွှတ် ပေးခဲ့ကြောင်း ဆိုသည်။

“ကျွန်တော့်ကို နိုင်ငံခြားက အမျိုးတွေကနေ တစ်ဆင့် နယ်စပ်မှာ ထွက်ပြေးနေရတဲ့ ဒုက္ခသည်တွေကို ကူညီဖို့ ငွေလှမ်းပို့တာကို သွားပေးရင်းနဲ့ အခုလို အဖမ်းခံရတာပါ” ဟု ပြန်လွတ်လာသူက ပြောသည်။

ဘာသာစကား အခက်အခဲနှင့် ဒေသမကျွမ်းကျင်မှုကြောင့် အခက်အခဲများ ကြုံတွေ့ခဲ့ရပြီး ဒေသခံတစ်ဦး၏ အကူအညီဖြင့် မြန်မာဒုက္ခသည်များအား ကူညီပေးနေသော အဖွဲ့အစည်း တစ်ခုတွင် လုံခြုံဘေးကင်းစွာ ရောက်ရှိနေပြီ ဖြစ်ကြောင်း ဆက်ပြောသည်။

“ကျွန်တော်တို့ တာဝန်ရှိသူများနဲ့ ညှိနှိုင်းပြီး အသိမ်းဆည်း ခံထားရတဲ့ ငွေနဲ့ ဆိုင်ကယ်တစ်စီး မိုဘိုင်းဖုန်းကို ပြန်ရအောင် ကြိုးစားနေပါတယ်” ဟု Myanmar Refugees Committee (Lunglei) အတွင်းရေးမှူး ဆလိုင်းချာလီ ကပြောသည်။

#RadioNUGLocalNews

#SpringRevolution