20th MAY 2022 - (Ethnic language program-CHO_KAANG) by Radio NUG

 

📌(ချင်း တိုင်းရင်းသား - Kaang ကာဏ်း ဘာသာစကား) ထုတ်လွှင့်မှု အစီအစဥ် ၂၀၂၂ မေလ ၂၀ ရက်နေ့နောက်ဆုံးရပြည်တွင်းသတင်းများ 

📌📌၁။  မင်းတပ်မြို့နယ်ပြည်သူ့အုပ်ချုပ်ရေး ညီလာခံ ၄ ရက်ကြာ ကျင်းပ၊ ကြားကာလ ပြည်သူ့အုပ်ချုပ်ရေးဥ​ပဒေ အတည်ပြုပြဌာန်း

မင်းတပ်မြို့နယ်စီမံခန့်ခွဲမှု ကော်မတီဝင်များ၊ ရွေးကောက်ခံအမတ်များ၊ တိုက်နယ်အုပ်ချုပ်ရေးမှူးများ၊ ဥပဒေပြုတိုက်နယ်ကိုယ်စားလှယ်များ တက်ရောက်ပါဝင်သည့် မြို့နယ်ပြည်သူ့အုပ်ချုပ်ရေးညီလာခံကို ၄ ရက်ကြာ ကျင်းပခဲ့ကြောင်း မင်းတပ်မြို့နယ်ပြည်သူ့အုပ်ချုပ်ရေးအဖွဲ့က ထုတ်ပြန်သည်။

၂၀၂၂ ခုနှစ် မေလ ၁၄ ရက်နေ့အထိ ကျင်းပခဲ့သော အဆိုပါအစည်းဝေးတွင် ကြားကာလ မင်းတပ်မြို့နယ်ပြည်သူ့အုပ်ချုပ်ရေး ဥပဒေကို အတည်

ပြုပြဋ္ဌာန်းခဲ့ကြောင်း သိရှိရပါသည်။  

📌📌၂။ အမျိုးသားညီညွတ်ရေးအစိုးရ၊ မဟာမိတ်ဆက်ဆံရေးကော်မတီ နှင့် ရက္ခိုင်ပြည်သူ့အစိုးရ၊ ရက္ခိုင်အမျိုးသားအဖွဲ့ချုပ်တို့တွေ့ဆုံ

အမျိုးသားညီညွတ်ရေးအစိုးရ နိုင်ငံခြားရေးဝန်ကြီးဌာန ဒေါ်ဇင်မာအောင်၊ ဦးမင်းကိုနိုင်တို့ဦးဆောင်သော အမျိုးသားညီညွတ်ရေးအစိုးရ၊ မဟာမိတ်ဆက်ဆံရေးကော်မတီနှင့် ရက္ခိုင်အမျိုးသားအဖွဲ့ချုပ်၊ ဥက္ကဋ္ဌ ဗိုလ်ချုပ်ထွန်းမြတ်နိုင်၊ အထွေထွေအတွင်းရေးမှူး ဒေါက်တာ ညိုထွန်းအောင်တို့ ဦးဆောင်သည့် ရက္ခိုင်ပြည်သူ့အစိုးရတို့ ၂၀၂၂ မေလ ( ၁၆ ) ရက်နေ့ နံနက်ပိုင်းတွင် ၂ နာရီကြာ အွန်လိုင်းမှတဆင့် တွေ့ဆုံဆွေးနွေးခဲ့ကြသည်ဟု အမျိုးသားညီညွတ်ရေးအစိုးရ NUG ၏ ထုတ်ပြန်ချက်အရ သိရသည်။

အဆိုပါထုတ်ပြန်ချက်တွင် မြန်မာနိုင်ငံ၏ လက်ရှိဖြစ်ပျက်နေသော နိုင်ငံရေး အခြေအနေများ၊ တိုင်းပြည်၏ အခြေအနေများကို ရင်းနှီးပွင့်လင်းစွာ နှစ်ဖက် အပြန်အလှန်ဆွေးနွေးခဲ့ကြပြီး နှစ်ဖက်အကြား အမြင်ချင်းဖလှယ်ဆွေးနွေးခဲ့ကြကြောင်း ထို့အပြင် အမျိုးသားညီညွတ်ရေးအစိုးရဖက်က လက်ရှိလုပ်ဆောင်လျက်ရှိသော အခြေအနေများ၊ အခင်းအကျင်းများကို သက်ဆိုင်ရာ ဝန်ကြီးဌာနအလိုက် ဆွေးနွေးခဲ့ကြကြောင်း ဖော်ပြထားသည်။  

📌📌၃။ စစ်ကောင်စီလေတပ်က ထိုင်းမြန်မာနယ်စပ်ရှိ KNU စာလဲအထိုင်စခန်းကို လေယာဥ်ဖြင့် ဗုံးကြဲ

၂၀၂၂ ခုနှစ်၊ မေလ ၁၈ ရက်နေ့တွင် စစ်ကောင်စီလေတပ်က ကရင်ပြည်နယ် KNU အထိုင်စခန်းတစ်ခုဖြစ်သည့် စာလဲစခန်းကို တိုက်လေယာဥ်ဖြင့် ဗုံးကြဲတိုက်ခိုက်ခဲ့သည့်ကိစ္စ ထိုင်း မယ့်ဆေါ့်ဒ်မီဒီယာက ရေးသားဖော်ပြခဲ့ပါသည်။ 

အဆိုပါစာလဲစခန်းသည် ကရင်ပြည်နယ်၊ အုကေထနယ်မြေအတွင်းရှိပြီး “မင်ထားချိုင်း၊ ဖုတ်ဖရမြို့နယ်၊ တက်ခရိုင်/ပြည်နယ်” ထိုင်းနှင့် ၂ ကီလို

မီတာခန့်တာ ဝေးကွာသည်ဟုဆိုပါသည်။ 

📌📌၄။ မြန်မာ့အရေး ဆထက်တိုးဆောင်ရွက်ရန် ကန်-အာဆီယံ ပူးတွဲထုတ်ပြန်

ဧရာဝတီ

မြန်မာ့အရေး ငြိမ်းချမ်းစွာ အဖြေရှာရေး ဆထက်တိုး ပူးပေါင်းဆောင်ရွက်ကြရန် ဝါရှင်တန်တွင် ပထမဆုံးအကြိမ် ကျင်းပသော အမေရိကန်-အာဆီယံထိပ်သီးဆွေးနွေးပွဲမှ ပူးတွဲကြေညာချက် ထုတ်ပြန်ခဲ့သည်။ 

ခေါင်းဆောင်များသည် ဒေသတွင်း တည်ငြိမ်ငြိမ်းချမ်းရေးအပေါ် စိတ်ဆုံးဖြတ်ထားမှုကို ထပ်မံပြသခဲ့ကြပြီး မြန်မာနိုင်ငံတွင်း အကြမ်းဖက်မှုများ ချက်ချင်းရပ်တန့်ရန်နှင့် နိုင်ငံခြားသားများအပါ ဖမ်းဆီးထားသော နိုင်ငံရေးအကျဉ်းသားများ အားလုံး လွှတ်ပေးရန် တောင်းဆိုသည်။ 

ထုတ်ပြန်ကြေညာချက်တွင် မြန်မာပြည်သူများ၏ အကျိုးစီးပွားအတွက် ငြိမ်းချမ်းသော အဖြေတခုကို ရှာဖွေရန် အာဆီယံအသင်း ဥက္ကဋ္ဌ မြန်မာ

နိုင်ငံဆိုင်ရာ အထူးကိုယ်စားလှယ်၏ လုပ်ငန်းများမှတဆင့် အထူးသဖြင့် သက်ဆိုင်သူအားလုံးနှင့် အပြည့်အဝ ထိတွေ့ဆောင်ရွက်နိုင်ခြင်းဖြင့် ကိုယ့်ကိုယ်ကိုယ်ယုံကြည်မှုနှင့် အပြန်အလှန်ယုံကြည်မှုများအား တည်ဆောက်ရေး၊ ခွဲခြားကန့်သတ်မှု မရှိဘဲ အလိုအပ်ဆုံး မြန်မာပြည်သူများထံ လူသားချင်းစာနာမှု အထောက်အပံ့ပေးရေး အာဆီယံ၏ ကြိုးပမ်းချက်များကို အမေရိကန်က ဆက်လက်ထောက်ခံမည်ဟု ရေးသားထားသည်။ 

ပြီးခဲ့သည့်နှစ် ဧပြီလ ဂျကာတာတွင် ရယူထားသည့် ဘုံသဘောတူညီချက် ၅ ချက်အား အမြန်ဆုံး အကောင်အထည်ဖော်ရန်လည်း ပူးတွဲတိုက်တွန်းထားသည်။

📌📌၅။ စစ်အာဏာရှင်တော်လှန်ရေးစစ်ပွဲမှာ လက်နက်ကူညီဖို့ နိုင်ငံတကာကို NUG တောင်းဆို

ရုရှားကျူးကျော်တပ်ဖွဲ့တွေကို ခုခံတော်လှန်နေတဲ့ ယူကရိန်းနိုင်ငံသားတွေကို ကူညီထောက်ပံ့နေသလိုမျိုး - မြန်မာအာဏာသိမ်းစစ်တပ်ကို ဆန့်

ကျင်တော်လှန်နေတဲ့ တပ်ဖွဲ့တွေကိုလည်း လက်နက်တွေ ကူညီဖို့ နိုင်ငံတကာကို အမျိုးသားညီညွတ်ရေးအစိုးရ (NUG) က တောင်းဆိုလိုက်ပါတယ်။

နိုင်ငံတကာအသိုင်းအဝိုင်းအနေနဲ့ စိတ်ဓာတ်ရေးရာအရ ကူညီပံ့ပိုးပေးနေတာကို ကျေးဇူးတင်ကြောင်း၊ လက်နက်နဲ့ငွေကြေးလို ရုပ်ပိုင်းဆိုင်ရာ အကူညီတွေ ရမယ်ဆိုရင် ပိုပြီးတော့ ကျေးဇူးတင်မိမှာဖြစ်ပါတယ်လို့ NUG ကာကွယ်ရေးဝန်ကြီး ဦးရည်မွန်က ရိုက်တာသတင်းဋ္ဌာနကို စာနဲ့ ရေးသားပြောဆိုခဲ့တာဖြစ်ပါတယ်။

စစ်တပ်ကအာဏာသိမ်းပြီးတဲ့နောက်ပိုင်း ဖြစ်ပွားနေတဲ့ နိုင်ငံရေးပဋိပက္ခတွေကြောင့် အိုးအိမ်စွန့်ခွာထွက်ပြေးရတဲ့သူ ၅ သိန်း ၆ သောင်းကျော်ရှိပြီး

တိုင်းနဲ့ပြည်နယ်အနှံ့ ပြည်သူ့ကာကွယ်ရေးတပ်ရင်းတပ်ဖွဲ့များစွာရှိသောကြောင့် ဖက်ဒရယ် ဒီမိုကရေစီ ပြည်ထောင်စု တည်ဆောက်နိုင်ဖို့အတွက်ဆိုရင် စစ်အာဏာရှင်စနစ်ကို အရင်ဆုံး အမြစ်ဖြတ်ဖို့ လိုအပ်တယ်လို့ ပြောဆိုပါတယ်။  

ဒါကြောင့် ယူကရိန်းကို လက်နက်ကူညီပံ့ပိုးပေးသလိုမျိုး နိုင်ငံတကာအနေနဲ့ စစ်အာဏာရှင်ဆန့်ကျင်ရေး လုပ်ဆောင်နေသူတွေကို လက်နက်တွေကူ

ညီပေးဖို့ တောင်းဆိုခဲ့တာဖြစ်ပါတယ်။ NUG ကာကွယ်ရေးဝန်ကြီး ဦးရည်မွန်ရဲ့ တောင်းဆိုချက်ဟာ - နိုင်ငံရေးခြားရေးဝန်ကြီး ဒေါ်ဇင်မာအောင်နဲ့ အမေရိကန်ဒုတိယနိုင်ငံခြားရေးဝန်ကြီး Wendy Sherman နဲ့ မလေးရှားနိုင်ငံခြားရေးဝန်ကြီး Saifuddin Abdullah တို့ မကြာသေးခင်က တွေ့ဆုံခဲ့ပြီး ရက်ပိုင်းအတွင်းမှာပဲ ထွက်ပေါ်လာတာဖြစ်ပါတယ်။

#RadioNUGLocalNews

#SpringRevolution