3rd SEP 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ စက်တင်ဘာလ ( ၄ ) ရက်နေ့ ရပြည်တွင်းသတင်းများ 

📌📌 1.ပြည်သူများ မှ CNDF ထံစစ်သုံးဦးထုပ်များ လှူဒါန်း

 

The Matupi Times ဩဂုတ် ၂၅,၂၀၂၃

CNDF မှ လိုအပ်လျက်ရှိသည့် စစ်ရေးအသုံးဆောင်ပစ္စည်းများဖြစ်သော စစ်ဦးထုပ်နှင့် ကျည်ကာများအား ဩဂုတ်လ ၈ ရက်နေ့တွင် မိဘပြည်သူများထံ အကူအညီတောင်းခံခဲ့ရာ ယခုအခါ စစ်သုံးဦးထုပ် (၃၀)လုံးလက်ခံရရှိခဲ့ပြီဖြစ်ကြာင်းသိရသည်။

ထို့အပြင် လိုအပ်နေသေးသော စစ်သုံးဦးထုပ်များ နှင့် ကျည်ကာများကိုပါဝင်လှူဒါန်းပေးနိုင်ကြပါရန် CNDF မှပြည်သူများထံ ဆက်လက်အကူအညီတောင်းခံထားပါသည်။

 

========================

 

📌📌 2.Assam Rifles “Friendship Medical Camp”ဆေးအဖွဲ့မှ အိန္ဒိယ-မြန်မာနယ်စပ်ရှိ မြန်မာစစ်ဘေးရှောင်ပြည်သူများကိုအခမဲ့ ဆေးကုသပေး

 

The Matupi Times ဩဂုတ် ၂၅,၂၀၂၃

Assam Rifles မှ “Friendship Medical Camp”ဟုအမည်ပေးထားသည့်ဆေးအဖွဲ့သည် မြန်မာနိုင်ငံ စစ်ကိုင်းတိုင်းနှင့် နယ်နိမိတ်ချင်းထိစပ်နေသော အရူနာချယ်ပရာဒက်ရှ် ပြည်နယ် Changlang ခရိုင် Pangsau Pass အနီးတွင် ဗုဒ္ဓဟူးနေ့က အိန္ဒိယ-မြန်မာနယ်စပ်တစ်လျှောက်ရှိ မြန်မာစစ်ဘေးရှောင်ပြည်သူများ၏ ကျန်းမာရေးစစ်ဆေးမှုနှင့် ဆေးဝါးများကို အခမဲ့ ပြုလုပ်ပေးခဲ့ကြောင်းသိရသည်။

စစ်ဘေးရှောင်ပြည်သူများ၏ ဘက်တီးရီးယားနှင့် ဗိုင်းရပ်စ်ရောဂါများ ကာကွယ်ခြင်းဆိုင်ရာ အသိပညာပေးခြင်း ၊တစ်ကိုယ်ရေသန့်ရှင်းမှု၏အရေးပါသော အခန်းကဏ္ဍကို အလေးပေးပြုလုပ်ပေးခဲ့တယ်လို့သိရပါတယ်။

အဆိုပါအစီအစဉ်ကို Assam Rifles မှဒေသဆိုင်ရာ အာဏာပိုင်များနှင့် ပူးပေါင်း၍ အခမ်းအနားကို စီစဉ်ပေးခဲ့ပြီး 

“လိုအပ်နေတဲ့အချိန်တွေမှာ စည်းလုံးညီညွတ်မှုနဲ့ ကြင်နာမှုဟာ နိုင်ငံရေးနယ်နိမိတ်တွေကို ကျော်လွန်နိုင်တယ်” လို့ စီစဉ်သူများက အားပေးစကားပြောကြားပါတယ်။

မြန်မာနိုင်ငံ စစ်ကိုင်းတိုင်း ဒေသကြီးအတွင်းရှိ နယ်ပယ်အသီးသီးမှစစ်ဘေးရှောင် ကလေးငယ် ၇၃ ဦး၊ အမျိုးသား ၁၄၆ ဦးနှင့် အမျိုးသမီး ၁၃၇ ဦး စုစုပေါင်း (၃၅၆)ဦးတက်ရောက် ဆေးကုသမှုခံယူခဲ့ကြပြီး ဆေးအဖွဲ့မှလိုအပ်သော ဆေးဝါးများကိုလည်းအခမဲ့ကူညီထောက်ပံ့ပေးခဲ့ပါတယ်။

 

========================

 

📌📌 3.မတူပီမြို့နယ်၊ ဇိုတုန်ဒေသအတွင်းရှိ ပညာရေးဌာနများမှ Non-CDM ဝန်ထမ်းများအား CDM ဝင်ရမည့်နောက်ဆုံးရက်သတ်မှတ်ပေး

 

The Matupi Times ဩဂုတ်လ ၂၆,၂၀၂၃

မတူပီမြို့နယ်၊ ဇိုတုန်ဒေသအတွင်းရှိ စစ်ကောင်စီမှဖွင့်လှစ်ထားသောကျောင်းများတွင် တာဝန်ထမ်း ဆောင်လျက်ရှိသော ပညာရေးဌာနမှNon-CDM ဝန်ထမ်းများအတွက် CDM ဝင်ရမည့်နောက်ဆုံးရက် ကို Zotung Education Board ကသတ်မှတ်ပေးထားပြီး CDM ဝင်ရောက်လာသူများကိုလည်း အလင်းဝင်သူများအဖြစ်သာ လက်ခံသွား တော့မည်ဖြစ်ကြောင်းကို ဇူလိုင်လ ၂၂ ,၂၀၂၃ရက်နေ့မှာပြုလုပ်တဲ့ ZEB ညီလာခံမှာအတည်ပြုထားတယ်လို့ သိရပါတယ်။

ဇိုတုန်ဒေသအတွင်းရှိ ပညာရေးဌာနများတွင်ပညာထမ်းဆောင်လျက်ရှိသော Non-CDM ဝန်ထမ်းများအနေဖြင့် CDM(သို့မဟုတ်)အလင်းဝင်ရောက်လိုပါက မိမိ၏ကိုယ်ရေးမှတ်တမ်းအကျဉ်း၊ ပြည့်သူကျောင်း၏ထောက်ခံစာ၊ မိမိနေထိုင်ရာရှိ ပြည်သူ့အုပ်ချုပ်ရေးအဖွဲ့၏ထောက်ခံစာ၊ ပြည်သူ့ကာကွယ်ရေးအဖွဲ့၏ထောက်ခံစာ၊ ဝန်ခံကတိလက်မှတ် စသည့်ခိုင်လုံသည့်အထောက်အထားများနှင့်အတူ Zotung Education Board (ZEB)ရုံးသို့ စက်တင်ဘာလ ၁၅,၂၀၂၃ ရက်နေ့နောက်ဆုံးထား၍ အကြောင်းကြားရမည်ဖြစ်ကြောင်းထည့်သွင်းရေးသားထားပါတယ်။သတ်မှတ်ကာလာအတွင်း အချိန်မှီဆက်သွယ်ပြီးအလင်းဝင်ရောက်ခြင်းမရှိပါက လက်ခံသွားတော့မည် မဟုတ်ကြောင်းသိရသည်။

 

========================

 

📌📌 4.Zotung Fundraising USA မှ CDF-ZOTUNGထံ M16 သေနတ််(၃)လက်ပေးအပ် 

 

The Matupi Times ဩဂုတ် ၂၈,၂၀၂၃

Zotung Fundraising USA ဦးဆောင်မှုဖြင့် Lucky Draw ကံစမ်းမဲရံပုံငွေရောင်းချခြင်းမှရရှိသော ရံပုံငွေဖြင့် M16 သေနတ် (၃)လက်ကို CDF-Zotungထံ တာဝန်ရှိသူများမှတဆင့်ဝယ္ယူပေးအပ်ခဲ့ပြီး ဩဂုတ်လ ၂၈,၂၀၂၃ ရက်နေ့တွင် Chinland Defense Force-Zotung မှကောင်းမွန်စွာ လက်ခံရရှိပြီးဖြစ်ကြောင်းသိရသည်။ 

 

========================

 

📌📌 5. ထန်တလန်မြို့ Tilim Operation(03) တိုက်ပွဲတွင် စစ်ကောင်စီတပ်သား(၃၀)ဦးသေဆုံးပြီး ၊ ပြည်သူ့ကာကွယ်ရေးပူးပေါင်းတပ်ဖွဲ့မှ(၁၅)ဦးကျဆုံး

 

The Matupi Times ဩဂုတ် ၃၀,၂၀၂၃

ထန်တလန်မြို့တွင်းရှိ တပ်ကုန်းနှင့် အနီးပတ်ဝန်းကျင်၌နေရာယူထားသည့် စကစ စခန်း(၅)ခုအပြင် အခြားမြု့နယ္ရှိစကစတပ်စခန်း(၂)ခုနှင့် ဟားခါးထန်တလန်ကြားရှိ Auto Tower တောင်ကြားတို့ကို ပြည်သူ့ကာကွယ်ရေးပူးပေါင်းတပ်ဖွဲ့မှထိုးစစ်ဆင်တိုက်ခိုက်ခဲ့ရာ (၂)ရက်တာအတွင်း တိုက်ပွဲအပြင်းအထန်ဖြစ်ပွားခဲ့ကြောင်းသိရသည်။

တိုက်ပွဲအတွင်းတွင် စစ်ကောင်စီဘက်မှ တပ်သား (၃၀)ဦးသေဆုံးကာ (၅၀)ဝန်းကျင်ဒဏ်ရာရရှိခဲ့ပြီး စကစတပ်၏လက်နက်ခဲယမ်းအချို့ကိုလည်း ပြည်သူ့ကာကွယ်ရေးပူးပေါင်းတပ်ဖွဲ့မှသိမ်းဆည်းနိုင်ခဲ့တယ်လို့သိရပါတယ်။

ပြည်သူ့ကာကွယ်ရေးတပ်ပူးပေါင်းအဖွဲ့ CDF-ThanTlangမှ တပ်သား(၄)ဦး ၊CNAမှ (၅)ဦး၊ CDF-Hakhaမှ (၁)ဦး၊ CDF-Zophei မှ(၅)ဦး စုစုပေါင်း (၁၅)ဦးကျဆုံးသွားကြောင်း CDF-Thantlang မှယနေ့ ဩဂုတ်လ ၃၀,၂၀၂၃ ရက်နေ့တွင်သတင်းထုတ်ပြန်သည်။

 

========================

 

📌📌 6.စကစလက်အောက်တွင် ထိန်ချုပ်ထားသည့် မော်တော်ယာဉ်(၁)စီးကို CDF-Mindat မှသိမ်းဆည်း၊ မင်းတပ်မြို့ တွင်းတိုက်ပွဲတွင် စကစတပ်ဖွဲ့ဝင်(၂)ဦးသေဆုံး(Matupi version below) 

 

The Matupi Times ဩဂုတ် ၂၈,၂၀၂၃

မင်းတပ်မြို့စကစလက်အောက်တွင် ထိန်ချုပ်ထားသည့်မော်တော်ယာဉ်တစ်စီးကို ဩဂုတ်လ ၂၀,၂၀၂၃ ရက်နေ့တွင် CDF-Mindat ဘက်ကသိမ်းဆည်းနိုင်ခဲ့တယ်လို့သိရပါတယ်။

စကစလက်အောက်တွင် ထိန်ချုပ်ထားသည့် မော်တော်ယာဉ်ပျောက်ဆုံးပြီးနောက် စကစတပ်ဖွဲ့ဝင်များနှင့် CDF-Mindat တို့သည် ဩဂုတ်လ ၂၃ရက်နေ့တွင် မင်းတပ်မြို့ အရှေ့ပြင်ရပ်ကွက်၊ ဆက်သွယ်ရထိရုံးအနီး နှင့် ၂၆ ရက်နေ့၌ အရှေ့ပြင်တစ်နေရာ၌ ထိတွေ့တိုက်ပွဲဖြစ်ပွားခဲ့ရာ စကစတပ်ဖွဲ့ဝင်(၂)ဦး သေဆုံးပြီး (၇)ဦးဝန်းကျင်ဒဏ်ရာရရှိခဲ့သည်။

မော်တော်ယာဉ်(၁)စီးဆုံးရှုံး၍အထိနာနေသောစကစတပ်ဖွဲ့ဝင်များသည် မင်းတပ်မြို့ပေါ်ရှိဒေသခံပြည်သူ(၆)ဦးကိုစွပ်စွဲဖမ်းစီးခဲ့ကြောင်း CDF-Mindat ကထုတ်ပြန်ပါသည်။

 

#RadioNUGLocalNews

#SpringRevolution