18th NOV 2023 - (Ethnic language program-CHO_DAAI) by Radio NUG

📌 (ချင်း တိုင်းရင်းသား - Daai ဒိုင်ရ် ဘာသာစကား) ထုတ်လွှင့်မှု အစီအစဥ် ၂၀၂၃ နိုဝင်ဘာလ ( ၁၈ ) ရက်နေ့ နောက်ဆုံးရပြည်တွင်းသတင်းများ 

📌📌 ၁။ မတူပီမြို့နယ် ဝေးလူရွာ စစ်ကောင်စီဂျက်ဖိုက်တာ ဖြင့်ဗုံးကျဲတိုက်ခိုက်မှုတွင် ကလေး ၈ ဦးအပါအဝင် ပြည်သူ ၁၁ ဦးသေဆုံး

 

ချင်းပြည်နယ် ၊ မတူပီမြို့နယ်၊ ဝေးလူကျေးရွာ နိုဝင်ဘာ ၁၅ ည ၇ နာရီပတ်ဝန်းကျင် စစ်ကောင်စီ က တိုက်ပွဲဖြစ်ခြင်းမရှိပဲ ရည်ရွယ်ချက်ရှိရှိ ပြည်သူကိုပစ်မှတ်ထားတိုက်ခိုက်ရာတွင် ပြည်သူ ၁၁ ဦးသေဆုံးပြီး ကလေးငယ်များ ၈ ဦး အထိ သေဆုံးတယ်လို့သိရပါတယ်။စစ်ကောင်စီရဲ့ဗုံးကျဲတိုက်ခိုက်မှုကြောင့် ဝေလူးကျေးရွာအတွင်းရှိ လူနေအိမ် ၁၈ အိမ်ပျက်စီး ဆုံးရှုံးပြီး စာသင်ဆောင် ၂ ဆောင်နဲ့ ဘုရားကျောင်း ၂ ပျက်ဆီးဆုံးရှုံးတယ်လို့သိရပါတယ်။

ပညာရေး CDM ဆရာ ဦးဟာလောင်းဟာ ကလေးများ ညစာကျက်ဝိုင်းသင်ကြားပေးနေချိန် တွင် လေယာဉ်ဖြင့် ဗုံးကြဲခံရတာဖြစ်ပြီး၊ သေဆုံးသူများထဲတွင် ဦးအွမ်စာ (၆၅ နှစ်)၊ ဦးတဲ့မနား (၃၅ နှစ်) ၊ ဦးဟာလောင်း (၃၄ နှစ်)၊ မောင်ရှာမွေလ (၁၂ နှစ်)၊ မောင်ကီးနိန် (၉ နှစ်)၊ မောင်ညဏ်ဝင်းအောင် (၇ နှစ်)၊ မလီလီမိုး (၅ နှစ်)၊ မောင်ထန်းဟုန်း (၁၁ နှစ်)၊ မခိုင်ဇသင် (၁၁ နှစ်)၊ မဆန်းဆန်း (၇ နှစ်)နှင့် မောင်ဘွေကုန်း (၇ နှစ်) တို့ပါဝင်ပါတယ်။ 

နောက်ဆုံး ရရှိထားသော သတင်းများအရ ဒဏ်ရာ ရရှိသူပေါင်း အမျိုးသမီး ၄ ဦးရှိပြီး ထိုထဲတွင် ဒေါ်ခေးချဲန်း၊ ဒေါ်နှီးချောမ်၊ ဒေါ်ပါမ်ဆောမ်နှင့် မလဲန်ကွီတို့ပါဝင်ကြောင်း သတင်း ရရှိပါတယ်။ 

ဝေးလူရွာ ပျက်ဆီးဆုံးရှုံးမှုတွင် စာသင်ကျောင်းနဲ့ အနီးပတ်ဝန်းကျင်တွေကို ပိုပြီး ပျက်ဆီးဆုံးရှုံးတယ်လို့သိရပါတယ်။ လေကြောင်းတိုက်ခိုက်မှုကြောင့် ဒဏ်ရာ ပြင်းထန်စွာ ရရှိသူများလည်း ရှိပြီး သေဆုံးသူ ဦးရေလည်း တိုးလာနိုင်တယ်လို့ ဒေသခံတစ်ဦးက ပြောပါတယ်။ 

 

========================

 

📌📌 ၂။ အိန္ဒိယ - မြန်မာနယ်စပ်ရှိ စစ်ကောင်စီအထိုင်စခန်းကို သိမ်းယူ 

 

ချင်းပြည်၊ ဖလမ်းမြို့နယ်၊ ရိခေါဒါရ်မြို့ရှိ စစ်ကောင်စီအထိုင်ချစခန်းကို ချင်းအမျိုးသားတပ်မတော် (CNA) နဲ့ ပူးပေါင်း တပ်ဖွဲ့က သိမ်းပိုက်လိုက်ပြီလို့ သိရပါတယ်။

စစ်ကောင်စီလက်အောက်ခံ တပ်သားနဲ့ လ၊က်နက်တချို့ကို သိမ်းဆည်းရရှိထားပြီး တီအိုချောင်းအထိုင်ကုန်းကို ထပ်တို၊က်နေတယ်လို့ CNA ပြောခွင့်ရ ဆလိုင်းထက်နီက Myanmar Now သတင်းဌာနကို ဖြေကြားထားပါတယ်။

နယ်စပ် ရိခေါဒါရ်မြို့ အမှတ် ၁၊ ၂ ရပ်ကွက်ရှိ စစ်ကောင်စီအထိုင်စခန်းကို နိုဝင်ဘာ ၁၂ညပိုင်းက စတင်တိုက် ခိုက်ခဲ့တာဖြစ်ပြီး ၁၃ရက်မွန်းလွဲပိုင်းမှာ သိမ်းယူတာပါ။

ဒီစစ်ဆင်ရေးကို ချင်းအမျိုးသားတပ်မတော် (CNA)၊ CDF ဟွာငိုရမ်နဲ့ ထန်တလန် ဒရုန်းတပ်ဖွဲ့တို့ ပူးပေါင်း ဆောင်ရွက် ခဲ့တာလို့လည်း သိရပါတယ်။

ရိခေါဒါရ်မြို့ စခန်းသိမ်းတို၊က်ပွဲတွင်းမှာ စစ်ကောင်စီက လေကြောင်းပစ်ကူပေးနေသလို ၂ ဖက် ပ၊စ်ခတ်မှုကြောင့် အိန္ဒိယဘက်ခြမ်းကို စစ်ရှောင်တဲ့ အရပ်သား ၂ ဦး သေ၊ဆုံးရပြီး စစ်ကောင်စီပစ်တဲ့ လက်နက်ကြီးကျည်စထိမှန်လို့ ထိခိုက်ထားသူတွေ ရှိနေတယ်လို့ ဒေသခံတဦးက The Mindat Post ကို ပြောပါတယ်။

Opration 1027 စတင်ကြောင်း ကြေညာတဲ့ ၁၅ ရက်အကြာ အပ၊စ်ခတ်ရပ်နားထားတဲ့ ရခိုင်ပြည်အပါအဝင် ကချင်၊ ကရင်နီ (ကယား)၊ ကရင်၊ ချင်း၊ မွန်၊ ရှမ်းမြောက်ဒေသနဲ့ တိုင်းဒေသကြီးအချို့မှာ လ၊က်နက်ကိုင် တော်လှန်ရေး အင်အားစုတွေနဲ့ စစ်ကောင်စီတပ်ဖွဲ့အကြား တို၊က်ပွဲတွေ တပြိုင်တည်း ဖြစ်ပွားနေပါတယ်။

 

========================

 

📌📌 ၃။ ဖလမ်းမြို့နယ် သီးဘွာလ်စခန်းကို CNDF တိုက်ခိုက်သိမ်းပိုက်

 

ချင်းပြည်နယ်၊ ဖလမ်းမြို့နယ်အတွင်းမှာရှိတဲ့ သီးဘွာလ်(Tibual)စခန်းကို နိုဝင်ဘာလ ၁၅ ရက် မနက် ၄ နာရီခွဲ ဝန်းကျင်မှာ ချင်းအမျိုးသားကာကွယ်ရေးတပ်ဖွဲ့(CNDF) က တိုက်ခိုက်သိမ်းပိုက်ခဲ့တယ်လို့ သိရပါတယ်။၂ နာရီအကြာ တိုက်ပွဲ ဖြစ်ပွါးပြီးနောက် စစ်ကောင်စီအင်အား ၄၀ ဝန်းကျင်ရှိတဲ့သီးဘွာလ်စခန်းကို CNDF က အပြီးသိမ်းပိုက် ရရှိခဲ့တာ လည်းဖြစ်ပါတယ်။

“တစ်ချို့က ထွက်ပြေးကုန်တာ လက်နက်ချအညံ့ခံတာမျိုးတော့မရှိဘူး။ စစ်ကောင်စီဘက်က သေဆုံးအလောင်းတော့ ၂ ယောက်ရှိတယ်။ ကိုယ့်ဘက်က အထိခိုက်တော့ အခုထိမရှိသေးဘူး။ ထွက်ပြေးတဲ့တပ်သားတွေ နောက်လိုက် နေကြတုန်းပါ စခန်းကိုတော့ အပြီးသိမ်းလိုက်ပြီ” လို့ CNO/CNDFပြန်ကြားရေးတာဝန်ခံ ဆလိုင်းကျုံးငိုင်းက Zalen ကိုပြောပါတယ်။

သီးဘွာလ်စခန်းဟာ ဖမ်းလမ်းမြို့နှင့် မိုင် ၄၀ လောက်ကွာဝေးပြီး တိုက်ပွဲအတွင်း ၏ လက်နက်ငယ်/ကြီးတစ်ချို့၊ ၆၀မမကျည်၊ RPGကျည်၊ လက်နက်ငယ်ကျည်တော်တော်များများ သိမ်းဆည်းရမိခဲ့တယ်လို့ ကိုကျုံးငိုင်းက ဆက်ပြောထားပါတယ်။ သီးဘွာလ်စခန်းရှိ စကစ စစ်သားများဟာ ခုဆို ဖလမ်းမြို့ထဲကို အကုန်ပြောင်းနေကြပြီလို့ သိရပါတယ်။ 

အခုလို စခန်းသိမ်းတိုက်ပွဲတွေကြောင့် ကလေး-ဖလမ်းကားလမ်းပေါ်ရှိ ဗားရ်စခန်းက စစ်ကောင်စီတပ်သားတွေ  နေ့လည် ၁ နာရီတွင် ဖလမ်းမြို့တပ်ရင်းသို့ သွားရောက်ပူးပေါင်းကြတယ်လို့ သိရတယ်။ 

နိုဝင်ဘာ ၁၃ ရက်နေ့မှာလည်း ဖမ်းမြို့နယ်မှာရှိတဲ့ ရိဒ်ခေါဒါရ်မြို့မှာရှိတဲ့ တပ်စခန် တွေကို CNAနဲ့CDF ပူးပေါင်း တပ်ဖွဲ့များက သိမ်းပိုက်ရရှိထားပြီး ရိဒ်ခေါဒါရ်မြို့ကိုလည်း ထိန်းချုပ်ထားနိုင်ခဲ့တာလည်းဖြစ်ပါတယ်။

CNDF တပ်ဖွဲ့နဲ့ပူးပေါင်းတပ်ဖွဲ့တွေက ခမ်းပတ်၊ မြောက်စည်း၊ ဗားရ်၊ သီးဘွာလ်စခန်းတွေ သိမ်းပိုက်ခဲ့ပါတယ်။ 

#RadioNUGLocalNews

#SpringRevolution