19th NOV 2023 - (Ethnic language program-Matupi) by The Matupi Times

📌 (ချင်း တိုင်းရင်းသား - Matupi ) ထုတ်လွှင့်မှု အစီအစဥ် ၂၀၂၃ နိုဝင်ဘာလ ( ၁၉ ) ရက်နေ့ ရပြည်တွင်းသတင်းများ

📌📌 ၁။ UFC ချင်းဖိုက်တာ Joshua Van အနိုင်ရခဲ့ပေမယ့် ၊ ချန်ပီယံခါးပတ်နဲ့လွဲချော်ခဲ့ရတဲ့ ချင်းဖိုက်တာ Tial Thang

 

The Matupi Times နိုဝင်ဘာ 

ယနေ့ နိုဝင်ဘာလ နံနက် ၁၀:၃၀ ဝန်းကျင်က All In 4 Combat ခါးပတ်လုပွဲစဉ်အဖြင့် ယှဉ်ပြိုင်ထိုးသတ်ခဲ့ကြတဲ့ ချင်းဖိုက်တာ Tial Thang(The Dragon Leg) သည် ပြိုင်ဘက်အမေရိကန်နိုင်ငံသား Christ Ocon ကို ရံှုးနိမ့်ခဲ့တယ်လို့သိရပါတယ်။ 

 

ချင်းဖိုက်တာ Tial Thang သည် ပွဲစဉ်အတွင်းတွင် ပြိုင်ဘက် Christ Ocon ကို အကောင်းဆုံးကြိုးစားကစားခဲ့ပေမဲ့ ပြိုင်ဘက်ကအကောင်းဆုံးတုန့်ပြန်ခဲ့လို့ဒိုင်အမှတ်နဲ့ရှုံးနိမ့်ခဲ့တာကြောင့် ချန်ပီယံခါးပတ်နဲ့လွဲချော်ခဲ့ရပါတယ်။

ယနေ့နိုဝင်ဘာလမနက် အစောပိုင်းက ယှဉ်ပြိုင်ထိုးသတ်ခဲ့တဲ့ ချင်းဖိုက်တာ Joshua Van ကတော့ နောက်ထပ်နိုင်ပွဲတစ်ခုထပ်မံရရှိခဲ့ပေမယ့် ချင်းဖိုက်တာ Tial Thang ကတော့ All In 4 Combat ခါးပတ်လုပွဲစဉ်သစ်မှာ နောက်ထပ်ရှုံးပွဲကြုံတွေ့သွားခဲ့ပါတယ်။

 

========================

 

📌📌 ၂။ အိန္ဒိယဘက်ထွက်ပြေးလာတဲ့ စစ်ကောင်စီတပ်သား(၄၀)ကျော်ကို အိန္ဒိယစစ်တပ်ရဟတ်ယာဉ်နဲ့ခေါ်ထုတ် 

The Matupi Times နိုဝင်ဘာ ၁၄/၂၀၂၃

ယမန်နေ့ညက ရိခေါဒ်ရ်မှ အိန္ဒိယဘက်ကို လက်နက်ချထွက်ပြေးလာတဲ့ စစ်ကောင်စီတပ်သား(၄၀)ကျော်ကို ယနေ့နံနက်ပိုင်း(၉း၀၀)နာရီဝန်းကျင်က အိန္ဒိယစစ်တပ် ရဟတ်ယာဉ်နဲ့ခေါ်ထုတ်ကြတယ်လို့သိရပါတယ်။ 

ဒေသခံကာကွယ်ရေးပူးပေါင်းတပ်ရဲ့ စခန်းသိမ်းတိုက်ပွဲတွင် စစ်ကောင်စီတပ်သား ၃၉ ဦးသည် အိန္ဒိယဖက်သို့ထွက်ပြေးလာပြီး၊ ဒီနေ့မနက်ပိုင်းမှာ ၄ ယောက်ထပ်မံထွက်ပြေးလာကြပါတယ်လို့သိရပါ တယ်။ 

 

ထွက်ပြေးလာတဲ့ စစ်ကောင်စီတပ်သားတွေကို မီဇိုရမ်ပြည်နယ်၊ ကျင်ဖိုင်ခရိုင်၊ နှာ့လန်ကျေးရွာကနေ အိန္ဒိယစစ်တပ် ရဟတ်ယာဉ်နဲ့ ခေါ်ထုတ်ပြီး မဏိပူးရ်ပြည်နယ်ဘက် မှတဆင့်မြန်မာပြည် စကစထံသို့ ပြန်လည် လွှဲပြောင်းပေးပို့ခဲ့ ကြောင်းသိရသည်။

 

========================

 

📌📌 ၃။ ပလက်ဝမြို့နယ်ရှိစစ်ကောင်စီလက်အောက်ခံတပ်၊ ရဲနှင့် ဝန်ထမ်းများ အလင်းဝင်ရောက်ကြရန် CDF-Paletwa အသိပေး

 

The Matupi Times နိုဝင်ဘာ ၁၄/၂၀၂၃

ပလက်ဝမြို့နယ္အတွင်းရှိ စကစလက်အောက်တွင်တာဝန်ထမ်းဆောင်နေကြသည့် စကစတပ်ဖွဲ့များ ၊ ရဲနှင့် ဝန်ထမ်းများ အနေဖြင့် ပလက်ဝ ကိုယ်ပိုင်အုပ်ချုပ်သောခရိုင် ကောင်စီ၊ ချင်းလဲန်းကာကွယ်ရေးတပ်ဖွဲ့ (ပလက်ဝ) (CDF-Paletwa) လက်အောက်ခံ တပ်ရင်း၊ တပ်ဖွဲ့များနှင့် ဆက်သွယ်၍ဖြစ်စေ၊ မဟာမိတ်တော်လှန်ရေးအဖွဲ့အစည်းများ၏တပ်ရင်း၊ တပ်ဖွဲ့များနှင့်ဆက်သွယ်၍ဖြစ်စေ အလင်းဝင်ရောက်ပြီး ပြည်သူ့ရင်ခွင်ခိုလှုံကြဖို့နိုဝင်ဘာ ၁၄ ရက်နေ့က အသိပေးချက်ထုတ်ပြန်သည်။

 

========================

 

📌📌 ၄။ ဖလမ်းမြိုနယ် ရှိစကစတပ်စခန်းတစ်ခုကို CNDF မှ သိမ်းပိုက် 

 

The Matupi Times နိုဝင်ဘာလ ၁၅ ၊ ၂၀၂၃

ချင်းပြည်နယ်မြောက်ပိုင်း ၊ ဖလမ်းမြို့နယ်အတွင်းရှိ သီးဘွာလ် စစ်ကောင်စီတပ်စခန်းကို ယနေ့ (နိုဝင်ဘာ ၁၅ ရက်) နံနက်ပိုင်းကဒေသခံကာကွယ်ရေးတပ်ဖွဲ့တစ်ခုဖြစ်သည့် (CNDF) မှ သိမ်းပိုက်နိုင်ခဲ့ကြောင်းသိရပါတယ်။ 

သီးဘွာလ်စစ်ကောင်စီ တပ်စခန်းကို CNDF တော်လှန်ရေးတပ်တစ်ခုတည်းနဲ့ တိုက်ခိုက်သိမ်းပိုက်ခဲ့တာဖြစ် တယ်လို့သိရပါတယ်။ 

ဒေသခံကာကွယ်ရေးတပ်အနေဖြင့်စခန်းသိမ်းပိုက်နိုင်ခဲ့သလို တပ်စခန်းထဲကလက်နက်အများအပြားသိမ်းဆီးရမိခဲ့တယ်လို့ိသိရပါတယ်။

ချင်းပြည်နယ်အတွင်းတွင် စခန်းသိမ်းတိုက်ပွဲများဆက်တိုက်ဆင်နွှဲလာသလို ပထမဦးဆုံးအဖြစ် ရိဒ်ခေါ်ရ်ဒါရ်မြို့ကစကတပ်စခန်းကို နို၀င်ဘာလ ၁၃ ရက်နေ့ညနေပိုင်း၌ ဒေသခံကာကွယ်ရေးတပ်တွေကသိမ်းပိုက်နိုင်ခဲ့ပြီး အိန္ဒိယ-မြန်မာနယ်စပ်တံတားကိုလည်း ထိန်းချုပ်နိုင်ခဲ့ပါတယ်။

 

========================

 

📌📌 ၅။ ဝေလူးရွာလေကြောင်းတိုက်ခိုက်မှုတွင် ကလေးငယ်(၈)ဦးအပါဝင် (၁၁)ဦးသေဆုံး / ၄ဦးအပြင်းထန်ဒဏ်ရာရ

 

The Matupi Times နိုဝင်ဘာ ၁၆/၂၀၂၃

ချင်းပြည်နယ်တောာင်ပိုင်း ၊ မတူပီမြို့နယ် ဝေလူး ရွာကို စစ်ကောင်စီကလေကြောင်းဖြင့် နိုဝင်ဘာလ၁၅ ရက်နေ့ ည၇နာရီဝန်းကျင်တွင် ဂျက်ဖိုက်တာနှစ်စီးဖြင့် အကြောင်းမဲ့ဗုံးကြဲတိုက်ခိုက်ခဲ့တယ်လို့ ဒေသခံတစ်ဦးကပြောပါတယ်။

စကစ၏အကြောင်းမဲ့လေကြောင်းတိုက်ခိုက်မှုတွင် မွေးကင်းစကလေး(၃)လအရွယ်(၁)ဦးနှင့်ကလေး(၈)ဦးအပါဝင် အရပ်သားပြည်သူ (၁၁)ဦးသေဆုံးခဲ့ပြီး (၄)ဦးအပြင်းအထန် ဒဏ်ရာရရှိခဲ့တယ်လို့သိရပါတယ်။ 

 

ဗုံးကြဲတိုက်ခိုက်မှုကြောင့် ကျေးရွာအတွင်းရှိနေအိမ်(၃)လုံးပျက်စီးသွားပြီး ဒေသခံအရပ်သားပြည်သူ(၁၀)ဦးကျော်သေဆုံးပြီးတော့ ဒဏ်ရာအများအပြားရရှိခဲ့တယ်လို့သိရပါတယ်။

ခုဗုံးကြဲခံရသည့် ဝေလူးကျေးရွာသည် မတူပီမြို့မှမိုင် (၄၀)ခန့်အကွာတွင်တည်ရှိပြီး စကစအာဏာသိမ်းယူပြီးနောက် ယနေ့အချိန်ထိတိုက်ပွဲတစ်ကြိမ် တစ်ခါမျှဖြစ်ပွားခြင်းမရှိသော နယ်မြေဒေသဖြစ်ပါတယ်။

========================

 

📌📌 ၆။ အောင်ပွဲဆင်နွှဲခဲ့ကြသည့် CNA /CDF တို့ကိုဒေသခံပြည်သူများကကြိုဆိုဂုဏ်ပြု

 

The Matupi Times နိုဝင်ဘာလ ၁၅ /၂၀၂၃ ခုနှစ်၊

ဖလမ်းမြို့နယ်အတွင်းရှိ ရိဒ်ခေါဒါရ်စစ်စခန်းနဲ့ တီအိုချောင်းရှိ စစ်ကောင်စီတပ်စခန်း ၂ ခုကို အောင်မြင်စွာသိမ်းပိုက်နိုင်ခဲ့သည့် ချင်းတော်လှန်ရေးတပ်ဖွဲ့များဖြစ်တဲ့ CNA နဲ့ CDF-Hualngoramတို့ကို ဒေသခံအရပ်သားပြည်သူများမှ ယနေ့ညနေပိုင်းတွင် လှိုက်လှိုက်လှှဲလှဲ ကြိုဆိုဂုဏ် ပြုခဲ့ကြကြောင်းသိရသည်။

ယမန်နေ့နိုဝင်ဘာလ(၁၄)ရက်နေ့က အသွားအလာပိတ်ပင်ထားတဲ့ အမှတ်(၁)နဲ့အမှတ်(၂)နဲ့ ဆက်သွယ်ထားတဲ့လမ်းကြောင်းအားလုံးကို ယနေ့တွင် ပြန်လည်အသုံးပြုနိုင်ပြီြဖစ်ကြောင်း CDF Hualngoram ကသတင်းထုတ်ပြန်လာပါတယ်။

#RadioNUGLocalNews

#SpringRevolution